സംസ്ഥാന ടൂറിസം വകുപ്പിന്റെ മാനേജ്‌മെന്റ് ഇന്‍സ്റ്റിറ്റ്യൂട്ടായ കിറ്റ്‌സില്‍ പോസ്റ്റ് ഗ്രാജുവേറ്റ് ഡിപ്ലോമ ഇന്‍ പബ്ലിക് റിലേഷന്‍സ് ആന്റ് ടൂറിസം കോഴ്‌സിന് അപേക്ഷിക്കാം.  പി.എസ്.സി അംഗീകാരമുളള കോഴ്‌സിന് അംഗീകൃത സര്‍വകലാശാലയില്‍ നിന്നും ഏതെങ്കിലും വിഷയത്തില്‍ 45 ശതമാനം മാര്‍ക്കോടുകൂടിയ ഡിഗ്രി ആണ് യോഗ്യത.  പബ്ലിക് റിലേഷന്‍സ്, ടൂറിസം വിഷയങ്ങളും, ജര്‍മ്മന്‍, ഫ്രഞ്ച് ഭാഷകള്‍ പഠിക്കാന്‍ സൗകര്യവും  കോഴ്‌സില്‍ ലഭിക്കും.  അപേക്ഷ കിറ്റ്‌സ് കേന്ദ്രങ്ങളില്‍ സമര്‍പ്പിക്കേണ്ട അവസാന തീയതി ഡിസംബര്‍ 12.  www.kittesedu.org വെബ്‌സൈറ്റ് ഫോണ്‍: 0471 2329468, 9446529467, 9496308760

പി.എന്‍.എക്‌സ്.5206/17

കേരളത്തിലെ പരമ്പരാഗത തൊഴിലാളികളായ മരപ്പണി, കല്‍പ്പണി, ഇരുമ്പു പണി, മണ്‍പാത്ര നിര്‍മ്മാണം തുകല്‍ ഉല്‍പ്പന്ന നിര്‍മ്മാണം, ചെമ്പ്/ഓട്ടുപാത്ര നിര്‍മ്മാണം, പ്ലംബിംഗ്, ഇലക്ട്രീഷന്‍ എന്നീ മേഖലയില്‍ പണിയെടുക്കുന്നവര്‍ക്ക് കേരള ആര്‍ട്ടിസാന്‍സ് ഡെവലപ്‌മെന്റ് കോര്‍പ്പറേഷനില്‍ രജിസ്റ്റര്‍ ചെയ്ത് കോര്‍പ്പറേഷന്റെ വിവിധ പദ്ധതികളുടെ ഗുണഭോക്താക്കളാകാന്‍ അവസരം.

പട്ടികജാതി വികസന വകുപ്പ് പുതുതായി ആരംഭിക്കുന്ന മൊബൈല്‍ ആപ്ലിക്കേഷന്‍ പദ്ധതിയിലേക്ക് യോഗ്യതയുള്ള പട്ടികജാതി വിദ്യാര്‍ത്ഥികളില്‍ നിന്നും അപേക്ഷ ക്ഷണിച്ചു. അപേക്ഷകര്‍ എം.ടെക് കമ്പ്യൂട്ടര്‍ സയന്‍സ്/എം.എസ്.സി/എം.എ/തുല്യ യോഗ്യത ഉള്ളവരായിരിക്കണം. വിദേശത്ത് ഉന്നത പഠനം പൂര്‍ത്തീകരിച്ചവര്‍ക്ക് മുന്‍ഗണന നല്‍കും. കുറഞ്ഞ പ്രായപരിധി 25 വയസ്സ്. താല്പര്യമുള്ളവര്‍ വിശദമായ ബയോഡേറ്റ സഹിതം ഡയറക്ടര്‍, പട്ടികജാതി വികസന വകുപ്പ് ഡയറക്ടര്‍ ഓഫീസ്, അയ്യന്‍കാളി ഭവന്‍, വെള്ളയമ്പലം, തിരുവനന്തപുരം എന്ന വിലാസത്തില്‍ ഡിസംബര്‍ 20 വൈകിട്ട് മൂന്നിനു മുമ്പ് അപേക്ഷിക്കണം.

പി.എന്‍.എക്‌സ്.5204/17

കേരള കര്‍ഷകത്തെഴിലാളി ക്ഷേമനിധി ബോര്‍ഡിന്റെ 2010 ലെ മുഴുവന്‍ അധിവര്‍ഷാനുകൂല്യവും ഡിസംബര്‍ 15ന് മുമ്പ് ഓഫീസില്‍ വിതരണം ചെയ്യും.  പ്ലാമൂട് മഞ്ചാടിവിള റോഡില്‍ എം.ആര്‍.എ -19, ദീപയില്‍ പ്രവര്‍ത്തിക്കുന്ന ഓഫീസിലാണ് വിതരണം.  അര്‍ഹരായ അംഗങ്ങള്‍ ആ ദിവസങ്ങളില്‍ ആനുകൂല്യം കൈപ്പറ്റണം.  തിരിച്ചറിയല്‍ രേഖകളുടെ അസലും രണ്ട് കോപ്പിയും ഹാജരാക്കണം.

കേരള കര്‍ഷകത്തൊഴിലാളി ക്ഷേമനിധി ബോര്‍ഡിലേക്കുള്ള അംശാദായം അടക്കുന്നതില്‍ 24 മാസത്തില്‍ കൂടുതല്‍ കുടിശ്ശിക വരുത്തി അംഗത്വം നഷ്ടപ്പെട്ട തൊഴിലാളികള്‍ക്ക് അംശാദായം അടച്ച് അംഗത്വം പുന:സ്ഥാപിക്കുന്നതിന് 2018 മെയ് 31 വരെ സമയം അനുവദിച്ചു. കുടിശ്ശിക വരുത്തിയ ഓരോ വര്‍ഷത്തിനും 10 രൂപാ നിരക്കില്‍ പിഴ ഈടാക്കും.  ഇതിനകം 60 വയസ്സ് പൂര്‍ത്തിയായ അംഗത്തിന് കുടിശ്ശിക അടക്കുന്നതിനോ അംഗത്വം പുന:സ്ഥാപിക്കുന്നതിനോ അവസരം ഉണ്ടായിരിക്കില്ല.

പട്ടികജാതി വികസന വകുപ്പിന്റെ ആഭിമുഖ്യത്തില്‍ പട്ടികജാതി പട്ടികവര്‍ഗ്ഗ ക്ഷേമ പ്രവര്‍ത്തനങ്ങള്‍ സംബന്ധിച്ച മികച്ച റിപ്പോര്‍ട്ടിനുള്ള ഡോ.ബി.ആര്‍. അംബേദ്കര്‍ മാധ്യമ അവാര്‍ഡുകള്‍ ഇന്ന് (ഡിസംബര്‍ 6) രാവിലെ 11.30 ന് തിരുവനന്തപുരം മാസ്‌ക്കറ്റ് ഹോട്ടലിലെ സിംഫണി ഹാളില്‍ നടത്തും. പട്ടികജാതി പട്ടികവര്‍ഗ്ഗ പിന്നാക്ക വിഭാഗക്ഷേമ നിയമ സാംസ്‌കാരിക പാര്‍ലമെന്ററി കാര്യ വകുപ്പ് മന്ത്രി എ.കെ. ബാലന്‍ അവാര്‍ഡ് വിതരണം നടത്തും. കെ. മുരളീധരന്‍ എം.എല്‍.എ അധ്യക്ഷത വഹിക്കും. ഇതോടനുബന്ധിച്ച് മാര്‍ച്ചില്‍ നടന്ന പരീക്ഷയില്‍ 100 ശതമാനം വിജയം നേടിയ ആറ് എം.ആര്‍.എസുകള്‍ക്കുള്ള ട്രോഫികളും വിതരണം ചെയ്യും.

ഓഖി ചുഴലിക്കാറ്റുമായി ബന്ധപ്പെട്ട് വിവിധ സംസ്ഥാനങ്ങളില്‍ ചെന്നെത്തിയ കേരളത്തില്‍ നിന്നുള്ള മത്സ്യത്തൊഴിലാളികളെ തിരികെ കൊണ്ടുവരുന്നതിന് പ്രത്യേക ഉദ്യോഗസ്ഥരെ ചുമതലപ്പെടുത്തിയതായി ഫിഷറീസ് മന്ത്രി ജെ. മേഴ്‌സിക്കുട്ടിഅമ്മ അറിയിച്ചു. 

ഗുജറാത്ത്, മഹാരാഷ്ട്ര, ഗോവ, കര്‍ണ്ണാടക, ലക്ഷദീപ് എന്നിവിടങ്ങളില്‍ എത്തിയ മത്സ്യത്തൊഴിലാളികളെയാണ് സുരക്ഷിതമായി തിരിച്ചെത്തിക്കുന്നതിന് ആവശ്യമായ നടപടികള്‍ സ്വീകരിക്കാന്‍ ഉദേ്യാഗസ്ഥരെ ചുമതലപ്പെടുത്തിയിട്ടുളളത്.

ഭരണഘടനാശില്‍പി ഡോ. ബി.ആര്‍. അംബേദ്കര്‍ ചരമ വാര്‍ഷിക ദിനാചരണത്തിന്റെ ഭാഗമായി നിയമസഭാ സമുച്ചയത്തില്‍ സ്ഥാപിച്ചിട്ടുളള അദ്ദേഹത്തിന്റെ പ്രതിമയില്‍ ഇന്ന് (ഡിസംബര്‍ 6) രാവിലെ 10.15 ന് സ്പീക്കര്‍ പി.ശ്രീരാമകൃഷ്ണന്‍ ഹാരാര്‍പ്പണവും പുഷ്പാര്‍ച്ചനയും നടത്തും.

പി.എന്‍.എക്‌സ്.5199/17

ജലസേചന വകുപ്പിലെ മെക്കാനിക്കല്‍ വിഭാഗം മൂന്നാംതരം ഓവര്‍സിയര്‍മാരുടെ 2007 ഫെബ്രുവരി ഒന്നുമുതല്‍ 2017 മെയ് 31 വരെയുള്ള മുന്‍ഗണനാ പട്ടിക അന്തിമമായി www.irrigation.kerala.gov.in ല്‍ പ്രസിദ്ധീകരിച്ചു.

പി.എന്‍.എക്‌സ്.5198/17

മുട്ടത്തറ സി-മെറ്റ് നഴ്‌സിംഗ് കോളേജിലേക്ക് എല്‍.ഡി ക്ലാര്‍ക്ക് തസ്തികയില്‍ താല്‍ക്കാലിക ഒഴിവിലേക്ക് വാക്-ഇന്‍-ഇന്റര്‍വ്യൂ ഡിസംബര്‍ 13ന് രാവിലെ 11 മണിക്ക് നടത്തും. അംഗീകൃത സര്‍വ്വകലാശാലയില്‍ നിന്നുള്ള ബിരുദവും അംഗീകൃത സ്ഥാപനത്തില്‍ നിന്നുളള ഡി.സി.എ അല്ലെങ്കില്‍ പി.ജി.ഡി.സി.എ അല്ലെങ്കില്‍ ബി.എസ്.സി കമ്പ്യൂട്ടര്‍ സയന്‍സ് ആണ് യോഗ്യത. പ്രായം : (ജനറല്‍ ) 18 മുതല്‍ 40 വയസ്സുവരെ. ഒ.ബി.സി : 18 മുതല്‍ 43 വയസ്സുവരെ. എസ്.സി/എസ്.ടി : 18 മുതല്‍ 45 വയസ്സുവരെ.  400 രൂപയാണ് ദിവസവേതനം.