നാളികേര വികസന ബോർഡ് ഇൻസ്റ്റിറ്റ്യൂട്ട് ഓഫ് ടെക്നോളജിയുടെ ആഭിമുഖ്യത്തിൽ ‘ഫുഡ് അനലിറ്റിക്കൽ കെമിസ്ട്രിയിലെ നൂതന പ്രവണതകൾ’ (RAFAC – 2026) എന്ന വിഷയത്തിൽ ദേശീയ കോൺഫറൻസ് സംഘടിപ്പിക്കുന്നു. ഏപ്രിൽ 29, 30 ദിവസങ്ങളിൽ നടക്കുന്ന പരിപാടി കേന്ദ്ര കൃഷി മന്ത്രാലയ ഹോർട്ടികൾച്ചർ കമ്മീഷണറും നാളികേര വികസന ബോർഡ് സി.ഇ.ഒയുമായ ഡോ. പ്രഭാത് കുമാർ ഉദ്ഘാടനം ചെയ്യും. 

സംസ്ഥാനത്തെ പൊതുവിദ്യാലയങ്ങളിലെ ലിറ്റിൽ കൈറ്റ്സ് ഐ.ടി ക്ലബ്ബുകളുടെ ഈ അധ്യയന വർഷത്തെ സംസ്ഥാനതല ക്യാമ്പ് ഏപ്രിൽ ഇന്നും (29), നാളെയും (30)  കളമശ്ശേരിയിലെ കേരള സ്റ്റാർട്ടപ്പ് മിഷനിൽ നടക്കും. വിവിധ ഘട്ടങ്ങൾ പിന്നിട്ടെത്തിയ 204 വിദ്യാർത്ഥികളാണ് രണ്ടുദിവസത്തെ ക്യാമ്പിൽ പങ്കെടുക്കുന്നത്.

ജില്ലയില്‍ ടാങ്കര്‍ ലോറികള്‍ വഴി വിതരണം ചെയ്യുന്നതിന് സ്വകാര്യ സ്രോതസ്സുകളില്‍ നിന്ന് ജലം വില്‍ക്കുന്നവര്‍ ഭൂജലവകുപ്പില്‍ രജിസ്റ്റര്‍ ചെയ്യണമെന്ന് ജില്ലാ കളക്ടര്‍ ജി. പ്രിയങ്ക. സ്വകാര്യ വ്യക്തികള്‍ അവരുടെ ജലസ്രോതസ്സുകളില്‍ നിന്നും ജലം ശേഖരിച്ച് ടാങ്കര്‍ ലോറികള്‍ക്ക് വില്‍പ്പന നടത്തുന്നത് നിയമവിധേയമാക്കുന്നതിന്റെ ഭാഗമായി പ്രാബല്യത്തില്‍ വന്ന സര്‍ക്കാര്‍ ഉത്തരവ്, ജില്ലയില്‍ നടപ്പിലാക്കുന്നതിന് മുന്നോടിയായി ചേര്‍ന്ന പ്രത്യേകയോഗത്തില്‍ സംസാരിക്കുകയായിരുന്നു അവര്‍. 

രജിസ്‌ട്രേഷന്‍ എങ്ങനെ?

സെന്റ് സേവ്യേഴ്സ് കോളേജ് ഫോർ വിമണിൽ പ്ലസ് ടു, ബിരുദ വിദ്യാർത്ഥിനികൾക്കായി ഏപ്രിൽ 30-ന് സൗജന്യ ബൂട്ട്ക്യാമ്പ് സംഘടിപ്പിക്കുന്നു. രാവിലെ 9.30 മുതൽ 4 വരെ നടക്കുന്ന ക്യാമ്പിൽ വ്യക്തിത്വ വികസനം, ലാബ് ആക്ടിവിറ്റികൾ, സ്റ്റാർട്ടപ്പ് ആശയങ്ങൾ എന്നിവയിൽ ക്ലാസുകൾ നൽകും. ആദ്യം രജിസ്റ്റർ ചെയ്യുന്ന 60 പേർക്കാണ് അവസരം. വിവരങ്ങൾക്ക് കോളേജ് വെബ്സൈറ്റ് സന്ദർശിക്കുക. 
ഫോൺ: 9495714149, 0484 2623240.

സംസ്ഥാന സർക്കാരിന് കീഴിലുള്ള അസാപ് കേരളയുടെ കുന്നംകുളം കമ്മ്യൂണിറ്റി സ്കിൽ പാർക്കിൽ പവർ ഇലക്ട്രോണിക്സ് സർവീസ് ടെക്‌നീഷ്യൻ കോഴ്‌സിലേക്ക് അപേക്ഷ ക്ഷണിച്ചു. ഒബിസി വിഭാഗത്തിന് പരിശീലനം സൗജന്യം. കോഴ്‌സ് കാലയളവിൽ സ്റ്റൈപെൻഡും ലഭിക്കും. 

കേരള സർക്കാരിന് കീഴിലുള്ള ഇൻസ്റ്റിറ്റ്യൂട്ട് ഓഫ് ഹ്യൂമൻ റിസോഴ്‌സ് ഡെവലപ്‌മെന്റിന്റെ (ഐ എച്ച് ആർ ഡി) 15 ടെക്നിക്കൽ ഹയർ സെക്കൻഡറി സ്കൂളുകളിലേക്ക് 2026-2027 അധ്യയന വർഷത്തെ പ്ലസ് വൺ പ്രവേശനത്തിന് അപേക്ഷ ക്ഷണിച്ചു. മുട്ടട, അടൂർ, മല്ലപ്പള്ളി, ചേർത്തല, പുത്തപ്പള്ളി, കലൂർ, കാപ്രശ്ശേരി, ആലുവ, പീരുമേട്, തൊടുപുഴ, വരാടിയം, വാഴക്കാട്, വട്ടംകുളം, പെരിന്തൽമണ്ണ, തിരുത്തിയാട് എന്നീ കേന്ദ്രങ്ങളിലെ സ്കൂളുകളിലേക്കാണ് പ്രവേശനം നടക്കുന്നത്. താല്പര്യമുള്ള വിദ്യാർത്ഥികൾ ഓരോ സ്കൂളിലേക്കും പ്രത്യേകം അപേക്ഷകൾ സമർപ്പിക്കേണ്ടതാണ്.

സംസ്ഥാനത്തെ നാല് വർഷ ബിരുദ പ്രോഗ്രാമുകളുടെ ഭാഗമായി വിദ്യാർത്ഥികൾക്ക് മികച്ച പരിശീലനം ഉറപ്പാക്കാൻ ഇൻസ്റ്റിറ്റ്യൂട്ട് ഓഫ് ഹ്യൂമൻ റിസോഴ്‌സസ് ഡെവലപ്‌മെന്റ് (ഐ എച്ച് ആർ ഡി) ഇന്റേൺഷിപ്പ് പദ്ധതി നടപ്പിലാക്കുന്നു. ഐ.എച്ച്.ആർ.ഡിക്ക് കീഴിലുള്ള 44 കോളേജുകൾക്ക് പുറമെ, കേരളത്തിലെ മറ്റ് ആർട്സ് ആൻഡ് സയൻസ് കോളേജുകളിലെ വിദ്യാർത്ഥികൾക്കും അവർ താല്പര്യപ്പെടുന്ന വിഷയങ്ങളിൽ ഇന്റേൺഷിപ്പ് ചെയ്യാനുള്ള സൗകര്യമാണ് ഒരുക്കിയിരിക്കുന്നത്.

ജില്ലാതല ഉദ്ഘാടനം നടത്തി

സംസ്ഥാന മൃഗസംരക്ഷണ വകുപ്പ് നടപ്പിലാക്കുന്ന ഗോവർദ്ധിനി 2025-26 പദ്ധതിയുടെ  ജില്ലാതല ഉദ്ഘാടനം ജില്ലാ മൃഗസംരക്ഷണ ഓഫീസർ ടി.ആർ ഡോ. ഷേർളി നിർവ്വഹിച്ചു. 
എടക്കുന്ന് മൃഗാശുപത്രി ഹാളിൽ നടന്ന ചടങ്ങിൽ പ്രൊജക്ട് ഓഫീസർ ഡോ. ഫിജി ഫ്രാൻസിസ് അദ്ധ്യക്ഷയായി. ജില്ലയിൽ 400 പശുക്കുട്ടികൾക്കാണ് ഈ സാമ്പത്തിക വർഷം പദ്ധതിയുടെ ആനുകൂല്യം ലഭിക്കുന്നത്.

നാഷണൽ മീൻസ് കം മെറിറ്റ് സ്‌കോളർഷിപ്പ് 2025-26 (NMMSE) പരീക്ഷാഫലം പ്രസിദ്ധീകരിച്ചു.

നെടുമങ്ങാട് മഞ്ച സർക്കാർ ടെക്‌നിക്കൽ ഹൈസ്‌കൂളിൽ അടുത്ത അക്കാദമിക വർഷത്തേയ്ക്കുളള രണ്ടാംഘട്ട പ്രവേശനം ആരംഭിച്ചു. എട്ടാം ക്ലാസ്സ് ഒഴിവുള്ള ഏതാനും സീറ്റുകളിലേക്ക് സ്‌കൂളിൽ ഏപ്രിൽ 30  മുതൽ നേരിട്ടെത്തി പ്രവേശനം നേടാം. കുട്ടികൾ രക്ഷിതാക്കളോടൊപ്പം ആവശ്യമായ രേഖകളുമായി സ്‌കൂളിൽ ഹാജരാകണം.