കോവിഡ്-19 വ്യാപനം തടയാൻ പരിശോധന കൂടുതൽ ഫലപ്രദമാക്കുമെന്ന് മുഖ്യമന്ത്രി പിണറായി വിജയൻ പറഞ്ഞു. ഇതുമായി ബന്ധപ്പെട്ട് ചേർന്ന ഉന്നതതല യോഗത്തിലാണ് മുഖ്യമന്ത്രി ഇക്കാര്യം പറഞ്ഞത്. ആരോഗ്യ മന്ത്രി കെ.കെ. ശൈലജ ടീച്ചറും പങ്കെടുത്തു. 

സംസ്ഥാനത്ത് കോവിഡ് 19 വൈറസ് വ്യാപകമായ സാഹചര്യത്തിൽ ഭയമോ ആശങ്കയോ കൂടാതെ ആത്മവിശ്വാസത്തോടെയുള്ള ജാഗ്രതയാണ് നമുക്ക് വേണ്ടതെന്നും പകർച്ചവ്യാധികൾ പെരുകുമ്പോൾ മുൻകരുതലുകൾ എടുക്കുകയാണ് വേണ്ടതെന്നും കടപ്പുറം ഗ്രാമ പഞ്ചായത്ത് പ്രസിഡന്റ് പി. വി ഉമ്മർകുഞ്ഞി പറഞ്ഞു. കടപ്പുറം ജിംഖാന ക്ലബ്ബ് ലഘുലേഖ വിതരണവും ബോധവത്ക്കരണവും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കടപ്പുറം പഞ്ചായത്തിൽ മാത്രം ഗൾഫ് രാജ്യങ്ങളിൽ നിന്ന് വന്ന 41 പേർ ക്വാറന്റയിൻ കഴിയുന്ന സാഹചര്യത്തിലാണ് പ്രതിരോധ പ്രവർത്തനങ്ങൾ ഊർജിതമാക്കിയത്.

കഴുകി വൃത്തിയാക്കി വീണ്ടും ഉപയോഗിക്കാവുന്ന തുണി മാസ്‌ക്കുകളുമായി വിയ്യൂർ സെൻട്രൽ ജയിൽ. ദിനം പ്രതി 500 ൽ പരം മാസ്‌കുകളാണ് അന്തേവാസികൾ രാവ് പകലാക്കി നിർമ്മിക്കുന്നത്. നിലവിലെ ത്രീ ലയർ സർജിക്കൽ മാസ്‌ക്കുകൾ കിട്ടാനില്ലാത്തതും ഉള്ളതിന് കൊള്ള വില ഈടാക്കുന്നതും ശ്രദ്ധയിൽ പെട്ടതോടെയാണ് സർക്കാരിന്റെ അടിയന്തിര ഇടപെടലിൽ സംസ്ഥാനത്തെ മൂന്ന് സെൻട്രൽ ജയിലുകളിൽ തുണി മാസ്‌ക് നിർമാണം തുടങ്ങിയത്.

തൃശൂർ റെയിൽവേ സ്റ്റേഷനിലും, കെ എസ് ആർ ടി സി , ശക്തൻ ബസ് സ്റ്റാന്റുകളിലും ആരോഗ്യ വകുപ്പിന്റെ നേതൃത്വത്തിൽ കോവിഡ് 19 ബോധവൽക്കരണം തുടങ്ങി. ആരോഗ്യ വകുപ്പ് ഉദ്യോഗസ്ഥർക്ക് പുറമെ തൃശ്ശൂർ ഗവ. നഴ്‌സിംഗ് കോളേജ് വിദ്യാർഥികൾ, ഡി ടി പി സി വളണ്ടിയർമാർ, വിവിധ ക്ലബ് അംഗങ്ങൾ, എന്നിവരടങ്ങുന്ന 100 ഓളം പേരാണ് ലഘു ലേഖകളും, നോട്ടീസുകളും വിതരണം ചെയ്തത് കൊറോണ വൈറസ് നാം അറിയേണ്ടതെല്ലാം എന്ന ലഘു ലേഖ ആണ് വിതരണം ചെയ്തത്. ഓരോ ബസുകളിലും കയറി ഇറങ്ങിയാണ് ലഘുലേഖകൾ നൽകുക.

എ എ വൈ വിഭാഗത്തില്‍പ്പെട്ടവര്‍ക്ക് കാര്‍ഡിന് 30 കി ഗ്രാം അരിയും അഞ്ച് കി ഗ്രാം ഗോതമ്പും സൗജന്യമായും ഒരു കിലോ പഞ്ചസാര 21 രൂപയ്ക്കും ലഭിക്കും.
മുന്‍ഗണനാ വിഭാഗത്തില്‍പ്പെട്ട കാര്‍ഡുകളിലെ ഓരോ അംഗത്തിനും നാല് കി ഗ്രാം അരിയും ഒരു കി ഗ്രാം ഗോതമ്പും കി ഗ്രാമിന് രണ്ട് രൂപ നിരക്കില്‍ ലഭിക്കും.      
പൊതുവിഭാഗം സബ്‌സിഡി വിഭാഗത്തില്‍പ്പെട്ട കാര്‍ഡിലെ ഓരോ അംഗത്തിനും രണ്ട് കിലോ അരി വീതം കിലോയ്ക്ക് നാല് രൂപാ നിരക്കിലും  കാര്‍ഡിന് ഒരു കിലോ മുതല്‍ രണ്ട് കിലോ വരെ ആട്ട ലഭ്യതയ്ക്കനുസരിച്ച്  കിലോയ്ക്ക് 17 രൂപാ നിരക്കിലും ലഭിക്കും.

വിവിധ റോഡുകളുടെ ഉദ്ഘാടനം മാര്‍ച്ച് 9ന്
തലശ്ശേരി നിയോജക മണ്ഡലത്തില്‍ അഭിവൃദ്ധി പ്രവൃത്തി നടത്തിയ  പൂക്കോം ചൊക്ലി റോഡ്, പൂക്കോം മാടപ്പീടിക റോഡ്, ഓറിയന്റല്‍ സ്‌കൂള്‍ വയല്‍പ്പീടിക റോഡ് എന്നിവയുടെ ഉദ്ഘാടനം മാര്‍ച്ച് ഒമ്പത് തിങ്കളാഴ്ച 2.30ന്  ചൊക്ലി വി പി ഓറിയന്റല്‍ സ്‌കൂളിന് സമീപം പൊതുമരാമത്ത് വകുപ്പ് മന്ത്രി ജി സുധാകരന്‍ നിര്‍വഹിക്കും. അഡ്വ. എ എന്‍ ഷംസീര്‍ എംഎല്‍എ അധ്യക്ഷനാകും.

പുതിയതെരു മാര്‍ക്കറ്റില്‍ ചിറക്കല്‍ ഗ്രാമപഞ്ചായത്ത് സെക്രട്ടറിയും സംഘവും നടത്തിയ പരിശോധനയില്‍ വന്‍തോതില്‍ നിരോധിത പ്ലാസ്റ്റിക് ഉല്‍പ്പന്നങ്ങള്‍ പിടികൂടി. പേപ്പര്‍ ഗ്ലാസുകള്‍,  കപ്പുകള്‍,  ഡിസ്‌പോസിബിള്‍ പ്ലേറ്റുകള്‍, സ്റ്റെറോഫോം കണ്ടെയ്‌നറുകള്‍ എന്നിവ പിടിച്ചെടുത്ത നിരോധിത വസ്തുക്കളില്‍പ്പെടുന്നു.