സോഷ്യല്‍ ഫോറസ്ട്രി വിഭാഗത്തിന്റെ ആഭിമുഖ്യത്തില്‍ ലോക പരിസ്ഥിതി ദിനം ജില്ലാതല ഉദ്ഘാടനം ജില്ലാ പഞ്ചായത്ത് പ്രസിഡന്റ് അഡ്വ. കെ. ശാന്തകുമാരി ജില്ലാ ജയില്‍ സൂപ്രണ്ട് കെ. അനില്‍കുമാറിന് മാവിന്‍ തൈ നല്‍കി  നിര്‍വഹിച്ചു. പരിപാടിയില്‍ പങ്കെടുക്കാനെത്തിയ അതിഥികളും ജീവനക്കാരും ചേര്‍ന്ന് 200 വൃക്ഷത്തൈകള്‍ ജയില്‍ വളപ്പിലും മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ ഭാഗമായി 80 അംഗങ്ങള്‍ 500 തണല്‍ മരങ്ങള്‍ ജയിലിനു പുറത്തുള്ള പാതയോരത്തും  നട്ടു.

ലോക പരിസ്ഥിതി ദിനത്തോടനുബന്ധിച്ച് സാംസ്‌കാരിക വകുപ്പിനു കീഴിലെ വിവിധ സാംസ്‌കാരിക സ്ഥാപനങ്ങളും വജ്രജൂബിലി ഫെലോഷിപ്പ്  കലാകാരന്മാരും പഠിതാക്കളും ചേര്‍ന്ന് ഒരു ലക്ഷം വൃക്ഷത്തൈകള്‍ നട്ടു പിടിപ്പിക്കുന്ന ക്യാംപെയിന്‍ 'ഹരിതം- നാളേക്കൊരു തണലായി' പരിപാടിയുടെ സംസ്ഥാനതല ഉദ്ഘാടനം പട്ടികജാതി, പട്ടികവര്‍ഗ, പിന്നാക്ക ക്ഷേമ, നിയമ, സാംസ്‌കാരിക, പാര്‍ലമെന്ററികാര്യവകുപ്പ് മന്ത്രി എ. കെ ബാലന്‍ പാലക്കാട്  ജില്ല കലക്ട്രേറ്റ് വളപ്പില്‍ മരത്തൈ നട്ട് നിര്‍വഹിച്ചു.

ഫിഷറീസ് വകുപ്പ് നടപ്പിലാക്കുന്ന ജനകീയ മത്സ്യകൃഷിയില്‍ ഉള്‍പ്പെടുത്തിയുള്ള വിവിധ പദ്ധതികള്‍ക്ക് ജില്ലയിലെ കര്‍ഷകര്‍ക്ക് അപേക്ഷിക്കാം. ശാസ്ത്രീയ കാര്‍പ്പ് മല്‍സ്യ കൃഷി, നൈല്‍ തിലാപ്പിയ കൃഷി, പങ്കേഷ്യസ് മത്സ്യകൃഷി, ശുദ്ധജലത്തിലെ കൂട്കൃഷി, റീസര്‍ക്കുലേറ്ററി അക്വാകള്‍ച്ചര്‍ സിസ്റ്റം, ബയോ ഫ്ളോക് യൂണിറ്റ് എന്നിവയാണ് പദ്ധതികള്‍. കൂടുതല്‍ വിവരങ്ങള്‍ക്കും അപേക്ഷാഫോമുകള്‍ക്കും തദ്ദേശസ്വയംഭരണ സ്ഥാപനങ്ങളിലെ അക്വാകള്‍ച്ചര്‍ പ്രമോട്ടര്‍മാരെയോ മലമ്പുഴ ഫിഷറീസ് ഡെപ്യൂട്ടി ഡയറക്ടര്‍ ഓഫീസുമായി ബന്ധപ്പെടണമെന്ന് മലമ്പുഴ ഫിഷറീസ് ഡെപ്യൂട്ടി ഡയറക്ടര്‍ അറിയിച്ചു. ഫോണ്‍ : 0491-2815245, 0491-2816061.

ഗവ. വിക്ടോറിയ കോളേജില്‍ കമ്പ്യൂട്ടര്‍ സയന്‍സ് വകുപ്പില്‍ ഗസ്റ്റ് ലക്ചറര്‍ ഒഴിവ്. യുജിസി നെറ്റ് യോഗ്യത ഉള്ളവര്‍ക്ക് മുന്‍ഗണന. ഇവരുടെ അഭാവത്തില്‍ 55 ശതമാനത്തില്‍ കുറയാത്ത മാര്‍ക്ക് ബിരുദാനന്തര ബിരുദ തലത്തില്‍ നേടിയിട്ടുള്ളവരെയും പരിഗണിക്കും. അര്‍ഹരായവര്‍ ബന്ധപ്പെട്ട അസ്സല്‍ രേഖകളുമായി ജൂണ്‍ 11 ന് രാവിലെ 11 ന് കോളേജ് ഓഫീസില്‍ എത്തണമെന്ന് പ്രിന്‍സിപ്പല്‍ അറിയിച്ചു. തൃശ്ശൂരിലുള്ള കോളേജ് വിദ്യാഭ്യാസ ഡെപ്യൂട്ടി ഡയറക്ടറേറ്റ് ഓഫീസില്‍ പേര് രജിസ്റ്റര്‍ ചെയ്തവര്‍ക്കാണ് കൂടിക്കാഴ്ചയില്‍ പങ്കെടുക്കാന്‍ അവസരം. ഫോണ്‍ : 0491-2576773, 0491-2576780.

ഗവ. വിക്ടോറിയ കോളേജില്‍ സ്റ്റാറ്റിസ്റ്റിക്സ് വകുപ്പില്‍ ഗസ്റ്റ് ലക്ചറര്‍ ഒഴിവ്. യു.ജി.സി നെറ്റ് യോഗ്യത ഉള്ളവര്‍ക്ക് മുന്‍ഗണന. ഇവരുടെ അഭാവത്തില്‍ 55 ശതമാനത്തില്‍ കുറയാത്ത മാര്‍ക്ക് ബിരുദാനന്തര ബിരുദ തലത്തില്‍ നേടിയിട്ടുള്ളവരെയും പരിഗണിക്കും. അര്‍ഹരായവര്‍ ബന്ധപ്പെട്ട അസ്സല്‍ രേഖകളുമായി ജൂണ്‍ 15 ന് രാവിലെ 11 ന് കോളേജ് ഓഫീസില്‍ എത്തണമെന്ന് പ്രിന്‍സിപ്പല്‍ അറിയിച്ചു. തൃശ്ശൂരിലുള്ള കോളേജ് വിദ്യാഭ്യാസ ഡെപ്യൂട്ടി ഡയറക്ടറേറ്റ് ഓഫീസില്‍ പേര് രജിസ്റ്റര്‍ ചെയ്തവര്‍ക്കാണ് കൂടിക്കാഴ്ചയില്‍ പങ്കെടുക്കാന്‍ അവസരം. ഫോണ്‍ : 0491-2576773, 0491-2576780.