തിരുവനന്തപുരം ഗവ. ആര്‍ട്‌സ് കോളേജില്‍ അറബിക് വിഷയത്തില്‍ ഗസ്റ്റ് ലക്ചററുടെ ഒരു ഒഴിവിലേക്ക് യു.ജി.സി നിബന്ധന പ്രകാരമുളള യോഗ്യതയുളളവരെ പരിഗണിക്കും. യു.ജി.സി യോഗ്യതയുളള ഉദ്യോഗാര്‍ത്ഥികളുടെ അഭാവത്തില്‍ 55 ശതമാനത്തില്‍ കുറയാത്ത മാര്‍ക്കോടുകൂടി അറബിക് വിഷയത്തില്‍ ബിരുദാനന്തര ബിരുദം നേടിയവരെയും പരിഗണിക്കും. ഉദ്യോഗാര്‍ത്ഥികള്‍ കൊല്ലം ഡെപ്യൂട്ടി ഡയറക്ടറേറ്റില്‍ പേര് രജിസ്റ്റര്‍ ചെയ്തവരായിരിക്കണം. വിദ്യാഭ്യാസ യോഗ്യതകള്‍, ജനനതീയതി, മുന്‍പരിചയം എന്നിവ തെളിയിക്കുന്ന അസല്‍ രേഖകള്‍ സഹിതം ആഗസ്റ്റ് നാലിന് രാവിലെ 10ന് കോളേജ് പ്രിന്‍സിപ്പലിന്റെ ഓഫീസിലെത്തണം. ഫോണ്‍: 0471 2323040

കേരളത്തിലെ വിവിധ സര്‍ക്കാര്‍ /എയ്ഡഡ്/സര്‍ക്കാര്‍ നിയന്ത്രിത സ്വാശ്രയ എന്‍ജിനീയറിങ് കോളേജുകളിലെ എം.ടെക് സീറ്റുകളില്‍ സ്‌പോട്ട് അഡ്മിഷന്‍ ഓഗസ്റ്റ് എട്ട്, ഒന്‍പത് തീയതികളില്‍ തിരുവനന്തപുരം കോളേജ് ഓഫ് എന്‍ജിനീയറിങ്ങില്‍ (സി.ഇ.റ്റി) നടക്കും. വിശദവിവരങ്ങള്‍ www.admissions.dtekerala.gov.in, www.dtekerala.gov.in, www.cet.ac.in എന്നിവയില്‍ ലഭിക്കും.

പി.എന്‍.എക്‌സ്.3344/17

നവരാത്രി ഉത്‌സവത്തിന്റെ വിഗ്രഹം എഴുന്നള്ളിക്കുന്നതിനൊപ്പമുള്ള വാഹനങ്ങളില്‍ പരസ്യബോര്‍ഡുകള്‍ അനുവദിക്കില്ലെന്ന് തീരുമാനിച്ചു. ദേവസ്വം മന്ത്രി കടകംപള്ളി സുരേന്ദ്രന്റെ അദ്ധ്യക്ഷതയില്‍ നടന്ന ബന്ധപ്പെട്ട ഉദ്യോഗസ്ഥരുടെ ആലോചനാ യോഗത്തിലാണ് തീരുമാനം. വാഹനങ്ങളില്‍ സ്പീക്കറുകള്‍ ഉപയോഗിക്കാന്‍ പോലീസിന്റെ മുന്‍കൂര്‍ അനുമതി വാങ്ങണം. എം. എല്‍. എ, നഗരസഭാധ്യക്ഷ, റവന്യു ഉദ്യോഗസ്ഥര്‍, പോലീസ് എന്നിവരുടെ നേതൃത്വത്തില്‍ നെയ്യാറ്റിന്‍കരയില്‍ വിഗ്രഹത്തിന് സ്വീകരണം നല്‍കും. ചെന്തിട്ട, പത്മനാഭസ്വാമി ക്ഷേത്ര പരിസരമുള്‍പ്പെടെ അഞ്ച് കിലോമീറ്റര്‍ ചുറ്റളവ് ഉത്‌സവ മേഖലയായി പ്രഖ്യാപിക്കും.

കേന്ദ്ര ന്യൂനപക്ഷ മന്ത്രാലയം കേരളത്തിലും മറ്റ് സംസ്ഥാനങ്ങളിലും പഠിക്കുന്ന ന്യൂനപക്ഷ വിഭാഗങ്ങളായ മുസ്ലിം, ക്രിസ്ത്യന്‍, ബുദ്ധ,ജൈന,സിഖ്,പാഴ്‌സി വിഭാഗങ്ങളില്‍പ്പെട്ടതും വിവിധ സാങ്കേതിക/പ്രൊഫഷണല്‍ ബിരുദ/ബിരുദാനന്തര കോഴ്‌സുകള്‍ക്ക് പഠിക്കുന്നതുമായ കേരളീയരായ വിദ്യാര്‍ത്ഥികള്‍ക്ക് നല്‍കുന്ന മെരിറ്റ്-കം-മീന്‍സ് സ്‌കോളര്‍ഷിപ്പ് പുതുക്കലിന് അപേക്ഷിക്കാനുള്ള തീയതി ആഗസ്റ്റ് 31 വരെ നീട്ടി. അപേക്ഷ സമര്‍പ്പിക്കുന്നതിനുള്ള വിശദവിവരങ്ങള്‍ www.detekerala.gov.in ല്‍ എം.സി.എം സ്‌കോളര്‍ഷിപ്പ് ലിങ്കില്‍ ലഭ്യമാണ്. കൂടുതല്‍ വിവരങ്ങള്‍ക്ക് 0471-2561214, 9497723630.

കേരള സര്‍ക്കാറിന്റെ കീഴിലുള്ള സഹകരണ യൂണിയന്റെ കേരള ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റില്‍ (കിക്മ) എം.ബി.എ (ഫുള്‍ടൈം) കോഴ്‌സില്‍ ഒഴിവുള്ള സീറ്റിലേക്ക് പ്രവേശനത്തിന് ആഗസ്റ്റ് മൂന്ന്, നാല് തീയതികളില്‍ കിക്മ ക്യാമ്പസില്‍ രാവിലെ 10 മുതല്‍ നടത്തും. കൂടുതല്‍ വിവരങ്ങള്‍ 8547618290/9895021279 എന്നീ നമ്പരുകളിലും www.kicmakerala.in ലും ലഭ്യമാണ്.

പി.എന്‍.എക്‌സ്.3346/17

സാങ്കേതികാടിത്തറയില്‍ കയര്‍മേഖലയെ പുനഃസംഘടിപ്പിച്ച് ആധുനീകരിക്കും -മന്ത്രി ഡോ. തോമസ് ഐസക്

പട്ടിക ജാതി വികസന വകുപ്പിന്റെ തിരുവനന്തപുരം, കൊല്ലം, പത്തനംതിട്ട ജില്ലകളിലെ ഐ.റ്റി.ഐ കളിലേക്ക് ഇന്ന് (ആഗസ്റ്റ് രണ്ട്) ദക്ഷിണമേഖല ട്രെയിനിംഗ് ഇന്‍സ്‌പെക്ടര്‍ ഓഫീസില്‍ നടത്താനിരുന്ന ഗസ്റ്റ് ഇന്‍സ്ട്രക്ടര്‍ ഇന്റര്‍വ്യൂ ആഗസ്റ്റ് നാലിലേക്ക് മാറ്റി.

പി.എന്‍.എക്‌സ്.3348/17

പത്രപ്രവര്‍ത്തക പെന്‍ഷന്‍ പദ്ധതിയില്‍ അംശദായക കുടിശിക വരുത്തിയവര്‍ക്ക് ആഗസ്റ്റ് 31 വരെ ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിന്റെ ജില്ല/മേഖലാ ഓഫീസുകളില്‍ 15 ശതമാനം പിഴയോടെ കുടിശിക തുക അടയ്ക്കാം. തുക ഒറ്റത്തവണയായി അടയ്ക്കണം. പത്ര സ്ഥാപനത്തില്‍ തുടരുന്നത് സംബന്ധിച്ച പേ സ്ലിപ് ഉള്‍പ്പെടെയുളള രേഖകള്‍ തുക അടയ്ക്കുന്ന വേളയില്‍ ഹാജരാക്കണമെന്ന് ഇന്‍ഫര്‍മേഷന്‍ പബ്ലിക് റിലേഷന്‍സ് ഡയറക്ടര്‍ അറിയിച്ചു. പി.എന്‍.എക്‌സ്.3349/17

തിരുവനന്തപുരം നഗരസഭയില്‍ ജനന-മരണ-വിവാഹ രജിസ്‌ട്രേഷന്‍ അദാലത്ത് സംഘടിപ്പിച്ചു. സംസ്ഥാനത്തെ തദ്ദേശ സ്ഥാപനങ്ങളില്‍ കെട്ടിക്കിടക്കുന്ന അപേക്ഷകളിന്‍മേല്‍ സത്വരനടപടി സ്വീകരിക്കാന്‍ കര്‍ശന നിര്‍ദ്ദേശം നല്‍കിയിട്ടുണ്ടെന്ന് തദ്ദേശ സ്വയംഭരണ വകുപ്പ് മന്ത്രി കെ.ടി. ജലീല്‍ പറഞ്ഞു. ഇതിനായി മൂന്നു മാസത്തിലൊരിക്കല്‍ തദ്ദേശ സ്ഥാപനങ്ങളില്‍ ഫയല്‍ അദാലത്തുകള്‍ സംഘടിപ്പിക്കും. കെട്ടിക്കിടക്കുന്ന എല്ലാ പരാതികള്‍ക്കും ഒരു വര്‍ഷത്തിനുള്ളില്‍ പരിഹാരമാകുമെന്നും മന്ത്രി പറഞ്ഞു. തിരുവനന്തപുരം നഗരസഭയില്‍ ആരംഭിച്ച ജനന-മരണ-വിവാഹ രജിസ്‌ട്രേഷന്‍ അദാലത്ത് സന്ദര്‍ശിച്ച് സംസാരിക്കുകയായിരുന്നു മന്ത്രി.