കൊറോണ പകർച്ചവ്യാധി ഭീഷണി കണക്കിലെടുത്ത് വനം, ക്ഷീര വികസനം, മൃഗസംരക്ഷണം, മൃഗശാല വകുപ്പ് മന്ത്രിയുടെ നിർദ്ദേശാനുസരണം മ്യൂസിയം മൃഗശാല വകുപ്പിന്റെ കീഴിലുളള തിരുവനന്തപുരം, തൃശൂർ മൃഗശാലകളിൽ ഇനിയൊരു അറിയിപ്പ്
ഉണ്ടാകുന്നതുവരെ സന്ദർശകർക്ക് പ്രവേശനം ഉണ്ടായിരിക്കില്ല.
പി.എൻ.എക്സ്.1038/2020

നോര്‍ക്ക റൂട്ട്സിന്റെ തിരുവനന്തപുരം, കൊച്ചി, കോഴിക്കോട്  മേഖലാ ഓഫീസുകളില്‍ താല്‍ക്കാലികമായി നിര്‍ത്തിവച്ചിരിക്കുന്ന സര്‍ട്ടിഫിക്കറ്റ് അറ്റസ്റ്റേഷനും മറ്റ് സേവനങ്ങളും  മാര്‍ച്ച് 16 മുതല്‍ പുനരാരംഭിക്കുമെന്ന് ചീഫ് എക്സിക്യൂട്ടീവ് ഓഫീസര്‍ അറിയിച്ചു.

കൊറോണ  രോഗവ്യാപന പ്രതിരോധനത്തിന്റെ ഭാഗമായി ജില്ലാ ടൂറിസം പ്രമോഷന്‍ കൗണ്‍സിലിന് കീഴിലുളള വിനോദസഞ്ചാര കേന്ദ്രങ്ങള്‍ അടച്ചതായി സെക്രട്ടറി അറിയിച്ചു.  കോഴിക്കോട് ഭട്ട്റോഡ് ബീച്ച്, കോഴിക്കോട് സൗത്ത് ബീച്ച്,  കോഴിക്കോട് ബീച്ച്,  കാപ്പാട് ഒന്ന്, രണ്ട് ബീച്ച്, ബേപ്പൂര്‍ ബീച്ച്, സരോവരം ബയോ പാര്‍ക്ക്, തുഷാരഗിരി, പെരുവണ്ണാമുഴി, വയലട, അരിപാറ, നമ്പികുളം, വടകര സാന്‍ഡ്ബാങ്ക്‌സ് ബീച്ച് എന്നീ വിനോദകേന്ദ്രങ്ങളാണ് അടച്ചത്. അടുത്ത നിര്‍ദ്ദേശം ലഭിക്കുന്നതുവരെ സന്ദര്‍ശകരെ അനുവദിക്കില്ല.

ജില്ലയിലെ കോവിഡ് 19 (കൊറോണ) പ്രതിരോധ പ്രവര്‍ത്തനങ്ങള്‍ വിലയിരുത്തുന്നതിന് തൊഴില്‍ വകുപ്പു മന്ത്രി ടി.പി.രാമകൃഷ്ണന്റെ അധ്യക്ഷതയില്‍ ഇന്ന് (മാര്‍ച്ച് 14) രാവിലെ 11 ന് കലക്ടറേറ്റിലെ ജില്ലാ ആസൂത്രണ സമിതി ഹാളില്‍ യോഗം ചേരും.  ജില്ലയിലെ എംപിമാര്‍, എം എല്‍എമാര്‍, കോര്‍പ്പറേഷന്‍ മേയര്‍, ഡെപ്യൂട്ടി മേയര്‍,  തദ്ദേശ സ്വയംഭരണ സ്ഥാപന പ്രസിഡന്റുമാര്‍, സെക്രട്ടറിമാര്‍, വകുപ്പുതല ഉദ്യോഗസ്ഥര്‍, ആരോഗ്യ വകുപ്പ് ഉദ്യോഗസ്ഥര്‍  തുടങ്ങിയവര്‍ പങ്കെടുക്കും

കോഴിക്കോട് കോര്‍പ്പറേഷന്‍ - സ്റ്റേഡിയം - അശോക ഹോസ്പ്പിറ്റല്‍ റോഡിന്റെ പുനരുദ്ധാരണ പ്രവര്‍ത്തി തുടങ്ങുന്നതിനാല്‍ ഇന്ന് (മാര്‍ച്ച് 14) മുതല്‍ പ്രവൃത്തി തീരുന്നതു വരെ ഇതു വഴിയുള്ള വാഹന ഗതാഗതം പൂര്‍ണമായി നിരോധിച്ചതായി എക്സിക്യൂട്ടീവ് എഞ്ചിനീയര്‍ അറിയിച്ചു.

വനിതാ ശിശു വികസന വകുപ്പിന്റെ കോഴിക്കോട് ജില്ലയിലെ സഹായ ഹസ്തം പദ്ധതി ഗുണഭോക്താക്കള്‍ക്ക് ധനസഹായ വിതരണം ജില്ലാ പഞ്ചായത്ത് പ്രസിഡന്റ് ബാബു പറശ്ശേരി ഉദ്ഘാടനം ചെയ്തു. ജില്ലാ പഞ്ചായത്ത് മെമ്പര്‍മാര്‍, കോഴിക്കോട് ജില്ലാ വനിതാ ശിശു വികസന ഓഫീസ് ജൂനിയര്‍ സൂപ്രണ്ട് സുനീഷ് കുമാര്‍ പി.എം, ക്ലാര്‍ക്ക് രാജന്‍ സി.ടി എന്നിവര്‍ പങ്കെടുത്തു.

പക്ഷിപ്പനി സംബന്ധിച്ച് ജില്ലാ മൃഗ സംരക്ഷണ ഓഫീസറുടെ അധ്യക്ഷതയില്‍ അവലോകന യോഗം നടത്തി. പക്ഷിപ്പനി വ്യാപനം തടയുവാനായി രോഗ ബാധിത സ്ഥലങ്ങളിലെ കിണറുകളും ജലാശയങ്ങളും അണുവിമുക്തമാക്കാനുളള നടപടികള്‍ സ്വീകരിക്കും. വനം വകുപ്പ് ഉദ്യോഗസ്ഥരുടെ സഹകരണത്തോടെ ദേശാടന പക്ഷികള്‍ വരുന്ന കാലയളവുകളില്‍ അതത് സ്ഥലങ്ങളില്‍ നിരീക്ഷിക്കുവാനും സാമ്പിള്‍ പരിശോധന ശക്തിപ്പെടുത്തുവാനും യോഗം തീരുമാനിച്ചു. 1351 പക്ഷികള്‍, 1139 മുട്ട, 226.2 കിലോ തീറ്റ എന്നിവ ഇന്നലെ നശിപ്പിച്ചതായി യോഗത്തില്‍ റിപ്പോര്‍ട്ട് ചെയ്തു.

കേരള സംസ്ഥാന പിന്നാക്ക വിഭാഗ വികസന കോർപ്പറേഷന്റെ കാസർകോട്, കാഞ്ഞിരപ്പള്ളി, പട്ടാമ്പി, ചേലക്കര എന്നീ ഓഫീസുകളിൽ ഒഴിവുളള എക്‌സിക്യൂട്ടീവ് അസിസ്റ്റന്റ് (ശമ്പള സ്‌കെയിൽ 26500-56700) തസ്തികയിലേയ്ക്ക് ഡെപ്യൂട്ടേഷൻ നിയമനം നടത്തുന്നു. സമാനതസ്തികയിലും ശമ്പള സ്‌കെയിലിലും ജോലിചെയ്യുന്ന ബിരുദധാരികളും കമ്പ്യൂട്ടർ യോഗ്യതയുളളതുമായ ജീവനക്കാർക്ക് അപേക്ഷിക്കാം. പൂരിപ്പിച്ച ഫോം (ഫോം നമ്പർ-144, പാർട്ട്-1), ബയോഡാറ്റാ, മാതൃവകുപ്പിൽ നിന്നുളള എൻ.ഒ.സി സഹിതം 31 നകം ലഭ്യമാക്കണം.

സ്റ്റേറ്റ് സെൻട്രൽ ലൈബ്രറിയിൽ, ഇംഗ്ലീഷ് വിഭാഗത്തിലെ സ്റ്റോക്ക് വെരിഫിക്കേഷൻ നടപടികൾ പൂർത്തീകരിക്കുന്നതിനായി 16 മുതൽ 31 വരെ മെയിൻ ബിൽഡിംഗ്  അടച്ചിടും.  കുട്ടികളുടെ ലൈബ്രറി, മലയാളം വിഭാഗം, ബ്രിട്ടീഷ് ലൈബ്രറി കളക്ഷൻ എന്നിവ മാത്രം പ്രവർത്തിക്കും.
പി.എൻ.എക്സ്.1036/2020

കേരള സർക്കാർ സ്ഥാപനമായ ഒഡെപെക്ക് മുഖേന യു.എ.ഇയിലെ പ്രമുഖ ഇൻഡസ്ട്രിയൽ ബി.എസ്‌സി നഴ്‌സിനെ (പുരുഷൻ) നിയമിക്കുന്നു. മൂന്ന് വർഷം പ്രവൃത്തിപരിചയമുളള ഉദ്യോഗാർഥികൾക്ക് അപേക്ഷിക്കാം. തിരുവനന്തപുരത്തുളള ഒഡെപെക്ക് ഓഫീസിൽ മാർച്ച് 19ന് സ്‌കൈപ്പ് ഇന്റർവ്യൂ നടക്കും. തെരഞ്ഞെടുക്കുന്ന ഉദ്യോഗാർഥികൾ ഹാഡ്/ഡി.ഒ.എച്ച് പരീക്ഷ പാസാകണം. യോഗ്യരായ ഉദ്യോഗാർഥികൾ ബയോഡാറ്റ  gcc@odepc.in  എന്ന മെയിലിലേക്ക് 17 നകം അയയ്ക്കണം. വിശദ വിവരങ്ങൾക്ക് www.odepc.kerala.gov.in  സന്ദർശിക്കുക. ഫോൺ: 0471-2329440/41/42/43.
പി.എൻ.എക്സ്.1035/2020