കോവിഡ്-19 ബാധിച്ച് കോട്ടയം മെഡിക്കല്‍ കോളേജ് ആശുപത്രിയില്‍ ചികിത്സയിലായിരുന്ന രണ്ടു യുവതികള്‍ രോഗമുക്തരായി. മെയ് 25ന് മഹാരാഷ്ട്രയില്‍നിന്ന് വന്ന പാറത്തോട് സ്വദേശിനി(31)ക്കും മെയ് 26ന് കുവൈറ്റില്‍നിന്ന് വന്ന ഏറ്റുമാനൂര്‍ സ്വദേശിനി(40)ക്കുമാണ് രോഗം ഭേദമായത്. ഇരുവരും വീട്ടിലേക്ക് മടങ്ങി. ഇതോടെ ജില്ലയില്‍ ഇതുവരെ രോഗമുക്തരായവരുടെ എണ്ണം 44 ആയി. 

ഇന്ന് ലഭിച്ച 235 പരിശോധനാ ഫലങ്ങളില്‍ 234 എണ്ണവും നെഗറ്റീവാണ്. ഇന്ന് 240 സാമ്പിളുകള്‍ പരിശോധനയ്ക്കയച്ചു. 

മന്ത്രിയുടെ അധ്യക്ഷതയില്‍ ചേര്‍ന്ന ജനപ്രതിനിധികളുടെ യോഗം മുന്നൊരുക്കങ്ങള്‍ വിലയിരുത്തി

കോട്ടയം ജില്ലയിലെ കാലവര്‍ഷ ദുരന്ത നിവാരണ മുന്നൊരുക്കങ്ങളുടെ കാര്യക്ഷമത വിലയിരുത്തുന്നതിനായി മോക് ഡ്രില്‍ നടത്തും. സംസ്ഥാന ദുരന്തനിവാരണ അതോറിറ്റി പുറത്തിറക്കിയ മാര്‍ഗ്ഗരേഖയുടെ അടിസ്ഥാനത്തിലാണ് ഇതിനുള്ള നടപടികള്‍ സ്വീകരിക്കുക.

ക്ലീന്‍ കോട്ടയം ഗ്രീന്‍ കോട്ടയം പദ്ധതിയുടെ ഭാഗമായി തയ്യാറാക്കിയ 10 കോടി രൂപയുടെ 

പദ്ധതികള്‍ക്ക്  ജില്ലാ ശുചിത്വ സമിതി അംഗീകാരം നല്‍കി. ജില്ലയിലെ എല്ലാ വീടുകളിലും ഏതെങ്കിലും ഒരു ജൈവമാലിന്യ സംസ്ക്കരണ സംവിധാനം ഉറപ്പാക്കുന്നതിന് ലക്ഷ്യമിടുന്ന പദ്ധതി ജില്ലാ പഞ്ചായത്ത് പ്രസിഡന്‍റ് അഡ്വ. സെബാസ്റ്റ്യന്‍ കുളത്തുങ്കലിന്‍റെ അധ്യക്ഷതയില്‍ ചേര്‍ന്ന യോഗമാണ് അംഗീകരിച്ചത്. 

കേരളാ മോട്ടോര്‍ തൊഴിലാളി ക്ഷേമനിധി ബോര്‍ഡില്‍ അംഗങ്ങളായ തൊഴിലാളികള്‍ക്ക് എല്ലാവിധ കുടിശ്ശികകളും ഒന്‍പത് ശതമാനം പലിശ ഉള്‍പ്പെടെ അടയ്ക്കുന്നതിനുള്ള സമയപരിധി  ജൂലൈ 31 വരെ ദീര്‍ഘിപ്പിച്ചതായി ജില്ലാ എക്സിക്യൂട്ടീവ് ഓഫീസര്‍ അറിയിച്ചു.  ഫോണ്‍: 0481 2585510

സഹകരണ വകുപ്പിന്‍റെ കീഴില്‍ ആലപ്പുഴ പുന്നപ്ര അക്ഷര നഗരി കേപ്പ് കാമ്പസില്‍ പ്രവര്‍ത്തിക്കുന്ന ഇന്‍സ്റ്റിറ്റ്യൂട്ട് ഓഫ് മാനേജ്മെന്‍റ് ആന്‍റ് ടെക്നോളജിയില്‍ (ഐ.എം.റ്റി) ജൂണ്‍ 15 മുതല്‍ 17 വരെ കെ-മാറ്റ് പരീക്ഷയുടെ സൗജന്യ ഓണ്‍ലൈന്‍ പരിശീലനം സംഘടിപ്പിക്കും. കൂടുതല്‍ വിവരങ്ങള്‍  www.imtpunnapra.org  എന്ന വെബ്സൈറ്റില്‍ ലഭിക്കും. ഫോണ്‍- 8129659827, 9847961842

ജില്ലാ ദാരിദ്ര്യ ലഘൂകരണ വിഭാഗത്തിന്‍റെ വിവിധ പദ്ധതികളുടെ ഓഡിറ്റ് നടത്തുന്നതിന് ചാര്‍ട്ടേഡ് അക്കൗണ്ടന്‍റുമാരില്‍ നിന്ന് അപേക്ഷ ക്ഷണിച്ചു. നിയമാനുസൃത യോഗ്യതയും പരിചയവും ഉണ്ടായിരിക്കണം. അപേക്ഷ ജൂണ്‍ 19നകം പ്രോജക്ട് ഡയറക്ടര്‍ക്ക് നല്‍കണം. ഫോണ്‍: 0481 2563027

ആഗോള ബാലവേല വിരുദ്ധ ദിനാചരണത്തിന്‍റെ ഭാഗമായി  ജില്ലയിലെ വ്യാപാരസ്ഥാപനങ്ങളില്‍ തൊഴില്‍ വകുപ്പും ചൈല്‍ഡ് ലൈനും ചേര്‍ന്ന് ബോധവത്കരണം നടത്തി. ബോധവത്കരണത്തിനായി തയ്യാറാക്കിയ പോസ്റ്റര്‍ കളക്ടറേറ്റില്‍ ജില്ലാ കളക്ടര്‍  എം.അഞ്ജന പ്രകാശനം ചെയ്തു. 

ജില്ലാ ലേബര്‍ ഓഫീസര്‍ പി. ജി. വിനോദ്കുമാര്‍, അസിസ്റ്റന്‍റ് ലേബര്‍ ഓഫീസര്‍ എസ് മനോജ് കുമാര്‍, ജില്ലാ ചൈല്‍ഡ് പ്രൊട്ടക്ഷന്‍ ഓഫീസര്‍  കെ. എസ് മല്ലിക, ചൈല്‍ഡ് ലൈന്‍ കോ-ഓര്‍ഡിനേറ്റര്‍ ജസ്റ്റിന്‍ മൈക്കിള്‍, സോജീഷ്. കെ. സാം, ചൈല്‍ഡ് ലൈന്‍ പ്രവര്‍ത്തകര്‍ എന്നിവര്‍ പങ്കെടുത്തു.

കോട്ടയം ജില്ലയില്‍ കാലവര്‍ഷ ദുരന്ത നിവാരണ പ്രവര്‍ത്തനങ്ങളുടെ ചുമതലയുള്ള  ഉദ്യോഗസ്ഥര്‍ക്കായി സംസ്ഥാന  ദുരന്ത നിവാരണ അതോറിറ്റിയുടെ (കെ.എസ്.ഡി.എം.എ)  ആഭിമുഖ്യത്തില്‍ ഓണ്‍ലൈന്‍ പരിശീലന പരിപാടി സംഘടിപ്പിച്ചു.

ജില്ലാ തലത്തിലും താലൂക്ക് തലത്തിലും രൂപീകരിച്ചിട്ടുള്ള ഇന്‍സിഡന്‍റ് റെസ്പോണ്‍സ് സിസ്റ്റ(ഐ.ആര്‍.എസ്)ത്തിലെ ഉദ്യോഗസ്ഥരുടെ ചുമതലകള്‍ സംബന്ധിച്ച്  നാഷണൽ ഇന്‍സ്റ്റിറ്റ്യൂട്ട് ഓഫ് ഡിസാസ്റ്റര്‍ മാനേജ്മെന്‍റിലെ അസോസിയേറ്റ് പ്രഫസര്‍ ശേഖര്‍ ചതുര്‍വ്വേദി ക്ലാസ് നയിച്ചു.

കോട്ടയം ജില്ലാ പഞ്ചായത്തില്‍ ഹരിതാഭം പച്ചക്കറി കൃഷി പദ്ധതിക്ക്  തുടക്കമായി.  വിഷ രഹിത പച്ചക്കറി ഉത്പാദനത്തിനായി കൃഷി വകുപ്പ് നടപ്പാക്കുന്ന സുഭിക്ഷ കേരളം പദ്ധതിയില്‍ ഉള്‍പ്പെടുത്തിയാണ് ജില്ലാ പഞ്ചായത്ത് അങ്കണത്തിലും പരിസരത്തും പച്ചക്കറി കൃഷി നടത്തുന്നത്. 

ജില്ലാ പഞ്ചായത്ത് പ്രസിഡന്‍റ് അഡ്വ. സെബാസ്റ്റ്യന്‍ കുളത്തുങ്കല്‍ പദ്ധതി ഉദ്ഘാടനം ചെയ്തു. 

സുഭിക്ഷ കേരളവുമായി ബന്ധപ്പെട്ട് ജില്ലയെ ഭക്ഷ്യ സ്വയംപര്യാപ്തതയിലേക്ക് നയിക്കുന്നതിന് നാലു കോടി രൂപയുടെ പദ്ധതികളാണ് ജില്ലാ പഞ്ചായത്ത് തയാറാക്കിയിരിക്കുന്നതെന്ന് പ്രസിഡന്‍റ് പറഞ്ഞു. 

ജില്ലയില്‍ ഓണ്‍ലൈന്‍ പഠനത്തിന് വീടുകളില്‍ സൗകര്യമില്ലാത്ത കുട്ടികള്‍ക്ക് സഹായഹസ്തവുമായി അക്ഷയ കേന്ദ്രങ്ങളും സജീവം. ജില്ലാ വിദ്യാഭ്യാസ ഓഫീസുമായും തദ്ദേശഭരണ സ്ഥാപനങ്ങളുമായും സഹകരിച്ചാണ് വിവിധ മേഖലകളിലെ അക്ഷയ കേന്ദ്രങ്ങളില്‍ പഠനത്തിന് ക്രമീകരണം ഏര്‍പ്പെടുത്തുന്നത്.

മരങ്ങാട്ടുപിള്ളി, കൂട്ടിക്കല്‍ ടൗണ്‍, കോരുത്തോട് അക്ഷയ കേന്ദ്രങ്ങളില്‍ ഓണ്‍ലൈന്‍ ക്ലാസ് തുടങ്ങിയിട്ടുണ്ട്. വയല, മുക്കാട്ടുപടി അക്ഷയ സംരംഭകര്‍ സ്കൂളിലും വായനശാലയിലുമായി പഠനത്തിനാവശ്യമായ ടി.വിയും കേബിള്‍ കണക്ഷനും സജ്ജീകരിച്ചു നല്‍കി.