2025 - 26 വർഷത്തെ ജില്ലാപഞ്ചായത്ത് വാർഷിക പദ്ധതിയിൽ ഉൾപ്പെടുത്തി ജില്ലയിലെ നാല് പട്ടികവർഗ കലാ സംഘങ്ങൾക്ക് വാദ്യോപകരണങ്ങൾ വിതരണം ചെയ്തു. മുണ്ടേരി പ്രീ – മെട്രിക് ഹോസ്റ്റലിൽ ജില്ലാ പഞ്ചായത്ത് പ്രസിഡന്റ് ചന്ദ്രിക കൃഷ്ണൻ ഉദ്ഘാടനം ചെയ്തു. ജില്ലാ കളക്ടർ  ഡി.ആർ മേഘശ്രീ മുഖ്യാതിഥിയായി. കൽപറ്റ മുനിസിപ്പാലിറ്റി ചെയർമാൻ പി വിശ്വനാഥൻ അധ്യക്ഷനായി.

പട്ടിക വർഗ വികസന വകുപ്പ് 2025 - 26 വർഷത്തെ പണിയ വിഭാഗക്കാർക്കുള്ള പ്രത്യേക പാക്കേജ് പദ്ധതിയിൽ ഉൾപ്പെടുത്തി വൈത്തിരി താലൂക്കിലെ ഏഴ് പട്ടികവർഗ കലാ സംഘങ്ങൾക്ക് വാദ്യോപകരണങ്ങൾ വിതരണം ചെയ്തു. കൽപറ്റ മുണ്ടേരി പ്രീ – മെട്രിക് ഹോസ്റ്റലിൽ ജില്ലാ പഞ്ചായത്ത് പ്രസിഡന്റ് ചന്ദ്രിക കൃഷ്ണൻ ഉദ്ഘാടനം ചെയ്തു. ജില്ലാ കളക്ടർ ഡി.ആർ മേഘശ്രീ  വാദ്യോപകരണങ്ങളുടെ വിതരണം നടത്തി.

കൽപറ്റ മുനിസിപ്പൽ ചെയർമാർ പി വിശ്വനാഥൻ അധ്യക്ഷനായി. കൽപറ്റ മുനിസിപ്പൽ കൗൺസിലർമാരായ ഒ.സരോജിനി, രവി, ഐ.റ്റി.ഡി.പി പ്രോജക്ട് ഓഫീസർ ജി പ്രമോദ്, ട്രൈബൽ എക്സ്റ്റൻഷൻ ഓഫീസർമാരായ കെ.എൻ സുനിൽ, സി വിനിഷ, എസ്.എസ് രജനികാന്ത് എന്നിവർ പങ്കെടുത്തു.

അധ്യയന വര്‍ഷാരംഭത്തില്‍ വിദ്യാര്‍ഥികള്‍ക്ക് മിതമായ നിരക്കില്‍ നോട്ട്ബുക്കുകളും മറ്റു പഠനോപകരണങ്ങളും ലഭ്യമാക്കുന്നതിനായി മുതലക്കുളം ത്രിവേണി സൂപ്പര്‍മാര്‍ക്കറ്റില്‍ കണ്‍സ്യൂമര്‍ഫെഡ് ഒരുക്കിയ 'ത്രിവേണി മെഗാ സ്റ്റുഡന്റ്‌സ് മാര്‍ക്കറ്റ്' സബ് കലക്ടര്‍ എസ് ഗൗതം രാജ് ഉദ്ഘാടനം ചെയ്തു. കണ്‍സ്യൂമര്‍ഫെഡ് എക്‌സിക്യൂട്ടീവ് ഡയറക്ടര്‍ എം മെഹബൂബ് അധ്യക്ഷനായി. ആദ്യവില്‍പനയും അദ്ദേഹം നിര്‍വഹിച്ചു. റീജണല്‍ മാനേജര്‍ പി കെ അനില്‍കുമാര്‍, അസി. റീജണല്‍ മാനേജര്‍ വൈ എം പ്രവീണ്‍ എന്നിവര്‍ സംസാരിച്ചു.

മഴക്കാല മുന്നൊരുക്കങ്ങളുടെ ഭാഗമായി അറ്റകുറ്റ പ്രവൃത്തികൾ നടക്കുന്നതിനാൽ കൽപ്പറ്റ ഇലക്ട്രിക്കൽ സെക്ഷൻ പരിധിയിൽ വരുന്ന എസ്.കെ.എം.ജെ സ്കൂൾ, സിവിൽ സ്റ്റേഷൻ, എസ്.പി ഓഫീസ്, കാരാപ്പുഴ എന്നിവിടങ്ങളിൽ ഇന്നും നാളെയും (ശനി, ഞായർ)  പൂർണമായോ ഭാഗികമായോ വൈദ്യുതി മുടങ്ങുമെന്ന് അസിസ്റ്റൻ്റ് എൻജിനീയർ അറിയിച്ചു.

ജില്ലയിലെ എല്ലാ തദ്ദേശ സ്വയം ഭരണ സ്ഥാപനങ്ങളിലും തുല്യത പഠന കേന്ദ്രങ്ങൾ ആരംഭിക്കുമെന്ന് ജില്ലാ പഞ്ചായത്ത് പ്രസിഡന്റ്‌ ചന്ദ്രിക കൃഷ്ണൻ. ജില്ലാ സാക്ഷരതാ മിഷന്റെ ആഭിമുഖ്യത്തിൽ സംഘടിപ്പിക്കുന്ന തുല്യത കോഴ്സുകളുടെ ജില്ലാതല രജിസ്ട്രേഷൻ ക്യാമ്പയിനിന്റെ  ഉദ്ഘാടനം നിർവ്വഹിച്ചു സംസാരിക്കുകയായിരുന്നു അവർ. വിദ്യാഭ്യാസ രംഗത്ത് നിന്ന് വിവിധ കാരണങ്ങളാൽ പുറത്തുപോയവരെ മുഖ്യധാരയിലേക്ക് എത്തിക്കുന്നതിൽ തുല്യതാ കോഴ്സുകൾ നിർണ്ണായക പങ്കുവഹിക്കുന്നുണ്ടെന്നും ജില്ലയിലെ അർഹരായ മുഴുവൻ ആളുകളെയും സാക്ഷരതാ പദ്ധതിയുടെ ഭാഗമാക്കാൻ വിപുലമായ പ്രവർത്തനങ്ങൾ നടത്തുമെന്നും ജില്ലാ പഞ്ചായത്ത് പ്രസിഡന്റ്‌ പറഞ്ഞു.

ജില്ലയില്‍ ഇതുവരെ 4,794 പേര്‍ക്ക് വാക്‌സിന്‍ നല്‍കി

വെള്ളമുണ്ട ഇലക്ട്രിക്കൽ സെക്ഷൻ പരിധിയിലെ അംബേദ്കർ - തോണിച്ചാൽ റോഡ്, കടത്തനാട് കളരി റോഡ് എന്നിവിടങ്ങളിൽ ഇന്ന് (ശനിയാഴ്ച) രാവിലെ 8.30 മുതൽ വൈകുന്നേരം 5.30വരെ വൈദ്യുതി വിതരണം ഭാഗികമായി തടസപ്പെടും.

ഗതാഗത നിയന്ത്രണം

ബാലുശ്ശേരി കുറുമ്പൊയില്‍-വയലട-തലയാട് റോഡില്‍ ഭിത്തി നിര്‍മാണം നടക്കുന്നതിനാല്‍ മെയ് 12 മുതല്‍ പ്രവൃത്തി പൂര്‍ത്തിയാകുന്നത് വരെ വലിയ വാഹനങ്ങള്‍/ഭാരം കൂടിയ വാഹനങ്ങള്‍ എന്നിവ നിരോധിച്ചതായി എക്‌സിക്യൂട്ടീവ് എഞ്ചിനീയര്‍ അറിയിച്ചു.

ശുചിത്വ മിഷനില്‍ ഇന്റേണ്‍ 

ജില്ലാ വനിതാ സംരക്ഷണ ഓഫീസിലെ ഔദ്യോഗിക ആവശ്യത്തിന് ഉപയോഗിക്കുന്നതിനായി വാഹനം വാടകയ്ക്ക് എടുക്കുന്നതിന് ടെണ്ടർ ക്ഷണിച്ചു. പ്രതിമാസം 1500 കിലോമീറ്ററിന് പരമാവധി 30,000 രൂപ വാടക നൽകും. ഏഴ് വർഷത്തിൽ താഴെ കാലപ്പഴക്കമുള്ള വാഹനങ്ങൾ ലഭ്യമാക്കാൻ താത്പര്യമുള്ളവർ മെയ് 22 ഉച്ചയ്ക്ക് 12ന് മുമ്പ് ടെണ്ടറുകൾ സമർപ്പിക്കണം. ഫോൺ: 04936 206616, 8281999063