ജില്ലയില്‍ വിദ്യാഭ്യാസ വകുപ്പിലെ ഹൈസ്ക്കൂള്‍ മ്യൂസിക് ടീച്ചര്‍ (കാറ്റഗറി 530/13) തസ്തികയിലേക്കായി 2017 ആഗസ്റ്റ് 22 ന് പ്രസിദ്ധീകരിച്ച ചുരുക്കപ്പട്ടികയില്‍ ഉള്‍പ്പെട്ടതും സര്‍ട്ടിഫിക്കറ്റ് പരിശോധനയ്ക്ക് എത്തിയതുമായി അര്‍ഹരായ ഉദ്യോഗാര്‍ഥികളുടെ അഭിമുഖം ജില്ലാ പി.എസ്.സി ഓഫീസില്‍ ഡിസംബര്‍ 13, 14 തിയ്യതികളില്‍ നടത്തും.  ഇതു സംബന്ധിച്ച് എല്ലാ ഉദ്യോഗാര്‍ഥികള്‍ക്കും പ്രൊഫൈല്‍/എസ്.എം.എസ്  വഴി അറിയിപ്പ് നല്‍കിയിട്ടുണ്ട്.

റിപ്പബ്ലിക്ക് ദിനാഘോഷത്തോടനുബന്ധിച്ച് നെഹ്രു യുവകേന്ദ്ര 'ദേശസ്നേഹവും രാഷ്ട്ര നിര്‍മ്മാണവും' വിഷയത്തില്‍ നടത്തുന്ന ജില്ലാതല പ്രസംഗമത്സരം ഡിസംബര്‍ 13 ന് രാവിലെ 11-ന്  രാവിലെ 10 ന് കളക്ടറേറ്റ് സമ്മേളന ഹാളില്‍ നടക്കും.  മല്‍സരത്തിന് അപേക്ഷിച്ചവര്‍ താമസസ്ഥലം, വയസ്സ് തെളിയിക്കാനുളള രേഖകള്‍, ആധാര്‍കാര്‍ഡ് എന്നിവ സഹിതം മത്സരദിവസം രാവിലെ 9.30 ന് എത്തണമെന്ന് ജില്ലാ യൂത്ത് കോര്‍ഡിനേറ്റര്‍ എം. അനില്‍കുമാര്‍ അറിയിച്ചു.

ഈ വര്‍ഷത്തെ (2017) വനിതാരത്ന പുരസ്കാരത്തിന് അപേക്ഷ ക്ഷണിച്ചു.  കല, സാഹിത്യം, സാമൂഹ്യ സേവനരംഗം, ശാസ്ത്രരംഗം, വിദ്യാഭ്യാസരംഗം, ആരോഗ്യരംഗം, ഭരണമികവ്, മാധ്യമരംഗം മേഖലകളില്‍ മികച്ച പ്രകടനം കാഴ്ചവെക്കുന്ന വനിതകളാവണം അപേക്ഷകര്‍.  ഡിസംബര്‍ 15 നകം ജില്ലാ സാമൂഹിക നീതി ഓഫീസിലാണ് അപേക്ഷ ലഭിക്കേണ്ടത്. വിശദവിവരം www.sjdkerala.gov.in ല്‍ ലഭിക്കും

ആലപ്പുഴ: വ്യോമസേനയിലെ തസ്തികകളിലേക്ക് തെരഞ്ഞെടുപ്പ് നടക്കുമ്പോൾ ആലപ്പുഴ ജില്ലയിൽ നിന്നുള്ള അപേക്ഷകർ കുറവാണെന്ന് ഇന്ത്യൻ വ്യോമസേന ഉദ്യോഗസ്ഥർ. വ്യോമസേനയിലേക്കുള്ള സെലക്ഷൻ ടെസ്റ്റിന്റെ പ്രചരണാർഥം കളക്ടറേറ്റിൽ നടത്തിയ വാർത്താസമ്മേളനത്തിൽ ജൂനിയർ വാറന്റ് ഓഫീസർ എൻ. സിംഗാണ് ഇക്കാര്യം വെളിപ്പെടുത്തിയത്.

ഖാദി ഗ്രാമ വ്യവസായ ബോര്‍ഡില്‍ നിന്നും പാറ്റേണ്‍, സിബിസി പദ്ധതികള്‍ പ്രകാരം വായ്പ എടുത്ത് കുടിശ്ശിക വരുത്തിയ ആര്‍ ആര്‍ നടപടി നേരിടുന്ന വായ്പക്കാര്‍ക്ക് കുടിശ്ശിക തുക പിഴപ്പലിശയില്ലാതെ ഒറ്റത്തവണയായി അടക്കാന്‍ അവസരം.  ഇതിനായി ജില്ലാ ഖാദി ഗ്രാമ വ്യവസായ കാര്യാലയത്തില്‍ ഡിസംബര്‍ 14 ന് രാവിലെ 10.30 ന് കുടിശ്ശിക നിവാരണ അദാലത്ത് നടക്കും.  വായ്പക്കാര്‍ കൃത്യ സമയത്ത് കാര്യാലയത്തില്‍ എത്തണമെന്ന് പ്രൊജക്ട് ഓഫീസര്‍ അറിയിച്ചു.

ആലപ്പുഴ: ഹോർട്ടികോർപ്പ് ജില്ലാ സംഭരണ കേന്ദ്രത്തിൽ പഴം-പച്ചക്കറി വിതരണത്തിന് കരാറടിസ്ഥാനത്തിൽ ഒന്നര ടൺ സംഭരണ ശേഷിയുള്ള വാഹനങ്ങൾ ലഭ്യമാക്കുന്നതിന് ഏജൻസി/വ്യക്തികളിൽ നിന്നും മുദ്രവച്ച ക്വട്ടേഷനുകൾ ക്ഷണിച്ചു. ഡിസംബർ 23 ഉച്ചകഴിഞ്ഞ് രണ്ടുവരെ ക്വട്ടേഷൻ സ്വീകരിക്കും. അന്നേ ദിവസം നാലിന് തുറക്കും. വിശദവിവരത്തിന് ഫോൺ: 0477 2258737.

ആലപ്പുഴ: എനർജി മാനേജമെന്റ് സെന്ററിന്റെ ആഭിമുഖ്യത്തിൽ ആലപ്പുഴ എസ്.ഡി. കോളജിൽ ഡിസംബർ 14ന് രാവിലെ 10ന് ദേശീയ ഊർജ്ജ സംരക്ഷണ ദിനാചരണം സംഘടിപ്പിക്കും. ജില്ലാ പഞ്ചായത്ത് പ്രസിഡന്റ് ജി. വേണുഗോപാൽ ഉദ്ഘാടനം ചെയ്യും. തുടർന്ന് ഊർജ്ജ പരിസ്ഥിതി രംഗത്തെ പ്രമുഖർ ക്ലാസുകൾ നയിക്കും. പങ്കെടുക്കാൻ താൽപര്യമുള്ളവർ ജില്ലാ കോ-ഓർഡിനേറ്ററുമായി ബന്ധപ്പെടണം. ഫോൺ: 9447976901.

(പി.എൻ.എ.3003/17)

ആലപ്പുഴ: ഓഖി ചുഴലിക്കാറ്റിനെത്തുടർന്ന് കടലിൽ പോകാൻ കഴിയാത്ത മത്സ്യത്തൊഴിലാളി കുടുംബത്തിന്് സർക്കാർ പ്രഖ്യാപിച്ച ധനസഹായമായ 4.40 കോടി രൂപ ജില്ലയിൽ വെള്ളിയാഴ്ച മുതൽ വിതരണം ചെയ്തു തുടങ്ങിയതായി ജില്ലാ കളക്ടർ പറഞ്ഞു. ഒരാഴ്ചത്തേക്ക് ഒരു കുടുംബത്തിന് 2000 രൂപ വീതമാണ് നൽകുന്നത്. 

ആലപ്പുഴ: ജില്ലാ കളക്ടറുടെ പൊതുജനപരാതി പരിഹാരപരിപാടിയായ സേവനസ്പർശം  കുട്ടനാട് താലൂക്കിൽ ഡിസംബർ 16ന് നടക്കും. മങ്കൊമ്പ് നെല്ല് ഗവേഷണ കേന്ദ്രത്തിൽ രാവിലെ ഒമ്പതു മുതൽ ഉച്ചയ്ക്ക് ഒന്നു വരെ നടക്കുന്ന അദാലത്തിൽ  പൊതുജനങ്ങളുടെ പരാതികളും അപേക്ഷകളും അതിവേഗത്തിലും ജനസൗഹാർദ്ദപരമായും തീർപ്പാക്കും. അദാലത്തിൽ കളക്ടർ നേരിട്ടും പരാതികൾ സ്വീകരിക്കും. 

(പി.എൻ.എ.3001/17)(പി.എൻ.എ.3004/17)

ദത്തെടുക്കൽ പദ്ധതി അപേക്ഷ ക്ഷണിച്ചു

ആലപ്പുഴ: അന്ധകാരനഴിയിലെ തെക്ക് ഭാഗത്തെ ഷട്ടറുകൾ ഉടൻ അടയ്ക്കാൻ ഉപദേശകസമിതി യോഗത്തിൽ തീരുമാനം. കളക്ടറേറ്റിൽ നടന്ന യോഗത്തിൽ ഭക്ഷ്യ-പൊതുവിതരണ വകുപ്പു മന്ത്രി പി. തിലോത്തമൻ അധ്യക്ഷത വഹിച്ചു.