കൊട്ടിയൂര്‍ ഗ്രാമപഞ്ചായത്തില്‍ ബാവലിപ്പുഴയ്ക്ക് കുറുകെ നിര്‍മിക്കുന്ന ചുങ്കക്കുന്ന് പാലം പ്രവൃത്തി ഉദ്ഘാടനം നവംബര്‍ 25ന് വൈകിട്ട് 5 മണിക്ക് പൊതുമരാമത്ത് വകുപ്പ് മന്ത്രി ജി സുധാകരന്‍ നിര്‍വഹിക്കും.  ചടങ്ങില്‍ അഡ്വ.സണ്ണി ജോസഫ് എം എല്‍ എ അധ്യക്ഷത വഹിക്കും.  പി കെ ശ്രീമതി ടീച്ചര്‍ എം പി പങ്കെടുക്കും.
പി എന്‍ സി/4447/2017
 

 കല്ല്യാശ്ശേരി നിയോജകമണ്ഡലത്തിലെ പഴയങ്ങാടി-മാടായി-പുതിയങ്ങാടി-മാട്ടൂല്‍ റോഡ് അഭിവൃദ്ധിപ്പെടുത്തുന്ന പ്രവൃത്തി ഉദ്ഘാടനം നവംബര്‍ 25ന് പൊതു മരാമത്ത് വകുപ്പ് മന്ത്രി ജി സുധാകരന്‍ നിര്‍വഹിക്കും.  പഴയങ്ങാടിയില്‍ നടക്കുന്ന ചടങ്ങില്‍ ടി വി രാജേഷ് എം എല്‍ എ അധ്യക്ഷത വഹിക്കും.  പി കരുണാകരന്‍ എം പി മുഖ്യ പ്രഭാഷണം നടത്തും.  ജില്ലാ പഞ്ചായത്ത് പ്രസിഡണ്ട് കെ വി സുമേഷ് വിശിഷ്ടാതിഥിയായിരിക്കും.
പി എന്‍ സി/4446/2017
 

   റോഡ്‌സുരക്ഷാ കൗണ്‍സില്‍ ജില്ലയില്‍ നടത്തുന്ന റോഡ്‌സുരക്ഷാബോധവല്‍ക്കരണ പ്രവര്‍ത്തനങ്ങളുടെ ഭാഗമായി   ഹ്രസ്വചലച്ചിത്രമത്സരം നടത്തുന്നു. ഹയര്‍സെക്കന്ററി, കോളേജ് വിഭാഗങ്ങള്‍ക്കും  പൊതുവിഭാഗത്തിലും പ്രത്യേകമാണ് മത്സരം. മികച്ച നിലവാരത്തില്‍ ചിത്രീകരിച്ച മൂന്നു മുതല്‍ അഞ്ചു മിനുട്ടു വരെയുളള എച്ച് ഡി ഫോര്‍മാറ്റിലുളള  ഹ്രസ്വചിത്രങ്ങളാണ്  മത്സരത്തിന്  പരിഗണിക്കുന്നത്.  എന്‍ട്രികള്‍ ഈ മാസം   30 നകം  കാസര്‍കോട് സിവില്‍ സ്റ്റേഷനിലുളള ജില്ലാ ഇന്‍ഫര്‍മേഷന്‍ ഓഫീസില്‍ ലഭിക്കണം.  ഇരുവിഭാഗങ്ങളിലും   തെരഞ്ഞെടുക്കുന്ന ഒന്നും രണ്ടും സ്ഥാനക്കാര്‍ക്ക് യഥാക്രമം 10,000, 5,000 രൂപ വീതം  ക്യാഷ് അവാര്‍ഡ്  നല്‍കും.

    റോഡ്‌സുരക്ഷാ കൗണ്‍സിലിന്റെ ആഭിമുഖ്യത്തില്‍ റോഡ് സുരക്ഷാബോധവല്‍ക്കരണത്തിനായി   ജില്ലയില്‍ വിവിധ കേന്ദ്രങ്ങളില്‍ അവതരിപ്പിക്കുന്നതിന്  തെരുവ്‌നാടക സംഘത്തെ തെരഞ്ഞെടുക്കുന്നു. റോഡ്‌സുരക്ഷയുടെ പ്രാധാന്യം വ്യക്തമാക്കുന്ന 25 മിനുട്ട് ദൈര്‍ഘ്യമുളള  തെരുവ് നാടകത്തിന്റെ സ്‌ക്രിപ്റ്റ്  ഉള്‍പ്പെടെ  നാടകസംഘത്തിന്റെ  വിശദവിവരങ്ങള്‍ ഉള്‍പ്പെടുത്തിയ എന്‍ട്രികള്‍  ഈ മാസം 30 നകം  ജില്ലാ ഇന്‍ഫര്‍മേഷന്‍ ഓഫീസര്‍, സിവില്‍സ്റ്റേഷന്‍, പി ഒ വിദ്യാനഗര്‍, കാസര്‍കോട് 671123എന്ന വിലാസത്തില്‍ ലഭിക്കണം.

പൊതുമരാമത്ത് വകുപ്പ് മന്ത്രി ജി സുധാകരന്‍ നവംബര്‍ 25ന്  ജില്ലയില്‍ വിവിധ പരിപാടികളില്‍ പങ്കെടുക്കും. രാവിലെ 10 മണി: ഐക്യ മലയാള സമിതി പരിപാടി, ശ്രീനാരായണ വിദ്യാലയം-പയ്യന്നൂര്‍, 11മണി: പഴയങ്ങാടി-മാട്ടൂല്‍ റോഡ് പ്രവൃത്തി ഉദ്ഘാടനം, 2.30: കച്ചേരിക്കടവ് പാലം നിര്‍മാണോദ്ഘാടനം, 3.30: ചുങ്കക്കുന്ന് പാലം നിര്‍മാണോദ്ഘാടനം.
പി എന്‍ സി/4445/2017
 

 മുഖ്യമന്ത്രി പിണറായി വിജയന്‍ നവംബര്‍ 25ന് ജില്ലയിലെ വിവിധ പരിപാടികളില്‍ പങ്കെടുക്കും. രാവിലെ 8 മണി: കെഎപി നാലാം ബറ്റാലിയന്‍ പാസിങ്ങ്ഔട്ട് പരേഡ്, 10 മണി: ആശ്രയ സ്‌പെഷ്യല്‍സ്‌ക്കൂള്‍ സന്ദര്‍ശനം-തോട്ടട, 11.30 മണി: ചൊക്ലി, 3.30: അങ്ങാടിക്കടവ്, 5 മണി: കൂത്തുപറമ്പ്.
പി എന്‍ സി/4444/2017
 

സര്‍ക്കാര്‍ സ്ഥാപനമായ എല്‍ബിഎസും നോര്‍ക്ക റൂട്ട്സും സംയുക്തമായി എല്‍ബിഎസിന്‍റെ അടൂര്‍ സബ്സെന്‍ററില്‍ നടത്തുന്ന മൂന്ന് മാസം ദൈര്‍ഘ്യമുള്ള ഫിനാന്‍ഷ്യല്‍ അക്കൗണ്ടിംഗ് കോഴ്സിലേക്ക് അപേക്ഷിക്കാം. കംപ്യൂട്ടര്‍ പരിശീലനം, വ്യക്തിത്വ വികസനം, ഇംഗ്ലീഷ് ഭാഷാ പരിശീലനം എന്നിവ കോഴ്സിന്‍റെ ഭാഗമാണ്. ആകെ ഫീസിന്‍റെ 20 ശതമാനം പഠിതാക്കള്‍ അടയ്ക്കണം. ബിപിഎല്‍ വിഭാഗത്തില്‍പ്പെടുന്ന എസ്.സി/എസ്.റ്റി കുട്ടികള്‍ ഫീസ് അടയ്ക്കേണ്ടതില്ല. കൂടുതല്‍ വിവരങ്ങള്‍ക്ക് ഫോണ്‍: 04734 227538, 9947123177.                                        (പിഎന്‍പി 3136/17)

കൊച്ചി:  ആത്മ എറണാകുളത്തിന്റെ കീഴില്‍ കോതമംഗലം ബ്ലോക്കിലെ ആഗ്രോ സര്‍വീസ് സെന്ററുമായി ബന്ധപ്പെട്ട് മണ്ണ് പരിശോധന ലാബില്‍ കരാര്‍ അടിസ്ഥാനത്തില്‍ ഒരു അനലിസ്റ്റ്, രണ്ട് ലാബ് അസിസ്റ്റന്റ് എന്നിവരെ പ്രതിമാസം യഥാക്രമം 15,000, 5000 രൂപ നിരക്കില്‍ നിയമിക്കുന്നതിന് നവംബര്‍ 28-ന് രാവിലെ 11-ന് കോതമംഗലം കൃഷി അസിസ്റ്റന്റ് ഡയറക്ടര്‍ ഓഫീസില്‍ വാക്-ഇന്‍-ഇന്റര്‍വ്യൂ നടത്തും. അനലിസ്റ്റിന് കൃഷി ബിരുദവും, ലാബ് അസിസ്റ്റന്റിന് വി.എച്ച്.എസ്.ഇ കൃഷിയും അടിസ്ഥാന യോഗ്യതയും ഉണ്ടായിരിക്കണം. നിശ്ചിത യോഗ്യതയുളള ഉദ്യോഗാര്‍ഥികള്‍ അസല്‍ സര്‍ട്ടിഫിക്കറ്റും ബയോഡാറ്റയും സഹിതം അന്നേ ദിവസം ഹാജരാകണം. 

കൊച്ചി:  എറണാകുളം ജില്ലാ ടൂറിസം പ്രമോഷന്‍  കൗണ്‍സിലും , ജില്ലാ ഭരണകൂടവും സംയുക്തമായി സംഘടിപ്പിക്കുന്ന വസന്തോല്‍സവം 2017-2018 നടത്തിപ്പിലേക്ക്  ഏതെങ്കിലും സര്‍ക്കാര്‍ പരിപാടികള്‍ നടത്തി മുന്‍പരിചയമുള്ള പ്രമുഖ   ഈവന്റ് മാനേജ്‌മെന്റ് കമ്പനികളില്‍ നിന്നും താത്പര്യപത്രം ക്ഷണിച്ചു.  ഡിസംബര്‍ 22 മുതല്‍ 2018 ജനുവരി മൂന്നു വരെ നടക്കുന്ന പരിപാടിക്കുള്ള മുഴുവന്‍ ചെലവും സ്‌പോണ്‍സര്‍ഷിപ്പിലൂടെയും, സ്റ്റാള്‍ വരുമാനത്തിലൂടെയും  ടിക്കറ്റ് കളക്ഷനിലൂടെയും കണ്ടെത്തി ലാഭ വിഹിതം ഡിറ്റിപിസിയ്ക്ക്  നല്‍കുന്നതിനുള്ള ഉത്തരവാദിത്വം  ഏറ്റെടുക്കാന്‍ താത്പര്യമുള്ളവര്‍ മാത്രം അപേക്ഷിക്കുക.