കോവിഡ് 19 വൈറസ് നിയന്ത്രണത്തിന്റെ ഭാഗമായി പത്തനംതിട്ട ജനറല്‍ ആശുപത്രിയില്‍ നിരീക്ഷണത്തിലുള്ളവര്‍ക്കും സേവനത്തിലുള്ള ആശുപത്രി ജീവനക്കാര്‍ക്കും ഭക്ഷണമെത്തിച്ച് ഓമല്ലൂര്‍ സാന്ത്വനം ചാരിറ്റബിള്‍ ട്രസ്റ്റ് മാതൃകയാകുന്നു. മൂന്നുദിവസമായി ജനറല്‍ ആശുപത്രിയില്‍ നിരീക്ഷണത്തിലിരിക്കുന്നവര്‍ക്കും സേവനത്തിലുള്ള ആരോഗ്യവകുപ്പു ജീവനക്കാര്‍ക്കും പ്രഭാത ഭക്ഷണം, ഉച്ചയൂണ്, വൈകിട്ടുള്ള ഭക്ഷണം എന്നിവയും സാന്ത്വനം ചാരിറ്റബിള്‍ ട്രസ്റ്റ് വിതരണത്തിനായി എത്തിക്കുന്നു. ആശുപത്രിയില്‍ എത്തിക്കുന്ന ഭക്ഷണസാധനങ്ങള്‍ ആരോഗ്യവകുപ്പു ജീവനക്കാര്‍ തന്നെയാണു നിരീക്ഷണത്തിലിരിക്കുന്നവര്‍ക്ക് വിതരണം ചെയ്യുന്നത്. 

കോവിഡ് 19 വ്യാപനം തടയുന്നതിന്റെ ഭാഗമായി ജില്ലയിലെ വിവിധ ക്രൈസ്തവ ദേവാലയങ്ങളിലും മറ്റ് മത സ്ഥാപനങ്ങളിലും മാര്‍ച്ച് 15 മുതല്‍ മാര്‍ച്ച് 31 വരെ പൊതുയോഗങ്ങളും തെരഞ്ഞെടുപ്പ് പ്രവര്‍ത്തനങ്ങളും നടത്തുന്നത് 2005ലെ ദുരന്തനിവാരണ നിയമം വകുപ്പ് 34(എം) പ്രകാരം നിര്‍ത്തിവയ്ക്കുന്നതിന് ജില്ലാ കളക്ടര്‍ പി.ബി. നൂഹ് ഉത്തരവായി. ഉത്തരവ് നടപ്പാക്കുന്നത് ഉറപ്പാക്കുന്നതിന് തിരുവല്ല സബ് കളക്ടര്‍, അടൂര്‍ ആര്‍ഡിഒ എന്നിവരെ ചുമതലപ്പെടുത്തി.

കോവിഡ് 19 വൈറസ് നിയന്ത്രണത്തിന്റെ ഭാഗമായി കൈകള്‍ എപ്പോഴും ശുദ്ധമാക്കിവയ്‌ക്കേണ്ടത് ആവശ്യമാണ്. എങ്ങനെ കൈകള്‍ കഴുകി ശുദ്ധമാക്കിവയ്ക്കാമെന്നും വൈറസ് ബാധയെ ചെറുക്കാമെന്നും മന്ത്രി കെ.രാജുവിനും ജില്ലയിലെ എംപി, എംഎല്‍എമാര്‍ മുതല്‍ പഞ്ചായത്ത് പ്രസിഡന്റുമാര്‍ വരെയുള്ള ജനപ്രതിനിധികള്‍ക്ക് ആലപ്പുഴ മെഡിക്കല്‍ കോളജിലെ വൈസ് പ്രിന്‍സിപ്പല്‍ ഡോ.സൈറുവിന്റെ നേതൃത്വത്തില്‍ പരിശീലനം നല്‍കിയത്.

കോവിഡ് 19 വൈറസ് നിയന്ത്രണത്തിന്റെ ഭാഗമായി റാന്നി ഐത്തലയില്‍ വീടുകളില്‍ നിരീക്ഷണത്തില്‍ കഴിയുന്നവര്‍ക്ക് ആവശ്യമായ മരുന്നുകള്‍ ആരോഗ്യവകുപ്പിന്റെ ആഭിമുഖ്യത്തില്‍ എത്തിച്ചുനല്‍കി. ഷുഗര്‍, പ്രഷര്‍ തുടങ്ങിയ അസുഖങ്ങള്‍ക്കുള്ള മരുന്നുകളും ഇന്‍സുലിന്‍പോലുള്ളവയും   നിരീക്ഷണത്തിലിരിക്കുന്നവരുടെ വീടുകളില്‍ എത്തിച്ചു. റാന്നി പഴവങ്ങാടി പി.എച്ച്.സിയിലെ ജീവനക്കാരാണ് നിരീക്ഷണത്തിലുള്ളവര്‍ക്ക് മറ്റ് അസുഖങ്ങള്‍ക്ക് കഴിക്കുന്ന അത്യാവശ്യ മരുന്നുകള്‍ ലഭ്യമാക്കിയത്.

ആശുപത്രികളില്‍ ആവശ്യമായ മെഡിക്കല്‍ സൗകര്യങ്ങള്‍ ഉണ്ടെന്ന് ദിവസേന ഉറപ്പുവരുത്തുകയും ആവശ്യമെങ്കില്‍ അധികസൗകര്യങ്ങള്‍ ഏര്‍പ്പെടുത്തുകയുമാണു സ്‌റ്റോര്‍ വെരിഫിക്കേഷന്‍ ഓഫീസര്‍ ഗോപാലന്റെ നേതൃത്വത്തിലുളള മെറ്റീരിയല്‍ മാനേജ്‌മെന്റ് ടീം. സര്‍വൈലന്‍സ് ടീമിന്റെ വിവരങ്ങളുടെ അടിസ്ഥാനത്തില്‍ രോഗബാധിതര്‍ക്കും ഐസലേഷനു വിധേയമാകുന്നവര്‍ക്കും എവിടെ ചികിത്സ നല്‍കണം, തുടങ്ങിയവ തീരുമാനിക്കുക ഡോ.നന്ദിനിയുടെ കീഴിലുള്ള ഇന്‍ഫ്രാസ്ട്രക്ചര്‍ ടീമാണ്.

രണ്ടു കോള്‍ സെന്ററുകളാണു ജില്ലാ ഭരണകൂടത്തിന്റെ നേതൃത്വത്തില്‍ പ്രവര്‍ത്തിച്ചുവരുന്നത്. രോഗവിവരം അറിയിക്കുവാനും ജനങ്ങളുടെ ആശങ്കകളും സംശയങ്ങളും ദൂരീകരികരിക്കുവാനും ഡോ.നിരണ്‍ ബാബുവിന്റെ നേതൃത്വത്തില്‍ 24 മണിക്കൂറും കോള്‍ സെന്റര്‍ സജ്ജം.

കൊറോണ വൈറസ് ജില്ലയില്‍ സ്ഥിരീകരിക്കുമ്പോള്‍ അടച്ചിട്ട മുറിയില്‍ ഒതുങ്ങിയിരിക്കുവാന്‍ കഴിയാത്ത ഒരു സമൂഹമുണ്ടായിരുന്നു... ജനങ്ങളുടെ ജീവന് എന്നും സുരക്ഷനല്‍കുന്ന ഡോക്ടര്‍മാര്‍ ഉള്‍പ്പെടെയുള്ള ആരോഗ്യവിഭാഗം. ജില്ലാ മെഡിക്കല്‍ ഓഫീസര്‍(ആരോഗ്യം)ഡോ.എ.എല്‍ ഷീജയുടെ നേതൃത്വത്തില്‍  ദ്രുതഗതിയിലാണു മെഡിക്കല്‍ ടീം ജില്ലയില്‍ പ്രവര്‍ത്തനമാരംഭിച്ചത്. സര്‍വസന്നാഹങ്ങളുമേകി ജില്ലാ കളക്ടര്‍ പി.ബി.നൂഹും. കോവിഡ് 19 വൈറസ്ബാധ സ്ഥിരീകരിച്ച മാര്‍ച്ച് ഏഴ് രാത്രി മുതല്‍ തുടരുകയാണ് രാപകല്‍ വ്യത്യാസമില്ലാതെ തുടരുകയാണ് ഇവരുടെ പ്രവര്‍ത്തനം. എങ്ങനെയും കോറണയെ പിടിച്ചുകെട്ടി സമൂഹത്ത സംരക്ഷിക്കുക എന്നതാണ് ഇവരുടെ ലക്ഷ്യം. 

സിന്തറ്റിക് മാസ്‌കുകള്‍ പരിസ്ഥിതി സൗഹാര്‍ദ മാസ് കുകള്‍ക്ക് വഴിമാറുന്നു. രാജു എബ്രഹാം എംഎല്‍എ, പിആര്‍ പ്രസാദ് എന്നിവരുടെ നേതൃത്വത്തില്‍ മാര്‍ ക്രിസോസ്റ്റം പാലിയേറ്റീവ് കെയറാണ് പരിസ്ഥിതി സൗഹൃദമായ തുണി കൊണ്ട് നിര്‍മിച്ച മാസ്്കുകള്‍ വിതരണം ചെയ്ത് പുതിയ തുടക്കം കുറിച്ചത്. 10000 മാസ്്കുകള്‍ വിതരണം ചെയ്യാനാണ് പരിപാടി. ആദ്യഘട്ടത്തില്‍ 1000 മാസ്‌കുകളാണ് വിതരണം ചെയ്തത്.

കോവിഡ് 19 വൈറസ് നിയന്ത്രണത്തിന്റെ ഭാഗമായി റാന്നി ഐത്തലയില്‍ വീടുകളില്‍ നിരീക്ഷണത്തില്‍ കഴിയുന്നവര്‍ക്ക് ആവശ്യമായ മരുന്നുകള്‍ ആരോഗ്യവകുപ്പിന്റെ ആഭിമുഖ്യത്തില്‍ എത്തിച്ചുനല്‍കി. ഷുഗര്‍, പ്രഷര്‍ തുടങ്ങിയ അസുഖങ്ങള്‍ക്കുള്ള മരുന്നുകളും ഇന്‍സുലിന്‍പോലുള്ളവയും   നിരീക്ഷണത്തിലിരിക്കുന്നവരുടെ വീടുകളില്‍ എത്തിച്ചു. റാന്നി പഴവങ്ങാടി പി.എച്ച്.സിയിലെ ജീവനക്കാരാണ് നിരീക്ഷണത്തിലുള്ളവര്‍ക്ക് മറ്റ് അസുഖങ്ങള്‍ക്ക് കഴിക്കുന്ന അത്യാവശ്യ മരുന്നുകള്‍ ലഭ്യമാക്കിയത്.

കോവിഡ് 19 വൈറസ് നിയന്ത്രണത്തിന്റെ ഭാഗമായി വടശേരിക്കരയില്‍ വീടുകളില്‍ നീരിക്ഷണത്തില്‍ കഴിയുന്ന 17 കുടുംബങ്ങളിലെ 64 പേര്‍ക്ക് 14 ഐറ്റങ്ങള്‍ ഉള്‍ക്കൊള്ളിച്ച ഒരാഴ്ചത്തേക്കുള്ള കിറ്റുകള്‍ ഇന്ന്(മാര്‍ച്ച് 13) വിതരണം ചെയ്തതായി ജില്ലാ കളക്ടര്‍ പി.ബി നൂഹ് അറിയിച്ചു. കൂടാതെ മറ്റ് 12 ഗ്രാമപഞ്ചായത്തുകളില്‍ 157 കുടുംബങ്ങള്‍ക്ക് 68,000 രൂപയുടെ സാധനങ്ങളും എത്തിച്ചിട്ടുണ്ടെന്നും ജില്ലാ കളക്ടര്‍ പറഞ്ഞു.