കൊല്ലം ടൗണ്‍ യു. പി. സ്‌കൂളിലെ ലീഡര്‍ അപര്‍ണയും കൂട്ടുകാരും എത്തിയത് കളക്‌ട്രേറ്റിലെ പതിവുകളില്‍പെടാത്ത ഒരാവശ്യവുമായാണ്. സ്‌കൂളിലെ ക്‌ളാസ് മുറികളില്‍ പുതുതായി തുടങ്ങുന്ന ചെറു ലൈബ്രറികളിലേക്ക് പുസ്തകങ്ങള്‍ സമാഹരിക്കുകയായിരുന്നു അവരുടെ ലക്ഷ്യം. വിവിധ ഓഫീസുകളില്‍ കയറിയിറങ്ങി ആത്മവിശ്വാസത്തോടെ തങ്ങളുടെ ദൗത്യം വിശദീകരിച്ച കുട്ടികള്‍ക്ക് ലഭിച്ചത് പ്രോത്സാഹനം നല്‍കുന്ന പ്രതികരണങ്ങള്‍.
സബ് കലക്ടര്‍ ഡോ.എസ്. ചിത്രയെയാണ് അവര്‍ ആദ്യം സമീപിച്ചത്.

മീസില്‍സ് റൂബെല്ല പ്രതിരോധ കുത്തിവെയ്പ്പ് നടപ്പിലാക്കുന്നതിന് ചില സ്‌കൂളുകള്‍ക്കെതിരെ വീഴ്ച വരുത്തുന്നതിനെ തുടര്‍ന്ന് അത്തരം വിദ്യാലയങ്ങള്‍ക്കെതിരെ കര്‍ശന നടപടി സ്വീകരിക്കുന്നതിന്റെ ഭാഗമായി ജില്ലാ മജിസ്ട്‌റേറ്റ് കൂടിയായ ജില്ലാ കളക്ടര്‍  വിദ്യാഭ്യാസ സ്ഥാപനങ്ങള്‍ക്ക് മുന്നറിയിപ്പ് നോട്ടീസ് നല്‍കി.  

ജുവൈനല്‍ ജസ്റ്റിസ് ആക്ട്, കേരള പോലീസ് ആക്ട്, പബ്ലിക് ഹെല്‍ത്ത് ആക്ട്, കേരള പഞ്ചായത്ത് രാജ് ആക്ട് / കേരള മുന്‍സിപ്പാലിറ്റി ആക്ട് എന്നിവയിലെ വിവിധ വകുപ്പുകള്‍ അനുസരിച്ച് പ്രവര്‍ത്തിക്കേണ്ട വിദ്യാഭ്യാസ സ്ഥാപനങ്ങള്‍ ഇത്തരം പ്രവര്‍ത്തനങ്ങള്‍ക്കെതിരെ നില്‍ക്കുന്നത് കുറ്റകരമാണ്.

സര്‍ക്കാര്‍ പദ്ധതിയായ മീസില്‍സ് റൂബെല്ല കുത്തിവെയ്പ്പിന് എതിരെ  വ്യാജപ്രചാരണം ഏറിവരുന്ന സാഹചര്യത്തില്‍  കേരള പോലീസ് ആക്ട് 2011 ലെ 118 (സി) പ്രകാരം നിയമനടപടി സ്വീകരിക്കാന്‍ ജില്ലാ മജിസ്ട്‌റേറ്റ് കൂടിയായ ജില്ലാ കളക്ടര്‍ ഉത്തരവിട്ടു.മീസില്‍സ് റൂബെല്ല കുത്തിവെയ്പ്പിനെതിരെ ജനങ്ങള്‍ക്കിടയില്‍ തെറ്റിദ്ധാരണ പരത്തുന്ന പ്രചരണങ്ങള്‍ ചില വ്യക്തികളും സ്ഥാപനങ്ങളും നടത്തുന്നതായി കണ്ടെത്തിയതിനെ തുടര്‍ന്നാണ് ജില്ലാ കളക്ടര്‍ കര്‍ശന നടപടിക്ക് നിര്‍ദ്ദേശം നല്‍കിയത്.  

ജില്ലയില്‍ വെളിയിട വിസര്‍ജ്ജന വിമുക്ത പദവി നേടിയ ഗ്രാമപഞ്ചായത്തുകള്‍ ഇതു നിലനിര്‍ത്തിക്കൊണ്ട് കേന്ദ്രഗവണ്‍മെന്റില്‍ നിന്നും പരിശോധനാ സര്‍ട്ടിഫിക്കറ്റ് ലഭ്യമാക്കുന്നതിന് അടിയന്തിര പരിശോധന പൂര്‍ത്തിയാക്കണമെന്ന് ജില്ലാ പഞ്ചായത്ത് പ്രസിഡന്റ് അന്നപൂര്‍ണ്ണാദേവി പറഞ്ഞു. ജില്ലാ ശുചിത്വസമിതിയുടെ നേതൃത്വത്തില്‍ നടത്തിയ പൊതു ശൗചാലയം പരിശോധനാവേളയിലാണ് ജില്ലാ ശുചിത്വസമിതി ചെയര്‍പേഴ്‌സണ്‍ കൂടിയായ  ജില്ലാ പഞ്ചായത്ത് പ്രസിഡന്റ് നിര്‍ദേശം നല്‍കിയത്.

കാക്കനാട്: മരട് അഗ്രിക്കള്‍ച്ചറല്‍ അര്‍ബന്‍ ഹോള്‍സെയില്‍ മാര്‍ക്കറ്റില്‍ 24 മണിക്കൂറും പ്രവര്‍ത്തിക്കുന്ന വെയ്ബ്രിഡ്ജിന്റെ പ്രവര്‍ത്തനം കരാര്‍ അടിസ്ഥാനത്തില്‍ 11 മാസത്തേക്ക് ഏറ്റെടുത്ത് നടത്തുന്നതിന് താല്‍പര്യമുളള വ്യക്തികള്‍/സ്ഥാപനങ്ങള്‍/സഹകരണ സ്ഥാപനങ്ങള്‍/സര്‍ക്കാര്‍അര്‍ധ സര്‍ക്കാര്‍ സ്ഥാപനങ്ങള്‍ എന്നിവരില്‍ നിന്ന് ദര്‍ഘാസുകള്‍ ക്ഷണിച്ചു. ദര്‍ഘാസ് പ്രമാണങ്ങളും വിശദ വിവരങ്ങളും നവംബര്‍ മൂന്നു മുതല്‍ 16 വരെ രാവിലെ 10.30 മുതല്‍ 12.30 വരെ ഓഫീസില്‍ നിന്നു ലഭിക്കും. 

കൊച്ചി: മഹാരാജാസ് കോളേജിലെ ബിരുദ-ബിരുദാനന്തര ഗവേഷണ രസതന്ത്ര വിഭാഗം, രണ്ടു ദിവസത്തെ അന്തര്‍ദേശീയ സെമിനാര്‍ നവംബര്‍ 14, 15 എന്നീ ദിവസങ്ങളിലായി നടത്തുന്നു. നവംബര്‍ 14-ന് കോളേജ് സെമിനാര്‍ ഹാളില്‍ മഹാത്മാ ഗാന്ധി സര്‍വ്വകലാശാല വൈസ് ചാര്‍സലന്‍ ഡോ.ബാബു സെബാസ്റ്റ്യന്‍ സെമിനാര്‍ ഉദ്ഘാടനം ചെയ്യും.

കൊച്ചി: എറണാകുളം ഡിറ്റിപിസിയുടെ കീഴിലുള്ള, എറണാകുളം ദര്‍ബാര്‍ ഹാള്‍ ഗ്രൗണ്ടിലെ പ്രവേശന കവാടത്തിനു സമീപം സ്ഥിതി ചെയ്യുന്ന  കഫറ്റേരിയ ഇപ്പോള്‍ എങ്ങിനെയാണോ ആ അവസ്ഥയില്‍' അടുത്ത മൂന്നു വര്‍ഷത്തേക്ക് നിബന്ധനകള്‍ക്ക് വിധേയമായി ലൈസന്‍സ് അടിസ്ഥാനത്തില്‍ ഏറ്റെടുത്ത് നടത്തുന്നതിന് ക്വട്ടേഷന്‍ ക്ഷണിച്ചു.  

നവംബര്‍ 21-ന്  ഉച്ചയ്ക്ക്   12 -ന്, എറണാകുളം  ഡിറ്റിപിസി ഓഫീസില്‍ നടത്തുന്ന        ക്വട്ടേഷനോടൊപ്പം പൊതുലേലവും  നടത്തും.    താത്പര്യമുളള വ്യക്തികള്‍ /സ്ഥാപനങ്ങള്‍  എന്നിവരില്‍ നിന്നും സീല്‍ ചെയ്ത ക്വട്ടേഷനുകള്‍ ക്ഷണിച്ചു.  

കൊച്ചി: പട്ടികജാതി വികസന വകുപ്പിനു കീഴില്‍ പ്രവര്‍ത്തിക്കുന്ന മലയാറ്റൂര്‍, ഏഴിക്കര എന്നിവിടങ്ങളിലെ  ആണ്‍കുട്ടികളുടെ ഗവ:പ്രീമെട്രിക് ഹോസ്റ്റലുകളിലും പെരുമ്പാവൂര്‍, പറവൂര്‍, മൂവാറ്റുപുഴ എന്നിവിടങ്ങളിലുളള പെണ്‍കുട്ടികളുടെ ഗവ:പ്രീമെട്രിക് ഹോസ്റ്റലുകളിലും മാനേജര്‍-കം-റസിഡന്റ് ട്യൂട്ടര്‍മാതെ കരാര്‍ അടിസ്ഥാനത്തില്‍ നിയമിക്കുന്നതിന് ബിരുദവും, ബി.എഡും ഉളള പട്ടികജാതിയില്‍പ്പെട്ട ഉദ്യോഗാര്‍ഥികളില്‍ നിന്നും അപേക്ഷ ക്ഷണിച്ചു. പ്രവൃത്തി സമയം വൈകിട്ട് നാലു മുതല്‍ രാവിലെ എട്ടു വരെയും, പ്രതിമാസ ഹോണറേറിയം 12,000 രൂപയും ആയിരിക്കും.

കളക്ടറേറ്റിലെ നവീകരിച്ച ഡെപ്യൂട്ടി ഡയറക്ടര്‍ ഓഫ് പഞ്ചായത്ത് ഓഫിസിലെ ഗ്രീന്‍ പ്രോട്ടോകോള്‍ പ്രഖ്യാപനം ടി എന്‍ സീമ നിര്‍വഹിച്ചു. പുനരുപയോഗ യോഗ്യമല്ലാത്ത പല്‍സ്റ്റിക് പോലുള്ള ഉത്പന്നങ്ങള്‍ ഓഫീസില്‍ ഉപയോഗിക്കില്ലെന്ന് ഉദ്യോഗസ്ഥര്‍ നേരത്തെ തീരുമാനമെടുത്തിരുന്നു.

ഗ്രീന്‍ പ്രോട്ടോക്കോള്‍ നടപ്പാക്കിയതിന് ടി എന്‍ സിമ ഉദ്യോഗസ്ഥരെ അഭിനന്ദിച്ചു.

കാക്കനാട്: ജില്ലയില്‍ ഹരിതകേരളം പദ്ധതിയുടെ ഭാഗമായി ഇതുവരെ 140 ഹെക്ടര്‍ തരിശുഭൂമിയില്‍ കൃഷി ആരംഭിച്ചു. ആകെ 300 ഹെക്ടര്‍ തരിശുഭൂമിയില്‍ കൃഷി ആരംഭിക്കാനുള്ള നടപടികള്‍ തുടരുന്നു. 100 ഹെക്ടര്‍ കരനെല്‍കൃഷി എന്ന ലക്ഷ്യത്തിലേക്കും ജില്ല അടുക്കുകയാണ്. ഇതുവരെ 92 ഹെക്ടറില്‍ കരനെല്‍കൃഷി ആരംഭിച്ചു. ഹരിത കേരളം മിഷന്‍ സംസ്ഥാന ഉപാധ്യക്ഷ ടിഎന്‍ സീമയുടെ നേതൃത്വത്തില്‍ കളക്ടറേറ്റില്‍ നടന്ന പദ്ധതിയുടെ ജില്ലാതല അവലോകന യോഗത്തില്‍ കൃഷിവകുപ്പാണ് കണക്കുകള്‍ അവതരിപ്പിച്ചത്.