തിരു-കൊച്ചി മെഡിക്കല്‍ കൗണ്‍സിലില്‍ 2016 ഡിസംബര്‍ 31 വരെ ഇന്ത്യന്‍ സിസ്റ്റംസ് ഓഫ് മെഡിസിനില്‍ (ആയുര്‍വേദ, സിദ്ധ, യുനാനി) രജിസ്റ്റര്‍ ചെയ്തിട്ടുള്ളവരില്‍ നിന്നും കേന്ദ്ര കൗണ്‍സിലിലേക്ക് കേരളത്തില്‍ നിന്ന് പ്രതിനിധികളെ തെരഞ്ഞെടുക്കുന്നതിനുള്ള കരട് ലിസ്റ്റ് പ്രസിദ്ധീകരിച്ചു. ഗവ. സെക്രട്ടേറിയറ്റിലെ അനക്‌സ്-2 അഞ്ചാംനിലയിലെ റൂം നമ്പര്‍ 450 ലെ റിട്ടേണിംഗ് ഓഫീസറുടെ കാര്യാലയത്തില്‍ പ്രവൃത്തിദിവസങ്ങളില്‍ ഓഫീസ് സമയത്ത് പരിശോധിക്കാം. സര്‍ക്കാര്‍ വെബ്‌സൈറ്റായ www.kerala.gov.in ലും ലിസ്റ്റ് പ്രസിദ്ധീകരിച്ചിട്ടുണ്ട്. ആക്ഷേപങ്ങളും അഭിപ്രായങ്ങളും വിജ്ഞാപന തീയതി മുതല്‍ 30 ദിവസത്തിനകം ആര്‍.

തിരുവനന്തപുരം വികസന അതോറിറ്റിയില്‍ യു.ഡി.സി തസ്തികയില്‍ ഡെപ്യൂട്ടേഷന്‍ വ്യവസ്ഥയില്‍ നിയമിക്കുന്നു. നിലവില്‍ സമാന തസ്തികകളില്‍ ജോലി ചെയ്യുന്നവര്‍ ബയോഡാറ്റയും മാതൃ സ്ഥാപനത്തിന്റെ എന്‍.ഒ.സി.യും സഹിതം കെ.എസ്.ആര്‍ പാര്‍ട്ട് (1) റൂള്‍ നമ്പര്‍ 144 പ്രകാരം നിശ്ചിത ഫോറത്തിലുള്ള അപേക്ഷകള്‍ ആഗസ്റ്റ് 18 ന് വൈകിട്ട് മൂന്നിനകം സെക്രട്ടറി, തിരുവനന്തപുരം വികസന അതോറിറ്റി, ജയ മാന്‍ഷന്‍, വഴുതക്കാട്, ശാസ്തമംഗലം പി.ഒ, തിരുവനന്തപുരം എന്ന വിലാസത്തില്‍ ലഭ്യമാക്കണം. ഒരു ഒഴിവാണുള്ളത്. ഫോണ്‍ : 0471 - 2722748, 2722238. ഇ-മെയില്‍ tridasecretary@gmail.com.

പി.എന്‍.എക്‌സ്.3400/17

പതിനാലാം കേരള നിയമസഭയുടെ ഏഴാം സമ്മേളനം ആഗസ്റ്റ് ഏഴിന് ആരംഭിക്കുമെന്ന് സ്പീക്കര്‍ പി. ശ്രീരാമകൃഷ്ണന്‍ വാര്‍ത്താസമ്മേളനത്തില്‍ അറിയിച്ചു. പൂര്‍ണമായി നിയമനിര്‍മാണം ഉദ്ദേശിച്ചാണ് സമ്മേളനം ചേരുന്നത്. 13 ദിവസമാണ് സഭ ചേരുക. പത്തു ദിവസം നിയമനിര്‍മാണ കാര്യങ്ങള്‍ക്കായും രണ്ടു ദിവസം അനൗദ്യോഗികാംഗങ്ങളുടെ കാര്യങ്ങള്‍ക്കും ഒരു ദിവസം ധനകാര്യം ഉപധനാഭ്യര്‍ത്ഥനയ്ക്കായും മാറ്റിവച്ചിരിക്കുന്നു. നിയമനിര്‍മാണവുമായി ബന്ധപ്പെട്ട് ഭേദഗതി സംബന്ധിച്ച് പൊതുജനങ്ങളുടെ അഭിപ്രായം ശേഖരിക്കാന്‍ നിയസഭാ സെക്രട്ടേറിയറ്റ് തീരുമാനിച്ചിട്ടുണ്ടെന്ന് സ്പീക്കര്‍ പറഞ്ഞു. പൊതുജനാഭിപ്രായം സ്പീക്കറുടെ നേതൃത്വത്തില്‍ സമാഹരിക്കും.

ജി.എസ്.ടി. നിയമപ്രകാരം വ്യാപരികള്‍ സമര്‍പ്പിക്കേണ്ട ജി.എസ.്റ്റി.ആര്‍.-1 റിട്ടേണ്‍ തയ്യാറാക്കായിട്ടുള്ള ഓഫ്‌ലൈന്‍ സംവിധാനം വ്യാപാരികള്‍ക്ക് ലഭ്യമായി തുടങ്ങിയതായി സംസ്ഥാന ചരക്ക് സേവന നികുതി വകുപ്പ് അറിയിച്ചു. റിട്ടേണ്‍ തയ്യാറാക്കായിട്ടുള്ള ഓഫ്‌ലൈന്‍ സംവിധാനംwww.gst.gov.in ലെ ഹോം പേജിലെ ഡൗണ്‍ലോഡ് ലിങ്കില്‍ലഭിക്കും. ഓഫ്‌ലൈന്‍ സംവിധാനം ഇന്‍സ്റ്റാള്‍ ചെയ്യാനും റിട്ടേണ്‍ തയ്യാറാക്കാനുമുള്ള സാങ്കേതിക വിവരങ്ങള്‍ വെബ്‌സൈറ്റില്‍ തന്നെ നല്‍കിയിട്ടുണ്ട്. ഓഫ്‌ലൈന്‍ സംവിധാനത്തില്‍ വ്യപരികള്‍ക്ക് ഒറ്റത്തവണ 19000ഇന്‍വോയ്‌സ്വിവരങ്ങള്‍ വരെ ഉള്‍പ്പെടുത്താന്‍ കഴിയും.

എപിജെ അബ്ദുള്‍കലാം സാങ്കേതിക സര്‍വകലാശാലയുടെ കീഴിലുള്ള എഞ്ചിനീയറിംഗ് വിദ്യാര്‍ഥികള്‍ക്കായി 2017-18 അധ്യയനവര്‍ഷത്തില്‍ ആരംഭിക്കുന്ന മൈനര്‍ ഇന്‍ എഞ്ചിനീയറിംഗ് പാഠ്യ പദ്ധതിക്ക് തുടക്കമായി. സര്‍വകലാശാലയുടെ കീഴിലുള്ള എല്ലാ വിദ്യാര്‍ഥികള്‍ക്കും പദ്ധതിയിലെ വ്യവസ്ഥകള്‍ക്കനുസൃതമായി പരിശീലനം നേടാം. വിദ്യാര്‍ത്ഥികള്‍ക്ക് പഠനത്തോടൊപ്പം അധിക വൈദഗ്ധ്യം ആര്‍ജ്ജിക്കാന്‍ ഉതകുന്ന ഈ പദ്ധതിയില്‍ അപേക്ഷിക്കുന്നതിന് ബി.ടെക് പരീക്ഷകള്‍ വീഴ്ചകൂടാതെ യഥാക്രമം പൂര്‍ത്തീകരിച്ചവര്‍ക്കുമാത്രമേ അര്‍ഹതയുണ്ടായിരിക്കുകയുള്ളൂ.

സംസ്ഥാന പട്ടികജാതി/പട്ടികവികസന കോര്‍പ്പറേഷന്റെ തിരുവനന്തപുരം ജില്ലാ ഓഫീസില്‍ നിന്നും വിവിധ വായ്പാ പദ്ധതിയിന്‍ കീഴില്‍ വായ്പ എടുത്ത് കുടിശ്ശിക വരുത്തുകയും നിലവില്‍ റവന്യൂ റിക്കവറി നടപടി നേരിട്ടുള്ളതുമായ തിരുവനന്തപുരം താലൂക്ക് പരിധിയുലുള്ള ഗുണഭോക്താക്കള്‍ക്കായി ആഗസ്റ്റ് 24 ന് രാവിലെ പത്ത് മണിമുതല്‍ തിരുവനന്തപുരം കോട്ടയ്ക്കകം താലൂക്ക് റവന്യൂ റിക്കവറി ഓഫീസില്‍ റവന്യൂ റിക്കവറി ഒത്തുതീര്‍പ്പ് സംഗമം നടത്തും.

കേരള സംസ്ഥാന വനിതാ വികസന കോര്‍പ്പറേഷന്‍, സംസ്ഥാനത്തെ പത്തു കേന്ദ്രങ്ങളിലായി 18 നും 55 നും മദ്ധ്യേ പ്രായമുള്ള വിധവകള്‍ക്ക് (40 വയസിനുമേല്‍ പ്രായമുള്ള അവിവാഹിതകള്‍, വിവാഹമോചിതര്‍, അവിവാഹിതരായ അമ്മമാര്‍) വേണ്ടി ജില്ല തോറും സംരംഭകത്വ വികസന പരിശീലന പരിപാടികള്‍ ആരംഭിക്കും. ഇതിന്റെ ഭാഗമായി പത്തനംതിട്ട, കൊല്ലം, തിരുവനന്തപുരം ജില്ലകളിലെ മേല്‍ വിഭാഗത്തില്‍പ്പെട്ടവരില്‍ നിന്നും അപേക്ഷകള്‍ ക്ഷണിച്ചു. മൂന്നു ദിവസം നീണ്ടു നില്‍ക്കുന്ന പരിശീലന പരിപാടിയില്‍ ആദ്യം രജിസ്റ്റര്‍ ചെയ്യുന്ന യോഗ്യരായ 30 പേരെ തെരഞ്ഞെടുക്കും.

സഹകരണ ജീവനക്കാരുടെ കുറഞ്ഞ പെന്‍ഷന്‍ എല്ലാ വിഭാഗങ്ങള്‍ക്കും 3000 രൂപയായി വര്‍ധിപ്പിച്ചതായി സഹകരണ-ടൂറിസം വകുപ്പ് മന്ത്രി കടകംപള്ളി സുരേന്ദ്രന്‍ വാര്‍ത്താസമ്മേളനത്തില്‍ അറിയിച്ചു. പ്രാഥമിക സംഘങ്ങള്‍ക്ക് നേരത്തെ 1500 രൂപയും, ജില്ലാ-സംസ്ഥാന സഹകരണ ബാങ്കുകള്‍ക്ക് 2000 രൂപയുമായിരുന്നു നേരത്തെയുണ്ടായിരുന്ന കുറഞ്ഞ പെന്‍ഷന്‍. സഹകരണ പെന്‍ഷന്‍കാര്‍ക്ക് അനുവദിച്ചുവന്നിരുന്ന ക്ഷാമബത്ത അഞ്ച് ശതമാനമായിരുന്നത് ഏഴു ശതമാനമായി വര്‍ധിപ്പിച്ചു. പ്രാഥമിക സംഘങ്ങള്‍ക്ക് 1000 രൂപയും ജില്ലാ-സംസ്ഥാന സഹകരണ ബാങ്കുകള്‍ക്ക് 1500 രൂപയുമായിരുന്ന കുടുംബപെന്‍ഷന്‍ എല്ലാ വിഭാഗങ്ങള്‍ക്കും 2000 രൂപയായി കൂട്ടി.

സംസ്ഥാനത്ത് നെല്‍വയലായും തണ്ണിര്‍ത്തടമായും നിലവിലുള്ള സ്ഥലങ്ങള്‍ സംബന്ധിച്ച് ഡേറ്റാ ബാങ്കില്‍ തെറ്റായി ഉള്‍പ്പെടുത്തിയിരിക്കുന്ന വിവരങ്ങള്‍ തിരുത്താനുള്ള അപേക്ഷ ആഗസ്റ്റ് 27നകം സമര്‍പ്പിക്കണമെന്ന് റവന്യൂ വകുപ്പ് അഡീഷണല്‍ ചീഫ് സെക്രട്ടറി പി.എച്ച്. കുര്യന്‍ അറിയിച്ചു. കേരള നെല്‍വയല്‍-തണ്ണീര്‍ത്തട ഭേദഗതി ചട്ടങ്ങള്‍-2017 നിലവില്‍ വന്ന തീയതി മുതല്‍ 90 ദിവസമാണ് അപേക്ഷിക്കാന്‍ നല്‍കിയിട്ടുള്ളത്. വിജ്ഞാപനത്തിലൂടെ ഭേദഗതികള്‍ നിലവില്‍ വന്നതിനാല്‍ ആഗസ്റ്റ് 27 ന് നിശ്ചിത കാലാവധി അവസാനിക്കും.

തിരുവനന്തപുരം വട്ടിയൂര്‍ക്കാവ് സെന്‍ട്രല്‍ പോളിടെക്‌നിക് കോളേജിലെ കണ്ടിന്യൂയിംഗ് എജ്യുക്കേഷന്‍ സെല്ലില്‍ ആരംഭിക്കുന്ന ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍ (ഡി.സി.എ), കമ്പ്യൂട്ടറൈസ്ഡ് ഫിനാന്‍ഷ്യല്‍ അക്കൗണ്ടിംഗ് (ടാലി), ആട്ടോകാഡ് 2ഡി, ആട്ടോകാഡ് 3ഡി, മൊബൈല്‍ ഫോണ്‍ ടെക്‌നോളജി, അഡ്വാന്‍സ്ഡ് കമ്പ്യൂട്ടര്‍ ഹാര്‍ഡ്‌വെയര്‍, ടോട്ടല്‍ സ്റ്റേഷന്‍, റ്റി.പി കോഴ്‌സുകളിലേക്ക് അപേക്ഷ ക്ഷണിച്ചു. അപേക്ഷാഫോറവും വിവശദവിവരങ്ങളും കണ്ടിന്യൂയിംഗ് എജ്യുക്കേഷന്‍ സെല്‍ ഓഫീസില്‍ ലഭിക്കും. ഫോണ്‍ : 0471 - 2360611.

പി.എന്‍.എക്‌സ്.3627/17