കുന്ദമംഗലം ഗ്രാമപഞ്ചായത്തില്‍ പ്രവൃത്തി പൂര്‍ത്തീകരിച്ച എരഞ്ഞോളിമീത്തല്‍ റോഡ് പി ടി എ റഹീം എംഎല്‍എ ഉദ്ഘാടനം ചെയ്തു. കുന്ദമംഗലം ഗ്രാമപഞ്ചായത്ത് പ്രസിഡന്റ് സി.വി സംജിത് അധ്യക്ഷനായി. ഗ്രാമപഞ്ചായത്ത് മെമ്പര്‍മാരായ വി അനില്‍കുമാര്‍, ശ്രീബ പുല്‍ക്കുന്നുമ്മല്‍, പ്രീത മോഹൻ, പി മുരളീധരൻ, ഇ ശിഹാബുറഹ്മാൻ, സുരേഷ് പറശ്ശേരി, സിഡിഎസ് മെമ്പർ കെ ഷിജില, ഷമീന വെള്ളക്കാട്ട് എന്നിവര്‍ സംസാരിച്ചു.
മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയില്‍ അനുവദിച്ച 15 ലക്ഷം രൂപ വിനിയോഗിച്ചാണ് റോഡ് നവീകരിച്ചത്.

പൊഴുതന ഗ്രാമപഞ്ചായത്തില്‍ ജല്‍ജീവന്‍ മിഷന്‍ പദ്ധതിയുടെ ഭാഗമായി കുടിവെള്ള സംഭരണ ടാങ്കുകള്‍ നിര്‍മ്മിക്കാന്‍ അനുയോജ്യമായ സ്ഥലം പഞ്ചായത്തിനു നല്‍കാന്‍ തയ്യാറുള്ളവരില്‍ നിന്നും താത്പര്യപത്രം ക്ഷണിച്ചു. കൂടുതല്‍ വിവരങ്ങള്‍ പ്രവൃത്തി ദിനങ്ങളില്‍ ഓഫീസില്‍ നിന്നും ലഭിക്കും

കോളേരി ഗവ.ഹയര്‍ സെക്കന്‍ഡറി സ്‌കൂളിലെ ജേര്‍ണലിസം ലാബ് ക്രമീകരിക്കാന്‍ ക്യാമറയും അനുബന്ധ ഉപകരണങ്ങളും ലഭ്യമാക്കാന്‍ താത്പര്യമുള്ള വ്യക്തികള്‍/ അംഗീകൃത സ്ഥാപനങ്ങളില്‍ നിന്നുംടെന്‍ഡര്‍ ക്ഷണിച്ചു. ടെന്‍ഡര്‍ ഫോറം പ്രവൃത്തി ദിവസങ്ങളില്‍ സ്‌കൂള്‍ ഓഫീസില്‍ ലഭിക്കും. ടെന്‍ഡറുകള്‍ മാര്‍ച്ച് 28 വൈകിട്ട് അഞ്ച് വരെ സ്വീകരിക്കും. ഇ മെയില്‍ principalghsskolery@gmail.com, ഫോണ്‍-9961161649.

ബാണാസുരസാഗര്‍ ഇറിഗേഷന്‍ പ്രൊജക്ടിലെ കുറുമ്പാല ജലവിതരണ കനാല്‍ നിര്‍മ്മാണം അലൈന്‍മെന്റില്‍ വരുന്ന പ്രദേശത്തെ മരങ്ങള്‍ മാര്‍ച്ച് 17 ന് ഉച്ചയ്ക്ക് 12ന് പടിഞ്ഞാറത്തറ സബ് ഡിവിഷന്‍ ഓഫീസ് പരിസരത്ത് ലേലം ചെയ്യും. ഫോണ്‍ -04936 273598.

കടലുണ്ടിയിൽ റെയിൽവേ മേൽപ്പാലം നിർമാണത്തിനാവശ്യമായ ഭൂമി ഏറ്റെടുക്കാൻ 10 കോടി രൂപയുടെ ഭരണാനുമതി. പൊതുമരാമത്ത് പാലം വിഭാഗത്തിനാണ് ഫണ്ട് അനുവദിച്ചത്. ഏകദേശം 0.9037 ഹെക്ടർ ഭൂമിയാകും ഏറ്റെടുക്കുക.. 

കെ.എസ്.ഇ.ബി കാട്ടിക്കുളം ഇലക്ട്രിക്കല്‍ സെക്ഷന്‍ പരിധിയില്‍ വൈദ്യുതി ലൈനില്‍ അറ്റകുറ്റ പണികള്‍ നടക്കുന്നതിനാല്‍ പാല്‍വെളിച്ചം, കവിക്കല്‍, തോണിക്കടവ്, ബാവലി, മീന്‍കൊല്ലി, മലയില്‍പീടിക ആലത്തൂര്‍, പാണ്ഡുരംഗ, റസ്സല്‍കുന്ന്, പനാവല്ലി, തിരുനെല്ലി, അപ്പപ്പാറ, ആരാണപ്പാറ, കൊട്ടിയൂര്‍, ബര്‍ഗിരി, നരിക്കല്‍, തോല്‍പ്പെട്ടി ഭാഗങ്ങളില്‍ മാര്‍ച്ച് 14ന് രാവിലെ ഒന്‍പത് മണി മുതല്‍ ഉച്ചക്ക് രണ്ട് മണിവരെ വൈദ്യുതി പൂര്‍ണ്ണമായോ ഭാഗികമായോ തടസ്സപ്പെടും.

ഇ.പി.എഫ്. നിയമത്തിന്റെ പരിധിയില്‍ വരുന്ന സ്ഥാപനങ്ങളില്‍ നിന്ന് കുടിശ്ശികയുള്ള പി.എഫ്, കോണ്‍ട്രിബ്യൂഷന്‍, പലിശ, പിഴഎന്നിവ ഈടാക്കുന്നതിന് നടപടികള്‍ സ്വീകരിക്കുന്നു. കുടിശ്ശിക അടച്ചുതീര്‍ക്കാനുള്ള സ്ഥാപനങ്ങള്‍ മാര്‍ച്ച് മാസത്തിനുള്ളില്‍ കുടിശ്ശിക മുഴുവന്‍ അടച്ചു തീര്‍ക്കണം. അല്ലാത്തപക്ഷം നിയമാനുസൃതമായ തുടര്‍നടപടികള്‍ സ്വീകരിക്കുമെന്ന് റീജിയണല്‍ പി എഫ് കമ്മീഷണര്‍ അറിയിച്ചു. കുടിശ്ശിക അടച്ചു തീര്‍ത്ത സ്ഥാപനങ്ങള്‍ ബന്ധപ്പെട്ട വിവരങ്ങള്‍സഹിതം കോഴിക്കോട് ഇ.പി.എഫ്. റീജണല്‍ ഓഫീസ്, പാലക്കാട്, വയനാട് ജില്ലാ ഓഫീസുകള്‍, ബന്ധപ്പെട്ട ഏരിയ എന്‍ഫോഴ്‌സ്‌മെന്റ് ഓഫീസര്‍മാര്‍ എന്നിവിടങ്ങളില്‍ ബന്ധപ്പെടണം.

കോരപ്പുഴയിലെ ഡ്രഡ്ജിങ്ങുമായി ബന്ധപ്പെട്ട പ്രവൃത്തികള്‍ നിര്‍ത്തിവെക്കാന്‍ വനം-വന്യജീവി വകുപ്പ് മന്ത്രി എ കെ ശശീന്ദ്രന്റെ നിര്‍ദേശം. ജില്ലാ കലക്ടറുടെ ചേംബറില്‍ ചേര്‍ന്ന യോഗത്തിലാണ് ഉദ്യോഗസ്ഥര്‍ക്കും കരാറുകാരനും പ്രവൃത്തി നിര്‍ത്തിവെക്കാന്‍ നിര്‍ദേശം നല്‍കിയത്. യോഗത്തില്‍ ദുരന്ത നിവാരണ വകുപ്പ് ഡെപ്യൂട്ടി കലക്ടര്‍ എസ് സാജിദ്, ഇറിഗേഷന്‍ വകുപ്പ് എക്‌സിക്യൂട്ടീവ് എഞ്ചിനീയര്‍ യു കെ ഗിരീഷ് കുമാര്‍, ഉദ്യോഗസ്ഥര്‍ എന്നിവര്‍ പങ്കെടുത്തു.