ജില്ലയില്‍ 166 പേര്‍ക്ക് കോവിഡ് വൈറസ് ബാധയില്ലെന്ന് ആരോഗ്യ വകുപ്പ് സ്ഥിരീകരിച്ചതായി ജില്ലാ കലക്ടര്‍ ജാഫര്‍ മലിക് അറിയിച്ചു. 205 സാമ്പിളുകളാണ് രണ്‍ു ഘട്ട വിദഗ്ധ പരിശോധനകള്‍ക്കായി അയച്ചത്. ആശങ്കപ്പെടേണ്‍ സാഹചര്യങ്ങളില്ലെന്നും മുന്‍കരുതല്‍ പ്രവര്‍ത്തനങ്ങള്‍ ഊര്‍ജ്ജിതമായി പുരോഗമിക്കുകയാണെന്നും ജില്ലാ കലക്ടര്‍ വ്യക്തമാക്കി.

* അതിഥികളുമായി ഇടപെഴകുമ്പോള്‍ കുറഞ്ഞത് ഒരു മീറ്റര്‍ അകലം പാലിക്കുക.
*വ്യക്തികളുടെ റൂമുകള്‍, ടോയ്‌ലറ്റുകള്‍, വസ്ത്രങ്ങള്‍ എന്നിവ വൃത്തിയാക്കുന്നവര്‍ മുന്‍കരുതല്‍ എടുക്കുക.
*മാസ്‌കുകള്‍ ധരിക്കുക.
* സോപ്പും വെള്ളവും ഉപയോഗിച്ച് കൈകള്‍ ഇടയ്ക്കിടക്ക് കഴുകി വൃത്തിയാക്കുക
*റൂമുകള്‍ വൃത്തിയാക്കാന്‍ ബ്ലീച്ച് സൊല്യൂഷന്‍/ഫീനോള്‍ ഉപയോഗിക്കുക.
*അതിഥികള്‍ റൂമുകള്‍ ഒഴിയുന്ന സമയത്ത് എ.സി ഓഫ് ചെയ്ത് ജനാലകള്‍ തുറന്നിട്ട് വായു സഞ്ചാരം ഉറപ്പാക്കണം.
*രോഗ ലക്ഷണങ്ങളുള്ള സഞ്ചാരികളുടെ വിവരങ്ങള്‍ ദിശാനമ്പറായ 1056 മായി ബന്ധപ്പെടണം.
(എം.പി.എം 1001/2020)

ആരെങ്കിലും എന്തെങ്കിലും പറഞ്ഞാല്‍ വിശ്വസിക്കാന്‍ മാത്രം മണ്ട•ാരല്ല മലയാളികളെങ്കിലും കിട്ടിയ വിവരം ശരിയോ തെറ്റോ എന്ന് നോക്കാതെ പങ്കുവെക്കുന്ന ശീലത്തിന് കാര്യമായ മാറ്റമൊന്നുമില്ല. എന്നാല്‍ ലോക രാജ്യങ്ങളെ ഭീതിയിലാഴ്ത്തിയ കോവിഡ് 19 നെ സംബന്ധിച്ച് വ്യാജ വാര്‍ത്തകള്‍ പങ്കുവെച്ചാല്‍ ഉടന്‍ പിടി വീഴുമെന്ന് ഉറപ്പ്. 

പക്ഷിപ്പനി പ്രതിരോധ പ്രവര്‍ത്തനങ്ങള്‍ ഊര്‍ജ്ജിതമായി തുടരുന്നു. പ്രതിരോധ പ്രവര്‍ത്തനങ്ങളിലെ ഒന്നാംഘട്ടത്തില്‍ ഇന്നലെ (മാര്‍ച്ച് 15) പരപ്പനങ്ങാടി നഗരസഭയിലും മൂന്നിയൂര്‍ ഗ്രാമപഞ്ചായത്തിലെ ചുഴലി പ്രദേശങ്ങളിലുമാണ് പക്ഷികളെ കൊന്നൊടുക്കിയത്. മൂന്നിയൂരില്‍ 81 വീടുകളിലെത്തി നടപടികള്‍ പൂര്‍ത്തിയാക്കിയപ്പോള്‍ പരപ്പനങ്ങാടിയില്‍ കഴിഞ്ഞ ദിവസങ്ങളില്‍ എത്തിയ വാര്‍ഡുകളിലും സംഘം പക്ഷികളെ കൊന്നൊടുക്കി. ഇന്ന് (മാര്‍ച്ച് 16) തിരൂരങ്ങാടി പരപ്പനങ്ങാടി നഗരസഭയില്‍ പക്ഷികളെ കൊല്ലുന്നത് തുടരും.

കൊറോണ രോഗ പ്രതിരോധത്തിന്റെ ഭാഗമായി ജില്ലയില്‍ 41 പേര്‍ കൂടി നിരീക്ഷണത്തില്‍. ഇതോടെ വീടുകളില്‍ നിരീക്ഷണത്തില്‍ കഴിയുവരുടെ എണ്ണം 164 ആയി. 16 പേരുടെ സാമ്പിള്‍ പരിശോധയ്ക്ക് അയച്ചതില്‍ 9 പരിശോധനാഫലം നെഗറ്റീവ് ആണ്. 7 പേരുടെ പരിശോധനാഫലം ലഭിക്കാനുണ്ട്.

ഐ.സി ബാലകൃഷ്ണന്‍ എം.എല്‍.എയുടെ ആസ്തി വികസന ഫണ്ടില്‍ നിന്നും മീനങ്ങാടി ഗവ.എല്‍.പി,  കല്ലിങ്കര ഗവ.യു.പി,  കാരച്ചാല്‍ ഗവ.യു.പി, കുന്താണി ഗവ.എല്‍.പി. എന്നീ വിദ്യാലയങ്ങള്‍ക്ക് ബസ് വാങ്ങുന്നതിന് 12,50,000 രൂപ വീതം 50 ലക്ഷം രൂപയും, പൂതാടി ഗ്രാമ പഞ്ചായത്തില്‍ പൊന്നങ്കര ചാത്തിക്കൊല്ലി റോഡ് ടാറിംഗ്, കോണ്‍ക്രീറ്റ് പ്രവൃത്തിക്ക് 20 ലക്ഷം രൂപയും അനുവദിച്ചു.

കൊറോണ പ്രതിരോധത്തിന്റെ ഭാഗമായി ജില്ലയിലെ അങ്കണവാടികള്‍ അടച്ചിട്ടിരിക്കുന്ന സാഹചര്യത്തില്‍ കുട്ടികള്‍ക്ക് നല്‍കേണ്ട ഭക്ഷണം വീടുകളില്‍ എത്തിച്ചു തുടങ്ങി. കുട്ടികള്‍ക്ക് അങ്കണവാടികളില്‍ നിന്ന് നല്‍കുന്ന പോഷകാഹാരങ്ങള്‍ മുടങ്ങരുതെന്നും അവ വീടുകളില്‍ എത്തിച്ച് നല്‍കണമെന്നും മുഖ്യമന്ത്രി നിര്‍ദേശിച്ചിരുന്നു. ഇതിന്റെ അടിസ്ഥാനത്തിലാണ് കല്‍പ്പറ്റ നഗരസഭയ്ക്ക് കീഴിലെ മണിയങ്കോട് ആദിവാസികോളനിയില്‍ അംഗന്‍വാടി പ്രവര്‍ത്തകര്‍ ഭക്ഷണ കിറ്റ് എത്തിച്ച് തുടങ്ങിയത്. ശര്‍ക്കര, റാഗി, പാല്‍പൊടി, അരി, ചെറുപയര്‍, നുറുക്ക് ഗോതമ്പ്, വെളിച്ചെണ്ണ, കടല തുടങ്ങിയവ അടങ്ങിയ കിറ്റ് വിതരണംചെയ്തു.

കുരങ്ങുപനി, പക്ഷിപ്പനി, കൊറോണ എന്നിവ സംബന്ധിച്ചുള്ള ജില്ലയിലെ സ്ഥിതിഗതികള്‍ ഗതാഗത വകുപ്പ് മന്ത്രി എ. കെ ശശീന്ദ്രന്റെ അദ്ധ്യക്ഷതയില്‍ ശനിയാഴ്ച (മാര്‍ച്ച് 14)  അവലോകനം ചെയ്യും. ആസൂത്രണ ഭവനിലെ എ. പി. ജെ ഹാളില്‍ ചേരുന്ന രാവിലെ 10.30 ന് ചേരുന്ന യോഗത്തില്‍ വിവിധ വകുപ്പുകളിലെ തല ഉദ്യോഗസ്ഥര്‍, പഞ്ചായത്ത് നഗരസഭ സെക്രട്ടറിമാര്‍, ഐ.ടി.ഡി.പി പ്രൊജക്ട് ഓഫീസര്‍, ട്രൈബല്‍ ഡെവലപ്‌മെന്റ് ഓഫീസര്‍മാര്‍, തഹസില്‍ദാര്‍മാര്‍ എന്നിവര്‍ പങ്കെടുക്കണമെന്ന് ജില്ലാ കളക്ടര്‍ ഡോ. അദീല അബ്ദുള്ള  അറിയിച്ചു.