അജാനൂര്‍ കുടുംബശ്രീ സി ഡി എസ്സിന്റെ നേതൃത്വത്തില്‍ അന്നം അമൃതം എന്ന പേരില്‍ നാടന്‍ കുത്തരി വിപണിയിലിറക്കി. കുടുംബശ്രീ കാര്‍ഷീക വികസന പദ്ധതിയായ മഹിളാ കിസാന്‍ സശാക്തീകരണ പരിയോജനയുടെ ഭാഗമായാണ് അരി ബ്രാന്‍ഡിംഗ് ചെയ്തത്. സി ഡി എസ്സില്‍ രജിസ്റ്റര്‍ ചെയ്തു പ്രവര്‍ത്തിക്കുന്ന  66 മഹിളാ സംഘകൃഷി ഗ്രൂപ്പിന്റെ നേതൃത്വത്തിലാണ് 32 ഹെക്ടര്‍ സ്ഥലം കൃഷി ചെയ്തത്. നെല്ല് സി ഡി എസ്സിന്റെ നേതൃത്വത്തില്‍ സംഭരിച്ച് അരിയാക്കി.  രാസകീടനാശിനി പ്രയോഗങ്ങള്‍ ഒന്നും ഇല്ലാതെ സുരക്ഷിതമായ നാടന്‍ പച്ചരി, പുഴുക്കലരി, പ്രമേഹരോഗികള്‍ക്ക് പോലും ഉപയോഗിക്കാവുന്ന തവിടുകളയാത്ത അരിയും ലഭ്യമാണ്.

    ജില്ലയില്‍ സാമൂഹ്യദ്രോഹ പ്രവര്‍ത്തികളില്‍ ഏര്‍പ്പെട്ട ഏഴു പേരെ അറസ്റ്റ് ചെയ്തു. കോടതിയില്‍ ഹാജരാക്കിയ  ഇവരെ ജുഡീഷ്യല്‍ കസ്റ്റഡിയില്‍ റിമാന്‍ഡ് ചെയ്തു. ഇക്കഴിഞ്ഞ ആറിന് ജില്ലയില്‍ ചില സ്ഥലങ്ങളില്‍ വാഹനങ്ങള്‍ക്ക്  നേരെ കല്ലെറിഞ്ഞ സംഭവങ്ങള്‍ ഉണ്ടായിരുന്നു. ഇത്തരം സാമൂഹ്യ ദ്രോഹ പ്രവര്‍ത്തികളില്‍ ഏര്‍പ്പെട്ടവര്‍ക്കര്‍ക്കെതിരെ ക്രിമിനല്‍ കേസുകള്‍ റജിസ്റ്റര്‍ ചെയ്തിട്ടുണ്ട്. ഇതുമായി ബന്ധപ്പെട്ട് പോലീസ് നടത്തിയ പരിശോധനയിലാണ് ഏഴുപേര്‍ പിടിയിലായത്. 

കാക്കനാട്: വോട്ടര്‍ പട്ടിക പുതുക്കുന്നതുമായി ബന്ധപ്പെട്ട അവലോകന യോഗം തിരഞ്ഞെടുപ്പ് നിരീക്ഷക സാംസ്‌കാരിക വകുപ്പ് സെക്രട്ടറി റാണി ജോര്‍ജിന്റെ അധ്യക്ഷതയില്‍ കളക്ട്രേറ്റ് സ്പാര്‍ക്ക് ഹാളില്‍ ചേര്‍ന്നു. ബൂത്ത് ലെവല്‍ ഓഫീസര്‍മാരുടെ ഗൃഹസന്ദര്‍ശനം ഡിസംബര്‍ 15 നകം പൂര്‍ത്തീകരിക്കുമെന്ന് സെക്രട്ടറി അറിയിച്ചു. വോട്ടര്‍ പട്ടിക പുതുക്കുന്നതുമായി ബന്ധപ്പെട്ട് രാഷ്ട്രീയ പാര്‍ട്ടി പ്രതിനിധികളുടെ യോഗം സംഘടിപ്പിക്കണമെന്ന് തിരഞ്ഞെടുപ്പ് കമ്മീഷന്റെ നിര്‍ദേശിച്ചിരുന്നു.

കേരള മോട്ടോര്‍ തൊഴിലാളി ക്ഷേമനിധി ബോര്‍ഡിലേക്ക് അടയ്ക്കാനുള്ള ഉടമാവിഹിതം സൗത്ത് ഇന്ത്യന്‍ ബാങ്കിന്റെ സംസ്ഥാനത്തെ എല്ലാ ശാഖകള്‍ വഴിയും സ്വീകരിക്കും. ഈ സൗകര്യം എല്ലാ ഉടമകളും ഉപയോഗിക്കണമെന്ന് ജില്ലാ എക്‌സിക്യൂട്ടീവ് ഓഫിസര്‍ അറിയിച്ചു

    പത്തനംതിട്ട സിവില്‍ സ്റ്റേഷനില്‍ കരാര്‍ അടിസ്ഥാനത്തില്‍ ലിഫ്റ്റ് ഓപ്പറേറ്ററെ നിയമിക്കുന്നു. താത്പര്യമുള്ളവര്‍ യോഗ്യത, പ്രവൃത്തിപരിചയം എന്നിവ തെളിയിക്കുന്ന സര്‍ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകര്‍പ്പ് സഹിതം ഈ മാസം 31ന് മുമ്പ് കളക്ടറേറ്റി ല്‍ അപേക്ഷ നല്‍കണം.                                      (പിഎന്‍പി 3345/17)

കാക്കനാട്: രജിസ്‌ട്രേഷന്‍ വകുപ്പ് ഡിസംബര്‍ 23 ന് നടത്തുന്ന ആധാരമെഴുത്ത് ലൈസന്‍സിനുള്ള പരീക്ഷയ്ക്കായി സബ് രജിസ്ട്രാര്‍ ഓഫീസുകളില്‍ നിന്നു ലഭിച്ച ഹാള്‍ ടിക്കറ്റുകളില്‍ എറണാകുളം ജില്ലയില്‍ രജിസ്റ്റര്‍ നമ്പര്‍ 3341 മുതല്‍ 3627 വരെയുള്ള അപേക്ഷകരുടെ പരീക്ഷ കേന്ദ്രം ഗവ. ഗേള്‍സ് എച്ച്.എസ് തൃപ്പൂണിത്തുറ എന്നാണ് രേഖപ്പെടുത്തിയിട്ടുള്ളത്. ഇത് ഗവ. ഗേള്‍സ് ഹയര്‍ സെക്കന്‍ഡറി സ്‌കൂള്‍, തൃപ്പൂണിത്തുറ എന്ന് തിരുത്തി വായിക്കണമെന്ന് ജില്ല രജിസ്ട്രാര്‍ അറിയിച്ചു. 

ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റിന്‍റെ ആഭിമുഖ്യത്തില്‍ നാഷണല്‍ ഇന്‍സ്റ്റിറ്റ്യൂഷന്‍ ഓഫ് സ്പീച്ച് & ഹിയറിംഗ് (നിഷ്) ന്‍റെ സഹകരണത്തോടെ " സ്ട്രോക്കും അതിന്‍റെ പുനരധിവാസവും " എന്ന വിഷയത്തില്‍ രക്ഷിതാക്കള്‍ക്ക് വേണ്ടിയുള്ള ഓണ്‍ ലൈന്‍ ബോധവത്ക്കരണം ഈ മാസം 16ന് രാവിലെ 10 ന് ആറډുള കച്ചേരിപ്പടി മിനി സിവില്‍ സ്റ്റേഷനില്‍ പ്രവര്‍ത്തിക്കുന്ന ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റില്‍  നടക്കും. ആദ്യം പേര് രജിസ്റ്റര്‍ ചെയ്യുന്ന 20 പേര്‍ക്ക് പരിപാടിയില്‍ പങ്കെടുക്കാം. ഫോണ്‍: 0468 2319998. 
                                        (പിഎന്‍പി 3346/17)

    ഏനാദിമംഗലം ഗ്രാമപഞ്ചായത്തിലെ ഊര്‍ജിത കെട്ടിട നികുതി പിരിവ് നാളെ (15) മുതല്‍ 22 വരെ നടക്കും. 
    നാളെ പാറയ്ക്കല്‍ ജംഗ്ഷന്‍, ഉടയോന്‍മുറ്റം അങ്കണവാടി, 16ന് മങ്ങാട്, തിരുമങ്ങാട് ജംഗ്ഷന്‍, 18ന് മാരൂര്‍ ജംഗ്ഷന്‍, കുന്നിട, 19ന് ചാങ്കൂര്‍ ജംഗ്ഷന്‍, കടമാന്‍കുഴി, 20ന് പൂ തങ്കര കരയോഗ കെട്ടിടം, പുതുവല്‍ ജംഗ്ഷന്‍, 21ന് മൈനാമണ്‍ അങ്കണവാടി, വി.എച്ച്.എച്ച്.എസ് ഇളമണ്ണൂര്‍, 22ന് മാവിള ജംഗ്ഷന്‍, കൃഷിഭവന്‍ ഇളമണ്ണൂര്‍ എന്നിവിടങ്ങളില്‍ നികുതി പിരിവ് നടക്കും. കെട്ടിട നികുതി പിഴപലിശ ഒഴിവാക്കിയിട്ടുണ്ട്. ഓണ്‍ലൈനായി മേഃ.ഹഴെസലൃമഹമ.ഴീ്.ശി എന്ന ലിങ്ക് മുഖേന നികുതി അടയ്ക്കാം.

ഊര്‍ജ സംരക്ഷണ മാസമായി ആചരിച്ചു വരുന്നതിന്‍റെ ഭാഗമായി ഇന്ന് (14ന്) ജില്ലയിലെ എല്ലാ സര്‍ക്കാര്‍, പൊതുമേഖല/സ്വയംഭരണ സ്ഥാപനങ്ങളിലും വിദ്യാഭ്യാസ സ്ഥാപനങ്ങളിലും ഊര്‍ജ സംരക്ഷണ പ്രതിജ്ഞയെടുക്കണമെന്ന് ജില്ലാ കളക്ടര്‍ അറിയിച്ചു. ഓഫീസുകളില്‍ രാവിലെ 11നും വിദ്യാഭ്യാസ സ്ഥാപനങ്ങളില്‍ അസംബ്ലി സെഷനിലുമാണ് പ്രതിജ്ഞയെടുക്കേണ്ടത്.                                              (പിഎന്‍പി 3352/17)