തിരുവനന്തപുരം ഗവൺമെന്റ് ലോ കോളേജിൽ 2020-21 അദ്ധ്യയന വർഷത്തിൽ സ്വാശ്രയാടിസ്ഥാനത്തിൽ നടത്തുന്ന ത്രിവൽസര യൂണിറ്ററി എൽ.എൽ.ബി (അഡിഷണൽ ബാച്ച്) കോഴ്‌സിലെ പ്രവേശനത്തിന് അപേക്ഷ ക്ഷണിച്ചു. അഞ്ച് വർഷം റഗുലർസർവ്വീസുള്ള തിരുവനന്തപുരം ജില്ലയിൽ ജോലി ചെയ്യുന്ന (സർക്കാർ-സ്വകാര്യ) ജീവനക്കാർക്ക് അപേക്ഷിക്കാം. പ്രവേശനത്തിനുള്ള അപേക്ഷാഫോറം ജൂൺ 17 മുതൽ കോളേജ് ഓഫീസിൽ നിന്നും രാവിലെ 10 മണി മുതൽ വൈകുന്നേരം നാല് മണിവരെ 1000/- രൂപ (എസ്.സി/എസ്.റ്റി വിഭാഗക്കാർക്ക് 500/- രൂപ) അടച്ച് വാങ്ങാം. പൂരിപ്പിച്ച അപേക്ഷാ ഫോറം സ്വീകരിക്കുന്ന അവസാന തിയതി ജൂലൈ 30 വൈകുന്നേരം നാല് മണി. വിശദവിവരങ്ങൾക്ക്: 9746081444/8606803525.

കെ സോമപ്രസാദ് എം പി യുടെ പ്രാദേശിക വികസന ഫണ്ട് അവലോകന യോഗം എം പി യുടെ അധ്യക്ഷതയില്‍ ജൂണ്‍ 15 ന് രാവിലെ 11 ന് കലക്‌ട്രേറ്റ് കോണ്‍ഫറന്‍സ് ഹാളില്‍ ചേരും.
(പി.ആര്‍.കെ നമ്പര്‍ 1611/2020)

കേരള സ്റ്റേറ്റ് സര്‍വീസ് പെന്‍ഷനേഴ്‌സ് യൂണിയന്‍(കെ എസ് എസ് പി യു) കൊല്ലം ടൗണ്‍ ബ്ലോക്കുകളിലെ കടപ്പാക്കട, മുളങ്കാടകം, മുണ്ടയ്ക്കല്‍, തേവള്ളി, ശക്തികുളങ്ങര യൂണിറ്റുകളില്‍ നിന്നായി സ്വരൂപിച്ച 10,94,750 രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവനായി നല്‍കി. ടൗണ്‍ ബ്ലോക്ക് പ്രസിഡന്റ് എം വിശ്വനാഥന്‍, സെക്രട്ടറി എന്‍ പി ജവഹര്‍ എന്നിവര്‍ ചേര്‍ന്ന് ജില്ലാ കലക്ടര്‍ ബി അബ്ദുല്‍ നാസറിന് ചെക്ക് കൈമാറി.
(പി.ആര്‍.കെ നമ്പര്‍ 1610/2020)

കേരള ഖാദി ഗ്രാമവ്യവസായ ബോര്‍ഡിന്റെ നിയന്ത്രണത്തില്‍ പ്രവര്‍ത്തിക്കുന്ന വിപണന ശാലകളില്‍ ഖാദി മാസ്‌ക് വില്‍പ്പന ആരംഭിച്ചു. ശുദ്ധമായ ഖാദി കോട്ടണ്‍ കൊണ്ട് നിര്‍മിച്ച ഖാദി മാസ്‌കുകള്‍ കാലാവസ്ഥക്ക് ഇണങ്ങുന്നതും ഈടുറ്റതുമാണ്. ഖാദി ബോര്‍ഡിന്റെ ജില്ലയിലെ വിപണന കേന്ദ്രങ്ങളായ ഖാദി ഗ്രാമ സൗഭാഗ്യ കര്‍ബല, കൊട്ടാരക്കര, കരുനാഗപ്പള്ളി, സഞ്ചരിക്കുന്ന വില്‍പ്പനശാല എന്നിവിടങ്ങളില്‍ ഖാദി മാസ്‌ക് ലഭിക്കും.
(പി.ആര്‍.കെ നമ്പര്‍ 1609/2020)

ജില്ലാ വിദ്യാഭ്യാസ ഓഫീസ് പരിധിയില്‍ 2019 നവംബര്‍ മാസം നടത്തിയ കേരള ടീച്ചര്‍ എലിജിബിലിറ്റി ടെസ്റ്റ്(കെ ടെറ്റ്) പരീക്ഷയില്‍ യോഗ്യത നേടിയവരുടെ സര്‍ട്ടിഫിക്കറ്റ് വിതരണം ചിന്നക്കട ക്രേവന്‍ എല്‍ എം എസ് എച്ച് എസില്‍ നടക്കും. പരീക്ഷാര്‍ഥികള്‍ക്ക് അനുവദിച്ചിരിക്കുന്ന സമയത്ത് ഹാള്‍ടിക്കറ്റ് സഹിതം നേരിട്ട് ഹാജരായി സര്‍ട്ടിഫിക്കറ്റ് കൈപ്പണം.

മെയ് 26 ന് രോഗം സ്ഥിരീകരിച്ച കുളത്തൂപ്പുഴയിലെ ഒരു വയസുള്ള പെണ്‍കുട്ടി ഉള്‍പ്പെടെ ഏഴുപേര്‍ക്ക് ഇന്നലെ(ജൂണ്‍ 12) രോഗമുക്തി.  മെയ് 24 ന് രോഗം സ്ഥിരീകരിച്ച കല്ലുവാതുക്കല്‍ സ്വദേശിനി(24), ജൂണ്‍ ഒന്നിന് രോഗം സ്ഥിരീകരിച്ചവരായ 45 വയസുള്ള മേലില സ്വദേശിനി, 51 വയസുള്ള തൃക്കരുവ സ്വദേശി എന്നിവരും ജൂണ്‍ രണ്ടിന് രോഗം സ്ഥിരീകരിച്ചവരായ ചവറ സ്വദേശി(39 വയസ്), തൃക്കോവില്‍വട്ടം സ്വദേശി(50 വയസ്) എന്നിവരും ജൂണ്‍ മൂന്നിന് രോഗം സ്ഥിരീകരിച്ച തഴവ സ്വദേശി(31 വയസ്) എന്നിവരുമാണ് രോഗം ഭേദമായി ആശുപത്രി വിട്ടത്. ഏഴുപേരും പാരിപ്പള്ളി സര്‍ക്കാര്‍ മെഡിക്കല്‍ കോളജില്‍ ചികിത്സയിലായിരുന്നു.

ജില്ലയില്‍ ഇന്നലെ(ജൂണ്‍ 12) അഞ്ച് വയസുള്ള ആണ്‍കുട്ടി ഉള്‍പ്പെടെ മൂന്നു പേര്‍ക്ക് കോവിഡ് പോസിറ്റീവ് സ്ഥിരീകരിച്ചു. രണ്ടു പേര്‍ വിദേശത്തുനിന്നും ഒരാള്‍ മുംബൈയില്‍ നിന്നും എത്തിയവരാണ്.  ഓച്ചിറ സ്വദേശികളായ രണ്ടു പേര്‍ക്കും ഉളിയക്കോവില്‍ സ്വദേശിനിക്കുമാണ് രോഗം സ്ഥിരീകരിച്ചത്. മൂവരെയും പാരിപ്പള്ളി സര്‍ക്കാര്‍ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.

ജില്ലയില്‍ ഏഴു പേര്‍ക്കു  കോവിഡ് ബാധ സ്ഥിരീകരിച്ചതായി ജില്ലാ കലക്ടര്‍ അറിയിച്ചു. വിദേശത്ത് നിന്നെത്തിയ ആറു പേര്‍ക്കും ബെംഗളൂരുവില്‍ നിന്നെത്തിയ ഒരാള്‍ക്കുമാണ് പുതുതായി രോഗം സ്ഥിരീകരിച്ചത്.

പയ്യന്നൂര്‍ ഖാദി കേന്ദ്രത്തിന്റെ മാസ്‌കുകള്‍ വിപണിയിലിറക്കി. മാസ്‌കിന്റെ ജില്ലാതല വിപണ ഉദ്ഘാടനം ഡെപ്യൂട്ടി മെഡിക്കല്‍ ഓഫീസര്‍ വി സന്തോഷിന് നല്‍കിക്കൊണ്ട് ജില്ലാ പഞ്ചായത്ത് പ്രസിഡണ്ട് കെ വി സുമേഷ് നിര്‍വഹിച്ചു.
ചടങ്ങില്‍ ജില്ലാ ഇന്‍ഫര്‍മേഷന്‍ ഓഫീസര്‍ ഇ കെ പത്മനാഭന്‍, പയ്യന്നൂര്‍ ഖാദി കേന്ദ്രം ഡയറക്ടര്‍  പി സുരേഷ്, ഡെപ്യൂട്ടി ഡയറക്ടര്‍ എന്‍ നാരായണന്‍, പ്രൊജക്ട് ഓഫീസര്‍ കെ വി രാജേഷ്, ഖാദി ഭവന്‍ മാനേജര്‍ കെ വി ഫാറൂഖ്, ടി എ ഷിനോജ് എന്നിവര്‍ പങ്കെടുത്തു

കോവിഡ് സുരക്ഷാ മുന്‍കരുതലോടെ
ദേശീയ സാമ്പിള്‍ സര്‍വേ പുനരാരംഭിച്ചു
കോവിഡ് 19 സുരക്ഷാ മുന്‍കരുതലോടെ വിവിധ ദേശീയ സാമ്പിള്‍ സര്‍വേകള്‍ പുനരാരംഭിച്ചതായി നാഷണല്‍ സ്റ്റാറ്റിക്കല്‍ ഓഫീസ് അറിയിച്ചു. 78 ാമത് സാമൂഹിക സാമ്പത്തിക സര്‍വേ, തൊഴില്‍ സേനാ സര്‍വേ, അര്‍ബന്‍ ഫ്രെയിം സര്‍വേ എന്നിവയാണ് കണ്ടെയ്‌മെന്റ് സോണുകള്‍ ഒഴികെയുള്ള വിവിധ സാമ്പിള്‍ യൂനിറ്റുകളില്‍ നടത്തുന്നത്.