കോവിഡ് 19 രോഗബാധയുമായി ബന്ധപ്പെട്ട് വീടുകളിൽ 2425 ഉം ആശുപത്രികളിൽ 45 ഉം ആയി ആകെ 2470 പേരാണ് ഇപ്പോൾ തൃശൂർ ജില്ലയിൽ ആരോഗ്യവകുപ്പിന്റെ നിരീക്ഷണത്തിലുളളത്. തിങ്കളാഴ്ച (മാർച്ച് 16) 12 പേരെ ആശുപത്രികളിൽ നിന്നും ഡിസ്ചാർജ്ജ് ചെയ്തു. 5 പേരുടെ സാമ്പിളുകളാണ് പരിശോധനയ്ക്കായി തിങ്കളാഴ്ച (മാർച്ച് 16) വൈറോളജി ഇൻസ്റ്റിറ്റ്യൂട്ടിലേക്ക് അയച്ചത്. ഇതു വരെ 306 പേരുടെ സാമ്പിളുകൾ അയച്ചിട്ടുണ്ട്.

ജില്ലയില്‍ പക്ഷിപ്പനിയെ തുടര്‍ന്ന് കൊന്നൊടുക്കിയ പക്ഷികളുടെ ഉടമകള്‍ക്ക് മാര്‍ച്ച് 31 നകം നഷ്ടപരിഹാരം ബാങ്ക് അക്കൗണ്ടിലേക്ക് നല്‍കുമെന്ന് മൃഗസംരക്ഷണ വകുപ്പ് മന്ത്രി കെ.രാജു. പക്ഷിപ്പനി നിവാരണ പ്രവര്‍ത്തനങ്ങളുമായി ബന്ധപ്പെട്ട് കലക്ട്രേറ്റ് കോണ്‍ഫറന്‍സ് ഹാളില്‍ ചേര്‍ന്ന അവലോകന യോഗത്തില്‍ സംസാരിക്കുകയായിരുന്നു അദ്ദേഹം. രണ്ട് മാസത്തില്‍ താഴെ പ്രായമുള്ള കോഴിക്ക് ഒന്നിന് 100 രൂപയും ഇതിന് മുകളില്‍ പ്രായമുള്ള കോഴിക്ക് ഒന്നിന് 200 രൂപയും കോഴിമുട്ട ഒന്നിന് അഞ്ച് രൂപ ഇനത്തിലും നഷ്ടപരിഹാരം നല്‍കും. 

അറിയിപ്പുകള്‍

കളക്ടർ ആദ്യം കൈ കഴുകി;

പിന്നെ ഓഫീസിലേക്ക്

കാക്കനാട് : കോവിഡ്- 19 പ്രതിരോധ പ്രവർത്തനങ്ങളിൽ മാതൃകയായി ജില്ലാ കളക്ടർ എസ്. സുഹാസ്. ഇന്നലെ കളക്ടർ

കൈകൾ സോപ്പുപയോഗിച്ചു കഴുകിയതിനു ശേഷമാണ് ഓഫീസിലേക്കു കയറിയത്. സംസ്ഥാന സർക്കാരിൻ്റെ കോവിഡ്- 19 പ്രതിരോധ പ്രവർത്തനമായ ബ്രേക്ക് ദ ചെയ്ൻ ക്യാമ്പയിനിൽ പങ്കാളിയാകുകയായിരുന്നു കളക്ടർ. കളക്ടറേറ്റ് അങ്കണത്തിൽ വാഹനത്തിൽ നിന്നിറങ്ങിയ കളക്ടർ ആദ്യം ഇവിടെ തയാറാക്കിയിരുന്ന

സാനിറ്റൈൈസർ ഉപയോഗിച്ചു കൈ വൃത്തിയാക്കി. പിന്നീട് സോപ്പും വെള്ളവും ഉപയോഗിച്ചു കഴുകി. അതിനു ശേഷമാണ് ഓഫീസിലേക്ക് കയറിയത്. 

കോവിഡ്19;  കാലടി സംസ്കൃത സർവകലാശാലയുടെ ഹോസ്റ്റൽ മുറികൾ ഏറ്റെടുക്കും

കാക്കനാട് : കോവിഡ് 19 സംശയിക്കുന്നത് മൂലം നിരീക്ഷണത്തിലാക്കുന്നവരെ താമസിപ്പിക്കുന്നതിന് കാലടി സംസ്കൃത സർവകലാശാലയുടെ  ഹോസ്റ്റൽ  ഏറ്റെടുക്കാൻ ജില്ലാ കളക്ടർ എസ്. സുഹാസ് ഉത്തരവായി.

ആലുവ തഹസിൽദാറിനെയാണ് ഹോസ്റ്റൽ ഏറ്റെടുക്കുന്നതിന് കളക്ടർ ചുമതലപ്പെടുത്തിയിട്ടുള്ളത്. 2005ലെ ദുരന്ത നിവാരണ നിയമപ്രകാരമാണ് ഹോസ്റ്റൽ ഏറ്റെടുക്കുന്നത്. 

ഇന്ന്‌ (16.3.2020) തന്നെ ഹോസ്റ്റൽ ഏറ്റെടുക്കാനാണ് നിർദേശം

മലിനീകരണ നിയന്ത്രണ ബോര്‍ഡ്  ജില്ലാ കാര്യാലയത്തില്‍ മാര്‍ച്ച് 18 ന്  നടത്താനിരുന്ന ഗ്രാജുവേറ്റ് എഞ്ചിനീയറിങ് അപ്രന്റീസ് തസ്തികയിലേക്കുളള കൂടിക്കാഴ്ച   മാറ്റിവെച്ചു.  പുതുക്കിയതീയ്യതി പിന്നീട് അറിയിക്കും.

ജില്ലാ നിര്‍മ്മിതി കേന്ദ്രം കാസര്‍കോട്, മഞ്ചേശ്വരം, ഹോസ്ദുര്‍ഗ്, വെള്ളരിക്കുണ്ട് താലൂക്കുകളിലെ നിര്‍മ്മാണ പ്രവര്‍ത്തനം നടക്കുന്ന സ്ഥലത്ത് ഗുണനിലവാരമുള്ള സാധനങ്ങള്‍ ലഭ്യമാക്കുന്നതിനും ലേബര്‍ പ്രവര്‍ത്തികള്‍ യൂണിറ്റ് നിരക്ക് വ്യവസ്ഥയില്‍  ഏറ്റെടുത്ത് നടപ്പാക്കുന്നതിനും ക്വട്ടേഷന്‍ ക്ഷണിച്ചു. ക്വട്ടേഷനുകള്‍ മാര്‍ച്ച് 30 ന്  വൈകീട്ട് നാലിനകം ലഭിക്കണം. കൂടുതല്‍ വിവരങ്ങള്‍ nirmithikasaragod.org ല്‍ നിന്ന് ലഭിക്കും. ഫോണ്‍ 0467 2202572

കാസര്‍കോട് ജില്ലയിലെ വിവിധ വകുപ്പുകളിലേക്ക്  സ്‌പെഷ്യല്‍  റിക്രൂട്ട്‌മെന്റ് പ്രകാരം നടത്തിയ ലോവര്‍ ഡിവിഷന്‍ ക്ലര്‍ക്ക് ( എസ്.സി/ എസ്.ടി കാറ്റഗറി നമ്പര്‍ -219/ 2018)  തസ്തികയുടെ റാങ്ക് ലിസ്റ്റ് പി.എസ്.സി പ്രസിദ്ധീകരിച്ചു. ലിസ്റ്റ് ജില്ലാ ഇന്‍ഫര്‍മേഷന്‍ ഓഫീസില്‍ പരിശോധനയ്ക്ക് ലഭ്യമാണ്. 

ഉദുമ ഗ്രാമപഞ്ചായത്തിലെ   ആറാട്ട്കടവ്  വാര്‍ഡിലുളള   രണ്ട് മരങ്ങള്‍   മുറിച്ചു മാറ്റി കൊണ്ടുപോകുന്നതിന്    ക്വട്ടേഷന്‍  ക്ഷണിച്ചു. മാര്‍ച്ച് 19 ന് വൈകീട്ട് മൂന്ന് വരെ ക്വട്ടേഷന്‍ സ്വീകരിക്കും. വിശദ വിവരങ്ങള്‍ പഞ്ചായത്ത് ഓഫീസില്‍ നിന്നും  ലഭിക്കും.

  ഉദുമ ഗ്രാമപഞ്ചായത്തില്‍  2019-20 സാമ്പത്തിക വര്‍ഷത്തില്‍ ഉള്‍പ്പെടുത്തി  നടപ്പിലാക്കുന്ന മത്സ്യതൊഴിലാളികള്‍ക്ക് വല  നല്‍കുന്നതിന് ക്വട്ടേഷന്‍  ക്ഷണിച്ചു. മാര്‍ച്ച് 19 ന് വൈകീട്ട് മൂന്ന് വരെ ക്വട്ടേഷന്‍ സ്വീകരിക്കും. വിശദ വിവരങ്ങള്‍ പഞ്ചായത്ത് ഓഫീസില്‍ നിന്നും  ലഭിക്കും.