മൂലമറ്റത്ത് പ്രവര്‍ത്തിച്ചിരുന്ന ജില്ലാ പട്ടികജാതി വികസന ഓഫീസ് കളക്ടറേറ്റിലേക്ക് മാറ്റി. മുമ്പ് പ്ലാനിംഗ് ഓഫീസ് പ്രവര്‍ത്തിച്ചിരുന്ന കളക്ട്രേറ്റിലെ രണ്ടാം നിലയില്‍ തിങ്കളാഴ്ച(06) ഓഫീസ്  മുതല്‍ പ്രവര്‍ത്തനം ആരംഭിക്കും.

   മക്കരപ്പറമ്പ് ഗ്രാമപഞ്ചായത്ത് ഓഫീസിന് പുതിയ കെട്ടിട നിര്‍മിക്കുന്നതിനുള്ള ഭൂമിയുടെ രേഖ കൈമാറി. പഞ്ചായത്ത് ഓഫീസില്‍ പഞ്ചായത്ത് പ്രസിഡന്റ്  ഹബീബ കരുവള്ളിക്ക് രേഖ കൈമാറി ടി.എ അഹമ്മദ് കബീര്‍ എം.എല്‍.എ  നിര്‍വഹിച്ചു. കുറുവ റോഡില്‍ ചെറുപുഴക്ക് സമീപം ജലവിഭവ വകുപ്പിന് കീഴിലുള്ള ഇരുപത് സെന്റ് സ്ഥലത്താണ് പുതിയ കെട്ടിടം നിര്‍മിക്കുന്നത്. എം.എല്‍.എയുടെ ആസ്തി വികസന ഫണ്ടില്‍നിന്ന് 50 ലക്ഷം രൂപയും പഞ്ചായത്തിന്റെ തനത് ഫണ്ടായ 50 ലക്ഷം രൂപയും ഉപയോഗിച്ചാണ് കെട്ടിടം നിര്‍മിക്കുന്നത്. ടെന്‍ഡര്‍ നടപടികള്‍ പൂര്‍ത്തിയാക്കി നിര്‍മാണ പ്രവര്‍ത്തനങ്ങള്‍ ഉടന്‍ തന്നെ ആരംഭിക്കുമെന്ന് എം.എല്‍.എ അറിയിച്ചു.

   പാലക്കാട് ജില്ലയിലെ ഏത്തന്നൂര്‍ ചെറുവട്ടത്ത് ഹൗസിലെ പ്രശാന്ത് എന്നയാളെ 2019 നവംബര്‍ 12 മുതല്‍ കാണ്മാനില്ല. ചേളാരിയിലുള്ള ഐ.ഒ.സി പ്ലാന്റില്‍ ജോലി ചെയ്യുന്നതിനിടെയാണ് കാണാതായത്. കണ്ടെത്തുന്നവര്‍ തേഞ്ഞിപ്പലം പൊലീസ് സ്റ്റേഷനില്‍ വിവരം അറിയിക്കണമെന്ന് സബ് ഇന്‍സ്‌പെക്ടര്‍ അറിയിച്ചു.
 

     പെരിന്തല്‍മണ്ണ പി.ടി.എം ഗവണ്‍മെന്റ് കോളജില്‍ 2020-21 അധ്യയനവര്‍ഷത്തില്‍ അഞ്ചാം സെമസ്റ്റര്‍ ബി.എ അറബികില്‍ സീറ്റ് ഒഴിവുണ്ട്. വിദ്യാര്‍ഥികള്‍ ജൂലൈ ഒന്‍പതിനകം കോളജ് ഓഫീസില്‍ നേരിട്ട് അപേക്ഷ സമര്‍പ്പിക്കണമെന്ന് പ്രിന്‍സിപ്പല്‍ അറിയിച്ചു.
 

      കീഴുപറമ്പ് ഗ്രാമപഞ്ചായത്ത് പരിധിയില്‍ വരുന്ന അങ്കണവാടികളില്‍  വര്‍ക്കര്‍, ഹെല്‍പ്പര്‍ തസ്തികകളില്‍ നിയമനം നടത്തുന്നു.  അപേക്ഷകര്‍ പഞ്ചായത്തില്‍ സ്ഥിരതാമസക്കാരായിരിക്കണം. അങ്കണവാടി വര്‍ക്കര്‍ എസ്.എസ്.എല്‍.സി പാസായവരും  ഹെല്‍പ്പര്‍ എസ്.എസ്.എല്‍.സി പാസാവാത്തവരും  എഴുതുവാനും വായിക്കുവാനും അറിയുന്നവരുമായിരിക്കണം. താത്പര്യമുള്ളവര്‍ ജൂലൈ 31ന് വൈകീട്ട് അഞ്ചിനകം ശിശുവികസന പദ്ധതി ഓഫീസര്‍, ഐ.സി.ഡി.എസ് അരീക്കോട്, പി.ഒ അരീക്കോട്- 673639 എന്ന വിലാസത്തില്‍ അപേക്ഷ നല്‍കണം. അപേക്ഷ ഫോം ഐ.സി.ഡി.എസ് പ്രൊജക്ട് ഓഫീസ്, ഗ്രാമപഞ്ചായത്ത് ഓഫീസ് എന്നിവിടങ്ങളില്‍ നിന്ന് ലഭിക്കും. ഫോണ്‍: 0483: 2852939.