ഹൊസ്ദുര്‍ഗ് -പാണത്തൂര്‍ പൊതുമരാമത്ത് സംസ്ഥാനപാത ബിഎം ആന്റ് ബിസി  ചെയ്ത് അഭിവൃദ്ധിപ്പെടുത്തുന്നതിന്റെ ഉദ്ഘാടനം  റവന്യൂ-ഭവന നിര്‍മ്മാണ വകുപ്പ മന്ത്രി ഇ ചന്ദ്രശേഖരന്‍ നിര്‍വ്വഹിച്ചു.  ജില്ലയിലെ പ്രധാന അന്തര്‍ സംസ്ഥാന പാതയായ ഹോസ്ദുര്‍ഗ് -പാണത്തൂര്‍-  പാത ദേശീയപാതയായി വികസിപ്പിക്കുന്നതിനുള്ള നടപടികള്‍ പൂര്‍ത്തിയാക്കുന്നതിന് കാലതാമസം നേരിടുന്നതിനാല്‍ ഈ പാത അഭിവൃദ്ധിപ്പെടുത്തുന്നതിനുള്ള നടപടികള്‍ ത്വരിതപ്പെടുത്തുമെന്ന് മന്ത്രി പറഞ്ഞു. അഭിവൃദ്ധിപ്പെടുത്തല്‍ പ്രവൃത്തികള്‍  വൈകിപ്പിക്കാന്‍ ശ്രമിക്കുന്നുവെന്ന പരാതി വകുപ്പ് മന്ത്രിയുടെ ശ്രദ്ധയില്‍പ്പെടുത്തുമെന്ന് മന്ത്രി പറഞ്ഞു.

    ജില്ലയില്‍ ഹോമിയോപ്പതി വകുപ്പില്‍ ഫാര്‍മസിസ്റ്റ് ഗ്രേഡ് 2 (എന്‍സിഎ ലത്തിന്‍ കത്തോലിക്) (കാറ്റഗറി നമ്പര്‍ 527/16) തസ്തികയിലേക്കുള്ള ചുരുക്കപ്പട്ടിക പി.എസ്.സി പ്രസിദ്ധീകരിച്ചു.                                    (പിഎന്‍പി 3172/17)

    അടൂര്‍ ഗവണ്‍മെന്‍റ് പോളിടെക്നിക്ക് കോളേജില്‍ ട്രേഡ്സ്മാന്‍ (ടര്‍ണിംഗ്)  വിഭാഗത്തില്‍ ഒരു ഒഴിവുണ്ട്. 60 ശതമാനം മാര്‍ക്കോടെ ബന്ധപ്പെട്ട ട്രേഡില്‍ ഐറ്റിഐ പാസായിരിക്കണം.  തൊഴില്‍ പരിചയമുള്ളവര്‍ക്ക് വെയിറ്റേജുണ്ട്. താത്പര്യമുള്ളവര്‍ ഈ മാസം 29ന് രാവിലെ 11ന് കോളേജില്‍ നടക്കുന്ന കൂടിക്കാഴ്ചയില്‍ അസല്‍ സര്‍ട്ടിഫിക്കറ്റുകളുമായി  പങ്കെടുക്കണമെന്ന് പ്രിന്‍സിപ്പാള്‍ അറിയിച്ചു. കൂടുതല്‍ വിവരങ്ങള്‍ക്ക്  ഫോണ്‍: 04734 231776.                                                                          (പിഎന്‍പി 3171/17)
 

    മനുഷ്യരുടെ പ്രവര്‍ത്തനഫലമായി ഇല്ലാതാവുന്ന ജൈവ വൈവിധ്യങ്ങള്‍ വീണ്ടെടുക്കണമെന്ന്    ജില്ലാകളക്ടര്‍ ജീവന്‍ ബാബു കെ പറഞ്ഞു. കമ്പോളങ്ങളില്‍ പുതുപുത്തന്‍ പഴവര്‍ഗങ്ങള്‍ സുലഭമാണ്.നാട്ടിലെ പഴങ്ങള്‍ ആര്‍ക്കും വേണ്ട.അതിലൊളിച്ചിരിക്കുന്ന ദുരന്തം ഭീകരമാണ്.ഇതൊക്കെ മറികടക്കാനുള്ള വഴിയാണ് ജൈവവൈവിധ്യങ്ങള്‍ തിരിച്ചുപിടിക്കുക എന്നത്.മടിക്കൈ മോഡല്‍ കോളേജില്‍ ജൈവവൈവിധ്യക്ലബ്ബ് ഉദ്ഘാടനം ചെയ്യുകയായിരുന്നു കളക്ടര്‍ .യോഗത്തില്‍ പഞ്ചായത്ത് പ്രസിഡന്റ്  സി.പ്രഭാകരന്‍ അദ്ധ്യക്ഷനായിരുന്നു. 

    വള്ളിക്കോട് ഗ്രാമപഞ്ചായത്ത് ഒമ്പതാം വാര്‍ഡിലെ കുടുംബശ്രീ അയല്‍ക്കൂട്ട സംഗമം ഗ്രാമപഞ്ചായത്ത് പ്രസിഡന്‍റ് ലിസിമോള്‍ ജോസഫ് ഉദ്ഘാടനം ചെയ്തു. വാര്‍ഡംഗം രാധാവേണുവിന്‍റെ അധ്യക്ഷതയില്‍ ചേര്‍ന്ന യോഗത്തില്‍ സിഡിഎസ് ചെയര്‍പേഴ്സണ്‍ ശ്രീജാ അജി, വൈസ്ചെയര്‍പേഴ്സണ്‍ വിജയലക്ഷ്മി, രാജന്‍, കെ.രാമചന്ദ്രന്‍, ലതാശശിധരന്‍ എന്നിവര്‍ സംസാരിച്ചു. കുട്ടികള്‍ നേരിടുന്ന വിവിധ പ്രശ്നങ്ങള്‍ സംബന്ധിച്ച് ചൈല്‍ഡ് ലൈന്‍ കോ-ഓര്‍ഡിനേറ്റര്‍ ഡേവിഡ് റജിമാത്യു, കുടുംബശ്രീ കൗണ്‍സിലര്‍ ദീപ എന്നിവര്‍ ക്ലാസുകള്‍ നയിച്ചു.                                                                  (പിഎന്‍പി 3169/17)

മലയാലപ്പുഴ ഗ്രാമപഞ്ചായത്തില്‍ കെട്ടിട നികുതി കുടിശ്ശികയുള്ളവര്‍ക്ക് പിഴ പലിശ ഒഴിവാക്കി 2018 ഫെബ്രുവരി 28 വരെ നികുതി അടയ്ക്കാമെന്ന് സെക്രട്ടറി അറിയിച്ചു. 
                                                                                (പിഎന്‍പി  3167/17)

സംക്ഷിപ്ത വോട്ടര്‍ പട്ടിക പുതുക്കലുമായി ബന്ധപ്പെട്ട് ജില്ലയിലെ എല്ലാ പോളിംഗ് സ്റ്റേഷനുകളും ഇന്ന് (26ന്) രാവിലെ 10 മുതല്‍ വൈകിട്ട് നാല് വരെ പ്രവര്‍ത്തിക്കും. ബൂത്ത് ലെവല്‍ ഓഫീസര്‍മാരു ടെയും ബൂത്ത് ലെവല്‍ ഏജന്‍റുമാരുടെയും യോഗം അതത് പോളിംഗ് സ്റ്റേഷനുകളില്‍ നടക്കും. കരട് വോട്ടര്‍ പട്ടിക പൊതുജനങ്ങള്‍ക്ക് പരിശോധിക്കാം. 
                                            (പിഎന്‍പി 3168/17)

പ്രത്യേക സംക്ഷിപ്ത വോട്ടര്‍ പട്ടിക പുതുക്കലുമായി ബന്ധപ്പെട്ട് 29ന് ഉച്ചയ്ക്ക് 12ന് കളക്ടറേറ്റ് കോണ്‍ഫറന്‍സ് ഹാളില്‍ യോഗം ചേരും. ഇലക്ടറല്‍ റോള്‍ ഒബ്സര്‍വറായ പൊതുഭരണ വകുപ്പ് (സൈനിക ക്ഷേമം) സെക്രട്ടറി സുമന എന്‍.മേനോന്‍ അധ്യക്ഷത വഹിക്കും. പൊതുജനങ്ങള്‍ക്ക് വോട്ടര്‍ പട്ടിക പുതുക്കലുമായി ബന്ധപ്പെട്ട പരാതികളും നിര്‍ദേശങ്ങളും യോഗത്തില്‍ സമര്‍പ്പിക്കാം.                               (പിഎന്‍പി 3166/17)