കണ്ണൂര്‍ എസ് എസ് എ യുടെ ആഭിമുഖ്യത്തില്‍ ഒന്നിച്ചൊന്നായ് എന്ന പേരില്‍ ലോകഭിന്നശേഷി ദിനത്തിന്റെ ജില്ലാതല ഉദ്ഘാടനം കണ്ണൂര്‍ നോര്‍ത്ത് ബി ആര്‍ സിയില്‍  നടത്തി. എല്‍ പി, യു പി വിഭാഗം കുട്ടികള്‍ക്ക് ചിത്രരചന, കലാ-കായിക പരിപാടികള്‍, അമ്മമാര്‍ക്കും കുട്ടികള്‍ക്കുമുളള മത്സരങ്ങള്‍, ബോധവല്‍ക്കരണ ക്ലാസുകള്‍ എന്നിവ സംഘടിപ്പിച്ചു. കണ്ണൂര്‍ കോര്‍പറേഷന്‍ വിദ്യാഭ്യാസ സ്റ്റാന്‍ഡിങ്ങ് കമ്മിറ്റി ചെയര്‍പേഴ്‌സണ്‍ ഷാഹിന മൊയ്തീന്‍ ഉദ്ഘാടനം ചെയ്തു. കണ്ണൂര്‍ നോര്‍ത്ത് എ ഇ ഒ കെ വി സുരേന്ദ്രന്‍ അധ്യക്ഷത വഹിച്ചു.  കണ്ണൂര്‍ നോര്‍ത്ത് ബി പി ഒ കൃഷ്ണന്‍ കുറിയ സ്വാഗതം പറഞ്ഞു.

    രണ്ടാം ലോകമഹായുദ്ധ സേനാനികള്‍ക്കും വിധവകള്‍ക്കുമുള്ള പ്രതിമാസ സാമ്പത്തിക സഹായം തുടര്‍ന്ന് ലഭിക്കുന്നതിന് ഈ മാസം 31ന് മുമ്പ് ലൈഫ് സര്‍ട്ടിഫിക്കറ്റ് ജില്ലാ സൈനിക ക്ഷേമ ഓഫീസില്‍ ലഭ്യമാക്കണം. ലൈഫ് സര്‍ട്ടിഫിക്കറ്റ് ലഭ്യമാക്കാത്തവര്‍ക്ക് സാമ്പത്തിക സഹായം തുടര്‍ന്ന് ലഭിക്കില്ല. കൂടുതല്‍ വിവരങ്ങള്‍ക്ക് ഫോണ്‍: 0468 2222104.                                                   (പിഎന്‍പി 3649/17)

കണ്ണൂര്‍ ആസ്ഥാനമായ 122 ാം ഇന്‍ഫന്‍ട്രി ബറ്റാലിയന്‍ പ്രാദേശിക സേനയിലേക്ക് യുവാക്കളെ തെരഞ്ഞെടുക്കുന്നു.  18 നും 42 നും ഇടയില്‍ പ്രായമുള്ളവര്‍ക്കായി ഡിസംബര്‍ 11, 12 തീയതികളിലാണ് തെരഞ്ഞെടുപ്പ്.  11 ന് കേരളം, തമിഴ്‌നാട്, കര്‍ണ്ണാടക, ആന്ധ്രപ്രദേശ്, തെലുങ്കാന സംസ്ഥാനക്കാര്‍ക്കും 12 ന് മഹാരാഷ്ട്ര, രാജസ്ഥാന്‍, ഗുജറാത്ത് കേന്ദ്രഭരണ പ്രദേശങ്ങളായ ദാദര്‍ നാഗര്‍ ഹവേലി, ഗോവ ദാമന്‍ & ഡ്യൂ ലക്ഷദ്വീപ്,  പുതുച്ചേരി തുടങ്ങിയ സംസ്ഥാനത്ത് നിന്നുള്ളവര്‍ക്കും കണ്ണൂര്‍ കോട്ട മൈതാനിയില്‍ കായികക്ഷമതാ പരീക്ഷ നടക്കും.

കളക്ടറേറ്റ് മിനി കോണ്‍ഫറന്‍സ് ഹാളില്‍   പോലീസ് കംപ്ലയിന്റ് അതോറിറ്റി ചെയര്‍മാന്‍ റിട്ട. ജഡ്ജ് കെ വി  ഗോപിക്കുട്ടന്‍ നടത്തിയ  സിറ്റിംഗില്‍ 24 കേസുകള്‍ പരിഗണിച്ചു. ഇതില്‍ രണ്ടെണ്ണം  തീര്‍പ്പാക്കി. സീനിയര്‍ സൂപ്രണ്ട് വി സൂര്യനാരായണന്‍, ഡിവൈഎസ് പി (അഡ്മിനിസ്‌ട്രേഷന്‍) നന്ദകുമാരന്‍പിള്ള തുടങ്ങിയവര്‍ പങ്കെടുത്തു.
 

കേരള ലോകായുക്ത ഈ മാസം  കണ്ണൂര്‍, തലശ്ശേരി, കോഴിക്കോട്   എന്നിവിടങ്ങളില്‍ ക്യാമ്പ് സിറ്റിംഗ് നടത്തും. ഈ മാസം 11 ന് കണ്ണൂര്‍ ടൗണ്‍ കോ-ഓപ്പറേറ്റീവ്  ബാങ്കില്‍  ഉപലോകായുക്ത ജസ്റ്റിസ്  എ കെ ബഷീറും (സിംഗിള്‍ ബെഞ്ച്) 12 നും 13 നും  തലശ്ശേരി ഗവ. റസ്റ്റ് ഹൗസ് കോണ്‍ഫറന്‍സ് ഹാളില്‍  ലോകായുക്ത ജസ്റ്റിസ് പയസ് പി കുര്യാക്കോസ്, ഉപലോകായുക്ത ജസ്റ്റിസ്  എ കെ ബഷീര്‍ (ഡിവിഷന്‍ ബെഞ്ച്) എന്നിവരുമാണ് സിറ്റിംഗ് നടത്തുന്നത്.  ഈ ദിവസങ്ങളില്‍ പുതിയ പരാതികള്‍ സ്വീകരിക്കും.
 

ലോകമണ്ണ്ദിനമായ (ഡിസം.5) ഇന്ന് മണ്ണ് പര്യവേക്ഷണ മണ്ണ്‌സംരക്ഷണ വകുപ്പും  കാര്‍ഷികവികസന കര്‍ഷകക്ഷേമവകുപ്പും സംയുക്തമായി ജില്ലയില്‍ വിവിധ പരിപാടികള്‍ സംഘടിപ്പിക്കും.  ലോക മണ്ണ്ദിനാഘോഷത്തിന്റെ  ജില്ലാതല ആഘോഷം ഇന്ന് (5) രാവിലെ  10 ന് കാഞ്ഞങ്ങാട് കിഴക്കുംകര ഐശ്വര്യ ഓഡിറ്റോറിയത്തില്‍ കെ കുഞ്ഞിരാമന്‍ എംഎല്‍എ ഉദ്ഘാടനം ചെയ്യും.  അജാനൂര്‍ ഗ്രാമപഞ്ചായത്ത് പ്രസിഡന്റ് പി ദാമോദരന്‍ അധ്യക്ഷത വഹിക്കും.  ജില്ലാ മണ്ണ്‌സംരക്ഷണ ഓഫീസര്‍  വി എം അശോക് കുമാര്‍ വിഷയാവതരണം നടത്തും.

വനം-വന്യജീവി-മൃഗസംരക്ഷണ-ക്ഷീരവികസനവകുപ്പു മന്ത്രി  അഡ്വ. കെ രാജു ഈ മാസം  എട്ടിന്  ജില്ലയില്‍ വിവിധ പരിപാടികളില്‍ സംബന്ധിക്കും. രാവിലെ 10 മണിക്ക് തൃക്കരിപ്പൂര്‍ മൃഗാശുപത്രി കെട്ടിടം  ഉദ്ഘാടനം ചെയ്യും. 11.30 ന് പുല്ലൂര്‍ ക്ഷീരോല്‍പ്പാദനസഹകരണസംഘം  കെട്ടിടോദ്ഘാടനവും ബ്ലോക്ക് ക്ഷീരോത്സവ ഉദ്ഘാടനവും മന്ത്രി  നിര്‍വ്വഹിക്കും.
 

കേരള -കര്‍ണ്ണാടക തീരങ്ങളിലും  ലക്ഷദ്വീപിലും  മണിക്കൂറില്‍ 45 മുതല്‍ 65 കി.മീ. വേഗതയില്‍  ശക്തമായ കാറ്റടിക്കാനും  കടല്‍ പ്രക്ഷുബ്ധമാകാനും സാധ്യതയുളളതിനാല്‍ അടുത്ത 24 മണിക്കൂറിനുളളില്‍ മത്സ്യതൊഴിലാളികള്‍ കടലില്‍ പോകരുതെന്ന് ഫിഷറീസ് കണ്‍ട്രോള്‍ റൂം  അറിയിച്ചു.
 

    ജില്ലയിലെ എല്ലാ എംപ്ലോയ്മെന്‍റ് എക്സ്ചേഞ്ചുകളിലും  2018-20 വര്‍ഷം അിറയിക്കാന്‍ സാധ്യതയുള്ള വിവിധ ഒഴിവുകളിലേക്ക് പരിഗണിക്കുന്നതിനുള്ള ഉദ്യോഗാര്‍ഥികളുടെ താത്ക്കാലിക സെലക്ട് ലിസ്റ്റ് പ്രസിദ്ധീകരിച്ചു. ഉദ്യോഗാര്‍ഥികള്‍ക്ക് എംപ്ലോയ്മെന്‍റ് രജിസ്ട്രേഷന്‍ കാര്‍ഡുമായി ബന്ധപ്പെട്ട എക്സേഞ്ചുകളില്‍ നേരിട്ട് ഹാജരായോ ംംം.ലാുഹീ്യാലിേ.സലൃമഹമ.ഴീ്.ശി എന്ന വെബ്സൈറ്റിലൂടെയോ ലിസ്റ്റ് പരിശോധിക്കാം.     പട്ടിക സംബന്ധിച്ച് പരാതികളുള്ളവര്‍ ഈ മാസം 24ന് മുമ്പായി ബന്ധപ്പെട്ട എക്സ്ചേഞ്ചില്‍ രേഖാമൂലം അറിയിക്കണം.                     (പിഎന്‍പി 3648/17)

ഓഖി ചുഴലിക്കാറ്റിനിരയായവര്‍ക്കുളള  ദുരിതാശ്വാസപ്രവര്‍ത്തനങ്ങള്‍ മുഖ്യമന്ത്രി  പിണറായി വിജയന്‍ വിലയിരുത്തി. വീഡിയോകോണ്‍ഫറന്‍സിലൂടെയാണ് വിലയിരുത്തിയത്.  ജില്ലയില്‍ നിന്നും കളക്ടര്‍   ജീവന്‍ബാബു കെ, ജില്ലാ പഞ്ചായത്ത് പ്രസിഡന്റ്  എ ജി സി ബഷീര്‍ എന്നിവരുമായി  സ്ഥിതി വിശേഷം വിലയിരുത്തി.മരിച്ചവരുടെ കുടുംബങ്ങള്‍ക്ക് നഷ്ടപരിഹാരം അടിയന്തിരമായി ലഭ്യമാക്കും. ജില്ലാകളക്ടര്‍മാര്‍ ശ്രദ്ധിക്കണമെന്നും മുഖ്യമന്ത്രി   പറഞ്ഞു.  ദുരിതാശ്വാസ ക്യാമ്പിലെത്തുന്നവര്‍ക്ക് നല്ല ഭക്ഷണം  ഉറപ്പാക്കണം. ശുചിത്വമുണ്ടാകണം. രോഗപ്രതിരോധ നടപടികളും  ശുചീകരണവും  ശ്രദ്ധിക്കണമെന്ന്  മുഖ്യമന്ത്രി  നിര്‍ദേശിച്ചു.