തലശ്ശേരി പൈതൃക ടൂറിസം പദ്ധതിയുടെ ഭാഗമായി കേരള വിനോദ സഞ്ചാര വകുപ്പ്, ജില്ലാ ടൂറിസം പ്രമോഷന്‍ കൗണ്‍സിലിന്റെ  സഹകരണത്തോടെ തലശ്ശേരി ഓവര്‍ബറീസ്‌ഫോളിയില്‍ നടത്തിയ പെയിന്റിങ്ങ് മത്സരത്തില്‍ എളയാവൂര്‍ സി എച്ച് എം എസ് എച്ച് എസ് എസിലെ ഫിഡാല്‍.ടി, സെന്റ് തെരേസാസ് ആംഗ്ലോ ഇന്‍ഡ്യന്‍ എച്ച് എസ് എസിലെ അഖില പി, ചാല ചിന്മയ വിദ്യായത്തിലെ അവന്തിക.പി എന്നിവര്‍ യഥാക്രമം ഒന്ന്, രണ്ട്, മൂന്ന് സ്ഥാനങ്ങള്‍ നേടി.
പി എന്‍ സി/4469/2017
 

തളിപ്പറമ്പ് ബ്ലോക്ക് പഞ്ചായത്തിന്റെ 2017-18 വാര്‍ഷിക പദ്ധതിയില്‍ ഉള്‍പ്പെടുത്തി പട്ടികജാതി വികസന മേഖലയില്‍ നടപ്പിലാക്കുന്ന പട്ടികജാതി വിദ്യാര്‍ത്ഥികള്‍ക്ക് മെറിറ്റോറിയസ് ഗ്രാന്റ്  എന്ന പരിശീലന പദ്ധതിയില്‍ സാമ്പത്തിക ആനുകൂല്യം ലഭിക്കുന്നതിന് സംസ്ഥാന സര്‍ക്കാരോ സര്‍ക്കാര്‍ ചുമതലപ്പെടുത്തിയിട്ടുളള ഏജന്‍സികളോ നടത്തുന്ന കോഴ്‌സുകളില്‍ കേന്ദ്രസംസ്ഥാനതല പ്രവേശന പരീക്ഷയില്‍ യോഗ്യത നേടി പഠനം നടത്തുന്ന വിദ്യാര്‍ത്ഥികളില്‍ നിന്ന് അപേക്ഷ ക്ഷണിച്ചു.

 കേന്ദ്ര യുവജന കാര്യ-കായിക മന്ത്രാലയത്തിന്റെയും നെഹ്‌റു യുവ കേന്ദ്രയുടെയും നേതൃത്വത്തില്‍ 2018 ലെ റിപ്പബ്ലിക്ക് ദിനാഘോഷത്തിന്റെ ഭാഗമായി യുവജനങ്ങള്‍ക്കായി ജില്ലാ, സംസ്ഥാന, ദേശീയ തലങ്ങളില്‍ പ്രസംഗ മത്സരം സംഘടിപ്പിക്കുന്നു.  കണ്ണൂര്‍ ജില്ലയിലെ മത്സരം ഡിസംബര്‍ 7-ന് തളാപ്പിലുള്ള നെഹ്‌റു യുവ കേന്ദ്ര ഹാളില്‍ നടക്കും. 2017 നവംബര്‍ 1 ന് 18 നും 29 നും ഇടയില്‍ പ്രായമുള്ള യുവതീ യുവാക്കള്‍ക്ക് മത്സരത്തില്‍ പങ്കെടുക്കാം. 'ദേശ സ്‌നേഹവും രാഷ്ട്ര നിര്‍മാണവും' എന്ന വിഷയത്തില്‍ ഇംഗ്ലീഷിലോ ഹിന്ദിയിലോ ആയിരിക്കണം പ്രസംഗം.

കണ്ണൂര്‍ ഗവ.എഞ്ചിനീയറിങ്ങ് കോളേജിലെ കമ്പ്യൂട്ടര്‍ സയന്‍സ് എഞ്ചിനീയറിങ്ങ് വകുപ്പിലേക്കാവശ്യമായ ഉപകരണങ്ങള്‍ വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു.  ഡിസംബര്‍ 4 ന് വൈകിട്ട് 3 മണി വരെ ക്വട്ടേഷന്‍ സ്വീകരിക്കും.  ഫോണ്‍: 0497 2780226. 
പി എന്‍ സി/4466/2017
 

കണ്ണൂര്‍ താലൂക്കിലെ ചെറുതാഴം വില്ലേജിലുളള അതിയടം ശ്രീകൃഷ്ണന്‍മതിലകം ക്ഷേത്രത്തിലെ പാരമ്പര്യേതര ട്രസ്റ്റിമാരുടെ ഒഴിവിലേക്ക് അപേക്ഷ ക്ഷണിച്ചു.   പൂരിപ്പിച്ച അപേക്ഷകള്‍ ഡിസംബര്‍ 15 ന് വൈകിട്ട് 5 മണിക്ക് മുമ്പ് തലശ്ശേരി അസി.കമ്മീഷണറുടെ ഓഫീസില്‍ ലഭിക്കണം.  അപേക്ഷാ ഫോറം  ഓഫീസില്‍ നിന്ന് എല്ലാ പ്രവൃത്തി ദിവസങ്ങളിലും ലഭിക്കും.

 സാമൂഹ്യനീതി വകുപ്പിന്റെ ആഭിമുഖ്യത്തില്‍ ഓര്‍ഫനേജുകളിലെയും മറ്റ് ധര്‍മ്മസ്ഥാപനങ്ങളിലെയും അന്തേവാസികളുടെ കുടുംബസംഗമം നവംബര്‍ 25 രാവിലെ 9 മണി മുതല്‍ പയ്യാവൂര്‍ വെമ്പുവയിലുളള തെരേസഭവനില്‍ നടക്കും. അസി.കലക്ടര്‍ ആസിഫ്.കെ പരിപാടിയുടെ ഉദ്ഘാടനം നിര്‍വഹിക്കും.  ഇരിക്കൂര്‍ ബ്ലോക്ക് പഞ്ചായത്ത് പ്രസിഡണ്ട് ടി വസന്തകുമാരി അധ്യക്ഷത വഹിക്കും. സ്ഥാപനങ്ങളിലെ അന്തേവാസികള്‍ക്ക് സര്‍ക്കാര്‍ നല്‍കുന്ന ആനുകൂല്യങ്ങളെ സംബന്ധിച്ച് ക്ലാസ്, കലാപരിപാടികള്‍ തുടങ്ങിയവയും നടക്കും.
പി എന്‍ സി/4463/2017
 

മുണ്ടേരി പഞ്ചായത്തിലെ 21 ഗുണഭോക്താക്കള്‍ക്ക് മുഖ്യമന്ത്രിയുടെ ദുരിതാശ്വാസ നിധിയില്‍ നിന്ന് അനുവദിച്ച 6.25 ലക്ഷം രൂപ തുറമുഖ വകുപ്പ് മന്ത്രി രാമചന്ദ്രന്‍ കടന്നപ്പള്ളി വിതരണം ചെയ്തു. ജനക്ഷേമ പ്രവര്‍ത്തനങ്ങളില്‍ ഭരണകൂടം  കൂടുതല്‍ ശ്രദ്ധയൂന്നുമ്പോഴാണ് ജനാധിപത്യം കൂടുതല്‍ അര്‍ഥവത്താവുകയെന്ന് അദ്ദേഹം പറഞ്ഞു. 

കാക്കനാട്: ലയണ്‍സ് ക്ലബ് ഇന്റര്‍നാഷണല്‍ 318 ഇ ഡിസ്ട്രിക്ടിന്റെ സഹകരണത്തോടെ സ്റ്റാഫ് കൗണ്‍സിലിന്റെ നേതൃത്വത്തില്‍ കളക്ടറേറ്റ് ജീവനക്കാര്‍ക്കായി ഹൃദ്രോഗ നിര്‍ണ്ണയ ക്യാമ്പും ബോണ്‍ മിനറല്‍ ഡെന്‍സിറ്റി ടെസ്റ്റിംഗ് ക്യാമ്പും സംഘടിപ്പിച്ചു. അസിസ്റ്റന്റ് കളക്ടര്‍ ഈശ പ്രിയ

ഹൃദ്രോഗ നിര്‍ണ്ണയ ക്യാമ്പ് ഉദ്ഘാടനം ചെയ്തു. റിനൈ മെഡിസിറ്റിയിലെ ഡോക്ടര്‍മാരും ജീവനക്കാരും ക്യാമ്പിന് നേതൃത്വം നല്‍കി. 170 ഓളം  ഉദ്യോഗസ്ഥര്‍ ക്യാമ്പിലെത്തി. 70 ഓളം ഉദ്യോഗസ്ഥക്ക്  സൗജന്യ ഇ സി ജി എടുത്തു.