* നെടുമങ്ങാട് ജില്ലാ ആശുപത്രിയിലെ എട്ടു പദ്ധതികള്‍ ഉദ്ഘാടനം ചെയ്തു

സര്‍ക്കാര്‍ ആശുപത്രികളെ ശാക്തീകരിച്ചാലേ സ്വകാര്യമേഖലയിലെ ചൂഷണം തടയാനാകൂവെന്ന് തദ്ദേശസ്വയംഭരണമന്ത്രി ഡോ. കെ.ടി. ജലീല്‍ പറഞ്ഞു. നെടുമങ്ങാട് ജില്ലാ ആശുപത്രിയുടെ സമഗ്രവികസനത്തിനുള്ള എട്ടു പദ്ധതികളുടെ ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം.

തൃശൂര്‍ ഗവണ്‍മെന്റ് വിമന്‍സ് പോളിടെക്‌നിക് കോളേജിലെ ഫിസിക്കല്‍ എഡ്യൂക്കേഷന്‍ എക്യുപ്‌മെന്റ്‌സ് വിതരണം ചെയ്യുന്നതിന് ടെണ്ടര്‍ ക്ഷണിച്ചു. ടെണ്ടര്‍ സ്വീകരിക്കുന്ന അവസാന തീയതി ഡിസംബര്‍ 27 രാവിലെ 11 മണി. കൂടുതല്‍ വിവരങ്ങള്‍ക്ക് പോണ്‍ : 0487-2449182.
 

കൃഷി വകുപ്പും കുടുംബശ്രീയും ചേര്‍ന്ന് നാടന്‍ പച്ചക്കറി വിപണനത്തിനായി ജില്ലയില്‍ സംഘടിപ്പിക്കുന്ന 40 ആഴ്ചച്ചന്തകളുടെ ജില്ലാതല ഉദ്ഘാടനം നവംബര്‍ 25 ന് അന്നമനട ഗ്രാമപഞ്ചാത്തില്‍ വി.ആര്‍.സുനില്‍കുമാര്‍ എം.എല്‍.എ നിര്‍വഹിക്കും. ജില്ലാ പഞ്ചായത്ത് പ്രസിഡണ്ട് (ഇന്‍-ചാര്‍ജ്ജ്) കെ.പി.രാധാകൃഷ്ണന്‍ അദ്ധ്യക്ഷത വഹിക്കും.

സംസ്ഥാനത്തെ ചെറുകിട കര്‍ഷകരുടെ ഉല്‍പന്നങ്ങള്‍ക്ക് ഏറ്റവും നല്ല സ്ഥലത്തു തന്നെ വിപണി കണ്ടെത്തുകയും അതു വഴി അര്‍ഹിക്കുന്ന മൂല്യം നേടികൊടുക്കുകയുമാണ് ഈ പദ്ധതിയുടെ ലക്ഷ്യം.
 

വികസന പ്രവര്‍ത്തനങ്ങള്‍ നടത്തുമ്പോള്‍ തുറന്ന മനസ്സുണ്ടായാല്‍ അത് എല്ലാവര്‍ക്കും ഒരു പോലെ പ്രയോജനം ചെയ്യുമെന്ന് തുറമുഖ വകുപ്പു മന്ത്രി കടന്നപ്പിളളി രാമചന്ദ്രന്‍ പറഞ്ഞു. ചാലക്കുടി നഗരസഭയുടെ ബസ് സ്റ്റാന്‍ഡ് ഷോപ്പിങ്ങ് കോംപ്ലക്‌സ് ഉദ്ഘാടനം നിര്‍വഹിച്ച് സംസാരിക്കുകയായിരുന്നു മന്ത്രി. സര്‍ക്കാരിന്റെ വികസന നയം കക്ഷി രാഷ്ട്രീയങ്ങള്‍ക്ക് അതീതമാണ്. തദ്ദേശസ്വയം ഭരണസ്ഥാപനങ്ങള്‍ക്ക് കൂടുതലായ അധികാരം നല്‍കുന്ന നയമാണ് സര്‍ക്കാരിന്റേത്. സര്‍ക്കാര്‍ പ്രഖ്യാപിച്ചിട്ടുളള പദ്ധതികള്‍ സമയബന്ധിതമായി നടപ്പാക്കണമെന്നും അദ്ദേഹം ഓര്‍മ്മപ്പെടുത്തി.

സംസ്ഥാനത്തെ മുഴുവന്‍ ജില്ലാ ആശുപത്രികളിലും നവജാത ശിശുക്കള്‍ക്ക് ആധാര്‍ എന്റോള്‍മെന്റിന് സൗകര്യമുണ്ടാകുമെന്ന് മുഖ്യമന്ത്രി പിണറായി വിജയന്‍ പറഞ്ഞു. ഈ സംവിധാനം കേരളത്തിലെ എല്ലാ താലൂക്ക് ആശുപത്രികളിലേക്കും വ്യാപിപ്പിക്കാനാണ് സര്‍ക്കാര്‍ തീരുമാനിച്ചിരിക്കുന്നത്. അക്ഷയയുടെ വാര്‍ഷികാഘോഷവും നവജാത ശിശുക്കളുടെ ആധാര്‍ എന്റോള്‍മെന്റിന്റെ സംസ്ഥാനതല ഉദ്ഘാടനവും പട്ടികജാതി വിഭാഗത്തില്‍ പെട്ട സംരംഭകര്‍ക്ക് ആധാര്‍ മെഷീന്‍ വാങ്ങുന്നതിനുള്ള സാമ്പത്തിക സഹായത്തിന്റെ വിതരണവും നിര്‍വഹിക്കുകയായിരുന്നു അദ്ദേഹം. 

തിരുവനന്തപുരം റീജിയണല്‍ കാന്‍സര്‍ സെന്ററില്‍ മെക്കാനിക്കല്‍, ഇലക്ട്രോണിക്‌സ്, സിവില്‍ വിഭാഗങ്ങളില്‍ എന്‍ജിനീയറിംഗ് ബിരുദമുളളവരെ സ്റ്റൈപെന്റോടു കൂടി ഒരു വര്‍ഷ പരിശീലന പരിപാടിയിലേക്ക് തിരിഞ്ഞെടുക്കും.  ഇതിലേക്കുളള വാക് ഇന്‍ ഇന്റര്‍വ്യൂ നവംബര്‍ 11ന് രാവിലെ 10ന് നടത്തും.  വിശദവിവരങ്ങള്‍ക്ക് വെബ്‌സൈറ്റ് (www.rcctvm.org) സന്ദര്‍ശിക്കുക.

പി.എന്‍.എക്‌സ്.4986/17

പത്തനംതിട്ട ജില്ലയില്‍ വിദ്യാഭ്യാസ വകുപ്പില്‍ എച്ച്.. എസ്. എ (മാത്തമാറ്റിക്‌സ്) (കാറ്റഗറി നമ്പര്‍ 661/12)  ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ത്ഥികള്‍ക്കായുളള ഒറ്റത്തവണ പ്രമാണ പരിശോധന നവംബര്‍ 23, 28, 29 തീയതികളില്‍ രാവിലെ 10ന് പത്തനംതിട്ട ജില്ലാ പി.എസ്.സി ഓഫീസില്‍ നടത്തും.  ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ത്ഥികള്‍ പത്തനംതിട്ട ജില്ലാ പി.എസ്.സി ഓഫീസില്‍ നേരിട്ട് ഹാജരായി ഒറ്റത്തവണ പ്രമാണ പരിശോധന പൂര്‍ത്തിയാക്കണം.  ഫോണ്‍: 0468 2222665.

പി.എന്‍.എക്‌സ്.4985/17

ഭാരതീയ സുഗന്ധവിള ഗവേഷണ കേന്ദ്രത്തില്‍ സയന്‍സ് വിഷയങ്ങളില്‍ പി.എച്ച്.ഡി ചെയ്യുന്നതിന് ഫെല്ലോഷിപ്പ് അര്‍ഹത നേടിയ വിദ്യാര്‍ത്ഥികളില്‍ നിന്നും ഓണ്‍ലൈന്‍ അപേക്ഷകള്‍ ക്ഷണിച്ചു.  അപേക്ഷകള്‍ സ്വീകരിക്കുന്ന അവസാന തീയതി ഡിസംബര്‍ എട്ട്.  വെബ്‌സൈറ്റ് www.spices.res.in

പി.എന്‍.എക്‌സ്.4984/17

വിത്ത് മുതല്‍ വിപണി വരെയുള്ള ഹോര്‍ട്ടിക്കള്‍ച്ചര്‍ മേഖലയുടെ സമഗ്ര വികസനത്തിനായി സംസ്ഥാന ഹോര്‍ട്ടിക്കള്‍ച്ചര്‍ മിഷന്‍ കേരള നടപ്പിലാക്കുന്ന മിഷന്‍ ഫോര്‍ ഇന്റഗ്രേറ്റഡ് ഡെവലപ്‌മെന്റ് ഓഫ് ഹോര്‍ട്ടിക്കള്‍ച്ചര്‍ പദ്ധതികളുടെ വിവിധ ഘടകങ്ങളിലേക്ക് പ്രോജക്ടുകള്‍ ക്ഷണിച്ചു.

* ടെന്‍ഡര്‍ നടപടികള്‍ പൂര്‍ത്തിയായി

പൊതുവിദ്യാഭ്യാസ സംരക്ഷണയജ്ഞത്തിന്റെ ഭാഗമായി 4775 സ്‌കൂളുകളില്‍ 45000 ക്ലാസ്മുറികള്‍ ഹൈടെക്കാക്കുന്നതിനുള്ള ടെണ്ടര്‍ നടപടികള്‍ പൂര്‍ത്തിയായി. ഇതനുസരിച്ച് 60250 ലാപ്‌ടോപ്പുകളും 43750 പ്രൊജക്ടറുകള്‍ക്കുമുള്ള സപ്ലൈ ഓര്‍ഡര്‍ നല്‍കാന്‍ കേരള ഇന്‍ഫ്രാസ്ട്രക്ചര്‍ ആന്‍ഡ് ടെക്‌നോളജി ഫോര്‍ എഡ്യൂക്കേഷന്‍ (കൈറ്റ്) ഡയറക്ടര്‍ ബോര്‍ഡ് തീരുമാനമനുസരിച്ച് നല്‍കിക്കഴിഞ്ഞുവെന്നും കൈറ്റ് എക്‌സിക്യൂട്ടീവ് ഡയറക്ടര്‍ അറിയിച്ചു.