ചേർത്തല താലൂക്കിൽ കോടംതുരുത്ത് വില്ലേജിൽ വരുന്ന പ്രദേശങ്ങളിലെ ഡിജിറ്റൽ സർവ്വേ കേരള സർവ്വേയും അതിരടയാളവും ആക്ട് 9(1) പ്രകാരം പൂർത്തിയാക്കിയിട്ടുണ്ട്. ഇപ്രകാരം തയ്യാറാക്കിയിട്ടുള്ള സർവ്വേ റെക്കോർഡുകൾ എന്റെ ഭൂമി പോർട്ടലിലും കോടംതുരുത്ത് വില്ലേജ് ഓഫീസിന് മുകളിൽ പ്രവർത്തിക്കുന്ന ഡിജിറ്റൽ സർവ്വേ ക്യാമ്പ് ഓഫീസിലും പ്രദർശിപ്പിച്ചിട്ടുണ്ട്. ഭൂവുടമസ്ഥർക്ക് http://entebhoomi.kerala.gov.in പോർട്ടൽ സന്ദർശിച്ച് തങ്ങളുടെ ഭൂമിയുടെ രേഖകൾ ഓൺലൈനായി പരിശോധിക്കാം.

പട്ടികജാതി വികസന വകുപ്പിന് കീഴിൽ മണ്ണന്തല അംബേദ്ക്കർ ഭവനിൻ പ്രവർത്തിക്കുന്ന ഇൻസ്റ്റിറ്റ്യൂട്ട് ഫോർ സിവിൽ സർവ്വീസ് എക്സാമിനേഷൻ ട്രെയിനിംഗ് സൊസൈറ്റി നടപ്പിലാക്കുന്ന ലക്ഷ്യ സ്കോളർഷിപ്പ് പദ്ധതിയിലേയ്ക്കും, പട്ടികജാതി പട്ടികവർഗ്ഗ വിഭാഗക്കാർക്കായി കേരള സ്റ്റേറ്റ് സിവിൽ സർവ്വീസ് അക്കാഡമിയുടെ കീഴിൽ സിവിൽ സർവ്വീസ് പരീക്ഷാ പരിശീലന പദ്ധതിയിലേയ്ക്കും അപേക്ഷകൾ ക്ഷണിച്ചു. അംഗീകൃത സർവ്വകലാശാലയിൽ നിന്നുമുള്ള ബിരുദമാണ് അപേക്ഷിക്കുന്നതിനുള്ള അടിസ്ഥാന യോഗ്യത.

പുതിയ അദ്ധ്യയന വർഷം (2026-27) സ്‌കൂൾ തുറക്കുന്നതിനോടനുബന്ധിച്ച് തൃശ്ശൂർ റീജിയണൽ ട്രാൻസ്പോർട്ട് ഓഫീസിന് കീഴിലുള്ള സ്‌കൂൾ ബസ്സുകളുടെ മൺസൂൺകാല ഫിറ്റ്നസ് പരിശോധന
നാളെ (13/05/2026) നടക്കും. നാളെ രാവിലെ 8.00 മണി മുതൽ അത്താണിയിലുള്ള ഡ്രൈവിംഗ് ടെസ്റ്റ് ഗ്രൗണ്ടിൽ വെച്ചാണ് പരിശോധന സംഘടിപ്പിക്കുന്നത്. എല്ലാ സ്‌കൂൾ അധികൃതരും അവരവരുടെ സ്‌കൂൾ ബസ്സുകൾ അന്നേ ദിവസം പരിശോധനയ്ക്കായി ഹാജരാക്കണമെന്ന് തൃശ്ശൂർ റീജിയണൽ ട്രാൻസ്പോർട്ട് ഓഫീസർ അറിയിച്ചു.

കുടുംബശ്രീ പദ്ധതികളുടെ ബ്ലോക്ക് തല നിർവഹണത്തിന് കോ-ഓർഡിനേറ്റർമാരുടെ  ഒഴിവിലേക്ക് അപേക്ഷ ക്ഷണിച്ചു. ഒരു വർഷത്തേക്ക് കരാറടിസ്ഥാനത്തിലാണ് നിയമനം. കുടുംബശ്രീ അംഗമോ, അവരുടെ കുടുംബാംഗമോ, ഓക്‌സിലറി അംഗമോ ആയവർക്ക് അപേക്ഷിക്കാം. പ്രായം 35 വയസിൽ താഴെയായിരിക്കണം. ബ്ലോക്ക് കോ-ഓർഡിനേറ്റർ (എസ്.ഐ.എസ്.ഡി-ഡി.ഡി.യു.ജി.കെ.വൈ- ബി.സി1) തസ്തികയിൽ നിലവിൽ നാല് ഒഴിവുണ്ട്. ബിരുദാനന്തര ബിരുദമാണ് യോഗ്യത. ബ്ലോക്ക് കോ-ഓർഡിനേറ്റർ (ഫാം ലൈവ്ലിഹുഡ്- ബി.സി2) തസ്തികയിൽ ഒരൊഴിവാണ് നിലവിലുള്ളത്. യോഗ്യത: വിച്ച് എസ് ഇ(അഗ്രി).

ഗർഭാശയഗള കാൻസറിനെ പ്രതിരോധിക്കുന്നതിന് 14 വയസ്സ് പൂർത്തിയായ പെൺകുട്ടികൾക്ക് സർക്കാർ ആരോഗ്യകേന്ദ്രങ്ങളിലൂടെ  നൽകുന്ന എച്ച് പി വി വാക്സിൻ മെയ് 31 വരെ ലഭ്യമാകും. പൊതു വിപണിയിൽ 4000 രൂപവരെ വിലവരുന്ന വാക്സിനാണ് തികച്ചും സൗജന്യമായി ലഭ്യമാക്കുന്നത്.

വിദേശരാജ്യങ്ങളിലും ഇന്ത്യയിൽ സ്വകാര്യ മേഖലയിലും സുരക്ഷിതമായി നൽകിവരുന്ന വാക്സിൻ ഫെബ്രുവരി 28 മുതൽ സർക്കാർ ആശുപത്രികളിലൂടെ സൗജന്യമായി ലഭ്യമാക്കുന്നുണ്ട്.

ജില്ലയിൽ ഇതുവരെ 6363 പെൺകുട്ടികൾ വാക്സിൻ സ്വീകരിച്ചിട്ടുണ്ട്. സംസ്ഥാനതലത്തിൽ 76417 പെൺകുട്ടികൾക്കും വാക്സിൻ ലഭ്യമാക്കിയിട്ടുണ്ട്. 

 വിയ്യൂർ സെൻട്രൽ പ്രിസൺ ആൻഡ് കറക്ഷൻ ഹോമിലെ പന്നി ഫാമിൽ  വളർച്ച എത്തിയ പന്നികളെ പരസ്യമായി ലേലം ചെയ്യും.  വാങ്ങാൻ താത്പര്യമുള്ളവർ മെയ് 14ന്  രാവിലെ 11 മണിക്ക് വിയ്യൂർ സെൻട്രൽ ആൻഡ് കളക്ഷൻ ഹോമിൽ നടത്തുന്ന പരസ്യ ലേലത്തിൽ പങ്കെടുക്കുക. കൂടുതൽ വിവരങ്ങൾക്ക് ഫോൺ :9020599991.
 

ആലപ്പുഴ എംപ്ലോയബിലിറ്റി സെന്റർ മുഖേന ജില്ലയിലെ നാല് പ്രമുഖ സ്വകാര്യ സ്ഥാപനങ്ങളിലെ വിവിധ ഒഴിവുകളിലേക്ക് നിയമനം നടത്തുന്നു. എസ്.എസ്.എൽ.സി., പ്ലസ് ടു, ഐ.റ്റി.ഐ., വിവിധ വിഷയങ്ങളിലെ ഡിപ്ലോമ (ഓട്ടോമൊബൈൽ/മെക്കാനിക്കൽ/ഇലക്ട്രോണിക്സ്/റോബോട്ടിക്സ് ആൻഡ് എ.ഐ./എംബഡഡ് സിസ്റ്റം എന്നിവയിൽ പോളിടെക്നിക്  ഡിപ്ലോമ), ബിരുദം, ബി.എസ്.സി. (ഫിസിക്സ്/ഇലക്ട്രോണിക്സ്/സി.എസ്), ബി.സി.എ., ബി.ടെക്. (സി.എസ്./ഇലക്ട്രോണിക്സ്/ഓട്ടോമൊബൈൽ/മെക്കാനിക്കൽ) യോഗ്യതയുള്ളവർക്ക് പങ്കെടുക്കാം. എംപ്ലോയബിലിറ്റി സെന്ററിൽ രജിസ്റ്റർ ചെയ്തവർക്കും അല്ലാത്തവരുമായ 18-നും 45-നും ഇടയിൽ പ്രായമുള്ള ഉദ്യോഗാർഥികൾക്ക് അവസരമുണ്ട്.

   മതിലകം ബ്ലോക്കിലെ മൊബൈൽ വെറ്റിനറി യൂണിറ്റിലേക്ക്  പാരാവെറ്റ് നിയമനം നടത്തുന്നു.  ഉദ്യോഗാർത്ഥികൾ വി എച്ച് എസ് ഇ പാസായവരും കേരള വെറ്റിനറി ആൻഡ് അനിമൽ സയൻസ് അല്ലെങ്കിൽ കേരള അഗ്രികൾച്ചർ യൂണിവേഴ്സിറ്റിയിൽ നിന്ന് വെറ്റിനറി ലബോറട്ടറി ടെക്നിക്സ് ഫാർമസി ആൻഡ് നേഴ്സിംഗിൽ പരിശീലനം ലഭിച്ചവരാകണം.

ഈ യോഗ്യതയുള്ള ഉദ്യോഗാത്ഥികളുടെ അഭാവത്തിൽ വി എച്ച് എസ് ഇ ലൈഫ് സ്റ്റോക്ക് മാനേജ്മെന്റ് അല്ലെങ്കിൽ വി എച്ച് എസ് ഇ നാഷണൽ സ്കിൽ ക്വാളിഫിക്കേഷൻ ഫ്രെയിം വർക്ക് (എൻ എസ് ക്യൂ എഫ്) ബന്ധപ്പെട്ട ഡയറി ഫാർമർ എന്റർപ്രെനെർ (ഡിഎഫ്ഇ ),സ്മാൾ പൗൾട്രി ഫാർമർ എന്നീ യോഗ്യതകളുള്ളവരേയും പരിഗണിക്കും.

ജില്ലയിലെ വിവിധ ബ്ലോക്കുകളിൽ മൃഗസംരക്ഷണ വകുപ്പിന് കീഴിൽ പ്രവർത്തിക്കുന്ന മൊബൈൽ വെറ്റിനറി യൂണിറ്റിലേക്ക് കരാർ അടിസ്ഥാനത്തിൽ വെറ്ററിനറി സർജന്മാരെ നിയമിക്കുന്നു.89 ദിവസത്തേക്കാണ് നിയമനം. വെറ്ററിനറി സയൻസിൽ ബിരുദവും, വെറ്ററിനറി കൗൺസിൽ രജിസ്ട്രേഷനുമാണ് യോഗ്യത. താത്പര്യമുള്ളവർ തൃശൂർ അയ്യന്തോൾ സിവിൽ സ്റ്റേഷൻ രണ്ടാം നിലയിൽ പ്രവർത്തിക്കുന്ന ജില്ലാ മൃഗസംരക്ഷണ ഓഫീസിൽ മെയ് 15 വെള്ളിയാഴ്ച രാവിലെ 11 മണിക്ക് നടത്തുന്ന അഭിമുഖത്തിൽ ബന്ധപ്പെട്ട രേഖകൾ സഹിതം ഹാജരാകണം. കൂടുതൽ വിവരങ്ങൾക്ക് ഫോൺ:0487 2361216.
 

പട്ടികവർഗ്ഗ വികസന വകുപ്പിന്റെ നിയന്ത്രണത്തിൽ പെൺകുട്ടികൾക്കായി പ്രവർത്തിക്കുന്ന ചാലക്കുടി മോഡൽ റെസിഡൻഷ്യൽ സ്കൂളിൽ 2026-27 അധ്യയന വർഷത്തിൽ കരാർ അടിസ്ഥാനത്തിൽ താത്ക്കാലിക നിയമനം നടത്തുന്നതിന് വാക്ക്-ഇൻ ഇന്റർവ്യൂ നടത്തുന്നു. കമ്പ്യൂട്ടർ ഇൻസ്ട്രക്ടർ, ലൈബ്രേറിയൻ എന്നീ തസ്തികയിലേക്കാണ് ഒഴിവുള്ളത്.