കാവനൂര്‍, പുല്‍പ്പറ്റ, ചീക്കോട്, കുഴിമണ്ണ ഗ്രാമപഞ്ചായത്തുകളിലെ അങ്കണവാടികളില്‍ വര്‍ക്കര്‍/ഹെല്‍പ്പര്‍ തസ്തികയിലേക്ക് അപേക്ഷ ക്ഷണിച്ചു. പഞ്ചായത്തുകളില്‍ സ്ഥിരം താമസക്കാരായ വനിതകള്‍ക്ക് അപേക്ഷിക്കാം. വര്‍ക്കര്‍ തസ്തികയിലേക്ക് എസ്.എസ്.എല്‍.സി പാസായവര്‍ക്കും ഹെല്‍പ്പറിന് എസ്.എസ്.എല്‍.സി പാസാവാത്തവര്‍ക്കും അപേക്ഷിക്കാം. താത്പര്യമുള്ളവര്‍ അപേക്ഷ ജൂണ്‍ 30ന് വൈകീട്ട് അഞ്ചിനകം  അരീക്കോട് അഡീഷനല്‍ ശിശുവികസന പദ്ധതി ഓഫീസില്‍ നല്‍കണം. ഫോണ്‍: 0493: 2757275.
(എം.പി.എം 2192/2020)
 

ജില്ലാ പബ്ലിക് ഹെല്‍ത്ത് ലാബില്‍ വിവിധ തസ്തികകളില്‍ താത്ക്കാലികമായി നിയമനം നടത്തുന്നു. ജൂനിയര്‍ കണ്‍സള്‍ട്ടന്റ് (ഒഴിവ് -രണ്ട്), സയന്റിസ്റ്റ് (ഒന്ന്), സയന്റിഫിക് അസിസ്റ്റന്റ്(ഒന്ന്), ടെക്‌നീഷ്യന്‍(നാല്), ലാബ് ടെക്‌നീഷ്യന്‍ (എട്ട്), ജൂനിയര്‍ ലാബ് അസിസ്റ്റന്റ് (നാല്), ഹോസ്പിറ്റല്‍ അറ്റെന്‍ഡന്റ് ഗ്രേഡ് രണ്ട് (നാല്), ഡാറ്റ എന്‍ട്രി ഓപ്പറേറ്റര്‍(നാല്) തുടങ്ങിയ തസ്തികകളിലാണ് നിയമനം. 

ഏറനാട് താലൂക്കില്‍ ജില്ലാകലക്ടറുടെ പൊതുജനപരിഹാര അദാലത്ത് ജൂണ്‍ 18ന് വീഡിയോ കോണ്‍ഫറന്‍സ് വഴി നടത്തും. അദാലത്തിലേക്കുള്ള അപേക്ഷകള്‍ ജൂണ്‍ 15 വെകീട്ട് അഞ്ച് വരെ അക്ഷയ കേന്ദ്രങ്ങളിലൂടെ സ്വീകരിക്കും. അപേക്ഷ സമര്‍പ്പിക്കുന്നവര്‍ വീഡിയോ കോണ്‍ഫറന്‍സിനായി 18ന് അക്ഷയ കേന്ദ്രങ്ങളില്‍ എത്തണമെന്ന് ഏറനാട് തഹസില്‍ദാര്‍ അറിയിച്ചു.
(എം.പി.എം 2190/2020)
 

താനൂര്‍ ഗവ. ആര്‍ട്‌സ് ആന്‍ഡ് സയന്‍സ് കോളജില്‍ കമ്പ്യൂട്ടര്‍ ആപ്ലിക്കേഷന്‍, മാത്തമാറ്റിക്‌സ്, കമ്പ്യൂട്ടര്‍ സയന്‍സ്, ബിസിനസ് അഡ്മിനിസ്‌ട്രേഷന്‍ എന്നീ വിഷയങ്ങളില്‍ അതിഥി അധ്യാപകരെ നിയമിക്കുന്നു. കോഴിക്കോട് കോളജ് വിദ്യാഭ്യാസ ഡെപ്യൂട്ടി ഡയറക്ടറുടെ ഓഫീസില്‍ പേര് രജിസ്റ്റര്‍ ചെയ്തിട്ടുള്ള നിശ്ചിത യോഗ്യതയുള്ള ഉദ്യോഗാര്‍ഥികള്‍ യോഗ്യത തെളിയിക്കുന്ന അസ്സല്‍ രേഖകള്‍ സഹിതം ജൂണ്‍ 17ന് രാവിലെ 10ന് കോളജില്‍ നടക്കുന്ന അഭിമുഖത്തിന് ഹാജരാകണമെന്ന് പ്രിന്‍സിപ്പല്‍ അറിയിച്ചു. ഫോണ്‍: 0494 -2582800.
(എം.പി.എം 2188/2020)
 

മഞ്ചേരി മണ്ഡലത്തിലെ മുഴുവന്‍ വിദ്യാര്‍ഥികള്‍ക്കും ഓണ്‍ലൈന്‍ പഠന സൗകര്യം ഉറപ്പാക്കുമെന്ന്  അഡ്വ. എം.ഉമ്മര്‍ എം.എല്‍.എ.  മണ്ഡലത്തിലെ വിദ്യാര്‍ഥികള്‍ക്ക് ഓണ്‍ലൈന്‍ പഠനം ഉറപ്പാക്കുന്നതിനും പ്രളയകാല മുന്നൊരുക്കങ്ങള്‍ വിലയിരുത്തുന്നതിനുമായി മഞ്ചേരി മുനിസിപ്പല്‍ കൗണ്‍സില്‍ ഹാളില്‍ എം.എല്‍.എയുടെ അധ്യക്ഷതയില്‍ ചേര്‍ന്ന യോഗത്തിലാണ് തീരുമാനം. 

കോവിഡ് 19ന്റെ സാഹചര്യത്തില്‍ മൃഗസംരക്ഷണ വകുപ്പ് താത്ക്കാലികമായി നിര്‍ത്തിവച്ച കുളമ്പ് രോഗ പ്രതിരോധ കുത്തിവെപ്പ് ജൂണ്‍ 15 മുതല്‍ കണ്ടയിന്‍മെന്റ് സോണില്‍ ഒഴികെയുള്ള സ്ഥലങ്ങളില്‍ പുനരാരംഭിക്കും. കുത്തിവെപ്പ് നടത്തുന്ന സ്‌ക്വാഡ് അംഗങ്ങള്‍ കോവിഡ്  പ്രോട്ടോകോള്‍ പാലിച്ചാണ്  വീടുകള്‍  സന്ദര്‍ശിക്കുകയെന്ന്  അനിമല്‍ ഡിസീസ് കണ്‍ട്രോള്‍ പ്രൊജക്ട്  ജില്ലാ കോ-ഓര്‍ഡിനേറ്റര്‍ അറിയിച്ചു. 
(എം.പി.എം 2185/2020)
 

തിരുവനന്തപുരം ഗവൺമെന്റ് ലോ കോളേജിൽ പ്രൊഫ. ഡോ.എൻ.ആർ.മാധവൻ മേനോന്റെ പേരിൽ ഏർപ്പെടുത്തിയിട്ടുളള റിസർച്ച് അവാർഡിന് എൻട്രികൾ ക്ഷണിച്ചു. തിരുവനന്തപുരം ഗവൺമെന്റ് ലോ കോളേജിൽ പഠിക്കുകയോ പഠിപ്പിക്കുകയോ ചെയ്തിട്ടുളള അദ്ധ്യാപകർ, വിദ്യാർത്ഥികൾ എന്നിവർ 2019-20 അദ്ധ്യയന വർഷം മേയ് 30നു മുൻപ് പ്രസിദ്ധീകരിക്കുയോ പൂർത്തീകരിക്കുകയോ ചെയ്ത ഡിസർട്ടേഷൻ, റിസർച്ച് ആർട്ടിക്കിൾ എന്നിവയുടെ മൂന്ന് ഹാർഡ് കോപ്പിയും സോഫ്റ്റ് കോപ്പിയും ആഗസ്റ്റ് 31നു മുൻപ് പ്രിൻസിപ്പൽ മുമ്പാകെ ഹാജരാക്കണം.
പി.എൻ.എക്സ്. 2141/2020

തിരുവനന്തപുരം ജില്ലാ വിദ്യാഭ്യാസ ഓഫീസിന്റെ പരിധിയിലുള്ള ഗവൺമെന്റ് മണക്കാട് ഗേൾസ് എച്ച്.എസ്.എസ്, ഗവൺമെന്റ് എസ്.എം.വി.ബോയ്‌സ് എച്ച്.എസ്.എസ്, ഗവൺമെന്റ് തൈക്കാട് മോഡൽ ബോയ്‌സ് എച്ച്.എസ്.എസ്. എന്നീ പരീക്ഷാ സെന്ററുകളിൽ ഫെബ്രുവരി 2020 കെ-ടെറ്റ് പരീക്ഷ എഴുതി വിജയിച്ചവർ വഴുതക്കാട് കോട്ടൺഹിൽ ഗവൺമെന്റ് ഗേൾസ് ഹയർസെക്കന്ററി സ്‌ക്കൂളിൽ നടക്കുന്ന സർട്ടിഫിക്കറ്റ് പരിശോധനയ്ക്ക് ഹാജരാകണം. സർട്ടിഫിക്കറ്റ് പരിശോധന ഈ മാസം 17 മുതൽ അടുത്ത മാസം 17 വരെ നിശ്ചിത തീയതികളിലായി നടക്കും. രജിസ്റ്റർ നമ്പർ 521389 മുതൽ 809273 വരെയുളളവരുടെ സർട്ടിഫിക്കറ്റ് പരിശോധനയാണ് നടക്കുന്നത്.