കേരള ഭാഷാ ഇന്‍സ്റ്റിറ്റ്യൂട്ട് 2017 -18 സാമ്പത്തിക വര്‍ഷം കേന്ദ്ര സര്‍ക്കാര്‍ ധനസഹായം ഉപയോഗിച്ച് പ്രസിദ്ധീകരിക്കുന്ന സര്‍വകലാശാല നിലവാരത്തിലുളള പുസ്തകങ്ങള്‍ക്ക് ഗ്രന്ഥകര്‍ത്താക്കളില്‍ നിന്ന് കെയ്യഴുത്ത് പ്രതികള്‍ ക്ഷണിച്ചു. സിലബസ് പ്രകാരം തയാറാക്കിയിട്ടുളളതും ഹയര്‍സെക്കന്‍ഡറി, പോളിടെക്‌നിക്, ബിരുദ -ബിരുദാനന്തര കോഴ്‌സുകള്‍ക്ക് ഉപയോഗിക്കാവുന്നതുമായ പുസ്തകങ്ങളാണ് സമര്‍പ്പിക്കേണ്ടത്. സോഫ്ട്‌കോപ്പിയും സമര്‍പ്പിക്കാം. പട്ടികജാതി വിഭാഗത്തില്‍പ്പെട്ട ഗ്രന്ഥകര്‍ത്താക്കളില്‍ നിന്ന് ശാസ്ത്ര-സാങ്കേതിക ശാസ്ത്ര വിഷയങ്ങളില്‍ ഗ്രന്ഥങ്ങളും ക്ഷണിക്കുന്നു.

സര്‍ക്കാര്‍ സ്ഥാപനമായ ഇന്‍സ്റ്റിറ്റ്യൂട്ട് ഓഫ് ഹ്യൂമന്‍ റിസോഴ്‌സ് ഡെവലപ്‌മെന്റിന്റെ (ഐ.എച്ച്.ആര്‍.ഡി) കീഴില്‍ കാലിക്കറ്റ് സര്‍വകലാശാലയില്‍ അഫിലിയേറ്റ് ചെയ്തിട്ടുളള വട്ടംകുളം (0494 2689655) അപ്ലൈഡ് സയന്‍സ് കോളേജില്‍ 2017 -18 അധ്യയനവര്‍ഷത്തില്‍ ബിരുദാനന്തര ബിരുദ കോഴ്‌സുകളില്‍ കോളേജുകള്‍ക്ക് അനുവദിച്ച 50 ശതമാനം സീറ്റുകളില്‍ പ്രവേശനത്തിന് അപേക്ഷ ക്ഷണിച്ചു. അപേക്ഷ ഫോറവും പ്രോസ്‌പെക്ടസും ഐ.എച്ച്.ആര്‍.ഡിയുടെ www.ihrd.ac.in ല്‍ ലഭിക്കും.

പാര്‍ലമെന്ററി പഠന പരിശീലന കേന്ദ്രത്തിന്റെ ആഭിമുഖ്യത്തില്‍ നിയമസഭാംഗങ്ങള്‍ക്കായി ജി.എസ്.ടി (ചരക്കു സേവന നികുതി) നിയമം സംബന്ധിച്ച് ഒരു സെമിനാര്‍ ആഗസ്റ്റ് ഏഴിന് സഭാ സമ്മേളനത്തിനു ശേഷം നിമസഭാ മന്ദിരത്തിലെ ആര്‍. ശങ്കരനാരായണന്‍ തമ്പി മെമ്പേഴ്‌സ് ലോഞ്ചില്‍ സെമിനാര്‍ സംഘടിപ്പിക്കും. ധനകാര്യമന്ത്രി ഡോ. ടി.എം. തോമസ് ഐസക് വിഷയം അവതരിപ്പിക്കും. സ്പീക്കര്‍ പി. ശ്രീരാമകൃഷ്ണന്‍ സന്നിഹിതനായിരിക്കും. ഡെപ്യൂട്ടി സ്പീക്കര്‍ വി. ശശി സ്വാഗതം പറയും.

പി.എന്‍.എക്‌സ്.3363/17

കോളേജ് വിദ്യാഭ്യാസ വകുപ്പ് മുഖേന നല്‍കുന്ന വിവിധ സ്‌കോളര്‍ഷിപ്പുകള്‍ക്ക് ഓണ്‍ലൈന്‍ മുഖാന്തിരം അപേക്ഷകള്‍ സമര്‍പ്പിക്കാം. കൂടുതല്‍ വിവരങ്ങള്‍ക്ക് www.dcescholarship.kerala.gov.in എന്ന വെബ്‌സൈറ്റ് സന്ദര്‍ശിക്കുകയോ 0471 2306580, 9446096580, 9446780308 എന്നീ നമ്പരുകളില്‍ ബന്ധപ്പെടുകയോ ചെയ്യണം.

പി.എന്‍.എക്‌സ്.3362/17

പൊതുജനങ്ങളില്‍ നിന്ന് നിര്‍ദേശങ്ങളും അഭിപ്രായങ്ങളും പരാതികളും സ്വീകരിക്കുന്നതിന് സ്റ്റേറ്റ് പെര്‍ഫോമന്‍സ് ഓഡിറ്റ് ഓഫീസറുടെ സഹകരണത്തോടെ തിരുവനന്തപുരം ചീഫ് ടൗണ്‍ പ്ലാനറുടെ കാര്യാലയത്തില്‍ പരാതിപ്പെട്ടി സ്ഥാപിച്ചു. സ്ഥാപനത്തിലെ പ്രവര്‍ത്തനങ്ങള്‍, പദ്ധതി നിര്‍വഹണം, ജീവനക്കാര്‍ എന്നിവയെ സംബന്ധിച്ച പരാതികള്‍ പെട്ടിയില്‍ നിക്ഷേപിക്കാം. പരാതികള്‍ നിശ്ചിത തീയതികളില്‍ പെര്‍ഫോമന്‍സ് ഓഡിറ്റ് ഉദ്യോഗസ്ഥര്‍ പരാതികള്‍ പരിശോധിച്ച് തുടര്‍ നടപടികള്‍ സ്വീകരിക്കും. സ്റ്റേറ്റ് പെര്‍ഫോമന്‍സ് ഓഡിറ്റ് ഓഫീസര്‍ മിനിമോള്‍ എബ്രഹാം പരാതിപ്പെട്ടി ഉദ്ഘാടനം ചെയ്തു.

പി.എന്‍.എക്‌സ്.3361/17

നെല്‍വയലുകളും തണ്ണീര്‍തടങ്ങളും വ്യവസ്ഥകള്‍ക്ക് വിധേയമായല്ലാതെ പരിവര്‍ത്തനപ്പടുത്തിയ ശേഷം 2008 ലെ കേരള നെല്‍വയല്‍ തണ്ണീര്‍ത്തട സംരക്ഷണ നിയമം 3 (എ)പ്രകാരം ക്രമീകരിക്കുന്നതിന് ഫീസ് അടച്ച് അപേക്ഷിക്കുകയും ക്രമീകരണ ഉത്തരവ് ലഭിക്കാതിരിക്കുകയും ചെയ്തവര്‍ക്ക് അപേക്ഷാഫീസും റഗുലറൈസേഷന്‍ ഫീസും തിരികെ നല്‍കാന്‍ ജില്ലാ കളക്ടര്‍മാര്‍ക്ക് അനുമതി നല്‍കി സര്‍ക്കാര്‍ ഉത്തരവായി. ഭേദഗതി പിന്‍വലിച്ചതിനാല്‍ ക്രമീകരണ ഉത്തരവ് ലഭിക്കാത്തവര്‍ക്കാണ് തുക തിരികെ നല്‍കുക. അപേക്ഷകര്‍ ആവശ്യപ്പെട്ടാല്‍ ടി ആര്‍ 65 പ്രകാരം റീഫണ്ട് ഓഫ് റവന്യൂ ശീര്‍ഷകത്തില്‍ നിന്ന് തുക നല്കാനുളള നിര്‍ദേശവും ഉത്തരവിലുണ്ട്.

പോളിടെക്‌നിക്കുകളിലേക്കുള്ള മൂന്നാമത്തെ അലോട്ട്‌മെന്റ് ഇന്ന് (ആഗസ്റ്റ് 3) വ്യാഴാഴ്ച 5 മണിക്ക് അവസാനിക്കും. അപ്പോള്‍ തന്നെ ഓരോ വിഭാഗത്തിലുമുള്ള ഒഴിവുകള്‍ പ്രസിദ്ധീകരിക്കും. www.polyadmission.org എന്ന വെബ് സൈറ്റില്‍ വിവരങ്ങള്‍ ലഭ്യമാണ്. നാലാമത്തെ അലോട്ട്‌മെന്റിനുവേണ്ടി ഇതേവരെ അഡ്മിഷന്‍ ലഭിക്കാത്തതും ഇനി അഡ്മിഷന്‍ ആഗ്രഹിക്കുന്നവരുമായ എല്ലാവരും വീണ്ടും ആപ്ലിക്കേഷന്‍ രജിസ്ടര്‍ ചെയ്ത സ്ഥാപനങ്ങളില്‍ പോയി രജിസ്‌ട്രേഷന്‍ പുതുക്കുകയും അവര്‍ക്ക് ഇപ്പോഴത്തെ ഒഴിവനുസരിച്ച് കിട്ടാന്‍ സാധ്യതയുള്ള ബ്രാഞ്ചുകളില്‍ മാത്രം ഓപ്ഷന്‍ നില നിര്‍ത്തുകയും മറ്റുള്ളവ ക്യാന്‍സല്‍ ചെയ്യുകയും ചെയ്യേണ്ടതാണ്.

2017 ആഗസ്റ്റ് 12,19 തീയതികളില്‍ നടക്കുന്ന കേരള ടീച്ചേഴ്‌സ് എലിജിബിലിറ്റി ടെസ്റ്റ് (കെ-ടെറ്റ്) പരീക്ഷയുടെ ഹാള്‍ടിക്കറ്റ് പരീക്ഷാഭവന്‍ വെബ്‌സൈറ്റില്‍ (www.keralapareekshabhavan.in) നിന്ന് ഡൗണ്‍ലോഡ് ചെയ്യാമെന്ന് സെക്രട്ടറി അറിയിച്ചു.

പി.എന്‍.എക്‌സ്.3358/17

ട്രാന്‍സ്‌ജെന്‍ഡര്‍ വിഭാഗത്തില്‍ തുടര്‍ ചികിത്‌സ ആവശ്യമായി വരുന്നവര്‍ക്ക് സഹായ പെന്‍ഷന്‍ നല്‍കുന്നത് പരിഗണനയിലാണെന്ന് ആരോഗ്യ സാമൂഹ്യനീതി വകുപ്പ് മന്ത്രി കെ. കെ. ശൈലജ ടീച്ചര്‍ പറഞ്ഞു. തൈക്കാട് റെസ്റ്റ് ഹൗസില്‍ സാമൂഹ്യനീതി വകുപ്പ് സംഘടിപ്പിച്ച ട്രാന്‍സ്‌ജെന്‍ഡര്‍ നയവും അവകാശവും സംസ്ഥാനതല ബോധവത്കരണ ശില്‍പശാല ഉദ്ഘാടനം ചെയ്യുകയായിരുന്നു മന്ത്രി. കേരളത്തിലെ രണ്ടു മെഡിക്കല്‍ കോളേജുകളിലെങ്കിലും ട്രാന്‍സ്‌ജെന്‍ഡേഴ്‌സിന് ശസ്ത്രക്രിയാ സൗകര്യം ഒരുക്കുന്നത് പരിശോധിക്കുന്നുണ്ട്. ഇവര്‍ക്ക് നൈപുണ്യ പരിശീലനം നല്‍കി ജോലി ലഭ്യമാക്കാന്‍ പദ്ധതി തയ്യാറാക്കും.

മൃഗസംരക്ഷണ വകുപ്പിലെ അഡ്മിനിസ്‌ട്രേറ്റീവ് അസിസ്റ്റന്റ്/അക്കൗണ്ട്‌സ് ഓഫീസര്‍ തസ്തികയിലെ 2017 ജൂണ്‍ 30 അനുസരിച്ചുള്ള താത്കാലിക മുന്‍ഗണനാ പട്ടിക വകുപ്പിന്റെ ഔദ്യോഗിക വെബ്‌സൈറ്റില്‍ (www.ahdkerala.gov.in) പ്രസിദ്ധീകരിച്ചു. ആക്ഷേപങ്ങളോ, അഭിപ്രായങ്ങളോ ഉണ്ടെങ്കില്‍ ബന്ധപ്പെട്ട രേഖകള്‍ സഹിതം നിശ്ചിത മാതൃകയില്‍ പൂരിപ്പിച്ച് 15 ദിവസത്തിനകം മൃഗസംരക്ഷണ വകുപ്പ് ഡയറക്ടര്‍ക്ക് നല്‍കണം

പി.എന്‍.എക്‌സ്.3356/17