കോഴിക്കോട്: കോവിഡ്-19 പ്രതിരോധ പ്രവര്‍ത്തനത്തിന്റെ ഭാഗമായി ജില്ലയില്‍ പുതുതായി 846  പേര്‍ ഉള്‍പ്പെടെ ആകെ 2697 പേര്‍ നിരീക്ഷണത്തിലുണ്ടെന്ന് ജില്ലാ മെഡിക്കല്‍ ഓഫീസര്‍ ഡോ. ജയശ്രി.വി അറിയിച്ചു.

ഐസൊലേന്‍ വാര്‍ഡില്‍ മെഡിക്കല്‍ കോളേജില്‍ നാലുപേരും ബീച്ച് ആശുപത്രിയില്‍ മൂന്നു പേരും ഉള്‍പ്പെടെ ആകെ ഏഴു പേര്‍ നിരീക്ഷണത്തിലാണ്. മെഡിക്കല്‍ കോളേജില്‍ നിന്ന് 14 പേരേയും ബീച്ച് ആശുപത്രിയില്‍ നിന്ന് ഒരാളെയും ഉള്‍പ്പെടെ 15 പേരെ ഇന്നലെ( മാര്‍ച്ച് 15) ഡിസ്ചാര്‍ജ്ജ് ചെയ്തു.

പങ്കാളിത്ത പെന്‍ഷന്‍ പുന:പരിശോധനാ സമിതി സര്‍വ്വീസ് സംഘടനകളുമായി മാര്‍ച്ച് 16 മുതല്‍ നടത്താന്‍ നിശ്ചയിച്ചിരുന്ന മീറ്റിംഗുകള്‍ കോവിഡ്- 19ന്റെ പശ്ചാത്തലത്തില്‍ മാറ്റിവച്ചു. പുതുക്കിയ തീയതികള്‍ പിന്നീട് അറിയിക്കുമെന്ന് സമിതി ചെയര്‍മാന്‍ അറിയിച്ചു.

ദേവികുളം ബ്ലോക്കിനു കീഴിലെ പഞ്ചായത്തുകളില്‍ പാലിയേറ്റീവ് രോഗികളുടെ ഭവന സന്ദര്‍ശനം നടത്തുന്നതിന് ഒരു വര്‍ഷത്തേക്ക്  ദിവസകൂലി അടിസ്ഥാനത്തില്‍ വാഹനം ഓടിക്കുന്നതിന്  ഉടമകളില്‍ നിന്ന് ക്വട്ടേഷന്‍ ക്ഷണിച്ചു.  ഉടമകള്‍ക്ക് വാഹന സംബന്ധമായ എല്ലാ രേഖകളുടെയും അസല്‍ പകര്‍പ്പുകളോടെ മാര്‍ച്ച് 25 ന് രാവിലെ 11 മണിവരെ ദേവികുളം സി.എച്ച്.സി യില്‍ ക്വട്ടേഷനുകള്‍ സമര്‍പ്പിക്കാം. കൂടുതല്‍ വിവരങ്ങള്‍ക്ക്    8281709259 എന്ന നമ്പരില്‍ വിളിക്കുക.

കൊറോണ വൈറസ് പടരുന്ന സാഹചര്യത്തിൽ ലീഗൽ മെട്രോളജി വകുപ്പ് കോഴിക്കോട് ജില്ലയിൽ മാർച്ച് 31 വരെ നടത്താനിരുന്ന എല്ലാ പുന:പരിശോധനാ ക്യാമ്പുകളും മാറ്റിവച്ചതായി അസിസ്റ്റന്റ് കൺട്രോളർ അറിയിച്ചു. പുതുക്കിയ തിയ്യതികൾ പിന്നീട് അറിയിക്കും.

.

കോവിഡ്- 19:

ഐ.ഐ.എം ബിരുദ ദാന ചടങ്ങ് മാറ്റിവച്ചു

ഏപ്രിൽ മൂന്ന്, നാല് തീയതികളിലായി നടത്താനിരുന്ന കോഴിക്കോട് ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്മെൻ്റ് 22- മത് വാർഷിക ബിരുദ ദാന ചടങ്ങ് മാറ്റിവച്ചതായി  ഡയരക്ടർ പ്രൊഫ. ദേബാശിഷ് ചാറ്റർജി അറിയിച്ചു. പുതുക്കിയ തീയതി പിന്നീട് അറിയിക്കും. കോവിഡ്- 19 പശ്ചാത്തലത്തിൽ കേന്ദ്ര ആരോഗ്യ മന്ത്രാലയത്തിൻ്റെ മാർഗനിർദേശങ്ങൾ മാനിച്ചാണ് ചടങ്ങ് മാറ്റി വച്ചത്. വിവിധ പ്രോഗ്രാമുകളിലായി 663 വിദ്യാർഥികൾക്കാണ് ബിരുദം നല്‍കാനിരുന്നത് .

കോഴിക്കോട് ജില്ലയിൽ പക്ഷിപ്പനി റിപ്പോർട്ട് ചെയ്യപ്പെട്ട സാഹചര്യത്തിൽ സ്ഥിതിഗതികൾ അവലോകനം ചെയ്യുന്നതിനായി ഇന്ന്‌ (16.03.20) രാവിലെ 10 മണിക്ക് വനം- മൃഗസംരക്ഷണ വകുപ്പ് മന്ത്രി കെ രാജുവിന്റെ അധ്യക്ഷതയിൽ കലക്ടറേറ്റ് കോൺഫറൻസ് ഹാളിൽ യോഗം ചേരും.

ഇടുക്കി ജില്ലാ ടൂറിസം പ്രൊമോഷന്‍ കൗണ്‍സിലിന്റെ നിയന്ത്രണത്തിലുള്ള താഴെപ്പറയുന്ന ടൂറിസ്റ്റ് കേന്ദ്രങ്ങള്‍ കൊറോണ ബാധയുടെ പശ്ചാത്തലത്തില്‍ ജില്ലാ കളക്ടറുടെ നിര്‍ദ്ദേശ പ്രകാരം താല്‍ക്കാലികമായി അടച്ചിട്ടു
മൂന്നാര്‍ ടൂറിസ്റ്റ് കേന്ദ്രത്തില്‍ നിന്നുള്ള സൈറ്റ് സീയിംഗ് ടൂര്‍, മാട്ടുപ്പെട്ടി ബോട്ടിംഗ് സെന്റര്‍, ബൊട്ടാണിക്കല്‍ ഗാര്‍ഡന്‍, മൂന്നാര്‍,  ശ്രീനാരായണപുരം ടൂറിസ്റ്റ് കേന്ദ്രം, മലങ്കര ടൂറിസ്റ്റ് ഹബ്ബ്,  ഇടുക്കി പാര്‍ക്ക്, ഹില്‍വ്യൂ പാര്‍ക്ക് വെള്ളാപ്പാറ, പാഞ്ചാലിമേട് ടൂറിസ്റ്റ് കേന്ദ്രം,  രാമക്കല്‍മേട് ടൂറിസ്റ്റ് സെന്റര്‍, ആമപ്പാറ, കൊളുക്കുമല.

കൊറോണ നിരീക്ഷണത്തിലുള്ളവർ  മറ്റുള്ളവരുമായി സമ്പർക്കം കൂടാതെ  വീട്ടിൽ തന്നെ കഴിയേണ്ടതാണെന്ന് ജില്ലാ കലക്ടര്‍ സാംബശിവ റാവു അഭ്യര്‍ത്ഥിച്ചു. യാതൊരു കാരണവശാലും  പുറത്തിറങ്ങാൻ പാടുള്ളതല്ല.  കുടുംബത്തിന്റെയും പൊതു സമൂഹത്തിന്റെയും നാടിൻ്റെയും സുരക്ഷയ്ക്ക്  ഇത് പ്രധാനമാണ്.  എന്നാൽ ഈ നിർദേശം ചിലർ  ഗൗരവത്തിൽ എടുക്കുന്നല്ലെന്നും ഇത് വൈറസ് പകരുന്നതിന്  കാരണമാകാൻ സാദ്ധ്യത ഉണ്ടെന്നും അദ്ദേഹം പറഞ്ഞു. ചെറിയൊരു അശ്രദ്ധ പോലും നാടിൻ്റെ സുരക്ഷയ്ക്ക് ഭീഷണി ആവുകയാണ്. ആയതിനാൽ നിർദ്ദേശം ലംഘിക്കുന്നവർക്കെതിരെ  നിയമനടപടികൾ സ്വീകരിക്കുമെന്നും കലക്ടര്‍ മുന്നറിയിപ്പ് നല്‍കി. 

കോവിഡ് 19  പ്രധാന പ്രതിരോധ പ്രവര്‍ത്തനങ്ങളുടെ ഭാഗമായി മുന്‍കരുതലുകളെ സംബന്ധിച്ച് മാസ്‌ക് വിതരണം ചെയ്തും കൈകഴുകല്‍ രീതി വിശദീകരിച്ചും കൊറോണ വൈറസ് വ്യാപനവും നിയന്ത്രണവും എങ്ങനെയെന്നതു സംബന്ധിച്ച് ക്ലാസ് നടത്തിയും കൊറോണ ബോധവത്കരണ  ക്യാമ്പയിന്‍ കട്ടപ്പനയില്‍ സംഘടിപ്പിച്ചു.  കട്ടപ്പന നഗരസഭ ആരോഗ്യ വിഭാഗവും മര്‍ച്ചന്റ് യൂത്ത് വിങ്ങും ചേര്‍ന്നാണ് കോവിഡ് 19 ബോധവത്ക്കരണ പരിപാടി സംഘടിപ്പിച്ചത്. കട്ടപ്പന പുതിയ ബസ് സ്റ്റാന്‍ഡില്‍ നടത്തിയ കൊറോണ ബോധവത്ക്കരണ കാമ്പയിന്‍ നഗരസഭ ചെയര്‍മാന്‍ ജോയി വെട്ടിക്കുഴി ഉദ്ഘാടനം ചെയ്തു.