നവജാത ശിശുക്കളുടെ ആധാര്‍ എന്റോള്‍മെന്റ് തുടങ്ങി.  ജില്ലാതല  ഉദ്ഘാടനം മാനന്തവാടി  ജില്ലാ ഹോസ്പിറ്റലില്‍ നഗരസഭാ ചെയര്‍മാന്‍ വി.ആര്‍ പ്രവീജ് നിര്‍വ്വഹിച്ചു. ചടങ്ങില്‍ ആര്‍.എം.ഒ, ഡോ.ആധിഷ്, അക്ഷയ മാനന്തവാടി ബ്ലോക്ക് കോ-ഓര്‍ഡിനേറ്റര്‍ കെ.ബി. ശ്രീജിത്ത് എന്നിവര്‍ പങ്കെടുത്തു.

                വെള്ളാര്‍മര ജി.വി.എച്ച്.എസ്.സ്‌കൂളില്‍ വി.എച്ച്.എസ്.ഇ. വിഭാഗത്തില്‍ നോണ്‍ വൊക്കേഷണല്‍ ടീച്ചര്‍ (ജൂനിയര്‍) ഇക്കണോമിക്‌സ് ഒഴിവിലേക്ക് ദിവസ വേതനാടിസ്ഥാനത്തില്‍ നിയമിക്കുന്നതിനുള്ള കൂടിക്കാഴ്ച നവംബര്‍ 25ന് ഉച്ചയ്ക്ക് 2ന് നടത്തും. ഉദേ്യാഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകളുമായി ഹാജരാകണം. ഫോണ്‍ 04936 236690.

                കേരള വനിതാ കമ്മീഷന്‍ നവംബര്‍ 25ന് രാവിലെ 10.30 മുതല്‍ കളക്‌ട്രേറ്റ് കോണ്‍ഫ്രന്‍സ് ഹാളില്‍ മെഗാ അദാലത്ത് നടത്തും.

                സര്‍വ്വ ശിക്ഷാ അഭിയാനും വിദ്യാരംഗം കലാസാഹിത്യ വേദിയും സംയുക്തമായി സംഘടിപ്പിക്കുന്ന ജില്ലാ സാഹിതേ്യാത്സവം നവംബര്‍ 24,25 തിയതികളില്‍  വൈത്തിരി എച്ച്.ഐ.എം. യു.പി. സ്‌കൂളില്‍ നടക്കും.  സി.കെ.ശശീന്ദ്രന്‍ എം.എല്‍.എ. ഉദ്ഘാടനം ചെയ്യും.  ജില്ലാ പഞ്ചായത്ത് പ്രസിഡന്റ് ടി.ഉഷാകുമാരി അധ്യക്ഷത വഹിക്കും.  രജിസ്‌ട്രേഷന്‍ രാവിലെ 9.30ന് ആരംഭിക്കും.