കാക്കനാട്: പട്ടികജാതി വികസന വകുപ്പില്‍ നടപ്പാക്കുന്ന പദ്ധതികളുടെ ഫീല്‍ഡ്തല പരിശോധനകള്‍ക്കും ഓഫീസ് ആവശ്യങ്ങളുമായി ബന്ധപ്പെട്ട യാത്രകള്‍ക്ക് രണ്ട് എസി കാറുകള്‍ ഡ്രൈവര്‍മാര്‍ സഹിതം വാടകയ്ക്ക് നല്‍കുന്നതിന് താത്പര്യമുള്ള ഉടമകളില്‍ നിന്ന് ക്വട്ടേഷന്‍ ക്ഷണിച്ചു. അഞ്ചു വര്‍ഷത്തില്‍ കൂടുതല്‍ പഴക്കമുണ്ടാകരുത്. ടാക്‌സി പെര്‍മിറ്റ് നിലവിലുണ്ടായിരിക്കണം. ഡ്രൈവര്‍മാരുടെ ശമ്പളം പ്രത്യേകം രേഖപ്പെടുത്തണം.

കാക്കനാട്: ജില്ലയിലെ സംസ്ഥാന സര്‍ക്കാര്‍ സ്ഥാപനത്തില്‍ ബൈന്‍ഡര്‍ ഗ്രേഡ് കക 

തസ്തികയില്‍ കേള്‍വി വൈകല്യമുള്ളവര്‍ക്കായി സംവരണം ചെയ്ത ഒരു താത്കാലിക ഒഴിവുണ്ട്. യോഗ്യത-ഏഴാം ക്ലാസ് പാസ് അല്ലെങ്കില്‍ തത്തുല്യം. കെ.ജി.ടി.ഇ/എം.ജി.ടി.ഇ ബുക്ക് ബൈന്‍ഡിംഗ് (ലോവര്‍). 18 നും 41 നും മധ്യേ. നിയമാനുസൃത വയസിളവ് ലഭിക്കും. ശമ്പള സ്‌കെയില്‍-17500-39500. നിശ്ചിത യോഗ്യതയുള്ള ഉദ്യോഗാര്‍ഥികള്‍ അടുത്തുള്ള എംപ്ലോയ്‌മെന്റ് എക്‌സ്‌ചേഞ്ചില്‍ നവംബര്‍ 24 നു മുന്‍പ് പേര് രജിസ്റ്റര്‍ ചെയ്യണം. 

കാക്കനാട്: ജില്ലയിലെ സംസ്ഥാന സര്‍ക്കാര്‍ സ്ഥാപനത്തില്‍ എല്‍.ഡി. ടൈപ്പിസ്റ്റ് തസ്തികയില്‍ കാഴ്ച വൈകല്യമുള്ളവര്‍ക്കായി സംവരണം ചെയ്ത ഒരു താത്കാലിക ഒഴിവുണ്ട്. യോഗ്യത-എസ്എസ്എല്‍സി, ടൈപ്പ്‌റൈറ്റിംഗ് ഇംഗ്ലീഷ് (ലോവര്‍), ടൈപ്പ്‌റൈറ്റിംഗ് മലയാളം (ലോവര്‍), കംപ്യൂട്ടര്‍ വേഡ് പ്രോസസിംഗ് (ലോവര്‍). പ്രായം 2017 ജനുവരി ഒന്നിന് 18 നും 41 നും മധ്യേ.

നിയമാനുസൃത വയസിളവ് ലഭിക്കും. ശമ്പളസ്‌കെയില്‍-19000-43600. നിശ്ചിത യോഗ്യതയുള്ള ഉദ്യോഗാര്‍ഥികള്‍ അടുത്തുള്ള എംപ്ലോയ്‌മെന്റ് എക്‌സ്‌ചേഞ്ചില്‍ നവംബര്‍ 30 നു മുന്‍പ് പേര് രജിസ്റ്റര്‍ ചെയ്യണം. 

കാക്കനാട്: ജില്ലയിലെ വിദ്യാഭ്യാസ വകുപ്പില്‍ നിന്നു വിരമിച്ച മിനിസ്റ്റീരിയല്‍ ജീവനക്കാരുടെ ഏഴാമത് സൗഹൃദ കൂട്ടായ്മ നവംബര്‍ 11ന് ശനി രാവിലെ 10 ന് എറണാകുളം ഗവ. എസ്ആര്‍വി യു.പി സ്‌കൂള്‍ ഓഡിറ്റോറിയത്തില്‍ നടക്കും.

കൂടുതല്‍ വിവരങ്ങള്‍ക്ക് കണ്‍വീനറുമായി ബന്ധപ്പെടുക. ഫോണ്‍-9846461620.

കൊച്ചി: നിയമസഭയുടെ ആരോഗ്യവും കുടുംബക്ഷേമവും സംബന്ധിച്ച് സബ്ജക്ട് കമ്മിറ്റി ഇന്ന് (നവംബര്‍ ഏഴിന്) രാവിലെ 10.30ന് എറണാകുളം കളക്ടറേറ്റ് കോണ്‍ഫറന്‍സ് ഹാളില്‍ യോഗം ചേരും. ക്ലീനിക്കല്‍ എസ്റ്റാബ്ലിഷ്‌മെന്റ് (രജിസ്‌ട്രേഷനും നിയന്ത്രണവും) ബില്‍ 2017 നെ സംബന്ധിച്ച് വ്യക്തികളില്‍ നിന്നും സംഘടനകളില്‍ നിന്നും നേരിട്ട് ഹര്‍ജികള്‍ സ്വീകരിക്കും. യോഗത്തില്‍ സമിതി ചെയര്‍പേഴ്‌സണായ വകുപ്പു മന്ത്രിയും അംഗങ്ങളായ 10 എം.എല്‍.എ മാരും പങ്കെടുക്കും.

കാക്കനാട്: കോട്ടയം ജില്ലയില്‍ വിവിധ വകുപ്പുകളില്‍ ഡ്രൈവര്‍ ഗ്രേഡ് കക (എച്ച്ഡിവി) കാറ്റഗറി നമ്പര്‍ 443/14-നേരിട്ടുള്ള നിയമനം, കാറ്റഗറി നമ്പര്‍ 19/14 തസ്തികമാറ്റം മുഖേനയുള്ള നിയമനം) എന്നീ തസ്തികകളുടെ റാങ്ക് ലിസ്റ്റ് പ്രസിദ്ധീകരിച്ചു.

വിശദവിവരങ്ങള്‍ക്ക് www.keralapsc.gov.in 

കാക്കനാട്: നഗര-ഗ്രാമാസൂത്രണ വകുപ്പിന്റെ എറണാകുളം മേഖല നഗരാസൂത്രണ കാര്യാലയത്തില്‍ ചീഫ് ടൗണ്‍ പ്ലാനറുടെ നേതൃത്വത്തില്‍ ഡിസംബര്‍ 13 ന് രാവിലെ 10 മുതല്‍ വൈകിട്ട് നാലുവരെ ഫയല്‍ അദാലത്ത് നടക്കും. ഓഗസ്റ്റ് 30 നു മുന്‍പ് മേഖല കാര്യാലയത്തില്‍ സമര്‍പ്പിച്ച തീര്‍പ്പാക്കാത്ത അപേക്ഷകളില്‍ പരാതി സമര്‍പ്പിച്ച് പരിഹാരം തേടാം.

2017 -18 അധ്യയന വര്‍ഷത്തിലേയ്ക്കുളള എം.എസ്.സി നഴ്‌സിംഗ് പ്രവേശനവുമായി ബന്ധപ്പെട്ട് വിവിധ ഗവണ്‍മെന്റ് നഴ്‌സിംഗ് കോളേജുകളിലായി രണ്ടു സീറ്റുകളും, സഹകരണ/സ്വാശ്രയ നഴ്‌സിംഗ് കോളേുകളിലുമായി 15 സീറ്റുകളും ഒഴിവുണ്ട്.

തിരുവനന്തപുരം എഞ്ചിനീയറിംഗ് കോളേജില്‍ ഇലക്ട്രിക്കല്‍ എഞ്ചിനീയറിംഗ് ഡിപ്പാര്‍ട്ട്‌മെന്റിലെ പ്രോജക്ടില്‍ ഒരു ടെക്‌നിക്കല്‍ അസിസ്റ്റന്റിന്റെ ഒഴിവിലേക്ക് അപേക്ഷ ക്ഷണിച്ചു. താല്പര്യമുള്ളവര്‍ നവംബര്‍ 18 ന് അഞ്ചു മണിക്കു മുമ്പ് വിശദ വിവരങ്ങള്‍ അടങ്ങുന്ന ബയോഡേറ്റ ആര്‍ ഹരികുമാര്‍, അസിസ്റ്റന്റ് പ്രൊഫസര്‍, ഡിപ്പാര്‍ട്ട്‌മെന്റ് ഓഫ് ഇലക്ട്രിക്കല്‍ എഞ്ചിനീയറിംഗ്, കോളേജ് ഓഫ് എഞ്ചിനീയറിംഗ് തിരുവനന്തപുരം - 695016 എന്ന വിലാസത്തില്‍ അയക്കണം. ഒന്നാം ക്ലാസ്സോടെ ഡിപ്ലോമ ഇലക്ട്രിക്കല്‍ എഞ്ചിനീയറിംഗ് പാസ്സായിരിക്കണം. കമ്പ്യൂട്ടര്‍ / പി.സി.ബി ഡിസൈനിംഗ്, സോള്‍ഡറിങ്ങ് മുതലായവയിലുള്ള പരിജ്ഞാനം അഭികാമ്യം.

മികച്ച കായിക താരങ്ങള്‍ക്ക് സര്‍ക്കാര്‍ സര്‍വ്വീസില്‍ നിയമനം നല്‍കുന്ന പദ്ധതി പ്രകാരം 2010-14 വര്‍ഷങ്ങളിലേക്കുള്ള ഒഴിവുകളിലേക്ക് നിയമനത്തിന് മൗണ്ടനീയറിംഗ്, കളരിപ്പയറ്റ് എന്നീ കായിക ഇനങ്ങളിലെ അര്‍ഹരായ ഉദ്യോഗാര്‍ത്ഥികള്‍കളില്‍ നിന്ന് മാന്വല്‍ ആയി അപേക്ഷ ക്ഷണിച്ചു. അപേക്ഷ ഗവ. സെക്രട്ടേറിയറ്റിലെ പൊതുഭരണ സര്‍വ്വീസസ് (ഡി) വകുപ്പില്‍ ലഭിക്കേണ്ട അവസാന തീയതി നവംബര്‍ 30 വൈകുന്നേരം 5 മണി. വിജ്ഞാപനത്തിന്റെ പകര്‍പ്പ് www.kerala.gov.in, www.prdkerala.gov.in എന്നിവയില്‍ ലഭ്യമാണ്.