സംസ്ഥാനത്ത് ഐ.എച്ച്.ആർ.ഡി യുടെ നേതൃത്വത്തിൽ ആരംഭിച്ച സെന്റർ ഫോർ സ്കിൽ ആൻഡ് ഇൻഡസ്ട്രി കണക്റ്റിന്റെ സംസ്ഥാനതല ഉദ്ഘാടനം ഐ.എച്ച്.ആർ.ഡി ഡയറക്ടർ ഡോ. വി.എ അരുൺകുമാർ ഓൺലൈൻ ആയി നിർവഹിച്ചു. മാനന്തവാടി പി.കെ. കാളൻ മെമ്മോറിയൽ കോളേജിൽ നടന്ന പരിപാടിയിൽ പ്രിൻസിപ്പൽ ഷീബ ജോസഫ് വിദ്യാർത്ഥികൾക്ക് മാർഗനിർദേശം നൽകി. അധ്യാപകൻ ഗ്ലാഡ്സൺ സംസാരിച്ചു.

ഇന്റേൺഷിപ്പിന് താൽപര്യമുള്ള വിദ്യാർത്ഥികൾ 9745643139 നമ്പറിൽ ബന്ധപ്പെടാവുന്നതാണ്.

വൈത്തിരി താലൂക്കിലെ ഹോട്ടലിൽ നടത്തിയ പരിശോധനയിൽ അനധികൃതമായി സൂക്ഷിച്ചിരുന്ന അഞ്ച് എൽ.പി.ജി സിലിണ്ടറുകൾ പിടിച്ചെടുത്തതായി ജില്ലാ സപ്ലൈ ഓഫീസർ അറിയിച്ചു. ജില്ലാ സപ്ലൈ ഓഫീസറുടെ നേതൃത്വത്തിലുള്ള വയനാട്–കോഴിക്കോട് സ്പെഷ്യൽ എൻഫോഴ്സ്മെന്റ് സംഘം  നടത്തിയ പരിശോധനയിലാണ് സിലിണ്ടറുകൾ കണ്ടെത്തിയത്.

അനധികൃതമായി സിലിണ്ടറുകൾ സംഭരിക്കുകയും ഉപയോഗിക്കുകയും ചെയ്യുന്നവർക്കെതിരെ അവശ്യസാധന നിയമ പ്രകാരം കർശന നടപടികൾ സ്വീകരിക്കുമെന്ന് ജില്ലാ സപ്ലൈ ഓഫീസർ അറിയിച്ചു. സമാനമായ പരിശോധനകൾ ജില്ലയിലുടനീളം തുടരുമെന്നും അധികൃതർ വ്യക്തമാക്കി.

ഇൻസ്റ്റിറ്റ്യൂട്ട് ഓഫ് ലാൻഡ് ആൻഡ് ഡിസാസ്റ്റർ മാനേജ്‌മെൻ്റ് ദുരന്തനിവാരണ വിഷയത്തിൽ ആരംഭിച്ചിട്ടുള്ള എ.ഐ.സി.ടി.ഇ അംഗീകൃത എം.ബി.എ കോഴ്സിൻ്റെ 2026-2028 ബാച്ചിലേക്കുള്ള അഡ്മിഷൻ നടപടികൾ ആരംഭിച്ചു. അപേക്ഷിക്കുന്നതിനും കൂടുതൽ വിവരങ്ങൾക്കും https://ildm.kerala.gov.in എന്ന വെബ്സൈറ്റ് സന്ദർശിക്കുക.

ഹരിപ്പാട്, ചേപ്പാട് റെയില്‍വേ സ്റ്റേഷനുകള്‍ക്കിടയിലുള്ള  ലെവല്‍ ക്രോസ് 132 (എന്‍.ടി.പി.സി ഗേറ്റ്) അടിയന്തര അറ്റുകുറ്റപ്പണികള്‍ക്കായി  ഏപ്രിൽ 20
വൈകിട്ട് നാല് മണി മുതൽ 23 ന് വൈകിട്ട്  ആറുവരെ അടച്ചിടും. വാഹനങ്ങൾ ലെവല്‍ ക്രോസ് 131 (കാഞ്ഞൂര്‍ ഗേറ്റ്)  അല്ലെങ്കിൽ 135 (ഏവൂർ ഗേറ്റ്) വഴി പോകണം.

വഴയില -പഴകുറ്റി നാലുവരിപാത റോഡ് വികസനത്തിന്റെ ഭാ​ഗമായി ആറാംകല്ല്, കരകുളം എന്നിവിടങ്ങളില്‍ പൈലിംഗ് പ്രവൃത്തി നടക്കുന്നതിനാല്‍ ഏപ്രില്‍ 20 മുതല്‍ വഴയില മുതല്‍ കരകുളം പാലം വരെയുള്ള റോഡില്‍ ഗതാഗതം പൂര്‍ണ്ണമായും നിരോധിച്ചതായി എക്‌സിക്യൂട്ടീവ് എഞ്ചിനീയര്‍ അറിയിച്ചു.

തൃശ്ശൂർ തേക്കിൻകാട് മൈതാനത്ത് നടക്കുന്ന പൂരം എക്‌സിബിഷനിൽ "ലഹരി മുക്ത ഭവനം" സന്ദേശവുമായി എക്സൈസ് വകുപ്പിന്റെ വിമുക്തി പവലിയൻ ആരംഭിച്ചു. പവലിയന്റെ ഉദ്ഘാടനം ഡെപ്യൂട്ടി എക്സൈസ് കമ്മീഷണർ സി.കെ സജികുമാർ നിർവ്വഹിച്ചു. 

അറിവാണ് ലഹരി, കലയിലാണ് ലഹരി, കായികമാണ് ലഹരി, ജീവിതമാണ് ലഹരി എന്നീ സന്ദേശങ്ങൾ വിവരിക്കുന്ന പ്രദർശനങ്ങളും പവലിയനിലെത്തുന്നവർക്കായി വിവിധ മത്സരങ്ങളും സെൽഫി പോയിന്റുകളും വിമുക്തി പാവലിയനിൽ സജ്ജീകരിച്ചിട്ടുണ്ട്. ഒപ്പം ഹെൽപ് ലൈൻ നമ്പർ അടങ്ങിയ കർഡുകളും നോട്ടീസുകളും വിതരണവും ചെയ്യുന്നുണ്ട്. 

വിഷു കാലയളവിൽ ജില്ലയിൽ നടന്ന കാർഷിക ഉൽപ്പാദന-വിപണന പ്രവർത്തനങ്ങൾ ശ്രദ്ധേയമായ നേട്ടത്തോടെ സമാപിച്ചു.

നിയമസഭാ തെരഞ്ഞെടുപ്പുമായി ബന്ധപ്പെട്ട് പെരുമാറ്റചട്ടം നിലനിൽക്കുന്നതിനാൽ ഏപ്രിൽ മാസത്തെ ജില്ലാ വികസന സമിതി യോഗം ഉണ്ടാകില്ലെന്ന് ജില്ലാ പ്ലാനിങ് ഓഫീസർ അറിയിച്ചു.
 

ഇരിങ്ങാലക്കുട ഉണ്ണായി വാരിയർ സ്‌മാരക കലാനിലയത്തിൽ പി. എസ്.സി അംഗീകൃത കഥകളി വേഷം,കഥകളി സംഗീതം, കഥകളി ചെണ്ട, കഥകളി മദ്ദളം, കഥകളി ചുട്ടി അല്ലെങ്കിൽ കോപ്പുപണി എന്നീ വിഷയങ്ങളിൽ ഡിപ്ലോമ കോഴ്‌സുകളിലേക്കും അംഗീകൃത സ്ഥാപനങ്ങളിൽ നിന്നും മേൽപറഞ്ഞ വിഷയങ്ങളിൽ ഡിപ്ലോമയോ തത്തുല്യ യോഗ്യതയോ നേടിയവർക്ക് അതത് വിഷയങ്ങളിൽ പോസ്റ്റ് ഗ്രാജുവേറ്റ് കോഴ്‌സുകളിലേക്കും സൗജന്യമായി പഠിക്കുവാൻ ആൺകുട്ടികളായ വിദ്യാർത്ഥികളെ തിരഞ്ഞെടുക്കുന്നു. ഏഴാം ക്ലാസ്സ്‌ പാസാണ് ഡിപ്ലോമ കോഴ്‌സുകളിൽ പ്രവേശനത്തിനുള്ള കുറഞ്ഞ വിദ്യഭ്യാസ യോഗ്യത. ഡിപ്ലോമ കോഴ്‌സിലേക്ക് കൂടിയ പ്രായപരിധി 18 വയസ്സാണ്.