ട്രാന്‍സ്‌പോര്‍ട്ട് / നോണ്‍ ട്രാന്‍സ്‌പോര്‍ട്ട് വാഹനങ്ങളുടെ നികുതി കുടിശ്ശിക തീര്‍പ്പാക്കാനുള്ള ഒറ്റത്തവണ തീര്‍പ്പാക്കല്‍ പദ്ധതി ഡിസംബര്‍ 31ന് അവസാനിക്കും.  കുടിശ്ശികയുള്ള വാഹന ഉടമകള്‍ ഈ അവസരം പ്രയോജനപ്പെടുത്തണമെന്ന് മലപ്പുറം ആര്‍.ടി.ഒ അറിയിച്ചു.

മലപ്പുറം കേന്ദ്രീയ വിദ്യാലയത്തില്‍ 2017-18 അധ്യായന വര്‍ഷത്തില്‍ എച്ച്.എസ്.എ സോഷ്യല്‍ സയന്‍സ്, കംപ്യൂട്ടര്‍ ഇന്‍സ്ട്രക്ടര്‍ താല്‍കാലിക ഒഴിവിലേക്ക് അപേക്ഷ ക്ഷണിച്ചു.  50 ശതമാനം മാര്‍ക്കോടെയുള്ള ഡിഗ്രി, സി.ബി.എസ്.സി നടത്തുന്ന സി.ടി.ഇ.ടി പരീക്ഷ രണ്ടാം പേപ്പര്‍ ജയം, 50 ശതമാനം മാര്‍ക്കോടെ ബി.എഡ്, ഹിന്ദിയിലും ഇംഗ്ലീഷിലും പഠിപ്പിക്കാനുള്ള കഴിവ് എന്നിവയാണ് സോഷ്യല്‍ സയന്‍സ് അധ്യാപനത്തിനുള്ള യോഗ്യതകള്‍.  

വ്യാവസായിക പരിശീലന വകുപ്പും നോര്‍ക്ക റൂട്ട്‌സും സംയുക്തമായി പുഴക്കാട്ടിരി ഗവ. ഐ.ടി.ഐയില്‍ ആരംഭിക്കുന്ന ഓട്ടോകാഡ്/ടോട്ടല്‍ സ്റ്റേഷന്‍ ട്രെയിനിങ് പ്രോഗ്രാമിന് അപേക്ഷ ക്ഷണിച്ചു.  മൂന്ന് മാസമാണ് കോഴ്‌സ് കാലാവധി.  താല്‍പര്യമുള്ളവര്‍ ഇന്ന് (നവംബര്‍ 18) അപേക്ഷ നല്‍കണം.  ഫോണ്‍ 04933 254088.

കള്ളു വ്യവസായ തൊഴിലാളി ക്ഷേമനിധി ബോര്‍ഡില്‍ നിന്നും പെന്‍ഷന്‍ വാങ്ങുന്ന തൊഴിലാളികള്‍ ലൈഫ് സര്‍ട്ടിഫിക്കററ് നവംബര്‍ 30 നകം  ജില്ലാ ഓഫീസില്‍ നല്‍കണം. ഫോണ്‍ -0483 2734827.  

    തദ്ദേശ സ്വയംഭരണ സ്ഥാപനങ്ങളുടെ പദ്ധതി ഭേദഗതികള്‍ക്ക് അംഗീകാരം നല്‍കുന്നതിനായി ജില്ലാ ആസൂത്രണ സമിതിയോഗം നവംബര്‍ 22ന് വൈകുന്നേരം മൂന്നിന് ജില്ലാ പഞ്ചായത്ത് സമ്മേളന ഹാളില്‍ ചേരും.

    നവംബര്‍ 18, 20, 21 തിയ്യതികളില്‍ നടത്താന്‍ തീരുമാനിച്ചിരുന്ന ഗ്രാമ/ബ്ലോക്ക്/നഗരസഭ/ജില്ലാ പഞ്ചായത്ത് അവലോകന യോഗം മാറ്റിവെച്ചതായി ജില്ലാ കലക്ടര്‍ അറിയിച്ചു.

ബേപ്പൂര്‍ സര്‍ക്കാര്‍ ക്ഷീര പരിശീലന കേന്ദ്രത്തില്‍ ജില്ലയിലെ ക്ഷീരകര്‍ഷകര്‍ക്ക് നവംബര്‍ 20 മുതല്‍ 25വരെ പരിശീലനം സംഘടിപ്പിക്കുന്നു.  ഡയറി ഫാം ആസൂത്രണം, ലാഭകരമായ നടത്തിപ്പ്, വൈവിധ്യവല്‍ക്കരണം എന്നീ വിഷയങ്ങളി ലാണ് പരിശീലനം.  താല്‍പര്യമുളളവര്‍ 20ന് രാവിലെ 10 നകം ഫോട്ടോ പതിച്ച തിരിച്ചറിയല്‍ കാര്‍ഡിന്റെ പകര്‍പ്പു സഹിതം പരിശീലന കേന്ദ്രത്തില്‍ എത്തണം. കൂടുതല്‍ വിവരങ്ങള്‍ക്ക് ഓഫീസ് പ്രവൃത്തി സമയങ്ങളില്‍ 0495 2414579 എന്ന ഫോണ്‍ നമ്പരിലോ ബ്ലോക്ക് തലത്തിലുള്ള ക്ഷീര വികസന സര്‍വ്വീസ് യൂണിറ്റുമായോ ബന്ധപ്പെടാവുന്നതാണെന്ന് ക്ഷീരപരിശീലന കേന്ദ്രം പ്രിന്‍സിപ്പാള്‍ അറിയിച്ചു.

റോഡ് ആക്‌സിഡന്റ് ആക്ഷന്‍ ഫോറത്തിന്റെ അഭിമുഖ്യത്തില്‍ നവംബര്‍ 20 ന് ചേലേമ്പ്ര ദേവകി അമ്മ മെമ്മോറിയല്‍ ടീച്ചര്‍ എഡ്യുക്കേഷന്‍ കോളേജില്‍ ബോധവത്കരണ ക്ലാസ് നടത്തും. രാവിലെ 10.30 ന് നടക്കുന്ന പരിപാടി ജില്ലാ പഞ്ചായത്ത് പ്രസിഡന്റ് എ.പി. ഉണ്ണിക്യഷ്ണന്‍ ഉദ്ഘാടനം ചെയ്യും. വിവിധ മത്സരങ്ങളില്‍ വിജയിച്ചവര്‍ക്കുള്ള സമ്മാന ദാനവും അദ്ദേഹം നിര്‍വഹിക്കും.  റാഫ് സംസ്ഥാന പ്രസിഡന്റ് കെ.എം.അബ്ദു അധ്യക്ഷത വഹിക്കും. ഗ്രാമ പഞ്ചായത്ത പ്രസിഡന്റ് സി. രാജേഷ് മുഖ്യ പ്രഭാഷണം നടത്തും. മലപ്പുറം എക്‌സൈസ് ഡപ്യുട്ടി കമ്മിഷണര്‍ വി.ആര്‍. അനില്‍ കുമാര്‍ റോഡ് സുരക്ഷ സന്ദേശം നല്‍കും.