പാറശാല താലൂക്ക് ഹെഡ് ക്വാര്‍ട്ടേഴ്‌സ് ആശുപത്രിയില്‍ ഡയാലിസിസ് ടെക്‌നീഷ്യന്റെ ഒഴിവിലേക്ക് നിശ്ചിത യോഗ്യതയുളളവരില്‍ നിന്നും അപേക്ഷ ക്ഷണിച്ചു.  അപേക്ഷിക്കേണ്ട അവസാന തീയതി നവംബര്‍ 10 വൈകിട്ട് അഞ്ച്.  നവംബര്‍ 13 രാവിലെ 10.30നാണ് അഭിമുഖം.  ഡയാലിസിസ് ടെക്‌നോളജി ഡിപ്ലോമയും (ഡി.എം.ഇ) പാരാമെഡിക്കല്‍ കൗണ്‍സിലില്‍ അംഗത്വവും ഒരു വര്‍ഷ പ്രവൃത്തി പരിചയവുമുളളവര്‍ ബന്ധപ്പെട്ട രേഖകളുടെ പകര്‍പ്പുകളും ഒറിജിനലും സഹിതം ഹാജരാകണം. 

പി.എന്‍.എക്‌സ്.4735/17

ഇടവിട്ടു പെയ്യുന്ന മഴയ്‌ക്കൊപ്പം ജലജന്യ രോഗങ്ങള്‍  വ്യാപിക്കുവാന്‍ സാധ്യതയുള്ളതിനാല്‍ പൊതുജനങ്ങള്‍ ജാഗ്രത പാലിക്കണമെന്ന് ജില്ലാ മെഡിക്കല്‍ ഓഫീസര്‍ ഡോ. വി. വി. ഷേര്‍ളി അറിയിച്ചു.

രോഗകാരികളായ വൈറസുകള്‍, ബാക്ടീരിയകള്‍, പരാദ ജീവികളായ അമീബിയ, ഗിയാര്‍ഡിയ തുടങ്ങിയവ വെള്ളത്തിലൂടെയും ആഹാരത്തിലൂടെയും ശരീരത്തിലെത്തിയാണ് വയറിളക്കമുണ്ടാകുന്നത്. ശരീരത്തിലെ ജലവും ലവണങ്ങളും വയറിളക്കത്തിലൂടെ നഷ്ടപ്പെടുന്നത് മൂലം രോഗം അപകടകരമാകുന്നു. ഇത് മരണത്തിന് വരെ കാരണമാകും.

കേരള ബീഡി-ചുരുട്ട് തൊഴിലാളി ക്ഷേമനിധിയില്‍ അംഗങ്ങളായി അംശദായം അടച്ച് വരുന്ന തൊഴിലാളികളും സ്വയംതൊഴിലില്‍ ഏര്‍പ്പെട്ടിരിക്കുന്നവര്‍ക്കും സാമ്പത്തിക താങ്ങല്‍ പദ്ധതി പ്രകാരമുളള പൂരക വേതനത്തിന് അപേക്ഷ സമര്‍പ്പിക്കണം. അപേക്ഷാ ഫോം ബന്ധപ്പെട്ട തൊഴിലുടമ/സ്ഥാപനങ്ങളില്‍ നിന്നും ലഭിക്കും. പൂരിപ്പിച്ച അപേക്ഷകള്‍ തൊഴിലുടമകളുടെ സാക്ഷ്യപത്രം സഹിതം ചീഫ് എക്സിക്യുട്ടീവ് ഓഫീസറുടെ കാര്യാലയത്തില്‍ 15ന് മുമ്പ് സമര്‍പ്പിക്കണം. സ്വയം തൊഴിലില്‍ ഏര്‍പ്പെട്ടിരിക്കുന്നവര്‍ ബന്ധപ്പെട്ട മേഖലയിലെ രജിസ്ട്രേഡ് ട്രേഡ് യൂണിയനുകളുടെ സാക്ഷ്യപത്രം സഹിതമാണ് അപേക്ഷ സമര്‍പ്പിക്കേണ്ടത്.   ഫോണ്‍: 0497 2706133.

കേരള ബീഡി-ചുരുട്ട് തൊഴിലാളി ക്ഷേമനിധി ബോര്‍ഡില്‍ നിന്ന് പെന്‍ഷന്‍ വാങ്ങുന്നവര്‍ അതത് ബാങ്കുകളില്‍ 30 നകം ലൈഫ് സര്‍ട്ടിഫിക്കറ്റ് ഹാജരാക്കണമെന്ന് എക്സിക്യുട്ടീവ് ഓഫീസര്‍ അറിയിച്ചു.

പി.എന്‍.എക്‌സ്.4733/17

വെട്ടിക്കവല ഐ.സി.ഡി.എസ് പ്രോജക്ടിലെ നിലവിലുള്ളതും ഉണ്ടാകാന്‍ ഇടയുള്ളതുമായ അങ്കണവാടി വര്‍ക്കര്‍/ഹെല്‍പ്പര്‍ ഒഴിവുകളിലേക്ക് (ഉമ്മന്നൂര്‍, വെട്ടിക്കവല, മേലില പഞ്ചായത്തുകള്‍) സ്ഥിരനിയമനത്തിന് വനിതകളില്‍ നിന്നും അപേക്ഷ ക്ഷണിച്ചു. അപേക്ഷകള്‍ അതത് പഞ്ചായത്തിലെ സ്ഥിരം താമസക്കാരായിരിക്കണം.

എസ്.എസ്.എല്‍.സി ജയിച്ചവര്‍ക്ക് അങ്കണവാടി വര്‍ക്കര്‍ തസ്തികയിലേക്ക് അപേക്ഷിക്കാം. (പട്ടികജാതി വിഭാഗത്തില്‍ നിന്നും എസ്.എസ്.എല്‍.സി ജയിച്ചവര്‍ ഇല്ലാതെ വന്നാല്‍ എസ്.എസ്.എല്‍.സി തോറ്റവരെയും പട്ടികവര്‍ഗത്തില്‍ നിന്നും എസ്.എസ്.എല്‍.സി ജയിച്ചവര്‍ ഇല്ലാതെ വന്നാല്‍ എട്ടാം ക്ലാസ് ജയിച്ചവരെയും പരിഗണിക്കും).

കൊല്ലം പാരിപ്പളളി സര്‍ക്കാര്‍ മെഡിക്കല്‍ കോളേജിലെ ഇന്‍സ്റ്റിറ്റിയൂഷണല്‍ റിസര്‍ച്ച് കമ്മിറ്റി ഫ്രണ്ട് ഓഫീസില്‍ ഓഫീസ് അസിസ്റ്റന്റിനെ കരാര്‍ അടിസ്ഥാനത്തില്‍ നിയമിക്കുന്നതിന് യോഗ്യതയുളള ഉദ്യോഗാര്‍ത്ഥികള്‍ക്കായി കൂടിക്കാഴ്ച നടത്തും.  യോഗ്യത: ബിരുദം, കമ്പ്യൂട്ടര്‍ പരിജ്ഞാനം (മെഡിക്കല്‍ കോളേജിലെ ഒരു വര്‍ഷത്തെ പ്രവൃത്തി പരിചയം അഭികാമ്യം) വേതനം: 16,500 രൂപ.  പരമാവധി പ്രായം: 40 വയസ്.  താത്പര്യമുളള ഉദ്യോഗാര്‍ത്ഥികള്‍ വിദ്യാഭ്യാസ യോഗ്യത തെളിയിക്കുന്ന അസല്‍ സര്‍ട്ടിഫിക്കറ്റ്, പകര്‍പ്പുകള്‍, സര്‍ക്കാര്‍ അംഗീകൃത തിരിച്ചറിയല്‍ കാര്‍ഡ്, പാസ്‌പോര്‍ട്ട് സൈസ് ഫോട്ടോ എന്നിവ സഹിതം നവംബര്‍ 10ന് രാവിലെ 10.30ന് ഓ

മുതിര്‍ന്ന പൗരരുടെ ക്ഷേമവും അവകാശസംരക്ഷണവും ഇനി ജില്ലാ ഭരണകൂടത്തിന്റെ ഇടപെടലുകളിലൂടെ സുശക്തമാകും. ഒരു തിരിവെട്ടം എന്ന പേരില്‍  സി. കേശവന്‍ ടൗണ്‍ഹാളില്‍ നടന്ന കൂട്ടായ്മ വയോജന സൗഹൃദ ജില്ലയുടെ ആദ്യ ചുവട് വയ്പാണ് നടത്തിയത്. തദ്ദേശ സ്ഥാപനങ്ങള്‍ മുതല്‍ കോര്‍പറേഷനുകള്‍ വരെ വയോജനങ്ങളുടെ സുരക്ഷിത സമാധാന ജീവിതം ഉറപ്പാക്കുന്നതിന് നടപ്പിലാക്കേണ്ട പദ്ധതികളുടെ രൂപരേഖയാണ് പരിപാടിയിലൂടെ തയ്യാറാക്കിയത്.

ഒ.ബി.സി വിഭാഗം വിദ്യാര്‍ത്ഥികള്‍ക്കുളള പ്രീമെട്രിക് സ്‌കോളര്‍ഷിപ്പിന് അപേക്ഷ ക്ഷണിച്ചു.  രക്ഷിതാക്കളുടെ വാര്‍ഷിക വരുമാനം 44,500 രൂപയില്‍ കവിയാത്തതും സംസ്ഥാനത്തെ സര്‍ക്കാര്‍/എയ്ഡഡ് സ്‌കൂളുകളില്‍ ഒന്നു മുതല്‍ 10 വരെ ക്ലാസുകളില്‍ പഠിക്കുന്നതുമായ ഒ.ബി.സി വിദ്യാര്‍ത്ഥികള്‍ക്ക് അപേക്ഷിക്കാം.  അപേക്ഷാ ഫോറത്തിന്റെ മാതൃകയും അപേക്ഷകര്‍ക്കും സ്‌കൂള്‍ അധികൃതര്‍ക്കുമുളള നിര്‍ദ്ദേശങ്ങളും www.scholarship.itschool.gov.in, www.bcdd.kerala.gov.in എന്നീ വെബ്‌സൈറ്റുകളില്‍ ലഭ്യമാണ്.  അപേക്ഷകള്‍ പൂരിപ്പിച്ച് നവംബര്‍ 24ന് മുമ്പ് സ്‌കൂള്‍ പ്രധാനാധ്യാപകനെ ഏല്‍പ്പിക്കണം.  സ്‌കൂള്‍ അധികൃതര്‍ ഡിസംബര്‍ അഞ്ചിനകം ഡാറ്റാ

സ്‌കോള്‍-കേരള മുഖേന നടത്തുന്ന ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍ കോഴ്‌സ് മൂന്നാം ബാച്ചിന്റെ സമ്പര്‍ക്ക ക്ലാസ്സുകള്‍ ആരംഭിച്ചു. ഫീസ് അടച്ച വിദ്യാര്‍ത്ഥികള്‍ രജിസ്റ്റര്‍ ചെയ്ത പഠനകേന്ദ്രവുമായി ബന്ധപ്പെട്ട് സമ്പര്‍ക്ക ക്ലാസ്സുകളില്‍ പങ്കെടുക്കണമെന്ന് എക്‌സിക്യൂട്ടീവ് ഡയറക്ടര്‍ അറിയിച്ചു. 

പി.എന്‍.എക്‌സ്.4730/17

കാക്കനാട്: ജില്ല വികസന സമിതിയില്‍ ജനപ്രതിനിധികള്‍ ഉന്നയിക്കുന്ന വിവിധ വിഷയങ്ങളില്‍ സ്വീകരിച്ച നടപടി സംബന്ധിച്ച് മറുപടി നല്‍കേണ്ട കോളം ഒഴിഞ്ഞു കിടക്കുകയാണ് പതിവ്. നടപടി സംബന്ധിച്ച് യോഗത്തില്‍ വകുപ്പില്‍ നിന്നുള്ള പ്രതിനിധികള്‍ വിശദീകരിക്കും. മിക്കപ്പോഴും വകുപ്പ് മേധാവികള്‍ പങ്കെടുക്കാറുമില്ല.