കോവിഡ് സ്ഥിരീകരിച്ച് വിദഗ്ധ ചികിത്സക്കു ശേഷം രോഗം ഭേദമായ ഏഴു പേര്‍ വീടുകളിലേക്ക് മടങ്ങി. അഞ്ച് പേര്‍ മഞ്ചേരി ഗവ. മെഡിക്കല്‍ കോളജ് ആശുപത്രിയില്‍ നിന്നും രണ്ട് പേര്‍ കാളികാവ് സഫ ആശുപത്രിയില്‍ നിന്നുമാണ് പ്രത്യേക ആംബുലന്‍സുകളില്‍  വീടുകളിലേക്ക് മടങ്ങിയത്.

    മഞ്ചേരി നഗരസഭയിലെ മൂന്ന് വാര്‍ഡുകള്‍ കണ്‍െയിന്‍മെന്റ് സോണില്‍ നിന്ന് ഒഴിവാക്കി. രോഗവ്യാപന സാധ്യതയില്ലെന്ന കാരണത്താലാണിതെന്ന് ജില്ലാ കലക്ടര്‍ കെ. ഗോപാലകൃഷ്ണന്‍ അറിയിച്ചു. അതേസമയം മഞ്ചേരി നഗരസഭയിലെ ഒമ്പത് വാര്‍ഡുകള്‍ കണ്‍െയിന്‍മെന്റ് സോണില്‍ തുടരും.
   മഞ്ചേരി നഗരസഭയില്‍ 05, 06, 09 എന്നീ വാര്‍ഡുകളാണ് കണ്‍െയിന്‍മെന്റ് സോണില്‍ നിന്ന് ഒഴിവാക്കിയത്. 07, 12, 14, 16, 33, 42, 45, 46, 50 എന്നീ വാര്‍ഡുകള്‍ കണ്‍െയിന്‍മെന്റ് സോണില്‍ തുടരും. ഈ വാര്‍ഡുകളില്‍ കര്‍ശന നിയന്ത്രണങ്ങള്‍ തുടരുമെന്നും ജില്ലാ കലക്ടര്‍ അറിയിച്ചു.
(എം.പി.എം 2204/2020)
 

കോവിഡ് 19 പ്രതിരോധത്തിന്റെ ഭാഗമായുള്ള ആരോഗ്യ ജാഗ്രത ലംഘിച്ചതിന് ജില്ലയില്‍ ആറ് കേസുകള്‍ കൂടി ഇന്നലെ (ജൂണ്‍ 13) രജിസ്റ്റര്‍ ചെയ്തതായി ജില്ലാ പൊലീസ് മേധാവി യു. അബ്ദുള്‍ കരീം അറിയിച്ചു.  വിവിധ സ്റ്റേഷനുകളിലായി ആറ് പേരെ ഇന്നലെ അറസ്റ്റു ചെയ്തു. ഇതോടെ ആരോഗ്യ ജാഗ്രത ലംഘിച്ചതിന് പൊലീസ് രജിസ്റ്റര്‍ ചെയ്ത കേസുകളുടെ എണ്ണം 4,572 ആയി. 5,628 പേരെയാണ് ഇതുവരെ അറസ്റ്റു ചെയ്തത്. ജില്ലയിലാകെ ഇതുവരെ 2,604 വാഹനങ്ങളും പിടിച്ചെടുത്തിട്ടുണ്‍്.

ജില്ലയില്‍ ആകെ നിരീക്ഷണത്തിലുള്ളത് 13,270 പേര്‍

മലപ്പുറം ജില്ലയില്‍ 15 പേര്‍ക്ക് കൂടി ഇന്നലെ (ജൂണ്‍ 13) കോവിഡ് 19 സ്ഥിരീകരിച്ചു. ഇതില്‍ എട്ട് പേര്‍ക്ക് സമ്പര്‍ക്കത്തിലൂടെയാണ് രോഗബാധ. ഒരാള്‍ ഇതര സംസ്ഥാനത്ത് നിന്നും ആറു പേര്‍ വിദേശ രാജ്യങ്ങളില്‍ നിന്നും എത്തിയവരാണ്. പുതുതായി രോഗബാധ സ്ഥിരീകരിച്ചവരില്‍ ഒരാള്‍ കണ്ണൂര്‍ മെഡിക്കല്‍ കോളജ് ആശുപത്രിയിലും മറ്റുള്ളവര്‍ മഞ്ചേരി ഗവ. മെഡിക്കല്‍ കോളജ് ആശുപത്രിയിലും ഐസൊലേഷനില്‍ ചികിത്സയിലാണെന്ന് ജില്ലാ കലക്ടര്‍ കെ. ഗോപാലകൃഷ്ണന്‍ അറിയിച്ചു. ഇവര്‍ക്ക് പുറമെ മഞ്ചേരിയില്‍ ചികിത്സയിലുള്ള ഒരു കോഴിക്കോട് സ്വദേശിക്കും ഒരു പാലക്കാട് സ്വദേശിക്കും ഇന്നലെ വൈറസ് ബാധ സ്ഥിരീകരിച്ചിട്ടുണ്‍്. 

ജില്ലാ പബ്ലിക് ഹെല്‍ത്ത് ലാബില്‍ വിവിധ തസ്തികകളില്‍ താത്ക്കാലികമായി നിയമനം നടത്തുന്നു. ജൂനിയര്‍ കണ്‍സള്‍ട്ടന്റ് (ഒഴിവ് -രണ്ട്), സയന്റിസ്റ്റ് (ഒന്ന്), സയന്റിഫിക് അസിസ്റ്റന്റ്(ഒന്ന്), ടെക്‌നീഷ്യന്‍(നാല്), ലാബ് ടെക്‌നീഷ്യന്‍ (എട്ട്), ജൂനിയര്‍ ലാബ് അസിസ്റ്റന്റ് (നാല്), ഹോസ്പിറ്റല്‍ അറ്റെന്‍ഡന്റ് ഗ്രേഡ് രണ്ട് (നാല്), ഡാറ്റ എന്‍ട്രി ഓപ്പറേറ്റര്‍(നാല്) തുടങ്ങിയ തസ്തികകളിലാണ് നിയമനം.

കേരള മോട്ടോര്‍ തൊഴിലാളി ക്ഷേമനിധി ബോര്‍ഡില്‍ അംഗത്വമുള്ള തൊഴിലാളികള്‍ക്ക്  പ്രഖ്യാപിച്ചിട്ടുളള കോവിഡ് -19 ധനസഹായത്തിനുളള അപേക്ഷ സമര്‍പ്പിക്കുവാനുളള അവസാന തീയതി  ജൂണ്‍ 30 വരെ നീട്ടി. പെന്‍ഷന്‍ ഉള്‍പ്പെടെ വിവിധ ആനുകൂല്യങ്ങള്‍ക്കുളള അപേക്ഷ സമര്‍പ്പിക്കുന്നതിനുളള സമയപരിധി ലോക്ഡൗണ്‍ കാലയളവില്‍ അവസാനിച്ചതിനാല്‍ അപേക്ഷ സമര്‍പ്പിക്കാന്‍ കഴിയാതെ പോയവര്‍ക്ക് അപേക്ഷിക്കുന്നതിനുളള സമയപരിധിയും മൂന്ന് മാസത്തേക്ക് കൂടി ദീര്‍ഘിപ്പിച്ചതായി ജില്ലാ എക്സിക്യൂട്ടീവ് ഓഫീസര്‍ അറിയിച്ചു.
(എം.പി.എം 2198/2020)
 

ഇന്‍സിഡന്റ് റെസ്പോണ്‍സ് സംവിധാനം സജ്ജമായി