13 പേർ വിദേശത്ത് നിന്നും 18 പേർ മറ്റ് സംസ്ഥാനങ്ങളിൽ നിന്നും എത്തിയവരാണ്. 134 പേർക്ക് സമ്പർക്കത്തിലൂടെ ആണ് രോഗം സ്ഥിരീകരിച്ചത്. മൂന്ന് ആരോഗ്യ പ്രവർത്തകർക്ക് രോഗം സ്ഥിരീകരിച്ചിട്ടുണ്ട്. കൂടാതെ ഒരു മരണവും റിപ്പോർട്ട് ചെയ്തിട്ടുണ്ട്.

 1 ഇറാഖിൽ നിന്നും എത്തിയ 33 വയസ്സുള്ള ആലപ്പുഴ സ്വദേശി, 

2. സൗദിയിൽ നിന്നും എത്തിയ 47 വയസ്സുള്ള ചേർത്തല സ്വദേശി. 

3 ദുബായിൽ നിന്നും എത്തിയ 62 വയസ്സുള്ള പുല്ലുകുളങ്ങര സ്വദേശി. 

4 സൗദിയിൽ നിന്നും എത്തിയ 63 വയസ്സുള്ള മണ്ണഞ്ചേരി സ്വദേശി.

 5 ഖത്തറിൽ നിന്നും എത്തിയ പട്ടണക്കാട് സ്വദേശിനിയായ പെൺകുട്ടി. 

ആലപ്പുഴ: ജില്ലയിലെ  പാണാവള്ളി പഞ്ചായത്തിലെ വാർഡ് 5, അരൂർ പഞ്ചായത്തിലെ വാർഡ് 6,10  എന്നിവയെ കണ്ടേൻ മെൻറ് സോണാക്കി നിയന്ത്രണങ്ങൾ ഏർപ്പെടുത്തി ജില്ലാ കളക്ടർ ഉത്തരവായി. ഈ വാർഡുകളിൽ കോവിഡ് പോസിറ്റീവ് രോഗികളും രോഗികളുമായി സമ്പർക്കത്തിൽ ഏർപ്പെട്ട പ്രൈമറി, സെക്കൻഡറി കോൺടാക്റ്റുകൾ ഉള്ളതായുള്ള മെഡിക്കൽ ഓഫീസറുടെ റിപ്പോർട്ട് പരിഗണിച്ചാണ് ഉത്തരവ്.

ആലപ്പുഴ: ഹരിപ്പാട് കെഎസ്ആർടിസി ബസ് സ്റ്റാൻഡിനു സമീപമുള്ള ആര്യാസ് ഹോട്ടലിലെ രണ്ട് ജീവനക്കാർക്ക് കൊവിഡ് സ്ഥിരീകരിച്ചിട്ടുണ്ട്. 

ആലപ്പുഴ: കോവിഡ്19 വ്യാപനം വർദ്ധിക്കുന്ന സാഹചര്യം കണക്കിലെടുത്ത് പഞ്ചായത്തുകളിലെ വാർഡുതല ജാഗ്രതാസമിതികൾ ഊർജിതമായി പ്രവർത്തിക്കണമെന്ന് ജില്ലാകലക്ടർ എ. അലക്സാണ്ടർ നിർദ്ദേശം നൽകി.   കടക്കരപ്പള്ളി, പട്ടണക്കാട് പഞ്ചായത്തുകളിലെ ജനപ്രതിനിധികളും ഉദ്യോഗസ്ഥരുമായും ഓൺലൈൻ വഴി ചർച്ച നടത്തുകയായിരുന്നു അദ്ദേഹം. തീരപ്രദേശങ്ങളിൽ രോഗവ്യാപനം തടയേണ്ടതുണ്ട്.

കുട്ടികളടക്കം കൂട്ടം കൂടുന്നത് തീരപ്രദേശങ്ങളിൽ   പ്രത്യേകിച്ചും പൂർണമായി ഒഴിവാക്കണം.

കണ്ടൻ മെൻറ് സോണുകളിൽ മത്സ്യബന്ധന ഉപാധികൾ കൂട്ടായിരുന്നു അറ്റകുറ്റപ്പണി ചെയ്യുന്നത് ഒഴിവാക്കണം.

ആലപ്പുഴ :ജില്ലയിൽ പ്രകൃതിക്ഷോഭം മൂലം ക്ഷീര മേഖലയിൽ ഉണ്ടാകുന്ന നാശനഷ്ടങ്ങൾ വിലയിരുത്തുന്നതിനും  പരിഹാര നടപടികൾ സ്വീകരിക്കുന്നതിനുമായി ദുരന്ത നിവാരണ കമ്മിറ്റി രൂപീകരിച്ചു.ക്ഷീരസംഘം പ്രവർത്തകർ, ക്ഷീരവികസന വകുപ്പ്, മിൽമ, മൃഗസംരക്ഷണ വകുപ്പ് എന്നീ സ്ഥാപനങ്ങളിലെ ഉദ്യോഗസ്ഥർ  എന്നിവർ അടങ്ങുന്ന കമ്മിറ്റിയാണ് രൂപികരിച്ചിട്ടുള്ളത്.  

ജില്ലയിൽ ക്ഷീരമേഖലയിലെ ദുരന്ത നിവാരണ പ്രവർത്തനങ്ങൾക്കായി ബന്ധപ്പെടെണ്ട നമ്പറുകൾ 

ജില്ലാതല കോർഡിനേറ്റർ 

എ. അനുപമ (ഡെപ്യൂട്ടി ഡയറക്ടർ ക്ഷീര വികസന വകുപ്പ് )- 9447287477

മഴ ശക്തിപ്രാപിക്കുന്ന സാഹചര്യത്തിൽ കുട്ടനാട് താലൂക്കിലെ പാലിയേറ്റീവ് പരിചരണം ആവശ്യമുള്ള 25 രോഗികളെ ആലപ്പുഴ റെയ്ബാനിലേക്ക് മാറ്റി പാർപ്പിച്ചു. മെഡിക്കൽ ടീം , സെക്യൂരിറ്റി അടക്കമുള്ള സൗകര്യങ്ങൾ റെയ്ബാനിൽ ജില്ലാ ഭരണകൂടം സജ്ജമാക്കിയിട്ടുണ്ട്

പത്തനംതിട്ട ജില്ലയിൽ അതിശക്തമായ മഴ ഉള്ളതിനാൽ പമ്പാ ഡാമിൻറെ വൃഷ്ടിപ്രദേശങ്ങളിൽ ജലനിരപ്പ് ഉയർന്നു കൊണ്ടിരിക്കുകയാണ്.  മഴ തുടരുന്ന സാഹചര്യത്തിൽ പമ്പാ ഡാമിൽ ബ്ലൂ അലർട്ട് പ്രഖ്യാപിച്ചിട്ടുണ്ട്.

ആലപ്പുുഴ: ജില്ലയിലെ  പാണാവള്ളി പഞ്ചായത്തിലെ വാർഡ് 5, അരൂർ പഞ്ചായത്തിലെ വാർഡ് 6,10  എന്നിവയെ കണ്ടേൻ മെൻറ് സോണാക്കി നിയന്ത്രണങ്ങൾ ഏർപ്പെടുത്തി ജില്ലാ കളക്ടർ ഉത്തരവായി. ഈ വാർഡുകളിൽ കോവിഡ് പോസിറ്റീവ് രോഗികളും രോഗികളുമായി സമ്പർക്കത്തിൽ ഏർപ്പെട്ട പ്രൈമറി, സെക്കൻഡറി കോൺടാക്റ്റുകൾ ഉള്ളതായുള്ള മെഡിക്കൽ ഓഫീസറുടെ റിപ്പോർട്ട് പരിഗണിച്ചാണ് ഉത്തരവ്.

ചെങ്ങന്നൂർ : പമ്പയാറ്റിൽ വെള്ളമുയരുന്ന സാഹചര്യത്തിൽ വെള്ളപ്പൊക്ക സാധ്യത പ്രദേശങ്ങളിൽ നിന്നും കുട്ടികളും വയോജനങ്ങളും രോഗികളും ബന്ധുക്കളുടെ വീടുകളിലേക്ക് മാറി താമസിക്കണമെന്ന് സജി ചെറിയാൻ എം. എൽ. എ അറിയിച്ചു. വെള്ളപ്പൊക്ക സാധ്യത മുന്നിൽ കണ്ട് ആർ. ഡി. ഒ ഓഫീസിൽ നടന്ന ഉദ്യോഗസ്ഥരുടെ യോഗത്തിൽ സംസാരിക്കുകയായിരുന്നു അദ്ദേഹം.
ഇതിനു കഴിയാത്തവർക്ക് ക്യാമ്പുകളിലേക്ക് മാറുന്നതിനു സൗകര്യമൊരുക്കും.

ഇത് അറിയിച്ചുകൊണ്ടുള്ള അനൗൺസ്മെന്റ് മണ്ഡലത്തിലാകെ നടത്താൻ മൂന്ന് സർക്കിൾ ഇൻസ്‌പെക്ടർമാർക്ക് നിർദേശം നൽകി.  ഇത് ആരംഭിച്ചു കഴിഞ്ഞു.