കാക്കനാട് : കോവിഡ് 19 സംബന്ധിച്ച് സാധാരണക്കാരുടെ ആശങ്കയകറ്റാൻ പഞ്ചായത്ത്‌ അംഗങ്ങളുടെ നേതൃത്വത്തിൽ ബോധവത്കരണം നടത്തുമെന്ന് ജില്ല പഞ്ചായത്ത്‌ വൈസ് പ്രസിഡന്റ്‌ അഡ്വ. അബ്ദുൽ മുത്തലിബ് അറിയിച്ചു. കൂടുതൽ ആളുകൾ എത്തുന്ന സ്ഥലങ്ങളിൽ മാസ്ക് ധരിക്കണമെന്നും പൊതു പരിപാടികളും ഒത്തു ചേരലുകളും ഒഴിവാക്കണമെന്നും പൊതുജനങ്ങൾക്ക് നിർദേശം നൽകും. സുരക്ഷിതമായി ഇരിക്കാൻ ആവശ്യമായ നിർദേശങ്ങളും അവർ പങ്ക് വെക്കും.

കാക്കനാട്: കോവിഡ് 19 ജാഗ്രതാ നിര്‍ദ്ദേശങ്ങള്‍ക്കനുസൃതമായി ജില്ലയിലെ പഞ്ചായത്തുകളിലെ വികസന സെമിനാറുകളും മറ്റ് യോഗങ്ങളും മാറ്റിവെച്ചു. രോഗപ്രതിരോധ നടപടികളുടെ ഭാഗമായി പഞ്ചായത്ത് ഡെപ്യൂട്ടി ഡയറക്ടറുടെ ഓഫീസില്‍ നിന്നും വിശദമായ മാര്‍ഗ്ഗനിര്‍ദ്ദേശങ്ങള്‍ അടങ്ങുന്ന സര്‍ക്കുലര്‍ ജില്ലയിലെ എല്ലാ പഞ്ചായത്ത് ഓഫീസുകള്‍ക്കും നല്‍കി.

കോവിഡ്- 19: പ്രതിരോധ പ്രവർത്തനങ്ങൾ വിലയിരുത്തി

ശബരിമല മീനമാസ പൂജകളുമായി ബന്ധപ്പെട്ട് പമ്പാ ത്രിവേണി സ്നാന സരസിലും അനുബന്ധ കടവുകളിലും ജലലഭ്യത ഉറപ്പുവരുത്തുന്നതിനായി പമ്പാ അണക്കെട്ടില്‍ നിന്നു ഇന്ന്(13) മുതല്‍ 18 വരെ പ്രതിദിനം 25000 ഘന അടിയില്‍ ജലം തുറന്നുവിടുന്നതിന് ജില്ലാ കളക്ടര്‍ പി.ബി നൂഹ് അറിയിച്ചു. പമ്പയാറിന്റെ കൈവഴികളുടേയും തീരപ്രദേശത്ത് താമസിക്കുന്നവരും തീര്‍ഥാടകരും നദിയില്‍ ഇറങ്ങുന്നവരും ജാഗ്രത പാലിക്കണം.

സംസ്ഥാന യുവജനക്ഷേമ ബോര്‍ഡ് 2019-ലെ സ്വാമി വിവേകാനന്ദന്‍ യുവപ്രതിഭാ പുരസ്‌കാരത്തിന് അപേക്ഷ ക്ഷണിച്ചു. വ്യക്തിഗത അവാര്‍ഡിനായി 18-നും 40-നും മധ്യേ പ്രായമുള്ളവര്‍ക്ക് അപേക്ഷിക്കാം. സാമൂഹ്യ പ്രവര്‍ത്തനം, മാധ്യമ പ്രവര്‍ത്തനം (പ്രിന്റ് മീഡിയ), മാധ്യമ പ്രവര്‍ത്തനം (ദൃശ്യമാധ്യമം), കല, സാഹിത്യം, ഫൈന്‍ ആര്‍ട്സ്, കായികം (വനിത), കായികം(പുരുഷന്‍), ശാസ്ത്രം, സംരംഭകത്വം, കൃഷി, എന്നീ മേഖലകളില്‍ നിന്നും മികച്ച ഓരോ വ്യക്തിക്കുവീതം ആകെ 11 പേര്‍ക്കാണ് അവാര്‍ഡ് നല്‍കുന്നത്. അവാര്‍ഡിനായി നിശ്ചിതഫോറത്തില്‍ സ്വയം അപേക്ഷ സമര്‍പ്പിക്കുകയോ മറ്റൊരു വ്യക്തിയെ നാമനിര്‍ദേശം ചെയ്യുകയോ ചെയ്യം.

പകര്‍ച്ചപ്പനികള്‍ വ്യാപകമായി വരുന്നതുമൂലം സര്‍ക്കാര്‍-സ്വകാര്യ മേഖലയിലുള്ള ആയൂര്‍വേദാശുപത്രികളില്‍ പനിയുമായി വരുന്ന രോഗികളുടെ പ്രത്യേക രേഖകള്‍ സൂക്ഷിക്കുകയും അന്നുതന്നെ വിവരം തന്നെ അറിയിക്കണമെന്നും ജില്ലാ മെഡിക്കല്‍ ഓഫീസര്‍(ആയുര്‍വേദം) ഡോ. ജി.വി ഷീലാ മേബിലറ്റ് അറിയിച്ചു. പനി, തുമ്മല്‍, മുക്കൊലിപ്പ്, ശ്വാസതടസം എന്നീ രോഗലക്ഷണങ്ങളുള്ളവരെ പ്രത്യേകം നിരീക്ഷിക്കണമെന്നും  അവര്‍ വിദേശയാത്ര കഴിഞ്ഞവരോ വിദേശത്തുനിന്നു വരുന്നവരുമായി കഴിഞ്ഞ 30 ദിവസത്തിനുള്ളില്‍ അടുത്തിടപഴകുകയോ ചെയ്ട്ടുണ്ടെങ്കില്‍ കണ്‍ട്രോള്‍ റൂമിലെ 0468 2322515, 0468 2228220  നമ്പറുകളില്‍ ബന്ധപ്പെടണം. 

ബന്ധപ്പെടേണ്ട നമ്പറകുള്‍:-1077 (ടോള്‍ ഫ്രീ), 0468-2228220, 

0468-2322515, 9188293118, 9188803119 

തദ്ദേശസ്വയംഭരണ സ്ഥാപനങ്ങൾക്കായുള്ള ഓംബുഡ്‌സ്മാൻ ജസ്റ്റിസ് കെ.കെ.ദിനേശൻ മാർച്ച് 24ന് കണ്ണൂരും 25, 26, 27 തിയതികളിൽ കോഴിക്കോടും നടത്താനിരുന്ന ക്യാമ്പ് സിറ്റിംഗുകൾ സാങ്കേതിക കാരണങ്ങളാൽ മാറ്റിവച്ചു.
പി.എൻ.എക്സ്.1032/2020

പങ്കാളിത്ത പെൻഷൻ പുന:പരിശോധന സമിതി സർവ്വീസ് സംഘടനകളുമായി മാർച്ച് പതിനാറു മുതൽ നടത്താനിരുന്ന മീറ്റിംഗുകൾ കോവിഡ് 19 ന്റെ പശ്ചാത്തലത്തിൽ മാറ്റിവച്ചു. പുതുക്കിയ തിയതികൾ പിന്നീട് അറിയിക്കുമെന്ന് സമിതി ചെയർമാൻ അറിയിച്ചു.
പി.എൻ.എക്സ്.1031/2020

സംസ്ഥാന പട്ടികജാതി പട്ടികഗോത്രവർഗ കമ്മീഷൻ 18, 19, 20, 21 തിയതികളിൽ വെളളയമ്പലത്തെ കമ്മീഷൻ ആസ്ഥാനത്ത് നടത്താൻ നിശ്ചയിച്ചിരുന്ന ഹിയറിംഗുകൾ മാറ്റി. 16നും 18നും നടത്താൻ നിശ്ചയിച്ചിരുന്ന സ്ഥലസന്ദർശനം ഉൾപ്പടെയുളള കമ്മീഷന്റെ എല്ലാ ഔദ്യോഗിക പരിപാടികളും ഇനിയൊരു അറിയിപ്പ് ഉണ്ടാകുന്നതുവരെ മാറ്റിവച്ചു.
പി.എൻ.എക്സ്.1030/2020