തിരുവനന്തപുരം ഡ്രഗ്‌സ് ടെസ്റ്റിംഗ് ലബോറട്ടറിയിലെയും, എറണാകുളം റിജിയണല്‍ ഡ്രഗ്‌സ് ടെസ്റ്റിംഗ് ലബോറട്ടറിയിലെയും പരിശോധനയില്‍ ഗുണനിലവാരമില്ലാത്തതെന്ന് കണ്ടെത്തിയ ബാച്ച് മരുന്നുകളുടെ വില്പനയും വിതരണവും സംസ്ഥാനത്ത് നിരോധിച്ചതായി സംസ്ഥാന ഡ്രഗ്‌സ് കണ്‍ട്രോള്‍ വകുപ്പ് അറിയിച്ചു.  ഈ ബാച്ചുകളുടെ സ്റ്റോക്ക് കൈവശമുളളവര്‍ അവയെല്ലാം സപ്ലൈ ചെയ്തവര്‍ക്ക് തിരികെ അയക്കേണ്ടതും, പൂര്‍ണ്ണ വിശദാംശങ്ങള്‍ അതത് ജില്ലയിലെ ഡ്രഗ്‌സ് കണ്‍ട്രോളര്‍ ഓഫീസിലേക്ക് അറിയിക്കേണ്ടതുമാണെന്ന് ഡ്രഗ്‌സ് കണ്‍ട്രോള്‍ വകുപ്പ് അറിയിച്ചു.  മരുന്നിന്റെ പേര്, ഉത്പാദകര്‍, ബാച്ച് നം, കാലാവധി ക്രമത്തില്‍:  Levofloxacin Tablets IP (Levaz 50

കൊല്ലം ജില്ലയില്‍ ഭാരതീയ ചികിത്സാ വകുപ്പില്‍ ആയുര്‍വേദ തെറാപ്പിസ്റ്റ് തസ്തികയിലേക്ക് കാറ്റഗറി നമ്പര്‍ : 194/17 പ്രകാരം അപേക്ഷ സമര്‍പ്പിച്ച ഉദ്യോഗാര്‍ത്ഥികള്‍ക്ക് 2017 നവംബര്‍ 20 മുതല്‍ 24 വരെ കൊല്ലം ജില്ലാ ആഫീസില്‍ ഒറ്റത്തവണ പ്രമാണ പരിശോധന നടത്തും.  ഉദ്യോഗാര്‍ത്ഥികള്‍ പ്രൊഫൈലില്‍ യോഗ്യതാ പ്രമാണങ്ങള്‍ അപ്‌ലോഡ് ചെയ്ത് തിരിച്ചറിയല്‍ കാര്‍ഡിന്റെ ഒറിജിനലും വണ്‍ടൈം വെരിഫിക്കേഷന്‍ സര്‍ട്ടിഫിക്കറ്റും (ലഭിച്ചിട്ടുണ്ടെങ്കില്‍) മറ്റ് പ്രമാണങ്ങളും സഹിതം നിശ്ചിത തീയതിയിലും സമയത്തും കേരള പബ്ലിക് സര്‍വീസ് കമ്മീഷന്‍ കൊല്ലം ജില്ലാ ആഫീസില്‍ ഹാജരാകണം.  വണ്‍ടൈം വെരിഫിക്കേഷന്‍ സര്‍ട്ടിഫിക്കറ്റ് നേടിയിട്ടുള്ള

ബസ് ചാര്‍ജ്ജ് പുതുക്കി നിശ്ചയിക്കുന്നതു സംബന്ധിച്ച് കേരള സ്റ്റേറ്റ് ഫെയര്‍ റിവിഷന്‍ കമ്മിറ്റിയുടെ ആഭിമുഖ്യത്തില്‍ നവംബര്‍ 30 രാവിലെ 11 ന് വഴുതയ്ക്കാട് ട്രാന്‍സ് ടവേഴ്‌സ് - ലെ ഏഴാം നിലയിലുള്ള കോണ്‍ഫറന്‍സ് ഹാളില്‍ പബ്ലിക് ഹിയറിംഗ് നടത്തും.  ഇതു സംബന്ധിച്ച അഭിപ്രായങ്ങളും നിര്‍ദേശങ്ങളും കമ്മിറ്റിയെ അറിയിക്കാന്‍ താത്പര്യമുളളവര്‍ അന്നു രാവിലെ 11നു മുമ്പ് കോണ്‍ഫറന്‍സ് ഹാളില്‍ എത്തി പൊതുവായ അഭിപ്രായങ്ങളും  നിര്‍ദ്ദേശങ്ങളും കമ്മിറ്റിക്ക് മുമ്പാകെ നല്‍കുകയും ചര്‍ച്ചകളില്‍ പങ്കെടുക്കുകയും ചെയ്യണം.

സ്റ്റേറ്റ് ഇന്‍സ്റ്റിറ്റ്യൂട്ട് ഓഫ് മെഡിക്കല്‍ എഡ്യൂക്കേഷന്‍ ആന്റ് ടെക്‌നോളജി (സി-മെറ്റ്) യുടെ കീഴിലുള്ള പോസ്റ്റ് ബേസിക് ബി.എസ്.സി നഴ്‌സിംഗ് കോളേജുകളായ പള്ളുരുത്തി, എറണാകുളം ജില്ല (0484-2231530), മലമ്പുഴ, പാലക്കാട് ജില്ല (ഫോണ്‍ : 0491 - 2815333),മാങ്ങാട്ടുപ്പറമ്പ, കണ്ണൂര്‍ ജില്ല (0460-2200813) എന്നിവിടങ്ങളിലുള്ള പോസ്റ്റ് ബേസിക് ബി.എസ്.സി നഴ്‌സിംഗ് മാനേജ്‌മെന്റ് സീറ്റ് ഒഴിവുകളില്‍ പ്രവേശനത്തിന് സ്‌പോട്ട് അഡ്മിഷന്‍ നവംബര്‍ 14 ന് പള്ളുരുത്തി, മലമ്പുഴ, മാങ്ങാട്ടുപ്പറമ്പ എന്നീ നഴ്‌സിംഗ് കോളേജുകളില്‍ നടക്കും. കൂടുതല്‍ വിവരങ്ങള്‍ക്ക് www.simet.in ഫോണ്‍ : 0471-2743090

ജില്ലാ കേരളോത്സവത്തിന്റെ ഭാഗമായുള്ള കായിക മത്സരങ്ങള്‍ ഇന്നു മുതല്‍ 13 വരെ പത്തനംതിട്ടയിലും അടൂരിലുമായി നടക്കും. കായിക മത്സരങ്ങളുടെ ഉദ്ഘാടനം ഇന്ന്(11) രാവിലെ 8.30ന് ജില്ലാ സ്റ്റേഡിയത്തില്‍ ജില്ലാ പഞ്ചായത്ത് പ്രസിഡന്റ് അന്നപൂര്‍ണാദേവി നിര്‍വഹിക്കും.

ജില്ലാ പഞ്ചായത്ത് വൈസ് പ്രസിഡന്റ് ജോര്‍ജ് മാമ്മന്‍ കൊണ്ടൂരിന്റെ അധ്യക്ഷതയില്‍ ചേരുന്ന യോഗത്തില്‍ ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് കെ.അനില്‍കുമാര്‍ മുഖ്യപ്രഭാഷണം നടത്തും.

സമഗ്ര ആരോഗ്യ ഇന്‍ഷ്വറന്‍സ് പദ്ധതി രജിസ്‌ട്രേഷന്‍ ഈമാസം 15 വരെ അക്ഷയ കേന്ദ്രങ്ങളിലൂടെ നടത്താം. ചികിത്സാ ആവശ്യങ്ങള്‍ക്കായി സംസ്ഥാന മുന്‍ഗണനാ പട്ടികയില്‍ ഉള്‍പ്പെട്ടിട്ടുള്ള വെള്ള, നീല റേഷന്‍ കാര്‍ഡ് ഉടമകള്‍ക്കും പുതുതായി രജിസ്റ്റര്‍ ചെയ്യാം.

2018 മാര്‍ച്ച് 31 വരെ ആനുകൂല്യത്തിന് അര്‍ഹതയുള്ള ഇന്‍ഷ്വറന്‍സ് കാര്‍ഡിന്റെ പുറത്ത് കുടുംബനാഥന്റെ പേരിന് പകരം ഫാമിലി ഹെഡ് എന്ന് എഴുതിയിരിക്കുന്നവരും പുതുതായി രജിസ്റ്റര്‍ ചെയ്യണം.

പെരിങ്ങര ഗ്രാമപഞ്ചായത്തില്‍ പ്രധാനമന്ത്രി ഗ്രാമ സഡക് യോജന പ്രകാരം ഏറ്റെടുത്ത് പണി പൂര്‍ത്തിയാക്കിയ ഇടിഞ്ഞില്ലം ആലംതുരുത്തി-വാമനപുരം റോഡിന്റെ ഉദ്ഘാടനം രാജ്യസഭാ ഉപാധ്യക്ഷന്‍ പി.ജെ.കുര്യന്‍ നിര്‍വഹിച്ചു. ഗ്രാമീണമേഖലയിലെ ഒറ്റപ്പെട്ട് കിടക്കുന്ന പ്രദേശങ്ങളെ പ്രധാന പാതകളുമായി ബന്ധിപ്പിക്കാന്‍ സഹായിക്കുന്ന  പ്രയോജനകരവും സുസ്ഥിരവികസനം ഉറപ്പുവരുത്തുന്നതുമായ പദ്ധതിയാണിതെന്ന് അദ്ദേഹം പറഞ്ഞു. 

ജില്ലാ വികസന സമിതി യോഗം ഈമാസം 25ന് രാവിലെ 11ന് കളക്ടറേറ്റ് കോണ്‍ഫറന്‍സ് ഹാളില്‍ നടക്കും.

10.30ന് നടക്കുന്ന പ്രീഡിഡിസി യോഗത്തിലും ബന്ധപ്പെട്ട ഉദ്യോഗസ്ഥര്‍ പങ്കെടുക്കണമെന്ന് ജില്ലാ കളക്ടര്‍ അറിയിച്ചു. 
 

ജില്ലയില്‍ സാങ്കേതിക വിദ്യാഭ്യാസ വകുപ്പില്‍ ട്രേഡ്‌സ്മാന്‍(പോളിമര്‍ ടെക്‌നോളജി-കാറ്റഗറി നമ്പര്‍ 522/15) തസ്തികയുടെ സാധ്യതാ പട്ടികയില്‍ ഉള്‍പ്പെട്ടിട്ടുള്ള ഉദ്യോഗാര്‍ഥികളുടെ ഒറ്റത്തവണ പ്രമാണ പരിശോധന ഈമാസം 14നും 15നും ജില്ലാ പിഎസ് സി ഓഫീസില്‍ നടക്കും.

ഉദ്യോഗാര്‍ഥികള്‍ പേര്, ജനന തീയതി, യോഗ്യതകള്‍, സംവരണാനുകൂല്യം എന്നിവ തെളിയിക്കുന്ന രേഖകള്‍ സ്‌കാന്‍ ചെയ്ത് പ്രൊഫൈലില്‍ അപ് ലോഡ് ചെയ്ത ശേഷം പ്രൊഫൈലില്‍ അനുവദിച്ചു ലഭിക്കുന്ന തീയതിയിലും  സമയത്തും പ്രമാണ പരിശോധനയ്ക്ക് ഹാജരാകണമെന്ന് ജില്ലാ പിഎസ് സി ഓഫീസര്‍ അറിയിച്ചു. ഫോണ്‍: 0468-2222665. 

 നവകേരള സൃഷ് ടിക്കായുള്ള സംസ്ഥാന സര്‍ക്കാരിന്റെ വികസന മിഷനുകളുടെ പ്രവര്‍ത്തനങ്ങളില്‍ ജില്ല  മുന്നേറുന്നു. ലൈഫ്, ഹരിതകേരളം, പൊതുവിദ്യാഭ്യാസ സംരക്ഷണ യജ്ഞം,  ആര്‍ദ്രം തുടങ്ങിയ മിഷനുകളിലൂടെ ശ്രദ്ധേയമായ പ്രവര്‍ത്തനങ്ങളാണ് ജില്ലയില്‍ നടത്തുന്നതെന്ന് ജില്ലാ മിഷന്‍ ചെയര്‍മാനും ജില്ലാ പഞ്ചായത്ത് പ്രസിഡന്റുമായ അന്നപൂര്‍ണാദേവി പറഞ്ഞു.  നവകേരള സൃഷ്ടിക്കായുള്ള  മിഷന്‍ പ്രവര്‍ത്തനങ്ങള്‍ വിലയിരുത്താന്‍ കളക് ട്രേറ്റില്‍ ചേര്‍ന്ന അവലോകന യോഗത്തില്‍ അധ്യക്ഷത വഹിക്കുകയായിരുന്നു പ്രസിഡന്റ്.