കഴിഞ്ഞ അധ്യയന വര്‍ഷത്തില്‍ എസ് എസ് എല്‍ സി പരീക്ഷയില്‍  മുഴുവന്‍ വിഷയങ്ങള്‍ക്കും എ പ്ലസ് നേടിയ പട്ടികവര്‍ഗ്ഗ വിദ്യാര്‍ഥികള്‍ക്ക് പട്ടികവര്‍ഗ്ഗ വികസന വകുപ്പ് നല്‍കുന്ന സ്വര്‍ണ്ണ നാണയം കലക്ടര്‍ ടി വി സുഭാഷ്  വിതരണം ചെയ്തു.  ജില്ലയിലെ ആറു പട്ടിക വര്‍ഗ്ഗ വിദ്യാര്‍ഥികള്‍ക്കാണ് നാലു ഗ്രാം വീതമുള്ള സ്വര്‍ണ്ണ നാണയം  വിതരണം ചെയ്തത്.  അപര്‍ണ്ണ കൃഷ്ണന്‍,  ഇ അജിഷ,   സായന്ത് രാമകൃഷ്ണന്‍,  ഇ ജി കൃഷ്ണ,  പി സൂര്യ,  ഇ അഗിഷ എന്നിവരാണ് സ്വര്‍ണ നാണയത്തിന് അര്‍ഹരായത്.

ഗോദയില്‍ വീറോടെ പൊരുതുന്ന ശാലിനിക്കും ലക്ഷ്മിക്കും ഇനി പാതിവഴിയില്‍ ഉപേക്ഷിക്കപ്പെട്ട വീടെന്ന സ്വപ്‌നത്തിന് ചിറക് നല്‍കാം. ദേശീയ ഗുസ്തി മത്സരങ്ങളില്‍ കേരളത്തിന്റെ അഭിമാനമായ സഹോദരിമാര്‍ക്കായി അട്ടപ്പാടിയില്‍ വീടൊരുങ്ങുകയാണ്. സാമ്പത്തിക ബുദ്ധിമുട്ടുകള്‍ നേരിട്ടതോടെ  വീടുപണി നിര്‍ത്തിവെക്കുകയായിരുന്നു. കണ്ണൂര്‍ സ്‌പോട്‌സ് കൗണ്‍സില്‍ ഇക്കാര്യം കല്കടറുടെ ശ്രദ്ധയില്‍പ്പെടുത്തുകയും ഇടപെടലുകളുടെ ഫലമായി ദയ ട്രസ്റ്റ് ഇവരുടെ സ്വപ്‌ന സാക്ഷാത്കാരത്തിന് സാക്ഷ്യം വഹിച്ചു.  ജില്ലാ കലക്ടറുടെ ചേമ്പറുടെ നടന്ന ചടങ്ങില്‍ ജില്ലാ കലക്ടര്‍ ടി വി സുഭാഷ് തുക ശാലിനിയ്ക്ക് കൈമാറി.

ആരോഗ്യകരമായ വിനോദസഞ്ചാരം എന്ന ലക്ഷ്യത്തോടെ പയ്യാമ്പലത്തെ പ്ലാസ്റ്റിക്ക് വിമുക്തമേഖലയാക്കാന്‍ തീരുമാനം. സി ആര്‍ സെഡ് ഫണ്ടില്‍ നിന്നുള്ള 30 ലക്ഷത്തോളം രൂപ ചെലവില്‍ ടൂറിസം പ്രമോഷന്‍ കൗണ്‍സില്‍, ശുചിത്വമിഷന്‍, ജില്ലാഭരണകൂടം, കോര്‍പ്പറേഷന്‍ എന്നിവരുടെ സംയുക്താഭിമുഖ്യത്തില്‍ ഇതിനായി പദ്ധതി തയ്യാറാക്കും. പുനരുപയോഗംസാധ്യമല്ലാത്ത പ്ലാസ്റ്റിക്ക് സാമഗ്രികള്‍ക്കൊപ്പം എല്ലാത്തരം പ്ലാസ്റ്റിക്കുകളുടെയും വില്‍പ്പനയും വിതരണവും ഉപയോഗവും പ്രദേശത്ത് കര്‍ശനമായി നിരോധിക്കും.

മണ്ണെണ്ണ പെര്‍മിറ്റ്: പരിശോധന മാര്‍ച്ച് 15ന്
പരമ്പരാഗത മത്സ്യത്തൊഴിലാളികള്‍ക്ക് മത്സ്യബന്ധനത്തിനായി മണ്ണെണ്ണ പെര്‍മിറ്റ് അനുവദിക്കുന്നതിനായി ഫിഷറീസ്, സിവില്‍ സപ്ലൈസ്, മത്സ്യഫെഡ് വകുപ്പുകളിലെ ഉദേ്യാഗസ്ഥരുടെ നേതൃത്വത്തില്‍ വള്ളവും എഞ്ചിനും പരിശോധിക്കുന്നു. തെരഞ്ഞെടുത്ത പരിശോധനാ കേന്ദ്രങ്ങളില്‍ മാര്‍ച്ച് 15 ന് രാവിലെ എട്ട് മണിമുതല്‍ വൈകുന്നേരം അഞ്ച് മണിവരെ ഭൗതീക പരിശോധന നടത്തും.

സര്‍ക്കാര്‍ സാമൂഹ്യ സുരക്ഷാമിഷന്‍ നടപ്പാക്കുന്ന വി കെയര്‍ പദ്ധതിയുടെ ഭാഗമായുള്ള വി കെയര്‍ ഇവന്റ്  2020 മാര്‍ച്ച് 15ന്  ദിനേശ് ഓഡിറ്റോറിയത്തില്‍ നടക്കും. സ്വാഗതസംഘ രൂപീകരണ യോഗത്തിലാണ് ഇക്കാര്യം അറിയിച്ചത്. മന്ത്രിമാരായ ഇപി ജയരാജന്‍, കെ കെ ശൈലജ, കടന്നപ്പള്ളി രാമചന്ദ്രന്‍, മേയര്‍ സുമാ ബാലകൃഷ്ണന്‍, എംപിമാര്‍, എംഎല്‍എമാര്‍ എന്നിവരടങ്ങുന്ന രക്ഷാധികാരി കമ്മിറ്റിയും ജില്ലാ കലക്ടര്‍ ടി വി സുഭാഷ് ജനറല്‍ കണ്‍വീനറും ജില്ലാ പഞ്ചായത്ത് പ്രസിഡണ്ട് കെ വി സുമേഷ് ചെയര്‍മാനുമായ 201 അംഗ എക്സിക്യൂട്ടീവ് കമ്മിറ്റിയും രൂപീകരിച്ചു.

വിസ്മൃതിയിലായ വിവിധ കിഴങ്ങുവര്‍ഗങ്ങളെ പരിചയപ്പെടുത്തി സിവില്‍ സ്‌റ്റേഷന്‍ പരിസരത്ത് നടന്ന കിഴങ്ങുത്സവം ശ്രദ്ധേയമായി. സിവില്‍ സ്റ്റേഷന്റെ 60-ാം വാര്‍ഷികത്തോടനുബന്ധിച്ച് ഹരിത കേരള മിഷന്റെയും കടമ്പൂര്‍ ജീവകാന്തത്തിന്റെയും  സംയുക്താഭിമുഖ്യത്തില്‍ സംഘടിപ്പിച്ച പരിപാടി ജില്ലാ പഞ്ചായത്ത് പ്രസിഡണ്ട് കെ വി സുമേഷ് ഉദ്ഘാടനം ചെയ്തു.  

ജില്ലയില്‍ ഇത്തവണ എസ് എസ് എല്‍ സി പരീക്ഷയെഴുതുന്നത് 33771 വിദ്യാര്‍ഥികള്‍. മാര്‍ച്ച് 10ന് ആരംഭിക്കുന്ന എസ് എസ് എല്‍ സി പരീക്ഷയുടെ  ഒരുക്കങ്ങള്‍ പൂര്‍ത്തിയായി. എസ്എസ് എല്‍ സി പ്ലസ് ടു പരീക്ഷകള്‍ ഒരേ സമയത്ത് നടക്കുന്നു എന്നതാണ് ഈ വര്‍ഷത്തെ ഏറ്റവും വലിയ പ്രത്യേകത. സി സി ടി വി അടക്കമുള്ള സുരക്ഷ സൗകര്യങ്ങളും ഇത്തവണ ഉണ്ട്.
2019 -2020 വര്‍ഷത്തില്‍ ആദ്യമായി പരീക്ഷ എഴുതുന്നവര്‍ റഗുലറായും, 2016-2017 മുതല്‍ 2018-19 വരെ പരീക്ഷ എഴുതി പാസാവാത്തവര്‍ പി സി ഒ ആയും ആണ് പരീക്ഷ എഴുതുന്നത്.

ഭക്ഷ്യലഭ്യത ഉറപ്പുവരുത്തുക എന്ന ലക്ഷ്യത്തോടെ സപ്ലൈകോ പത്തനംതിട്ട ഡിപ്പോ പരിധിയിലുള്ള എല്ലാ സപ്ലൈകോ സൂപ്പര്‍ മാര്‍ക്കറ്റുകളും ഇന്ന്(15) തുറന്നു പ്രവര്‍ത്തിക്കുമെന്ന് സപ്ലൈകോ ജില്ലാ ഡിപ്പോ മാനേജര്‍ അറിയിച്ചു.

കോവിഡ് 19 രോഗബാധയുമായി ബന്ധപ്പെട്ട പ്രതിരോധ നടപടികള്‍ വിലയിരുത്തുന്നതിന് രാജു എബ്രഹാം എംഎല്‍എയുടെ നേതൃത്വത്തില്‍ റാന്നി പഞ്ചായത്ത് കമ്മ്യൂണിറ്റി ഹാളില്‍ 16ന് രാവിലെ 10.30ന് യോഗം ചേരും. റാന്നി മണ്ഡലത്തിലുള്ള തദ്ദേശ സ്ഥാപങ്ങളിലെ പ്രതിനിധികള്‍, ഡോക്ടര്‍മാര്‍, ആരോഗ്യ പ്രവര്‍ത്തകര്‍, ആശാ പ്രവര്‍ത്തകര്‍, സന്നദ്ധ സംഘടനകള്‍, ജനപ്രതിനിധികള്‍ തുടങ്ങിയവര്‍ യോഗത്തില്‍ പങ്കെടുക്കണമെന്ന് റാന്നി തഹസില്‍ദാര്‍ സാജന്‍ വി. കുര്യാക്കോസ് അറിയിച്ചു.

കോവിഡ് 19 വൈറസ് നിയന്ത്രണത്തിന്റെ ഭാഗമായി വീടുകളില്‍ ഐസൊലേഷനില്‍ കഴിയുന്നവര്‍ക്ക് സൗജന്യ ഭക്ഷണ കിറ്റ് നല്‍കുന്നു. മാര്‍ ക്രിസോസ്റ്റം പാലിയേറ്റീവ് കെയറിന്റേയും പത്തനംതിട്ട റീഹാബിലിറ്റേഷന്‍ ആന്‍ഡ് പാലിയേറ്റീവ് കെയറിന്റേയും നേതൃത്വത്തിലാണ് വിവിധ പഞ്ചായത്തുകളിലെ ഐസൊലേഷനില്‍ കഴിയുന്നവര്‍ക്ക് കിറ്റുകള്‍ നല്‍കുന്നത്. ആരോഗ്യവകുപ്പ് ലിസ്റ്റിലുള്ള ഐസൊലേറ്റഡ് കുടുംബങ്ങള്‍ക്കാണ് കിറ്റ് എത്തിക്കുക. കിറ്റ് ആവശ്യമുള്ളവര്‍ 9447269714, 9446305306 എന്നീ നമ്പറില്‍ ബന്ധപ്പെടുക.