കൊച്ചി: മീസില്‍സ് -റുബെല്ല പ്രതിരോധകുത്തിവയ്പിനെതിരെ പ്രചരിക്കുന്ന സത്യ വിരുദ്ധമായ പ്രസ്താവനകള്‍ വിശ്വസിക്കരുതെന്ന് ബോധവത്കരണ പരിപാടി. അബദ്ധശാസ്ത്രങ്ങളുടെ പ്രചാരണമാണ് പ്രതിരോധകുത്തിവെയ്പിനെതിരെ നടക്കുന്നതെന്ന് ജില്ലാ ഇന്‍ഫര്‍മേഷന്‍ ഓഫീസിന്റെ ആഭിമുഖ്യത്തില്‍ സംഘടിപ്പിച്ച പ്രതിരോധകുത്തിവെയ്പുകളെക്കുറിച്ചുള്ള ബോധവത്കരണപരിപാടിയില്‍ ക്‌ളാസുകള്‍ നയിച്ച ഡോ എം മനു  പറഞ്ഞു.  

 എച്ച്‌ഐവി അണുബാധിതരെ സംരക്ഷിക്കുന്നതിലും എച്ച്‌ഐവി പ്രതിരോധത്തിലും സമൂഹത്തിന്റെ ശ്രദ്ധ പതിയണമെന്ന് സഹകരണ, ദേവസ്വം മന്ത്രി കടകംപള്ളി സുരേന്ദ്രന്‍ പറഞ്ഞു. ആന്റി നാര്‍കോട്ടിക് ആക്ഷന്‍ സെന്റര്‍ ഓഫ് ഇന്ത്യയും യൂണിവേഴ്‌സിറ്റി കോളേജ് വിദ്യാര്‍ത്ഥി യൂണിയനും  ഇന്‍ഫര്‍മേഷന്‍- പബ്ലിക് റിലേഷന്‍സ് വകുപ്പും ലയണ്‍സ് ക്ലബ്‌സ് ഇന്റര്‍നാഷണലും സംയുക്തമായി സംഘടിപ്പിച്ച ലോക എയ്ഡ്‌സ് രോഗ നിവാരണ ദിനാചരണം ഉദ്ഘാടനം ചെയ്തു സംസാരിക്കുകയായിരുന്നു മന്ത്രി. 

   എയ്ഡ്‌സ് രോഗം ബാധിച്ചവരോടും അവരുടെ കുടുബാംഗങ്ങളോടും സഹാനുവര്‍ത്തിത്വത്തോടെ ഇടപെടാന്‍ സമൂഹം തയ്യാറാവണമെന്ന് ആരോഗ്യ, കുടുംബക്ഷേമ മന്ത്രി കെ.കെ. ശൈലജ ടീച്ചര്‍ പറഞ്ഞു. എയ്ഡ്‌സ് ബാധിതരെ സാധാരണ ജീവിതത്തിലേക്ക് തിരിച്ചുകൊണ്ടുവരിക, അവര്‍ക്ക് ആവശ്യമായ പുനരധിവാസ പ്രവര്‍ത്തനങ്ങള്‍ ഏകോപിപ്പിക്കുക എന്നീ ലക്ഷ്യത്തോടെയാണ് സര്‍ക്കാരിന്റെ പ്രവര്‍ത്തനം. രോഗബാധിതര്‍ക്ക് മാനസികമായ കരുത്ത് നല്‍കാന്‍ സമൂഹം തയ്യാറായാലേ സര്‍ക്കാരിന്റെ പ്രവര്‍ത്തനങ്ങള്‍ വിജയം കാണുകയുള്ളൂവെന്നും മന്ത്രി പറഞ്ഞു. ലോക എയ്ഡ്‌സ് ദിനാചരണം സംസ്ഥാനതല ഉദ്ഘാടനം വിജെടി ഹാളില്‍ നിര്‍വഹിച്ചു സംസാരിക്കുകയായിരുന്നു മന്ത്രി.

കേരളം, ലക്ഷദ്വീപ് തീരമേഖലയില്‍ അടുത്ത 24 മണിക്കൂര്‍ കടല്‍ പ്രക്ഷുബ്ധമായിരിക്കുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ഇതിനു ശേഷമുള്ള 24 മണിക്കൂര്‍ കര്‍ണാടക തീരമേഖലയിലും കടല്‍ക്ഷോഭമുണ്ടാവും. 

ലക്ഷദ്വീപില്‍ കനത്ത കാറ്റ് നാശം വിതയ്ക്കാന്‍ സാധ്യതയുണ്ടെന്ന് അറിയിപ്പില്‍ വ്യക്തമാക്കിയിട്ടുണ്ട്. കനത്ത കാറ്റിനെ തുടര്‍ന്ന് ഉയര്‍ന്ന തിരമാലയ്ക്കും സാധ്യതയുണ്ട്. 

പി.എന്‍.എക്‌സ്.5117/17

ഓഖി ചുഴലിക്കാറ്റില്‍ കടലില്‍പ്പെട്ടുപോയവരെ രക്ഷപെടുത്താന്‍ ഊര്‍ജിതമായ രക്ഷാപ്രവര്‍ത്തനങ്ങളാണ് നടക്കുന്നതെന്ന് തിരുവനന്തപുരം ജില്ലാ കളക്ടര്‍ ഡോ. കെ. വാസുകി  അറിയിച്ചു.  കര, വ്യോമ, നാവിക സേനകളുടെ തിരച്ചില്‍ നടന്നുവരികയാണ്. വ്യോമസേനയുടെ നാലു എയര്‍ക്രാഫ്റ്റുകളും നാവിക സേനയുടെ കപ്പലുകളുമാണ് രക്ഷാപ്രവര്‍ത്തനം നടത്തി കൊണ്ടിരിക്കുന്നത്. 80 ല്‍ അധികം പേരെ രക്ഷപ്പെടുത്തിയിട്ടുണ്ട്. വൈദ്യസഹായം ആവശ്യമുള്ളവര്‍ക്ക് അത് നല്‍കി. എയര്‍ക്രാഫ്റ്റുകള്‍ കൊല്ലം, കുളച്ചല്‍ മേഖലകളിലായി 60 കിലോ മീറ്ററോളം ചുറ്റി നിരീക്ഷണം നടത്തുന്നുണ്ട്. കാലാവസ്ഥാ മുന്നറിയിപ്പ് ലഭിച്ച ഉടന്‍ തന്നെ ജില്ലാ ഭരണകൂടം പൊലിസ്, ആരോഗ്യം.

മനുഷ്യാവകാശ കമ്മീഷന്‍ സിറ്റിംഗ് കാസര്‍കോട് ഗസ്റ്റ് ഹൗസില്‍ ഈ മാസം 19 ന് രാവിലെ 10 മുതല്‍ നടക്കും. മനുഷ്യാവകാശ കമ്മീഷന്‍ അംഗം കെ.മോഹന്‍കുമാറാണ് പരാതികള്‍ പരിഗണിക്കുന്നത്.
 

സംസ്ഥാന ന്യൂനപക്ഷ കമ്മീഷന്‍ സിറ്റിങ് നവംബര്‍ 30ന് കലക്ടറേറ്റ് കോണ്‍ഫറന്‍സ് ഹാളില്‍ ചേരും. ജില്ലയില്‍ നിന്നുള്ള പരാതികള്‍ സിറ്റിങില്‍ പരിഗണിക്കും.

ലോക ഏയ്ഡ്‌സ് ദിനാചരണത്തിന്റെ ഭാഗമായി പ്രവര്‍ത്തനങ്ങള്‍ ആസൂത്രണം ചെയ്യുന്നതിന് ജില്ലാതല സംഘാടക സമിതി നവംബര്‍ 27ന് ഉച്ചയ്ക്ക് 12ന് കലക്ടറേറ്റ് കോണ്‍ഫറന്‍സ് ഹാളില്‍ ചേരും.