ഏതു വെല്ലുവിളികളേയും കേരളം അതിജീവിക്കുമെന്ന് ഗതാഗത മന്ത്രി എ.കെ.ശശീന്ദ്രൻ. കോവിഡ് പശ്ചാത്തലത്തിൽ നടക്കുന്ന ഓൺലൈൻ ക്ലാസ്സുകളുടെ  ചേളന്നൂർ ബി.ആർ.സി തല പ്രഖ്യാപനം അണ്ടിക്കോട് ടി.എം.രവീന്ദ്രൻ മെമ്മോറിയൽ വായനശാലയിൽ നടത്തുകയായിരുന്നു മന്ത്രി. മാതൃകാപരമായാണ് എസ്. എസ്. എൽ. സി, പ്ലസ്ടു  പരീക്ഷകൾ കേരളത്തിൽ നടത്തിയത്.  ഒരു വിദ്യാർത്ഥിക്ക് പോലും  ഓൺലൈനിലൂടെ  ലഭിക്കുന്ന ക്ലാസുകൾ നഷ്ട്ടമാവരുതെന്നും   മന്ത്രി പറഞ്ഞു. 33 ഓൺലൈൻ പഠന കേന്ദ്രങ്ങൾ ആണ് ചേളന്നൂർ ബിആർസിക്ക് കീഴിലുള്ളത്.

ജില്ലയിലെ കൊവിഡ് പ്രതിരോധ പ്രവര്‍ത്തനങ്ങള്‍ക്കായി മിഷന്‍ കോഴിക്കോട് 1000 പി.പി.ഇ കിറ്റുകള്‍ ജില്ലാ ഭരണകൂടത്തിന് കൈമാറി. മിഷന്‍ കോഴിക്കോട് ചെയര്‍മാന്‍ എം.കെ മുനീര്‍ എം.എല്‍.എയില്‍ നിന്ന് ജില്ലാ കലക്ടര്‍ സാംബശിവ റാവു കിറ്റുകള്‍ ഏറ്റുവാങ്ങി. കോവിഡ് രോഗബാധയുള്ളവരെ ചികിത്സിക്കുന്ന ഡോക്ടര്‍മാര്‍ക്കും മറ്റു ആരോഗ്യപ്രവര്‍ത്തകര്‍ക്കും വേണ്ടിയാണ് കിറ്റുകള്‍ നല്‍കിയത്. മേയര്‍ തോട്ടത്തില്‍ രവീന്ദ്രന്‍, ജില്ലാ പഞ്ചായത്ത് പ്രസിഡന്റ് ബാബു പറശ്ശേരി,  കോർപ്പറേഷൻ ഹെൽത്ത് ഓഫീസർ കെ.ഗോപകുമാർ, എൻ.സി അബൂബക്കർ, സി.ടി സക്കീർ ഹുസൈൻ,  കാദിരിക്കോയ എന്നിവര്‍ സംബന്ധിച്ചു.

674 പഠനകേന്ദ്രങ്ങള്‍ക്ക് ജില്ലയില്‍ തുടക്കമായി

നാല് പേര്‍ക്ക് രോഗമുക്തി

കോഴിക്കോട് ജില്ലയില്‍ ഇന്ന് (15.06.20)  ആറു പേര്‍ക്ക് കൂടി കോവിഡ് സ്ഥിരീകരിച്ചതായും നാല് പേര്‍ രോഗമുക്തരായതായും ജില്ലാ മെഡിക്കല്‍ ഓഫീസര്‍ ഡോ. ജയശ്രീ വി. അറിയിച്ചു. പോസിറ്റീവായവരില്‍ അഞ്ച് പേര്‍ വിദേശത്ത് നിന്നും (ബഹ്‌റൈന്‍- 2, ഖത്തര്‍, കുവൈത്ത്, സൗദി- ഒന്നു വീതം) ഒരാള്‍ ഡല്‍ഹിയില്‍ നിന്നും വന്നവരാണ്.

Five new hotspots, two exempted, total 125

നാട്ടിക ഗ്രാമ പഞ്ചായത്തിലെ മത്സ്യ കർഷകർക്ക് മത്സ്യ കുഞ്ഞുങ്ങളെ വിതരണം ചെയ്യുന്നതിനുള്ള അപേക്ഷ സ്വീകരിച്ചു തുടങ്ങി. വെള്ള പേപ്പറിൽ തയ്യാറാക്കിയ അപേക്ഷ അപേക്ഷകന്റെ ആധാർ കാർഡ,് റേഷൻ കാർഡ്, നികുതി രസീത് എന്നിവയുടെ പകർപ്പുകൾ സഹിതം നാട്ടിക പഞ്ചായത്തിലോ വാർഡ് മെമ്പർമാർ മുഖേനയോ എത്തിക്കേണ്ടതാണ്. ജൂൺ 18 ാം തിയ്യതി വരെ അപേക്ഷ സ്വീകരിക്കും. അര സെന്റിന് മുകളിലുള്ള കുളങ്ങൾ ഉള്ളവർക്ക് അപേക്ഷിക്കാം.

കൈറ്റ് വിക്ടേഴ്‌സ് ചാനലിൽ പുതിയ സാങ്കേതിക സൗകര്യങ്ങൾ പ്രയോജനപ്പെടുത്തിക്കൊണ്ടുള്ള പ്രത്യേക ഓൺലൈൻ ക്ലാസുകൾ ആരംഭിച്ചു. സംപ്രേഷണം ചെയ്യുന്ന ക്ലാസുകൾ ജില്ലയിലെ ആദിവാസി ഊരുകൾ ഉൾപ്പെടെ അങ്കണവാടികൾ, കമ്മ്യൂണിറ്റി സെന്ററുകൾ എന്നിവിടങ്ങളിലായി മുഴുവൻ കുട്ടികൾക്കും കാണാൻ അവസരമൊരുക്കിയിരുന്നു. വിവിധ ക്ലാസുകൾക്ക് നേരത്തെ അറിയിച്ചിരുന്ന സമയക്രമത്തിൽ തന്നെയാണ് പുതിയ വിഷയങ്ങളുളള ക്ലാസുകൾ സംപ്രേഷണം ചെയ്തത്. ആദ്യ ക്ലാസുകൾക്ക് മികച്ച പ്രതികരണമാണ് കുട്ടികളിൽ നിന്നും രക്ഷിതാക്കളിൽ നിന്നും പൊതു സമൂഹത്തിൽ നിന്നും ലഭിച്ചത്.

ശ്വാസ തടസ്സത്തിന് ചികിത്സ തേടിയെത്തി ഗുരുവായൂർ ദേവസ്വം ആശുപത്രിയിൽ മരിച്ച വടക്കേക്കാട് സ്വദേശിനിക്ക് കോവിഡ് നെഗറ്റീവ്. വടക്കേകാട് കല്ലൂർ വട്ടംപാടം നാറാണത്ത് ജലാലുദ്ധീൻ ഭാര്യ ഖദീജയാണ് (53) മരിച്ചത്. ഇവരുടെ സ്രവം പരിശോധനയ്ക്ക് അയച്ചിരുന്നു. ഞായറാഴ്ച രാവിലെയാണ് ചികിത്സയ്ക്ക് ദേവസ്വം ആശുപത്രിയിൽ എത്തിയ ഇവർ മരണപ്പെട്ടത്. കണ്ടെയ്ൻമെന്റ് സോണിൽ നിന്നും എത്തിയ രോഗിയായതിനാൽ ഗുരുവായൂർ ദേവസ്വം ആശുപത്രി ഉടൻ അടച്ചുപൂട്ടുകയും ജീവനക്കാർ ക്വാറന്റൈനിൽ പ്രവേശിക്കുകയും ചെയ്തിരുന്നു. ഇന്നലെയാണ് (ജൂൺ 15) മരിച്ചയാൾക്ക് കോവിഡില്ലെന്ന് സ്ഥിരീകരിച്ച റിപ്പോർട്ട് വന്നത്.