കോവിഡ് 19 രോഗബാധയുടെ പശ്ചാത്തലത്തിൽ തൃശൂർ ജില്ലയിലെ എല്ലാ ലീഗൽ മെട്രോളജി ഓഫീസുകളിലും നടത്താനിരുന്ന പരിപാടികൾ മാറ്റി വെച്ചു. അളവ്തൂക്ക ഉപകരണങ്ങളുടെയും ഓട്ടോറിക്ഷ ഫെയർ മീറ്ററുകളുടെയും പുനപരിശോധന ക്യാമ്പുകൾ മാർച്ച് 31 വരെ നിർത്തി വെച്ചതായി അസിസ്റ്റന്റ് കൺട്രോളർ അറിയിച്ചു. കൂടുതൽ വിവരങ്ങൾക്ക് ജില്ലാ ലീഗൽ മെട്രോളജി ഓഫീസുമായി 0487 2363612, 2363615 ഈ നമ്പറുകളിൽ ബന്ധപ്പെടുക.

വെള്ളാങ്ങല്ലൂർ പഞ്ചായത്തിൽ വിദേശത്ത് നിന്നും വന്നവർ ഹെൽത്ത് ഇൻസ്പെക്ടറെ ഫോണിൽ നിർബന്ധമായി വിളിക്കുക. ആരോഗ്യകേന്ദ്രത്തിൽ നേരിട്ട് വരാൻ പാടുള്ളതല്ല. വിളിക്കേണ്ട ഫോൺനമ്പറുകൾ 9656830972, 9846750800.

കോവിഡ് 19 നെ ചെറുക്കാൻ ആരോഗ്യ പരിപാലന സന്നാഹങ്ങളുമായി പുന്നയൂർക്കുളം ഗ്രാമപഞ്ചായത്ത്. കൊറോണ വൈറസ് വ്യാപകമാകുന്നത് തടയുന്നതിനായി ജില്ലയിൽ പഞ്ചായത്തുകൾ കേന്ദ്രീകരിച്ച് പ്രതിരോധ പ്രവർത്തനങ്ങൾ ആരംഭിച്ചു. പഞ്ചായത്ത് പ്രസിഡന്റ് എ. ഡി ധനീപിന്റെ നേതൃത്വത്തിൽ ചേർന്ന യോഗത്തിൽ ജനങ്ങളുടെ സുരക്ഷ ഉറപ്പ് വരുത്തുന്നതിന് വേണ്ട മുൻകരുതലുകൾ എടുക്കാൻ കൗൺസിൽ തീരുമാനിച്ചു.

കോവിഡ് 19 മായി ബന്ധപ്പെട്ട് വ്യാജവാർത്തകൾ പ്രചരിപ്പിക്കുന്നവർക്കെതിരെ കർശന നടപടി സ്വീകരിക്കുമെന്ന് തദ്ദേശ സ്വയംഭരണ വകുപ്പ് മന്ത്രി എ.സി.മൊയ്തീൻ. കോവിഡ് 19 ജില്ലാതല അവലോകന യോഗത്തിനു ശേഷം മാധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം. രോഗ പ്രതിരോധത്തെക്കുറിച്ച് സംസ്ഥാന തലത്തിലും ജില്ലാ തലത്തിലും ഓദ്യോഗിക വാർത്താക്കുറിപ്പുകൾ സർക്കാർ തലത്തിൽ നൽകുന്നുണ്ട്. അവയിലെ വിവരങ്ങൾ മാത്രമേ നൽകാവൂ. വ്യാജവാർത്തകൾ പ്രചരിപ്പിക്കരുത്. വ്യാജവാർത്ത പ്രചരിപ്പിച്ചാൽ പോലീസ് നടപടിയുണ്ടാകും.

കോവിഡ് 19 വ്യാപനത്തിന്റെ പശ്ചാത്തലത്തിൽ പഞ്ചായത്തുകളും നഗരസഭകളും സമഗ്രമായ പ്രതിരോധ പ്രവർത്തനങ്ങൾ ആവിഷ്‌കരിച്ച് നടപ്പാക്കും. തൃശ്ശൂർ ആസൂത്രണ ഭവൻ ഹാളിൽ ചേർന്ന ജനപ്രതിനിധികളുടെയും ഉദ്യോഗസ്ഥരുടെയും ജില്ലാതലയോഗത്തിന്റേതാണ് ഈ തീരുമാനം. തദ്ദേശസ്വയംഭരണ വകുപ്പ് മന്ത്രി എ സി മൊയ്തീന്റെ അധ്യക്ഷതയിൽ ചേർന്ന യോഗം തദ്ദേശസ്ഥാപനങ്ങളുടെ തലത്തിൽ നടപ്പാക്കേണ്ട പ്രതിരോധ പ്രവർത്തനങ്ങൾക്ക് രൂപം നൽകി.

കോവിഡ് 19 രോഗബാധ ഉൾപ്പെടെ ചർച്ച ചെയ്യാൻ മാർച്ച് 16ന് മുഖ്യമന്ത്രി പിണറായി വിജയന്റെ അധ്യക്ഷതയിൽ തിരുവനന്തപുരത്ത് സർവകക്ഷിയോഗം ചേരും. വൈകിട്ട് നാലിന് മാസ്‌ക്കറ്റ് ഹോട്ടലിലാണ് യോഗം. സെൻസസ് സംബന്ധിച്ച വിഷയങ്ങൾ ചർച്ച ചെയ്യാനാണ് നേരത്തെ സർവകക്ഷിയോഗം വിളിച്ചിരുന്നത്. നിലവിലെ സാഹചര്യം കണക്കിലെടുത്താണ് കോവിഡ് 19 രോഗ ബാധ സംബന്ധിച്ച പ്രശ്നങ്ങളും യോഗത്തിൽ വിഷയമാക്കാൻ തീരുമാനിച്ചത്.
പി.എൻ.എക്സ്.1045/2020

* പുതുതായി രണ്ടുപേർക്ക് കൂടി രോഗബാധ
* സംസ്ഥാനത്ത് ആകെ രോഗം സ്ഥീരികരിച്ചത് 22 പേർക്ക്
സംസ്ഥാനത്ത് കോവിഡ് 19 രോഗം ബാധിച്ച് നിലവിൽ 19 പേർ ചികിത്സയിലുള്ളതായി മുഖ്യമന്ത്രി പിണറായി വിജയൻ അറിയിച്ചു. ഇതിൽ രണ്ടുപേരുടെ രോഗബാധ വെള്ളിയാഴ്ച സ്ഥിരീകരിച്ചതാണ്.
ഇതോടെ സംസ്ഥാനത്ത് ആകെ രോഗം ബാധിച്ചവരുടെ എണ്ണം 22 ആയി. ഇതിൽ മൂന്നുപേർക്ക് നേരത്തെ രോഗം ഭേദമായിരുന്നു.

സ്ത്രീകളുടെ ഉന്നമനത്തിനും സുരക്ഷയ്ക്കും പ്രാധാന്യം  നല്‍കി മുഖത്തല ബ്ലോക്ക് പഞ്ചായത്തിന്റെ ജെന്‍ഡര്‍ ബജറ്റ്. ജില്ലയില്‍ ആദ്യമായാണ് ഒരു ബ്ലോക്ക് പഞ്ചായത്ത് ജെന്‍ഡര്‍ ബജറ്റ് അവതരിപ്പിക്കുന്നത്. സ്ത്രീകള്‍ക്ക് പ്രാധാന്യം നല്‍കുന്ന ഒട്ടേറെ പദ്ധതികളാണ് ബജറ്റില്‍ ഇടം പിടിച്ചിരിക്കുന്നത്.

ജില്ലയുടെ കിഴക്കന്‍ മേഖലയുടെ വികസനത്തിന് വഴിയൊരുക്കുന്ന മലയോര ഹൈവേയ്ക്ക് കരുത്ത് പകര്‍ന്ന് സംരക്ഷണ ഭിത്തികളുടെ  നിര്‍മാണം പൂര്‍ത്തിയായി. പൂര്‍ത്തീകരണത്തിലേക്ക് എത്തുന്ന മലയോര ഹൈവേയ്ക്ക് രണ്ട് സംരക്ഷണഭിത്തികളാണ് പ്രധാനമായുള്ളത്. മലയോര ഹൈവേ തുടങ്ങുന്ന ഭാഗമായ പുനലൂര്‍ കെ എസ് ആര്‍ ടി സി ഡിപ്പോയ്ക്ക് സമീപവും മേലെ മടത്തറ ജംഗ്ഷനിലുമാണ് കൂറ്റന്‍ സംരക്ഷണ ഭിത്തികള്‍ ഒരുക്കിയിട്ടുള്ളത്.