കേന്ദ്രീയ സിലബസ് അടിസ്ഥാനമാക്കിയുളള കേരളത്തിലെ സി.ബി.എസ്.സി, ഐ.സിഎസ്.സി,  നവോദയ, കേന്ദ്രീയ വിദ്യാലയങ്ങളിലെ കായിക താരങ്ങള്‍ക്കായി സംസ്ഥാന സ്‌പോര്‍ട്‌സ് കൗണ്‍സില്‍ സ്‌പോര്‍ട്‌സ് മീറ്റ് സംഘടിപ്പിക്കും.  അണ്ടര്‍ 14നും, അണ്ടര്‍ 17നും (ആണ്‍കുട്ടികള്‍ക്കും, പെണ്‍കുട്ടികള്‍ക്കും) രണ്ടു വിഭാഗമായി അത്‌ലറ്റിക്‌സ് മത്സരം നടത്തും.  സംസ്ഥാന മത്സരങ്ങള്‍ ജനുവരി 30, 31 തീയതികളില്‍ തിരുവനന്തപുരത്ത് നടത്താനാണ് തീരുമാനം.  ജനുവരി 20ന് മുമ്പായി ജില്ലാതല മത്സരങ്ങള്‍ നടക്കും.  ജില്ലയില്‍ നിന്ന് ഒന്നും, രണ്ടും സ്ഥാനങ്ങള്‍ നേടുന്നവര്‍ക്ക് സംസ്ഥാന മത്സരത്തില്‍ പങ്കെടുക്കാം.

 പി.എന്‍.എക്‌സ്.5299/17

എട്ട് ജില്ലകളിലെ 15 തദ്ദേശ സ്വയംഭരണ വാര്‍ഡുകളില്‍ വോട്ടര്‍ പട്ടികയിലെ ഉള്‍ക്കുറിപ്പുകള്‍ തിരുത്തുന്നതിനും പേര് ഉള്‍പ്പെടുത്തുന്നതിനും ഇന്ന്  (ഡിസംബര്‍ 13) കൂടെ അവസരമുണ്ടാവുമെന്ന്  സംസ്ഥാന തെരഞ്ഞെടുപ്പു കമ്മീഷന്‍ അറിയിച്ചു.  തിരുവനന്തപുരം, കൊല്ലം, കോട്ടയം, ഇടുക്കി, പാലക്കാട്, മലപ്പുറം ജില്ലകളിലെ 12 ഗ്രാമപഞ്ചായത്ത് വാര്‍ഡുകളിലും എറണാകുളം ഏലൂര്‍ നഗരസഭയിലെ പാറയ്ക്കല്‍ വാര്‍ഡിലും പൊന്നാനി നഗരസഭയിലെ അഴീക്കല്‍ വാര്‍ഡിലും കാസര്‍ഗോഡ് കാറഡുക്ക ബ്ലോക്ക് പഞ്ചായത്തിലെ ബേഡകം വാര്‍ഡിലുമുള്ള വോട്ടര്‍ പട്ടികയിലാണ് പേരുചേര്‍ക്കാവുന്നത്. 

    മാതൃ-ശിശു സംരക്ഷണം, കുടുംബ ക്ഷേമ-ഗര്‍ഭ നിയന്ത്രണ പ്രവര്‍ത്തനങ്ങള്‍, കൗമാര ആരോഗ്യം, മാനസികാരോഗ്യം, ആര്‍ത്തവ ശുചിത്വം തുടങ്ങിയ വിഷയങ്ങളുമായി ബന്ധപ്പെട്ട് ജനങ്ങള്‍ക്കിടയില്‍ അവബോധം സൃഷ്ടിക്കുന്നതിന് വിവിധ കലാരൂപങ്ങള്‍ അവതരിപ്പിക്കുന്നതിന് വ്യക്തികള്‍ക്കും സംഘടനകള്‍ക്കും അപേക്ഷിക്കാം. 

സംസ്ഥാന വിദ്യാഭ്യാസ ഗവേഷണ പരിശീലന കേന്ദ്രത്തില്‍ (എസ്.സി.ഇ.ആര്‍.ടി., കേരള) ആര്‍ട്ട് എഡ്യൂക്കേഷന്‍ , കെമിസ്ട്രി, ഹിസ്റ്ററി വിഷയങ്ങളില്‍ അസിസ്റ്റന്റ് പ്രൊഫസര്‍/റിസര്‍ച്ച് ഓഫീസര്‍ തസ്തികകളിലേയ്ക്ക് ഡെപ്യൂട്ടേഷന്‍ വ്യവസ്ഥയില്‍ നിയമിക്കുന്നതിന് സര്‍ക്കാര്‍ സ്‌കൂളുകള്‍, സര്‍ക്കാര്‍ അദ്ധ്യാപക പരിശീലന കേന്ദ്രങ്ങള്‍, സര്‍ക്കാര്‍ കോളേജുകള്‍, സര്‍ക്കാര്‍ ട്രെയിനിംഗ് കോളേജുകള്‍, യൂണിവേഴ്‌സിറ്റികള്‍ എന്നിവിടങ്ങളിലെ അദ്ധ്യാപകരില്‍ നിന്നും നിശ്ചിത മാതൃകയില്‍ അപേക്ഷ ക്ഷണിച്ചു.  അപേക്ഷകള്‍ വകുപ്പ് മേലധികാരികളുടെ എന്‍.ഒ.സി.

    ജില്ലാ ഇന്‍ഫര്‍മേഷന്‍ ഓഫീസിന്‍റെ ആഭിമുഖ്യത്തില്‍ ജില്ലാ മെഡിക്കല്‍ ഓഫീസുമായി സഹകരിച്ച് എഴുമറ്റൂര്‍ ജോസഫ് മെമ്മോറിയല്‍ പാരിഷ് ഹാളില്‍ ആരോഗ്യ ബോധവത്ക്കരണ സെമിനാറും പ്രദര്‍ശനവും നടത്തി. കോയിപ്രം ബ്ലോക്ക് പഞ്ചായത്തംഗം ജോണ്‍സണ്‍ മാത്യു സെമിനാര്‍ ഉദ്ഘാടനം ചെയ്തു. ഗ്രാമപഞ്ചായത്തംഗം സുരേഷ് അ

വ്യാപാര ക്ഷേമനിധി അംഗങ്ങള്‍ക്ക് പിഴയോടുകൂടി ജനുവരി 19 വരെ അംഗത്വം പുതുക്കാം.  ഒരു വര്‍ഷം മാത്രം മുടക്കമുള്ളവര്‍ക്ക് എ, ബി, സി, ഡി ക്ലാസുകളില്‍ യഥാക്രമം വാര്‍ഷികമായി അടയ്‌ക്കേണ്ട തുകയ്ക്ക് പുറമെ 200, 150, 100, 50 എന്നീ നിരക്കുകളില്‍ പിഴയടച്ച് പുതുക്കാം.  ഒന്നില്‍ കൂടുതല്‍ വര്‍ഷങ്ങളില്‍ മുടക്കമുള്ളവര്‍ക്ക് വാര്‍ഷികമായി അടയ്‌ക്കേണ്ട അത്രയും തുക തന്നെ പിഴയടച്ച് അംഗത്വം പുതുക്കാം.

 പി.എന്‍.എക്‌സ്.5296/17

ലൈഫ് മിഷന്‍ ഇലക്ട്രിക്കല്‍ എന്‍ജിനിയര്‍ തസ്തികയില്‍ കരാര്‍ വ്യവസ്ഥയില്‍ നിയമനം. ഇലക്ട്രിക്കല്‍ എന്‍ജിനീയറിങ്ങില്‍ അംഗീകൃത ബിരുദവും 10 വര്‍ഷത്തില്‍ കുറയാത്ത പ്രവൃത്തിപരിചയവും ഉണ്ടാവണം.  സര്‍ക്കാര്‍ സര്‍വീസില്‍ നിന്നും (പൊതുമരാമത്ത്, ഇലക്ട്രിക്കല്‍ ഇന്‍സ്‌പെക്റ്ററേറ്റ്, ഹൗസിങ് ബോര്‍ഡ്) അസിസ്റ്റന്റ് എക്‌സിക്യൂട്ടീവ് എന്‍ജിനിയര്‍/അസിസ്റ്റന്റ് എന്‍ജിനിയര്‍ തസ്തികയില്‍ നിന്നും വിരമിച്ചവര്‍ക്ക് അപേക്ഷിക്കാം.  കെട്ടിട നിര്‍മ്മാണ മേഖലയില്‍ പ്രവൃത്തിപരിചയമുണ്ടാവണം.  40,000 രൂപയാണ് പ്രതിമാസ വേതനം.