ഒന്ന്, രണ്ട് വര്‍ഷത്തെ നഴ്‌സറി ടീച്ചേഴ്‌സ് എഡ്യൂക്കേഷന്‍ കോഴ്‌സ് പരീക്ഷ 2018 മാര്‍ച്ച് 12 വരെ നടത്തും. പരീക്ഷാ ഫീസും പൂരിപ്പിച്ച അപേക്ഷയും 2017 ഡിസംബര്‍ 20 വരെയും 10 രൂപ പിഴയോടുകൂടി ഡിസംബര്‍ 23 വരെയും പ്രീ-പ്രൈമറി  ഇന്‍സ്റ്റിറ്റ്യൂട്ടിലെ പ്രിന്‍സിപ്പാളിനെ ഏല്‍പ്പിക്കണം. പരീക്ഷ സംബന്ധിച്ച കൂടുതല്‍ വിവരങ്ങള്‍ www.keralapareekshabhavan.in ല്‍ ലഭ്യമാണ്.

പി.എന്‍.എക്‌സ്.4806/17

ജില്ലാ  എംപ്ലോയ്‌മെന്റ് എക്‌സ്‌ചേഞ്ചിന്റെ കീഴിലുളള എംപ്ലോയബിലിറ്റി സെന്റര്‍ മുഖേന സ്വകാര്യസ്ഥാപനങ്ങളിലെ ഒഴിവുളള വിവിധ തസ്തികകളിലേക്ക് എംപ്ലോയ്‌മെന്റ് എക്‌സ്‌ചേഞ്ചില്‍ നവംബര്‍ 15ന് രാവിലെ 10.30ന് അഭിമുഖം നടത്തുന്നു. 

യോഗ്യത:-എസ്.എസ്.എല്‍.സി പ്ലസ് ടു, ഡിഗ്രി, ഐ.ടി.ഐ/ഡിപ്ലൊമ ഇലക്‌ട്രോണിക്‌സ് ്, എം.എസ്.സി (ഫിസിക്‌സ് , മാത്‌സ് , കെമിസ്ട്രി , ബയോളജി, എം.കോം, ഹോട്ടല്‍ മാനെജ്‌മെന്റ് ഡിപ്ലൊമ/ഡിഗ്രി.

കേരള ചുമട്ടു  തൊഴിലാളി ക്ഷേമ ബോര്‍ഡ്, സ്‌കാറ്റേഡ് വിഭാഗം പദ്ധതിയില്‍ രജിസ്റ്റര്‍ ചെയ്യുന്നതിനും  കുടിശ്ശിക വരുത്തി  അംഗത്വം നഷ്ടപ്പെട്ടവര്‍ക്ക് പലിശ, പിഴ പലിശ എന്നിവ ഒഴിവാക്കി അംഗത്വം പുതുക്കുന്നതിനും 2018 മാര്‍ച്ച് 31 വരെ അപേക്ഷിക്കാം. 

സംസ്ഥാന ഭൂവിനിയോഗ ബോര്‍ഡ് നടപ്പു സാമ്പത്തിക വര്‍ഷത്തില്‍ നടപ്പിലാക്കുന്ന ബ്ലോക്കുതല ഡാറ്റാ ബാങ്ക്, അനുയോജ്യമായ ഭൂവിനിയോഗ മാതൃകകള്‍ തയ്യാറാക്കല്‍ പദ്ധതികള്‍ക്കായി ഉദ്യോഗാര്‍ത്ഥികളെ കരാര്‍ അടിസ്ഥാനത്തില്‍ നിയമിക്കുന്നു. വാക്-ഇന്‍-ഇന്റര്‍വ്യൂ നവംബര്‍ 14 ന് വികാസ് ഭവനിലെ ഭൂവിനിയോഗ ബോര്‍ഡ് ഓഫീസില്‍ നടക്കും. റിസര്‍ച്ച് അസിസ്റ്റന്റ് (ഐ.ടി), ടെക്‌നിക്കല്‍ അസിസ്റ്റന്റ് (ജിയോളജി) എന്നീ തസ്തികകളിലേക്കാണ് ഇന്റര്‍വ്യൂ.

64-മത് സഹകരണ വാരാഘോഷത്തിന്റെ ഭാഗമായി അഞ്ച് സര്‍ക്ക്ള്‍ സഹകരണ യൂനിയനുകളുടെ ആഭിമുഖ്യത്തില്‍ നവംബര്‍ 18ന് താലൂക്ക് കേന്ദ്രങ്ങളില്‍ ജൈവകൃഷി , വൃക്ഷതൈകള്‍,പച്ചക്കറി കൃഷി, മഴക്കുഴി നിര്‍മാണം, മാലിന്യ സംസ്‌കരണ പ്രവര്‍ത്തനങ്ങള്‍ എന്നിവ നടത്തും. സര്‍ക്കാരിന്റെ ഹരിതകേരളം മിഷന് പിന്തുണ പ്രഖ്യാപിച്ചാണ്  പ്രവര്‍ത്തനങ്ങള്‍. 

നവംബര്‍ 14 മുതല്‍ 20 വരെ വിവിധ വിഷയം സംബന്ധിച്ച സെമിനാറുകള്‍, മോട്ടിവേഷന് ക്ലാസുകള്‍ തുടങ്ങിയവയും നടക്കും. ഇതുമായി ബന്ധപ്പെട്ട് ജില്ലാ സഹകരണ ബാങ്കില്‍ നടന്ന സഹകരണ സംഘങ്ങളുടെ  അവലോകന യോഗത്തില്‍ ജോയിന്റ് രജിസ്ട്രാര്‍ (ജനറല്‍) എം.കെ.ബാബു അധ്യക്ഷനായി.

കൊടുവായൂര്‍ ഹയര്‍ സെക്കന്‍ഡറി സ്‌കൂളില്‍ 2017 മാര്‍ച്ചില്‍ രണ്ടാംവര്‍ഷ പ്ലസ് റ്റു കഴിഞ്ഞ ഒ.ബി.സി.വിദ്യാര്‍ഥികള്‍ക്കുള്ള സ്‌കോളര്‍ഷിപ്പ് തുക വിതരണത്തിന് തയ്യാറായിട്ടുണ്ട്.

അര്‍ഹരായവര്‍ രക്ഷിതാവിനൊപ്പമെത്തി തുക കൈപ്പറ്റണമെന്ന്  പ്രിന്‍സിപ്പല്‍ അറിയിച്ചു. 
 

മണ്ഡല മകരവിളക്ക് തീര്‍ത്ഥാടന കാലത്ത് കുറ്റമറ്റ രീതിയില്‍ കൂടുതല്‍ സര്‍വ്വീസുകള്‍ നടത്താന്‍ കെ.എസ്.ആര്‍.ടി.സി ഉന്നത ഉദ്യോഗസ്ഥരുടെ യോഗത്തില്‍ ഗതാഗത വകുപ്പ് മന്ത്രി തോമസ് ചാണ്ടി നിര്‍ദ്ദേശം നല്‍കി. കഴിഞ്ഞ തീര്‍ത്ഥാടന കാലത്തുണ്ടായ ബുദ്ധിമുട്ടുകള്‍ ആവര്‍ത്തിക്കരുതെന്നും മറ്റു വകുപ്പുകളുമായി എല്ല ഏകോപനം വേണമെന്നുമ മന്ത്രി പറഞ്ഞു. കെ.എസ്.ആര്‍.ടി.സിയ്ക്ക് പാര്‍ക്കിംഗ് ഉള്‍പ്പെടെ ആവശ്യമായ സൗകര്യങ്ങള്‍ ചെയ്തു തരണമെന്ന് വനംവകുപ്പു മന്ത്രിയോട് ഗതാഗത മന്ത്രി ആവശ്യപ്പെട്ടു.

എടത്തനാട്ടുകര ഗവ.ഹയര്‍ സെക്കന്‍ഡറി സ്‌കൂളില്‍ ഹയര്‍ സെക്കന്‍ഡറി വിഭാഗത്തില്‍ എച്ച്.എസ്.എസ്.റ്റി ജൂനിയര്‍ (ഹിസ്റ്ററി, മാത്തമാറ്റിക്‌സ്) ഒഴിവുണ്ട്.

താത്പര്യമുള്ളവര്‍ ഹയര്‍ സെക്കന്‍ഡറി വിഭാഗം ഓഫീസില്‍ നവംബര്‍ 13ന് രാവിലെ 10.30ന് നടക്കുന്ന അഭിമുഖത്തിന് അസ്സല്‍ സര്‍ട്ടിഫിക്കറ്റുകളുമായി എത്തണമെന്ന് പ്രിന്‍സിപ്പല്‍ അറിയിച്ചു. 

മണക്കടവ് വിയറില്‍ ജൂലൈ ഒന്നു മുതല്‍ നവംബര്‍ എട്ട്  വരെ 2519 ദശലക്ഷം ഘനയടി ജലം ലഭിച്ചു. പറമ്പിക്കുളം-ആളിയാര്‍ കരാര്‍ പ്രകാരം 4731 ദശലക്ഷം ഘനയടി ജലം ലഭിക്കാനുള്ളതായി സംയുക്ത ജലക്രമീകരണ വിഭാഗം ജോയിന്റ് ഡയറക്ടര്‍ അറിയിച്ചു. പറമ്പിക്കുളം-ആളിയാര്‍ പദ്ധതി ജലസംഭരണ നില ദശലക്ഷം ഘനയടിയില്‍ താഴെ കൊടുക്കുന്നു. ബ്രാക്കറ്റില്‍ കഴിഞ്ഞ വര്‍ഷത്തെ ജലഭ്യതയുടെ ശതമാനക്കണക്ക്.

തിരുവിതാംകൂര്‍ ദേവസ്വംബോര്‍ഡ് അംഗങ്ങളുടെ കാലാവധി മൂന്നുവര്‍ഷത്തില്‍ നിന്ന് രണ്ടു വര്‍ഷമായി കുറയ്ക്കാന്‍ ഓര്‍ഡിനന്‍സ് പുറപ്പെടുവിക്കുന്നതിന് ഗവര്‍ണറോട് ശുപാര്‍ശ ചെയ്യാന്‍ ഇന്നു കാലത്ത് ചേര്‍ന്ന പ്രത്യേക മന്ത്രിസഭായോഗം തീരുമാനിച്ചു.  1950 ലെ തിരുവിതാംകൂര്‍ - കൊച്ചി ഹിന്ദുമത സ്ഥാപന നിയമം ഭേദഗതി ചെയ്തുകൊണ്ടാണ് ഓര്‍ഡിനന്‍സ് ഇറക്കുന്നത്. തിരുവിതാംകൂര്‍- കൊച്ചി ദേവസ്വം ബോര്‍ഡുകളുടെ പ്രസിഡന്റിന്റേയും അംഗങ്ങളുടേയും ഓണറേറിയം കാലാകാലങ്ങളില്‍ പുതുക്കി നിശ്ചയിക്കാനും സിറ്റിംഗ് ഫീസ് ഏര്‍പ്പെടുത്താനും സര്‍ക്കാരിന് അധികാരം നല്‍കുന്നതിനുകൂടി ഉദ്ദേശിച്ചാണ്  നിയമം ഭേദഗതി ചെയ്യുന്നത്.