കാക്കനാട്: കൊല്ലം ജില്ലയില്‍ ഡിസ്ട്രിക്ട് കോ-ഓപ്പറേറ്റീവ് ബാങ്കിലെ നിയമനത്തിന് നിലവില്‍ വന്ന ക്ലര്‍ക്ക് കാഷ്യര്‍ പാര്‍ട്ട് കക രണ്ടാം എന്‍സിഎ എല്‍സി/എഐ (കാറ്റഗറി നമ്പര്‍. 620/15) തസ്തികയുടെ റാങ്ക് പട്ടികയില്‍ ഉള്‍പ്പെട്ട ഏക ഉദ്യോഗാര്‍ഥിയെ നിയമന ശുപാര്‍ശ നല്‍കിയതിനാല്‍ റാങ്ക് പട്ടിക റദ്ദായി. 

കാക്കനാട്: കൊല്ലം ജില്ലയില്‍ കൃഷി വകുപ്പില്‍ വര്‍ക്ക് സൂപ്രണ്ട് തസ്തികയിലേക്ക് (കാറ്റഗറി നമ്പര്‍. 441/14) തിരഞ്ഞെടുപ്പിന് ചുരുക്കപ്പട്ടികയില്‍ ഉള്‍പ്പെട്ടവരുടെ ഇന്റര്‍വ്യൂ ഡിസംബര്‍ 14, 15 തീയതികളില്‍ കൊല്ലം ജില്ല പിഎസ്‌സി ഓഫീസില്‍ നടക്കും. ഇന്റര്‍വ്യൂ മെമ്മോ, തിരിച്ചറിയല്‍ കാര്‍ഡിന്റെ ഒറിജിനല്‍, വണ്‍ടൈം വെരിഫിക്കേഷന്‍ സര്‍ട്ടിഫിക്കറ്റ്, മറ്റു പ്രമാണങ്ങള്‍ എന്നിവ സഹിതം ഹാജരാകണം.

കാക്കനാട്: കോട്ടയം ജില്ലയില്‍ ആരോഗ്യ വകുപ്പില്‍ ഫാര്‍മസിസ്റ്റ് ഗ്രേഡ് II (സ്‌പെഷ്യല്‍ റിക്രൂട്ട്‌മെന്റ് - പട്ടികവര്‍ഗ്ഗക്കാര്‍ക്കു മാത്രമായുള്ള പ്രത്യേക നിയമനം) തസ്തികയിലേക്കുള്ള തിരഞ്ഞെടുപ്പിന് ഇന്റര്‍വ്യൂവിന് അര്‍ഹരായവരുടെ ചുരുക്കപ്പട്ടിക പ്രസിദ്ധീകരിച്ചു. വിശദ വിവരങ്ങള്‍ പിഎസ്‌സി വെബ് സൈറ്റില്‍ ലഭിക്കും. www.keralapsc.gov.in. 

കാക്കനാട്: സര്‍ക്കാര്‍ ഉടമസ്ഥതയിലുള്ള വിവിധ കമ്പനി/കോര്‍പ്പറേഷന്‍/ബോര്‍ഡിലെ ഡ്രൈവര്‍ ഗ്രേഡ് II / ഡ്രൈവര്‍ (എല്‍.ഡി.വി) (എന്‍.സി.എ ധീവര, ഈഴവ, കാറ്റഗറി നമ്പര്‍. 599/2015, 600/2015) തസ്തികയിലേക്കുള്ള തിരഞ്ഞെടുപ്പിനുള്ള ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ഥികള്‍ക്കായി ഒരു പ്രായോഗിക പരീക്ഷ (H ടെസ്റ്റ്, റോഡ് ടെസ്റ്റ്, സര്‍ട്ടിഫിക്കറ്റ് പരിശോധന) ഡിസംബര്‍ 15 ന് രാവിലെ ആറു മണി മുതല്‍ നടക്കും.

    ഖാദി ഗ്രാമ വ്യവസായ ബോര്‍ഡില്‍ നിന്നും പാറ്റേണ്‍, സി.ബി.സി. പദ്ധതികള്‍ പ്രകാരം വായ്പയെടുത്ത് കുടിശ്ശികയുള്ള ആര്‍.ആര്‍. നടപടികള്‍ നേരിടുന്നവര്‍ക്ക് പിഴപ്പലിശ ഒഴിവാക്കി കുടിശ്ശിക ഒറ്റത്തവണയായി അടയ്ക്കാന്‍ അവസരം. ജില്ലാ ഖാദി ഗ്രാമ വ്യവസായ ഓഫീസില്‍ ഡിസംബര്‍ 14 രാവിലെ 10.30 മുതല്‍ നടക്കുന്ന അദാലത്ത് ഉപയോഗപ്പെടുത്തണമെന്ന് പ്രൊജക്റ്റ് ഓഫീസര്‍ അറിയിച്ചു.

    
    രജിസ്ട്രേഷന്‍ വകുപ്പ് ഡിസംബര്‍ 23-ന് നടത്തുന്ന ആധാരമെഴുത്ത് ലൈസന്‍സ് പരീക്ഷ ക്കായി സബ്രജിസ്ട്രാര്‍ ഓഫീസുകളില്‍ നിന്നും ലഭിച്ച ഹാള്‍ ടിക്കറ്റുകളിലെ  പരീക്ഷാ സെന്‍ററിന്‍റെ പേര് , 'ഗവ. ഗേള്‍സ് ഹയര്‍ സെക്കന്‍ഡറി സ്കൂള്‍, തൃപ്പുണിത്തുറ' എന്ന് തിരുത്തി വായിക്കണമെന്ന് ജില്ലാ രജിസ്ട്രാര്‍ (ജനറല്‍) അറിയിച്ചു. എറണാകുളം ജില്ലയില്‍ രജിസ്റ്റര്‍ നമ്പര്‍ 3341 മുതല്‍ 3627 വരെയുള്ള അപേക്ഷകരുടെ പരീക്ഷാ സെന്‍റര്‍ ഗവ.ഗേള്‍സ് എച്ച്.എസ്, തൃപ്പുണിത്തുറ എന്നാണ് ഹാള്‍ടിക്കറ്റില്‍ രേഖപ്പെടുത്തിയിരിക്കുന്നത്.

    ഊര്‍ജ സംരക്ഷണ ദിനാചരണത്തിന്‍റെ ഭാഗമായി ഡിസംബര്‍ 14-ന് രാവിലെ 11 ന് എല്ലാ സര്‍ക്കാര്‍ ഓഫീസുകളിലും അന്നേദിവസം സ്കൂള്‍ അസംബ്ലികളിലും ഊര്‍ജ സംരക്ഷണ പ്രതിജ്ഞയെടുക്കും.

    അറ്റകുറ്റപ്പണികള്‍ക്കായി പട്ടാമ്പി-പളളിപ്പുറം സ്റ്റേഷനുകള്‍ക്കിടയിലുളള  റെയില്‍വെ ഗേറ്റ് ഡിസംബര്‍ 14 -ന് രാവിലെ എട്ട് മുതല്‍ വൈകിട്ട് ആറ് വരെ അടച്ചിടും. പട്ടാമ്പി-മുതുതല വഴിയുള്ള വാഹനങ്ങള്‍ കൊപ്പം- മുതുതല റോഡ് വഴി പോകണമെന്ന് റെയില്‍വെ അസി.ഡിവിഷനല്‍ എഞ്ചിനിയര്‍ അറിയിച്ചു.

    സീനിയര്‍ സെക്കന്‍ഡറി പരീക്ഷയില്‍ കൂടുതല്‍ മാര്‍ക്ക് നേടിയ വിദ്യാര്‍ഥികള്‍ക്കുള്ള ഡോ: അംബേദ്കര്‍ നാഷനല്‍ മെറിറ്റ് അവാര്‍ഡിന് അര്‍ഹരായ എ. ചൈത്ര (എം.എ. മെമ്മോറിയല്‍ എച്ച്.എച്ച്.എസ്. കാട്ടുകുളം) , അനഘ ശങ്കര്‍ (എം.ഇ.എസ്. എച്ച്.എസ്.എസ്. മണ്ണാര്‍ക്കാട്), കെ.മേഘ (മൊയന്‍സ് എച്ച്.എസ്.എസ്. പാലക്കാട്) എന്നിവര്‍ക്കുള്ള അവാര്‍ഡ് വിതരണം ഡിസംബര്‍ 15-ന്  രാവിലെ 10 ന് ജില്ലാ കലക്റ്ററുടെ ചേംബറില്‍ ജില്ലാ കലക്റ്റര്‍ ഡോ: പി.സുരേഷ് ബാബു വിതരണം ചെയ്യും.