ഏകാധ്യാപ സ്‌കൂളായ മൂന്നാര്‍ ലോക്കാഡ് ഡിവിഷനിലെ എം.ജി. എല്‍. സി  സ്‌കൂളില്‍  ഓണ്‍ലൈന്‍ പഠനത്തിനായി ടെലിവിഷന്‍ എത്തി. ജന്‍മന കേള്‍വി ശക്തിയും സംസാരശേഷിയും ഇല്ലാത്ത വിദ്യാര്‍ത്ഥി ഉള്‍പ്പെടെ സ്‌കൂളിലെ ആറു വിദ്യാര്‍ത്ഥികള്‍ക്കുമായാണ് ദേവികുളം സബ് കളക്ടര്‍ പ്രേം കൃഷ്ണന്റെ നേതൃത്വത്തില്‍ ടെലിവിഷനുകള്‍ എത്തിച്ച് നല്‍കിയത്. വിവിധ സന്നദ്ധ സംഘടനകളുടെ നേതൃത്വത്തില്‍ രണ്ട് ടീവികളാണ് സ്‌കൂളിന് കൈമാറിയത്. സ്‌കൂളിലെ ഏകാധ്യാപിക ജയന്തി ടെലിവിഷനുകള്‍ ഏറ്റുവാങ്ങി. സ്‌കൂളിലെ ഏഴു വിദ്യാര്‍ത്ഥികള്‍ക്കുമായി ടെലിവിഷന്‍ എത്തിച്ച് നല്‍കിയതില്‍ സന്തോഷമുണ്ടെന്ന് ഏകാധ്യാപികയായ  ജയന്തി പറഞ്ഞു.

പന്ന്യാലി ഗവണ്‍മെന്റ് യുപി സ്‌കൂളിന് സംസ്ഥാന സര്‍ക്കാര്‍ വിദ്യാഭ്യാസ വകുപ്പ് പ്ലാന്‍ ഫണ്ടില്‍ നിന്നും അനുവദിച്ച 75 ലക്ഷം രൂപ വിനിയോഗിച്ചു നിര്‍മിക്കുന്ന പുതിയ സ്‌കൂള്‍ കെട്ടിടത്തിന്റെ  ശിലാസ്ഥാപന കര്‍മം വീണാ ജോര്‍ജ് എംഎല്‍എ നിര്‍വഹിച്ചു.

മണക്കാട് ഗ്രാമപഞ്ചായത്ത് കുടുംബശ്രീ സഹായത്തോടെ നടപ്പാക്കുന്ന  ജനകീയ ഹോട്ടലിന്റെ ഉദ്ഘാടനം തൊടുപുഴ ബ്ലോക്ക് പഞ്ചായത്ത് പ്രസിഡന്റ് സിനോജ് ജോസ് എരിച്ചിരിക്കാട്ട് നിര്‍വഹിച്ചു. സംസ്ഥാന സര്‍ക്കാര്‍ ബഡ്ജറ്റില്‍ പ്രഖ്യാപിച്ച വിശപ്പുരഹിത  കേരളം പദ്ധതിയുടെ ഭാഗമായാണ്  സംസ്ഥാനത്തുടനീളം ജനകീയ ഹോട്ടലുകള്‍ കുടുംബശ്രീ ഏറ്റെടുത്ത് നടപ്പാക്കുന്നത്. സാധാരണക്കാരായവര്‍ക്ക്  ന്യായമായ വിലയില്‍ ഭക്ഷണം നല്‍കും.   20 രൂപയാണ് ഊണിന് വില.  പാഴ്‌സലിന് 25 രൂപയും.

ജില്ലയില്‍ ആകെ നിരീക്ഷണത്തിലുള്ളത് 13,158പേര്‍

കോവിഡ് 19നെ പ്രതിരോധിക്കുന്നതിന്റെ ഭാഗമായി ഖാദി ഗ്രാമ വ്യവസായ ബോര്‍ഡ് സംസ്ഥാനത്തുടനീളം ഖാദി മാസ്‌കുകള്‍ വിതരണം ചെയ്യുന്നു. തികച്ചും പരമ്പരാഗത രീതിയില്‍ ചര്‍ക്കയില്‍ നെയ്‌തെടുത്ത ഗുണമേന്‍മയുള്ള തുണികള്‍ കൊണ്ട് നിര്‍മ്മിച്ചിരിക്കുന്ന മാസ്‌കുകള്‍ കഴുകി ഉപയോഗിക്കാന്‍ വളരെ സൗകര്യപ്രദമാണ്.  കെ.ജി.എസ് മാതാ ആര്‍ക്കേഡ്, തൊടുപുഴ,  കെ.ജി.എസ് കാഞ്ഞിരമറ്റം ബൈപ്പാസ് റോഡ് പൂമംഗലം ബില്‍ഡിംഗ് തൊടുപുഴ, കട്ടപ്പന ഗാന്ധിസ്‌ക്വയറിലുള്ള ഖാദി ഗ്രാമ സൗഭാഗ്യ എന്നിവിടങ്ങളില്‍ ഖാദി മാസ്‌കുകള്‍ ലഭിക്കും.  ഫോണ്‍ 04862 222344.
 

ജൂണ്‍ 13, 14 തീയതികളിലായി 22 പ്രവാസികള്‍ കൂടി ഇടുക്കിയിലേക്ക്
മടങ്ങിയെത്തി. ഏഴ് രാജ്യങ്ങളില്‍ നിന്നായി 16 പുരുഷന്‍മാരും ആറ് വനിതകളുമാണ് കൊച്ചി, തിരുവനന്തപുരം എയര്‍പോര്‍ട്ടുകള്‍ വഴി നാട്ടിലേക്ക് മടങ്ങിയെത്തിയത്. ആരോഗ്യ പരിശോധനകള്‍ക്ക് ശേഷം ഇവരില്‍ 19 പേരെ വീടുകളിലും രണ്ട് പേരെ പെയ്ഡ് ക്വാറന്റൈന്‍ സെന്ററിലും ഒരാളെ സര്‍ക്കാര്‍ കോവിഡ് കെയര്‍ സെന്ററിലും നിരീക്ഷണത്തിലാക്കി.
 

മലപ്പുറം ജില്ലയില്‍ ആറ് പേര്‍ക്ക് കൂടി ഇന്നലെ (ജൂണ്‍ 15) കോവിഡ് 19 സ്ഥിരീകരിച്ചു. ഇതില്‍ ഒരാള്‍ക്ക് സമ്പര്‍ക്കത്തിലൂടെയാണ് രോഗബാധ. രണ്‍് പേര്‍ ഇതര സംസ്ഥാനങ്ങളില്‍ നിന്നും മൂന്ന് പേര്‍ വിദേശ രാജ്യങ്ങളില്‍ നിന്നെത്തിയവരുമാണ്. പുതുതായി രോഗബാധ സ്ഥിരീകരിച്ചവരില്‍ അഞ്ച് പേര്‍ മഞ്ചേരി ഗവ. മെഡിക്കല്‍ കോളജ് ആശുപത്രിയിലും ഒരാള്‍ തിരുവനന്തപുരം ഗവ. മെഡിക്കല്‍ കോളജ് ആശുപത്രിയിലും ചികിത്സയിലാണെന്ന് ജില്ലാ കലക്ടര്‍ കെ. ഗോപാലകൃഷ്ണന്‍ അറിയിച്ചു.