ശബരിമല തീര്‍ഥാടന കാലത്ത് ജില്ലാ ഭരണകൂടത്തിന്റെയും ആരോഗ്യവകുപ്പിന്റെയും നേതൃത്വത്തില്‍ പമ്പ മുതല്‍ സന്നിധാനം വരെയുള്ള സ്ഥലങ്ങളില്‍ തുടങ്ങുന്ന അടിയന്തര വൈദ്യ സഹായ കേന്ദ്രങ്ങളിലേക്ക് അഞ്ച് പുരുഷ നഴ്‌സുമാരെ ആവശ്യമുണ്ട്. ഈമാസം 15 മുതല്‍ 2018 ജനുവരി 20 വരെയാണ് സേവനകാലാവധി.

തൊഴില്‍ സാധ്യതയുള്ള ഓട്ടോകാഡ് 2 ഡി-3 ഡി, പ്ലംബിംഗ്-സാനിറ്റേഷന്‍, ഓട്ടോമൊബൈല്‍ ടെക്‌നീഷ്യന്‍, ഇന്‍ഡസ്ട്രിയല്‍ ഇലക്ട്രീഷ്യന്‍, വെല്‍ഡര്‍(ടിഗ്-മിഗ്) കോഴ്‌സുകളില്‍ പ്രവേശനത്തിന് അപേക്ഷിക്കാം. പ്രായപരിധി 18നും 45നും മധ്യേ. അപേക്ഷ സ്വീകരിക്കുന്ന അവസാന തീയതി ഈമാസം 10. കൂടുതല്‍ വിവരങ്ങള്‍ക്ക് ഐടിഐയുമായി ബന്ധപ്പെടണം.

ഫോണ്‍: 0468-2258710. 

സംസ്ഥാന ചരക്ക് സേവന നികുതി വകുപ്പ് സര്‍ക്കാര്‍ വകുപ്പുകള്‍ക്കും പൊതുമേഖലാ സ്ഥാപനങ്ങള്‍ക്കും ജിഎസ്ടി അവബോധം നല്‍കുന്നതിന് പത്തനംതിട്ട അബാന്‍ ഓഡിറ്റോറിയത്തില്‍ ഇന്ന്(നാലിന്) രാവിലെ 11ന് ശില്‍പ്പശാല നടത്തും. ബന്ധപ്പെട്ട വകുപ്പ് മേധാവികള്‍ക്ക് പ്രതിനിധികളെ അയയ്ക്കാം.

ഫോണ്‍: 0468-2325088. 

കേരള ഷോപ്‌സ് ആന്‍ഡ് കൊമേഴ്‌സ്യല്‍ എസ്റ്റാബ്ലിഷ്‌മെന്റ് ആക്ട് പ്രകാരം പത്തനംതിട്ട അസിസ്റ്റന്റ് ലേബര്‍ ഓഫീസില്‍ രജിസ്റ്റര്‍ ചെയ്തിട്ടുള്ള സ്ഥാപനങ്ങള്‍ നവംബര്‍ 30ന് മുന്‍പ് പിഴ കൂടാതെ ഫീസ് ഒടുക്കി രജിസ്‌ട്രേഷന്‍ പുതുക്കണം. അല്ലാത്തപക്ഷം പിഴ, പ്രോസിക്യൂഷന്‍ നടപടികള്‍ സ്വീകരിക്കുമെന്ന് പത്തനംതിട്ട അസിസ്റ്റന്റ് ലേബര്‍ ഓഫീസര്‍ അറിയിച്ചു. 

യുവജനക്ഷേമ ബോര്‍ഡിന്റെയും ജില്ലാ പഞ്ചായത്തിന്റെയും സംയുക്താഭിമുഖ്യത്തില്‍ സംഘടിപ്പിക്കുന്ന ജില്ലാ കേരളോത്സവത്തിലെ സാംസ്‌കാരിക ഘോഷയാത്രയും അനുബന്ധ പരിപാടികളും ആലോചിക്കുന്നതിന് നവംബര്‍ ആറിന് ഉച്ചകഴിഞ്ഞ് മൂന്നിന് പ്രമാടം ഇന്‍ഡോര്‍ സ്‌റ്റേഡിയത്തില്‍ ആലോചനാ യോഗം ചേരും. 

ജില്ലയില്‍ വിദ്യാഭ്യാസ വകുപ്പില്‍ എല്‍പിഎസ്എ(തമിഴ് മീഡിയം, കാറ്റഗറി നമ്പര്‍ 528/13) തസ്തികയുടെ ചുരുക്കപ്പട്ടികയില്‍ ഉള്‍പ്പെട്ടവരില്‍ വണ്‍ടൈം  വേരിഫിക്കേഷനു ശേഷം യോഗ്യരായവര്‍ക്കായി പത്തനംതിട്ട ജില്ലാ പിഎസ് സി ഓഫീസില്‍ വച്ച് നവംബര്‍ ഒന്‍പതിനും പത്തിനും അഭിമുഖം നടത്തും. എസ് എംഎസ്, പ്രൊഫൈല്‍ മെസേജ്, വ്യക്തിഗത മെമ്മോ എന്നിവ മുഖേന അറിയിപ്പ് നല്‍കിയിട്ടുണ്ട്. വണ്‍ടൈം വേരിഫിക്കേഷന്‍ സര്‍ട്ടിഫിക്കറ്റ്, വ്യക്തിവിവര കുറിപ്പ് എന്നിവ സഹിതം അഭിമുഖത്തിന് ഹാജരാകണം.

മോട്ടോര്‍ തൊഴിലാളി ക്ഷേമനിധി ബോര്‍ഡില്‍ അംഗങ്ങളായിട്ടുള്ളവര്‍ക്ക് തൊഴിലാളി വിഹിതം കുടിശിക ഒടുക്കാനുള്ള സമയപരിധി ഡിസംബര്‍ 31 വരെ ദീര്‍ഘിപ്പിച്ചു. ക്ഷേമനിധി തൊഴിലാളി വിഹിതം ഒരു തവണയെങ്കിലും അടച്ച് അംഗമായി രജിസ്റ്റര്‍ ചെയ്ത് സജീവ അംഗത്വമുള്ള തൊഴിലാളികള്‍ക്ക് കുടിശിക ഒടുക്കാം. എല്ലാ തൊഴിലാളികളും ഈ അവസരം കൃത്യമായി വിനിയോഗിക്കണമെന്ന് ജില്ലാ എക്‌സിക്യുട്ടീവ് ഓഫീസര്‍ അറിയിച്ചു.

ഫോണ്‍: 0468-2320158. 

എലിപ്പനിക്കെതിരേ ജനങ്ങള്‍ ജാഗ്രത പുലര്‍ത്തണമെന്ന് ജില്ലാ മെഡിക്കല്‍ ഓഫീസര്‍(ആരോഗ്യം) ഡോ.എല്‍.അനിതാ കുമാരി അറിയിച്ചു. എലിയെ കൂടാതെ നായ, പൂച്ച, ആട്, പശു, പോത്ത്, കുറുക്കന്‍ തുടങ്ങിയ ജീവികളുടെ മൂത്രത്തില്‍ കൂടിയും എലിപ്പനി രോഗാണു പകരാം. എലിമൂത്രം കലരാന്‍ സാധ്യതയുള്ള കെട്ടിക്കിടക്കുന്ന വെള്ളവുമായി സമ്പര്‍ക്കമുണ്ടാകാതെ സൂക്ഷിക്കണം. ഇത്തരം സാഹചര്യത്തില്‍ ജോലി ചെയ്യേണ്ടി വരുന്നവര്‍ ഒരു ദിവസം മുന്‍പ് എലിപ്പനിക്കെതിരായ ഗുളിക കഴിക്കണം. ഈ ഗുളിക എല്ലാ ആരോഗ്യ കേന്ദ്രങ്ങളിലും സൗജന്യമായി ലഭിക്കും.

ജില്ലയിലെ തദ്ദേശഭരണ സ്ഥാപനങ്ങളുടെ 2017-18 വാര്‍ഷിക പദ്ധതി നിര്‍വഹണ പുരോഗതി വിലയിരുത്തുന്നതിനായി 15ന് ഉച്ചകഴിഞ്ഞ് രണ്ടിന്  കളക്ടറേറ്റ് കോണ്‍ഫറന്‍സ് ഹാളില്‍ യോഗം ചേരും. തദ്ദേശഭരണ സ്ഥാപനങ്ങളുടെയും വകുപ്പിന്റെയും പദ്ധതി നിര്‍വഹണ പുരോഗതി റിപ്പോര്‍ട്ട് 13ന് വൈകിട്ട് അഞ്ചിനു മുന്‍പ് ജില്ലാ പ്ലാനിംഗ് ഓഫീസില്‍ നല്‍കണമെന്ന് ജില്ലാ കളക്ടര്‍ അറിയിച്ചു.  

ടെലിപ്രോംപ്റ്ററും സ്റ്റുഡിയോയും ഇല്ലാതെ കളക്‌ട്രേറ്റ് കോണ്‍ഫറന്‍സ് ഹാളില്‍ നിന്നും വാര്‍ത്താവായന തുടങ്ങി. വായിക്കുന്നതാകട്ടെ സ്‌കൂള്‍ വിദ്യാര്‍ഥികളും ! . കളക് ട്രേറ്റ് ജീവനക്കാര്‍ അതിശയത്തോടെ കുട്ടികളുടെ ചുറ്റും കൂടി.വാര്‍ത്താവതരണം ദൃശ്യമാധ്യമങ്ങളിലേതുപോലെ തന്നെയുണ്ട്. ഉദ്യോഗസ്ഥര്‍ വിദ്യാര്‍ഥികളെ പ്രോത്സാഹിപ്പിച്ചു. ഔദ്യോഗിക ഭാഷ മലയാള വാരാചരണത്തിന്റെ ഭാഗമായി ജില്ലാഭരണകൂടത്തിന്റെയും ജില്ലാ ഇന്‍ഫര്‍മേഷന്‍ ഓഫീസിന്റെയും ആഭിമുഖ്യത്തില്‍ ഹയര്‍സെക്കന്‍ഡറി വിഭാഗം വിദ്യാര്‍ഥികള്‍ക്കായി സംഘടിപ്പിച്ച ജില്ലാതല വാര്‍ത്താ അവതരണ മത്സരമാണ് കൗതുകമായത്.