വയനാട് ജില്ല മലമ്പനി മുക്തമാക്കുക എന്ന ലക്ഷ്യത്തോടെ നടത്തിയ ലോക മലമ്പനി ദിനാചരണം ജില്ലാ സര്‍വയലന്‍സ് ഓഫീസര്‍
ഡോ. പി ദിനീഷ്  ഉദ്ഘാടനം ചെയ്തു. ആരോഗ്യ വകുപ്പും ആരോഗ്യ കേരളവും സംയുക്തമായി ജില്ലാ വെക്ടര്‍ കണ്‍ട്രോള്‍ യൂണിറ്റിന്റെ നേതൃത്വത്തിലാണ് പരിപാടി നടത്തിയത്. പരിപാടിയുടെ അധ്യക്ഷത ജില്ലാ വെക്ടര്‍ കണ്‍ട്രോള്‍ യൂണിറ്റ് ബയോളജിസ്റ്റ് കെ ബിന്ദു മലമ്പനി പ്രതിരോധം എന്ന വിഷയത്തില്‍ ബോധവത്ക്കരണ ക്ലാസെടുത്തു. ജില്ലാ വെക്ടര്‍ ബോണ്‍ ഡിസീസ് കണ്‍ട്രോള്‍ ഓഫീസര്‍ വി സുന്ദരന്‍ മലമ്പനി പ്രതിരോധ പ്രതിജ്ഞ ചൊല്ലി.

ജില്ലാ പഞ്ചായത്തിന്റെ നേതൃത്വത്തില്‍  വിജ്ഞാനകേരളത്തിന്റെ ഭാഗമായി മുട്ടില്‍ ഡബ്യു.എം.ഒ കോളേജില്‍ തൊഴില്‍മേള സംഘടിപ്പിച്ചു. ഐ.ടി, ബാങ്കിങ്, ടൂറിസം, മാര്‍ക്കറ്റിങ്, ഹോസ്പിറ്റലിറ്റി മാനേജ്‌മെന്റ് തുടങ്ങിയ 28 സ്ഥാപനങ്ങള്‍ മേളയില്‍ പങ്കെടുത്തു. 154 ഉദ്യോഗാര്‍ഥികള്‍ പങ്കെടുത്ത മേളയില്‍ വിവിധ സ്ഥാപനങ്ങളിലായി 55 ഉദ്യോഗാര്‍ഥികള്‍ക്ക് നിയമനം ലഭ്യമായി.
 

ജില്ലാ പഞ്ചായത്തിന്റെ നേതൃത്വത്തില്‍ വിവിധ മത്സരപരീക്ഷകളില്‍ ഉന്നത വിജയം നേടിയവരെ  ആദരിച്ചു. സെക്രട്ടറിയറ്റ് അസിസ്റ്റന്റ് പരീക്ഷയില്‍ 123,561 റാങ്കുകള്‍ നേടിയ വി. എ കീര്‍ത്തന, എ.ആര്‍ യദുരാജ്, സി. പി. ഒ പരീക്ഷയില്‍ 360-ാം റാങ്ക് നേടിയ അമല്‍ രവീന്ദ്രന്‍ എന്നിവരെയാണ് മൊമെന്റോ നല്‍കി ആദരിച്ചത്.

വയനാട് ജില്ലാ സപ്ലൈ ഓഫീസറുടെ നേത്യത്വത്തിലുള്ള വയനാട്, കോഴിക്കോട് സ്‌പെഷ്യല്‍ എന്‍ഫോഴ്സ്മെന്റ് സംഘം കൈതപ്പൊയിലിലെ സ്വകാര്യ സ്ഥാപനത്തില്‍ നിന്നും അനധികൃതമായി സൂക്ഷിച്ചിരുന്ന വിവിധ കമ്പനികളുടെ 23 സിലിണ്ടറുകള്‍ പിടിച്ചെടുത്തു. അനധികൃതമായി സിലിണ്ടറുകള്‍ സംഭരിക്കുകയും ഉപയോഗിക്കുകയും ചെയ്യുന്നവര്‍ക്കെതിരെ അവശ്യസാധന നിയമപ്രകാരം കര്‍ശന നടപടികള്‍ സ്വീകരിക്കുമെന്നും പരിശോധനകള്‍ തുടരുമെന്നും സപ്ലൈ ഓഫീസര്‍ ജെയിംസ് പീറ്റര്‍ അറിയിച്ചു.

മെയ് നാലിന് വോട്ടെണ്ണല്‍ നടക്കുന്ന ജില്ലയിലെ കേന്ദ്രങ്ങളിലേയ്ക്കുള്ള ഉദ്യോഗസ്ഥരുടെ ആദ്യഘട്ട റാന്‍ഡമൈസേഷന്‍ പൂര്‍ത്തിയായി. ജില്ലാ കളക്ടര്‍ ഡോ. വിനയ് ഗോയലിന്റെ നേതൃത്വത്തില്‍ കലക്ടറുടെ ചേംബറിലാണ് റാന്‍ഡമൈസേഷന്‍ നടന്നത്.

നെടിയിരുപ്പ് കുടുംബാരോഗ്യ കേന്ദ്രത്തിലെ അണ്‍ഫിറ്റ് സബ് സെന്ററായ ആയ കാളോത്ത് സബ് സെന്റര്‍ കെട്ടിടം പൊളിച്ചു നീക്കുന്നതിനായി കരാറുകാരില്‍ നിന്നും മത്സരാടിസ്ഥാനത്തിലുള്ള  ക്വട്ടേഷന്‍ ക്ഷണിച്ചു. മെയ് 12 ന് രാവിലെ 11 വരെ നെടിയിരുപ്പ് കുടുംബാരോഗ്യ കേന്ദ്രം ഓഫീസില്‍ ക്വട്ടേഷന്‍ സ്വീകരിക്കും. ഫോണ്‍- 0483-2712161.

ആദ്യ ഹജ്ജ് വിമാനം 30 ന് കൊച്ചിയിൽ നിന്ന്

ഈ വര്‍ഷത്തെ ഹജജ് ക്യാമ്പുകൾക്കുള്ള ഒരുക്കങ്ങള്‍ സംസ്ഥാനത്തെ മൂന്ന് എംബാർക്കേഷൻ പോയിൻ്റുകളിലും പൂര്‍ത്തിയായതായി സംസ്ഥാന ഹജ്ജ് കമ്മിറ്റി ചെയര്‍മാന്‍ ഡോ. ഹുസൈന്‍ സഖാഫി ചുള്ളിക്കോട് വാര്‍ത്താസമ്മേളനത്തില്‍ അറിയിച്ചു. കേരളത്തിൽ നിന്നുള്ള ആദ്യ ഹജ്ജ് വിമാനം ഏപ്രില്‍ 30 ന് കൊച്ചിയില്‍ നിന്നും പുറപ്പെടും. ഹജ്ജ് ക്യാമ്പിന്റെ സംസ്ഥാനതല ഉദ്ഘാടനം ഏപ്രില്‍ 29ന് കൊച്ചിയില്‍ നടക്കും.

ദേശീയ ദുരന്ത നിവാരണ അതോറിറ്റിയുടെ 'യുവ ആപ്ദ മിത്ര' പദ്ധതിയുടെ ഭാഗമായി മൈ ഭാരത് വളണ്ടിയര്‍മാരുടെ ആദ്യ ബാച്ചിനായി സംഘടിപ്പിച്ച ഏഴു ദിവസത്തെ ദുരന്തനിവാരണ പരിശീലനം സമാപിച്ചു. ജില്ലയില്‍നിന്ന് തിരഞ്ഞെടുക്കപ്പെട്ട 250 വളണ്ടിയര്‍മാരില്‍ 72 പേരുടെ പരിശീലനമാണ് പൂര്‍ത്തിയായത്. ദുരന്തമുഖങ്ങളിലെ അടിയന്തര സാഹചര്യങ്ങള്‍ നേരിടുന്ന രീതികള്‍, ശാസ്ത്രീയ രക്ഷാപ്രവര്‍ത്തനങ്ങള്‍, ബേസിക് ലൈഫ് സപ്പോര്‍ട്ട് തുടങ്ങിയ വിഷയങ്ങളില്‍ വിദഗ്ധരുടെ നേതൃത്വത്തില്‍ പ്രായോഗിക പരിശീലനമാണ് നല്‍കിയത്. വളണ്ടിയര്‍മാര്‍ക്ക് നാല് ഘട്ടങ്ങളിലായാണ് പരിശീലനം നല്‍കുന്നത്. 

വേനല്‍ക്കാലത്ത് വളര്‍ത്തുമൃഗങ്ങള്‍ അനുഭവിക്കുന്ന താപസമ്മര്‍ദം ലഘൂകരിക്കാനും അവയുടെ ആരോഗ്യ സംരക്ഷണത്തിനും ശ്രദ്ധ വേണമെന്ന് മൃഗസംരക്ഷണ വകുപ്പ് അധികൃതര്‍ അറിയിച്ചു. കടുത്ത ചൂട് മൃഗങ്ങളുടെ ആരോഗ്യത്തെയും ഉല്‍പാദനക്ഷമതയെയും സാരമായി ബാധിക്കുന്നതിനാല്‍ ഇത് പ്രതിരോധിക്കാന്‍ വിവിധ കാര്യങ്ങള്‍ ശ്രദ്ധിക്കണം.

കുടിവെള്ളം