കുടിശ്ശികയായ 51,055/ രൂപ ഈടാക്കുന്നതിനായി തിരൂരങ്ങാടി താലൂക്കില്‍ പരപ്പനങ്ങാടി വില്ലേജിലെ ബ്ലോക്ക് 24ല്‍ റീ. സര്‍വ്വേ 570/6ല്‍ 0.0040 ഹെക്ടര്‍ പുരയിടവും വസ്തുക്കളും ഏപ്രില്‍ ഒന്‍പതിന് രാവിലെ 11ന് പരപ്പനങ്ങാടി വില്ലേജ് ഓഫീസില്‍ ലേലം ചെയ്യും.

മലപ്പുറം ജില്ലയിലെ എക്സൈസ് വകുപ്പില്‍ സിവില്‍ എക്സൈസ് ഓഫീസര്‍ (ട്രെയിനി) കാറ്റഗറി നമ്പര്‍ 307/2023 തസ്തികയിലേക്കുള്ള തെരഞ്ഞെടുപ്പിനായി 2025 ഫെബ്രുവരി 15ന് നിലവില്‍ വന്ന റാങ്ക് പട്ടികയുടെ (178/2025 ഡി.ഒ.എം.) കാലാവധി 2026 ഫെബ്രുവരി 16ന് പൂര്‍ത്തിയായതിനാല്‍ റദ്ദാക്കിയതായി ജില്ലാ പി.എസ്.സി ഓഫീസര്‍ അറിയിച്ചു.

കിഫ്ബി പദ്ധതിയില്‍ ഉള്‍പ്പെടുത്തി 28.32 കോടി രൂപ ചെലവില്‍ നിര്‍മിക്കുന്ന മലയോര ഹൈവേയിലെ തൊട്ടില്‍പ്പാലം-മുള്ളന്‍കുന്ന് റോഡിന്റെ പ്രവൃത്തി ഉദ്ഘാടനം പൊതുമരാമത്ത്-ടൂറിസം വകുപ്പ് മന്ത്രി പി എ മുഹമ്മദ് റിയാസ് ഓണ്‍ലൈനായി നിര്‍വഹിച്ചു. കോതോട് വായനശാല പരിസരത്ത് നടന്ന ചടങ്ങില്‍ ഇ കെ വിജയന്‍ എം.എല്‍.എ അധ്യക്ഷനായി. 

സെക്കന്‍ഡറി പാലിയേറ്റീവ് പദ്ധതിയുടെ ഭാഗമായി ഹോം കെയര്‍ ആവശ്യത്തിന് നിലമ്പൂര്‍ മുനിസിപ്പാലിറ്റി പരിധിയില്‍ വാഹനം ഓടിക്കുന്നതിന് ഡ്രൈവര്‍ സഹിതം താത്പര്യമുള്ള വ്യക്തികളില്‍ നിന്ന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ മാര്‍ച്ച് 23ന് ഉച്ചയ്ക്ക് മൂന്നിനകം ലഭ്യമാക്കണം. ഫോണ്‍- 04931- 220351.

പരിരക്ഷാ പദ്ധതികളുടെ ഭാഗമായി ഹോം കെയര്‍ ആവശ്യാര്‍ത്ഥം നിലമ്പൂര്‍ മുനിസിപ്പാലിറ്റി പരിധിയില്‍ പരിരക്ഷാ യൂണിറ്റ് രണ്ടിലേക്ക് വാഹനം ഓടിക്കുന്നതിന് ഡ്രൈവര്‍ സഹിതം താത്്പര്യമുള്ള വ്യക്തികളില്‍ നിന്ന് ക്വട്ടേഷന്‍ ക്ഷണിച്ചു. ക്വട്ടേഷന്‍ മാര്‍ച്ച് 23ന് വൈകിട്ട് മൂന്നിനകം ലഭിക്കണം. ഫോണ്‍-04931 220351.

പൊതുമേഖലാ സ്ഥാപനമായ കെല്‍ട്രോണ്‍ ഒരു വര്‍ഷം ദൈര്‍ഘ്യമുള്ള പ്രൊഫഷണല്‍ ഡിപ്ലോമ ഇന്‍ ഗ്രാഫിക്‌സ് ആന്‍ഡ് ഡിജിറ്റല്‍ ഫിലിം മെയ്ക്കിങ് ടെക്‌നിക്‌സ് കോഴ്‌സിലേക്ക് അപേക്ഷ ക്ഷണിച്ചു. യോഗ്യത: എസ്.എസ്.എല്‍.സി.
വിലാസം: ഹെഡ് ഓഫ് സെന്റര്‍, കെല്‍ട്രോണ്‍ നോളജ് സെന്റര്‍, കെല്‍ട്രോണ്‍ ടൂള്‍ കം ട്രയിനിംഗ് സെന്റര്‍, തൃക്കണാപുരം, കുറ്റിപ്പുറം. ഫോണ്‍-0494 2697288, 8590605276.

തിരൂരങ്ങാടി വിദ്യാഭ്യാസ ജില്ലയിലെ സെന്ററുകളില്‍ കെ-ടെറ്റ് പരീക്ഷ എഴുതി വിജയിച്ച് സര്‍ട്ടിഫിക്കറ്റ് വെരിഫിക്കേഷന്‍ പൂര്‍ത്തിയാക്കിയവരുടെ കെ-ടെറ്റ് സര്‍ട്ടിഫിക്കറ്റുകള്‍ തിരൂരങ്ങാടി ജില്ലാ വിദ്യാഭ്യാസ ഓഫീസ് എ.കെ.എന്‍.എം കോപ്ലക്സ് പരപ്പനങ്ങാടി ഓഫീസില്‍ നിന്നും മാര്‍ച്ച് 12, മാര്‍ച്ച് 17 തീയതികളില്‍ വിതരണം ചെയ്യും. പരീക്ഷാര്‍ഥികള്‍ ഹാള്‍ടിക്കറ്റുമായി വന്ന് സര്‍ട്ടിഫിക്കറ്റ് കൈപ്പറ്റണം. ജെന്യൂനസ് സര്‍ട്ടിഫിക്കറ്റിന് അപേക്ഷിച്ചവര്‍ക്ക് ജെന്യൂനസ് സര്‍ട്ടിഫിക്കറ്റ് ലഭിച്ച് വെരിഫിക്കേഷന്‍ നടത്തി സര്‍ട്ടിഫിക്കറ്റ് കൈപ്പറ്റാം. ഫോണ്‍-0494-2960966.

മലപ്പുറം ജില്ലയില്‍ നിന്നും 2024 വര്‍ഷത്തെ തൊഴിലാളി ശ്രേഷ്ഠ പുരസ്‌കാരം നേടിയ തൊഴിലാളികളെ ആദരിച്ചു. ജില്ലയില്‍ നിന്നുള്ള ഷിന്‍സ് പീറ്റര്‍ (ഐ.ടി), കെ. മധു (നിര്‍മ്മാണ മേഖല), കെ.ജെ. ബാബു (തയ്യല്‍), കബീര്‍ (മത്സ്യബന്ധനം) എന്നിവര്‍ക്കാണ് സംസ്ഥാന തലത്തില്‍ തൊഴില്‍ ശ്രേഷ്ഠ പുരസ്‌കാരം ലഭിച്ചത്.

പുരസ്‌കാര ജേതാക്കളെ ജില്ലാ ലേബര്‍ ഓഫീസില്‍ ആദരിച്ചു. ചടങ്ങില്‍ ഡെപ്യൂട്ടി ലേബര്‍ ഓഫീസര്‍ സി. രാഘവന്‍ സ്വാഗതം ചെയ്തു. ജില്ലാ ലേബര്‍ ഓഫീസര്‍ എന്‍ഫോഴ്സ്‌മെന്റ് ജയപ്രകാശ് നാരായണന്‍ അധ്യക്ഷത വഹിച്ചു.