പ്രവാസി ചിട്ടികളുടെ സവിശേഷതകള്‍ നാട്ടില്‍ പ്രചരിപ്പിക്കുന്നതിന്റെ ഭാഗമായി കെ.എസ്.എഫ് പ്രവാസി ബന്ധു സംഗമങ്ങള്‍ നടത്തും. പ്രവാസി സംഘടനുകളുടെ സഹകരണത്തോടെയാണ് പരിപാടി നടത്തുക. ഇതിന്റെ ഭാഗമായി ജില്ലയിലെ ആദ്യ സംഗമം  ഇന്ന് (നവംബര്‍ 5) രാവിലെ 11 മണിക്ക് മഞ്ചേരി ടൗണ്‍ ഹാളില്‍ നടക്കും. തദ്ദേശ സ്വയം ഭരണവകുപ്പ് മന്ത്രി ഡോ. കെ.ടി. ജലീല്‍ ഉദ്ഘാടനം ചെയ്യും. അഡ്വ. എം.ഉമ്മര്‍ എം.എല്‍.എ അധ്യക്ഷത വഹിക്കും. എല്ലാ നിയോജക മണ്ഡലങ്ങളിലും സംഗമങ്ങള്‍ നടത്താനാണ് കെ.എസ്.എഫ്. ഇ പദ്ധതിയിട്ടിരിക്കുന്നത്.

    എം.ആര്‍. വാക്‌സിനേഷന്‍ ഉള്‍പ്പെടെയുള്ള രോഗ പ്രതിരോധ കുത്തിവെപ്പുകള്‍ ജില്ലയില്‍ പരിപ്പൂര്‍ണ്ണ വിജയമാക്കുന്നതിന് പ്രത്യേക പരിഗണ നല്‍കുമെന്ന് നാഷണല്‍ ഹെല്‍ത്ത് മിഷന്‍ (എന്‍.എച്ച്.എം) സ്റ്റേറ്റ് മിഷന്‍ ഡയറക്ടര്‍ കേശവേന്ദ്രകുമാര്‍ പറഞ്ഞു.  എം.ആര്‍. വാക്‌സിനേഷന്‍ ഉള്‍പ്പെടെയുള്ള രോഗ പ്രതിരോധ പ്രവര്‍ത്തനങ്ങള്‍ വിലയിരുത്തുന്നതിന് ജില്ലയില്‍ എത്തിയതായിരുന്നു അദ്ദേഹം.
    സാമൂഹിക മാധ്യമങ്ങളിലൂടെ എം.ആര്‍. വാക്‌സിനേഷനെതിരെ പ്രചാരണം നടത്തിയ മൂന്ന് പേര്‍ക്കെതിരെ നടപടി സ്വീകരിക്കണമെന്നാവശ്യപ്പെട്ട് സംസ്ഥാന പൊലീസ് മേധാവിക്ക് പരാതി നല്‍കിയതായി അദ്ദേഹം പറഞ്ഞു.  

രാജ്യത്തിനുവേണ്ടി ജീവന്‍ ത്യജിച്ച രക്തസാക്ഷികളോടുള്ള ആദരവ് അര്‍പ്പിക്കുന്നതിനായി ഡിസംബര്‍ 7ന് ജില്ലാ സൈനിക ഓഫീസില്‍ സായുധ സേനാ പതാക ദിനം ആചരിക്കും. രാവിലെ 10 മണിയ്ക്ക് ദിനാചരണ പരിപാടികള്‍ ആരംഭിക്കും. 
പതാകദിനത്തോടനുബന്ധിച്ച് കാര്‍ ഫ്‌ളാഗുകളുടേയും ടോക്കണ്‍ ഫ്‌ളാഗുകളുടേയും വില്‍പ്പനയിലൂടെ സമാഹരിക്കുന്ന പതാകദിന ഫണ്ട് വിമുക്ത ഭടന്മാര്‍, സൈനികരുടെ വിധവകള്‍, മക്കള്‍ എന്നിവര്‍ക്ക് സാമ്പത്തിക സഹായം നല്‍കാന്‍ വിനിയോഗിക്കും. കാര്‍ ഫ്‌ളാഗിന് 20 രൂപയും ടോക്കണ്‍ ഫ്‌ളാഗിന് 10 രൂപയുമാണ് വില. 

മലബാറിലെ നെല്ലറകളിലൊന്നായ മേപ്പയൂര്‍ ഗ്രാമപഞ്ചായത്തിലെ കരുവോട്-കണ്ടംചിറ കൃഷിയോഗ്യമാക്കാനുളള സന്നദ്ധ പ്രവര്‍ത്തനം നവംബര്‍ 19 ന് നടക്കും. തൊഴില്‍ എക്‌സൈസ് വകുപ്പ് മന്ത്രി ടി.പി രാമകൃഷ്ണന്‍ ഉദ്ഘാടനം ചെയ്യും. മേപ്പയൂര്‍ ഗ്രാമപഞ്ചായത്തിലെ കീഴ്പ്പയ്യൂര്‍ പ്രദേശത്തെ ഒന്ന്, പതിനഞ്ച്, പതിനാറ്, പതിനേഴ് വാര്‍ഡുകളിലായി ചിതറിക്കിടക്കുന്ന ഫലഭൂയിഷ്ടമായ മണ്ണ് മൂന്ന് പതിറ്റാണ്ടായി കൃഷി ചെയ്യാതെ കിടക്കുകയാണ്.

മേലാറ്റൂര്‍ 110 കെ.വി സബ്‌സ്റ്റേഷനില്‍ അറ്റകുറ്റപണി നടക്കുന്നതിനാല്‍ നവംബര്‍ എട്ടിന് രാവിലെ എട്ട് മുതല്‍ വൈകുന്നേരം അഞ്ച് വരെ സബ്‌സ്റ്റേഷനില്‍ നിന്നുള്ള വൈദ്യുതി വിതരണം മുടങ്ങും.

ജില്ലയിലെ തദ്ദേശ സ്വയംഭരണ സ്ഥാപനങ്ങളിലെ പദ്ധതി നിര്‍വഹണം സംബന്ധിച്ച് വകുപ്പുമന്ത്രി  ഡോ. കെ.ടി ജലീല്‍ നേരിട്ട് വിലയിരുത്തി. 21.74 ശതമാനം തുക ചെലവഴിച്ച മലപ്പുറം സംസ്ഥാനത്ത് പത്താം സ്ഥാനത്താണ്. ഇരുപത് ശതമാനം മാത്രം തുക ചെലവഴിച്ച വകുപ്പുകളുടെ പ്രവര്‍ത്തനമാണ് മന്ത്രി പ്രത്യേകം അവലോകനം ചെയ്തത്. മത്സ്യബന്ധനം, വ്യവസായം, കുടുംബശ്രീ, പട്ടികവര്‍ഗ വികസനം എന്നീ മേഖലകളാണ് പൂജ്യം ശതമാനത്തില്‍ നില്‍ക്കുന്നത്. 50 പഞ്ചായത്തുകളും ഇതേ അവസ്ഥയിലുണ്ട്. പദ്ധതി നിര്‍വഹണത്തില്‍ മികച്ച പഞ്ചായത്തുകളുടെ പ്രവര്‍ത്തനം മാതൃകയാക്കി ഡിസംബര്‍ 31 നകം മറ്റുള്ളവര്‍ മുന്നേറണമെന്ന് മന്ത്രി പറഞ്ഞു.

നവോദയ വിദ്യാലയം  2018 അദ്ധ്യായന വര്‍ഷം ആറാം ക്ലാസ്സിലേക്കുള്ള ഓണ്‍ലൈന്‍ അപേക്ഷ  അക്ഷയ കേന്ദ്രങ്ങള്‍ വഴി  അപേക്ഷിക്കാം.  അക്ഷയ കേന്ദ്രത്തില്‍ നിന്നും ലഭിക്കുന്ന അപേക്ഷാ ഫോം പൂരിപ്പിച്ച്  രക്ഷിതാവിന്റെയും, ഹെഡ്മാസ്റ്ററുടേയും ഒപ്പും സാക്ഷ്യപത്രവും, വിദ്യാര്‍ത്ഥിയുടെ മൂന്ന്, നാല്, അഞ്ച് ക്ലാസ്സുകളിലെ പഠന വിവരങ്ങളും  അടങ്ങിയ രേഖ സഹിതം  നവംബര്‍ 25 നകം അക്ഷയ കേന്ദ്രം വഴി അപേക്ഷിക്കാം.

പെരിന്തല്‍മണ്ണ താലൂക്ക് പുഴക്കാട്ടിരി വില്ലേജ് പുഴക്കാട്ടിരി ദേശം സര്‍വ്വെ നമ്പര്‍ 5/1 ല്‍പ്പെട്ട 05.62 ആര്‍ ഭൂമി ഡിസംബര്‍ അഞ്ചിന് രാവിലെ 11ന് പുഴക്കാട്ടിരി വില്ലേജ് ഓഫീസ് പരിസരത്ത് ലേലം ചെയ്യും.

ജില്ലാ കലക്ടറുടെ അധീനതയിലുള്ള കെ.എല്‍ 10 ക്യൂ 5070 അംബാസിഡര്‍ കാര്‍ നവംബര്‍ 16ന് രാവിലെ 11ന് കലക്‌ട്രേറ്റ് പരിസരത്ത് ലേലം ചെയ്യും.