കോഴിക്കോട് ജില്ലയിലെ എക്സൈസ് വകുപ്പില്‍ സിവില്‍ എക്സൈസ് ഓഫീസര്‍ എന്‍സിഎ-എസ്.സി.സി.സി (കാറ്റഗറി നം 308/2016) തസ്തികയ്ക്ക് 2019 ഫെബ്രുവരി 13 ന് നിലവില്‍ വന്ന എന്‍സിഎ റാങ്ക് പട്ടിക, മാതൃ റാങ്ക് പട്ടികയില്‍ (കാറ്റഗറി നം 534/2013 പ്രകാരം 2015 ആഗസ്റ്റ് മൂന്നിന് നിലവില്‍ വന്നത്) നിന്നും ഉദ്ഭവിച്ച എസ്‌സിസിസി വിഭാഗത്തിന്റെ എന്‍സിഎ ഊഴങ്ങളെല്ലാം നികത്തപ്പെട്ടതിനാല്‍ റദ്ദായതായി ജില്ലാ ഓഫീസര്‍ അറിയിച്ചു.

കോഴിക്കോട് ജില്ലാ ജയിലിന്റെ പുതിയ ചുറ്റുമതിലില്‍ ഒരു വര്‍ഷ കാലയളവിലേക്ക് പരസ്യം പതിക്കുന്നതിന് ദര്‍ഘാസുകള്‍ ക്ഷണിച്ചു.  ബൈപ്പാസ് റോഡിനു വശത്ത് 1,700 സ്‌ക്വയര്‍ ഫീറ്റിലും ജയില്‍ റോഡിന് വശത്ത് 2,200 സ്‌ക്വയര്‍ ഫീറ്റിലുമായി മൊത്തം 3,900 സ്‌ക്വയര്‍ ഫീറ്റില്‍ പരസ്യം പതിക്കാം. അവസാന തീയതി ജൂലൈ 20ന് മൂന്ന് മണി. ഫോണ്‍ : 0495 2722340.

ജില്ലയിലെ കൈത്തറി സംഘങ്ങള്‍ക്ക് നൂല്‍ വിതരണം ചെയ്തു.  ജില്ലാതല ഉദ്ഘാടനം കെ.ദാസന്‍ എംഎല്‍എ നിര്‍വഹിച്ചു.  അടുത്ത അധ്യയനവര്‍ഷം സ്‌കൂളുകള്‍ക്ക് ആവശ്യമായ സൗജന്യ കൈത്തറി യൂണിഫോം നെയ്യുന്നതിനുള്ള നൂലാണ് ജില്ലയിലെ മുഴുവന്‍ കൈത്തറി സംഘങ്ങള്‍ക്കും നല്‍കുന്നത്.

കോഴിക്കോട് ജില്ലയിലെ എക്സൈസ് വകുപ്പില്‍ സിവില്‍ എക്സൈസ് ഓഫീസര്‍ എന്‍സിഎ-എച്ച് എന്‍ (കാറ്റഗറി നം 309/2016) തസ്തികയ്ക്ക് 2019 ഫെബ്രുവരി 13 ന് നിലവില്‍വന്ന എന്‍സിഎ റാങ്ക് പട്ടിക, മാതൃ റാങ്ക് പട്ടികയില്‍ (കാറ്റഗറി നം 534/2013 പ്രകാരം 2015  ആഗസ്റ്റ് മൂന്നിന് നിലവില്‍ വന്നത്) നിന്നും ഉദ്ഭവിച്ച ഹിന്ദു നാടാര്‍ വിഭാഗത്തിന്റെ എന്‍സിഎ ഊഴങ്ങളെല്ലാം നികത്തപ്പെട്ടതിനാല്‍ റദ്ദായതായി ജില്ലാ പിഎസ്‌സി ഓഫീസര്‍ അറിയിച്ചു.

പത്തനംതിട്ട ജില്ലയില്‍ അഗ്രികള്‍ച്ചര്‍ വകുപ്പില്‍ ട്രാക്ടര്‍ ഡ്രൈവര്‍ (കാറ്റഗറി നമ്പര്‍.212/18), ഫോറസ്റ്റര്‍ (സെക്ഷന്‍ ഫോറസ്റ്റ് ഓഫീസര്‍) (കാറ്റഗറി നമ്പര്‍ 621/17) എന്നീ തസ്തികകളുടെ അഭിമുഖം 2020 ജൂലൈ 9, 10 തീയതികളിലായി കേരള പബ്ലിക്ക് സര്‍വീസ് കമ്മീഷന്‍ എറണാകുളം ജില്ലാ ഓഫീസില്‍ നടത്തുവാന്‍ നിശ്ചയിച്ചിരുന്നത് ഇനി ഒരു അറിയിപ്പുണ്ടാകുന്നതുവരെ മാറ്റിവച്ചതായി പി.എസ്.സി ജില്ലാ ഓഫീസര്‍ അറിയിച്ചു. ഫോണ്‍: 0468 2222665.

മുത്തൂര്‍ ജംഗഷനില്‍ ട്രാഫിക് സിഗ്നല്‍ ലൈറ്റുകള്‍ സ്ഥാപിക്കുന്നതിനുള്ള ജോലികള്‍ തുടങ്ങി. സിഗ്നലുകള്‍ സ്ഥാപിക്കുന്നതിന് ആവശ്യമായ നിര്‍ദ്ദേശങ്ങള്‍ നല്‍കുന്നതിനായി മാത്യു ടി. തോമസ് എംഎല്‍എയുടെ നേതൃത്വത്തില്‍ തിരുവല്ല മുനിസിപ്പല്‍ ചെയര്‍മാന്‍ കെ.ജയകുമാര്‍, തിരുവല്ല ഡിവൈ.എസ്.പി: ടി.രാജപ്പന്‍, മോട്ടോര്‍ വാഹന വകുപ്പ് ഉദ്യോഗസ്ഥര്‍, പൊതുമരാമത്ത് നിരത്ത് വിഭാഗം എ എക്‌സ് ഇ സുഭാഷ്‌കുമാര്‍. സി. ബി, പൊതുമരാമത്ത് ഇലക്‌ട്രോണിക്‌സ് അസി.എന്‍ജിനീയര്‍ മാത്യു ജോണ്‍, അഡ്വ. കെ. പ്രകാശ്ബാബു എന്നിവര്‍ സന്ദര്‍ശിച്ചു

തിരുവല്ല ബൈപ്പാസിന്റെ അവസാന റീച്ചിലെ വയാഡക്ടിന്റെ ഗര്‍ഡറുകള്‍ സ്ഥാപിക്കുന്ന ജോലികള്‍ തുടങ്ങി. ഈ റീച്ചില്‍ ഒരു സ്പാനില്‍ നാലുവീതം ആകെ 36 ഗര്‍ഡറുകള്‍ ആണുള്ളത്. 24 മീറ്റര്‍ നീളമുള്ള ഗര്‍ഡറിന് 45 ടണ്‍ ഭാരമാണുള്ളത്. 300 ടണ്‍, 90 ടണ്‍ ഭാരവാഹക ശേഷിയുള്ള ജര്‍മ്മന്‍ നിര്‍മ്മിത ക്രെയിനുകള്‍ ഉപയോഗിച്ചാണ് ജോലികള്‍ ചെയ്യുന്നത്. ആദ്യഘട്ടമായി 12 ഗര്‍ഡറുകള്‍ ഇന്നു തന്നെ(ജൂലൈ 7) ഉറപ്പിക്കുവാനാണ് ഉദ്ദേശിക്കുന്നത്.

കോവിഡ് - 19 പ്രതിരോധവുമായി ബന്ധപ്പെട്ട് തിരുവനന്തപുരം നഗരത്തില്‍ ട്രിപ്പിള്‍ ലോക് ഡൗണ്‍ പ്രഖ്യാപിച്ച സാഹചര്യത്തില്‍ നോട്ടറി നിയമനവുമായി ബന്ധപ്പെട്ട് ജൂലൈ ഏഴ്, ഒന്‍പത് തീയതികളില്‍ ഗവണ്‍മെന്റ് സെക്രട്ടറിയേറ്റില്‍ നടത്താന്‍ നിശ്ചയിച്ചിരുന്ന അഭിഭാഷകരുടെ ഇന്റര്‍വ്യൂ മാറ്റിവച്ചു. പുതുക്കിയ തീയതി പിന്നീട് അറിയിക്കുമെന്ന് നിയമ സെക്രട്ടറി അറിയിച്ചു.