കേരള ഖാദി ഗ്രാമവ്യവസായ ബോര്‍ഡിന്റെ നിയന്ത്രണത്തിലുള്ള നൂല്‍പ്പ്-നെയ്ത്ത് യൂണിറ്റുകളില്‍ ജോലി ചെയ്യുന്ന മുഴുവന്‍ ഖാദി തൊഴിലാളികളുടേയും, 2017 ഏപ്രില്‍ മുതല്‍ സെപ്റ്റംബര്‍ വരെയുള്ള മിനിമം വേതനം വിതരണം ചെയ്തു. മുന്‍ വര്‍ഷങ്ങളിലെ മുഴുവന്‍ മിനിമം വേതന ഡി.എ കുടിശ്ശികയും ഇതോടൊപ്പം നല്‍കി. ഖാദി സ്ഥാപനങ്ങളിലെ തൊഴിലാളികളുടെ, ലഭ്യമായ ക്‌ളെയിമുകളിന്‍മേലുള്ള മുഴുവന്‍ മിനിമം വേതനവും വിതരണം ചെയ്തിട്ടുണ്ടെന്നും കൈപ്പറ്റാത്തവര്‍ അതതു ജില്ലാ പ്രൊജക്ട് ഓഫീസുമായി ബന്ധപ്പെടണമെന്നും ഖാദി ബോര്‍ഡ് വൈസ് ചെയര്‍മാന്‍ എം.വി.ബാലകൃഷ്ണന്‍ മാസ്റ്റര്‍ അറിയിച്ചു.

പി.എന്‍.എക്‌സ്.4721/17

    കേരളീയരുടെ പൊതുവേദിയായി ലോക കേരള സഭ രൂപീകരിക്കുന്നതിനും പ്രഥമ സമ്മേളനം 2018 ജനുവരി 12, 13 തീയതികളില്‍ തിരുവനന്തപുരത്ത് നടത്താനും സര്‍ക്കാര്‍ ഉത്തരവായി.  
    ലോക കേരള സഭ കാലപരിധി ഇല്ലാതെ തുടരും.  രണ്ട് വര്‍ഷം കൂടുമ്പോള്‍ നാമനിര്‍ദേശം ചെയ്യപ്പെട്ട മൂന്നിലൊന്നു പേര്‍ സഭയില്‍ നിന്ന് വിരമിക്കും.  തല്‍സ്ഥാനത്തേക്ക് പുതിയ അംഗങ്ങളെ നാമനിര്‍ദേശം ചെയ്യും.  പൊതു തിരഞ്ഞെടുപ്പുകള്‍ക്കനുസരിച്ച് സംസ്ഥാന നിയമസഭയിലെ അംഗങ്ങളും രാജ്യസഭ, ലോക്‌സഭ അംഗങ്ങളും മാറും.  രണ്ടു വര്‍ഷത്തിലൊരിക്കല്‍ സഭ യോഗം ചേരും.  ആവശ്യമെങ്കില്‍ സര്‍ക്കാര്‍ തീരുമാനിക്കുന്നതനുസരിച്ച് കൂടുതല്‍ തവണ യോഗം ചേരും.

ജലവിഭവ വകുപ്പ് സംഘടിപ്പിച്ച ഫയല്‍ അദാലത്തില്‍ മൂന്ന് വര്‍ഷത്തിലധികം പഴക്കമുളള 135 ഫയലുകള്‍ തീര്‍പ്പാക്കുകയും 106 ഫയലുകളില്‍ അന്തിമ നടപടി തീരുമാനിക്കുകയും ചെയ്തു.  65 ശതമാനം ഫയലുകളിലാണ് തീര്‍പ്പായത്.  വിജിലന്‍സ് റിപ്പോര്‍ട്ട് അടങ്ങിയതുള്‍പ്പെടെയുളള മൂന്നു വര്‍ഷത്തിലേറെ പഴക്കമുളള 126 ഫയലുകളാണിനി സെക്രട്ടേറിയറ്റിലെ ജലവിഭവ വകുപ്പില്‍ അവശേഷിക്കുന്നത്.  2016 ന് ശേഷം നടത്തിയ മൂന്നാമത്തെ ഫയല്‍ അദാലത്താണിത്. സെക്രട്ടേറിയറ്റ് സൗത്ത് കോണ്‍ഫറന്‍സ് ഹാളില്‍ മന്ത്രി മാത്യു ടി. തോമസിന്റെ നേതൃത്വത്തില്‍ രാവിലെ 10ന് ആരംഭിച്ച ഫയല്‍ അദാലത്ത് രാത്രി 8.30 നാണ് അവസാനിച്ചത്.

ഈ വര്‍ഷത്തെ ഓണം മേളകളോടനുബന്ധിച്ച് സപ്ലൈകോ സംഘടിപ്പിച്ച 'ഓണം സമ്മാനമഴ 2017' സമ്മാനപദ്ധതിയുടെ നറുക്കെടുപ്പ് നവംബര്‍ 14 ന് കൊച്ചി ഗാന്ധിനഗറിലുള്ള സപ്ലൈകോ കേന്ദ്രകാര്യാലയത്തില്‍ വെച്ച് നടത്തപ്പെടുന്നു.

സംസ്ഥാനതല വിജയിക്ക് ബംപര്‍ സമ്മാനമായ '5 പവന്‍ സ്വര്ണ്ണ വും ഓരോ ജില്ലയിലെയും ഒരു വിജയിക്ക് ഒരു പവന്‍ സ്വര്ണ്ണ വുമാണ് സമ്മാനമായി നല്കുന്നത്'.

കലാസ്വാദകര്‍ക്ക് പുതിയ അനുഭവം സമ്മാനിച്ച് വടക്കേ മലബാറിലെ അഗ്നിഘണ്ഡാകര്‍ണ്ണന്‍ തെയ്യം കൊല്ലത്ത് അരങ്ങേറി. കേരളത്തിന്റെ പാരമ്പര്യത്തനിമയുള്ളകലാരൂപങ്ങള്‍ തലമുറകളിലേക്കെത്തിക്കുന്നതിന്റെ ഭാഗമായി വൈലോപ്പിള്ളി സംസ്‌കൃതി ഭവനാണ് പരിപാടി സംഘടിപ്പിച്ചത്.

ഭരണഭാഷാവര്‍ഷാചരണത്തിന്റെ ഭാഗമായി ഇന്‍ഫര്‍മേഷന്‍ പബ്‌ളിക് റിലേഷന്‍സ് വകുപ്പിന്റെ കൂടി സഹകരണത്തോടെ നടന്ന അഗ്നിഘണ്ഡാകര്‍ണ്ണന്‍ തെയ്യം പ്‌ളാറ്റിനം ജൂബിലി ആഘോഷിക്കുന്ന കടപ്പാക്കട സ്‌പോര്‍ട്‌സ് ക്‌ളബ്ബ് മൈതാനത്താണ് അരങ്ങേറിയത്.

തിരുവനന്തപുരം കാഞ്ഞിരംകുളം ഗ്രാമപഞ്ചായത്ത് അംഗം പ്രസന്നകുമാരിയെ സംസ്ഥാന തിരഞ്ഞെടുപ്പു കമ്മീഷണര്‍ വി.ഭാസ്‌കരന്‍ അയോഗ്യയാക്കി. കൂറുമാറ്റ നിരോധന നിയമ പ്രകാരം നിലവില്‍ അംഗമായി തുടരുന്നതിനും തദ്ദേശ സ്വയംഭരണ സ്ഥാപനങ്ങളിലേക്കു മല്‍സരിക്കുന്നതിനും 2017 നവംബര്‍ മൂന്നു മുതല്‍ ആറു വര്‍ഷത്തേക്കാണ് കമ്മീഷന്‍ വിലക്ക് ഏര്‍പ്പെടുത്തിയത്.

കേരള കള്ള് വ്യവസായ തൊഴിലാളി ക്ഷേമനിധി ബോര്‍ഡിലെ തൊഴിലാളികളില്‍ ആര്‍.എസ്.ബി.വൈ ചിസ് ആരോഗ്യ ഇന്‍ഷുറന്‍സ് പദ്ധതിയില്‍ രജിസ്റ്റര്‍ ചെയ്തിട്ടില്ലാത്തവര്‍ റേഷന്‍കാര്‍ഡ്, ആധാര്‍ കാര്‍ഡ്, ബോര്‍ഡിന്റെ ഐ.ഡി കാര്‍ഡ് എന്നിവ സഹിതം 10 ന് മുമ്പ് തിരുവനന്തപുരം ജില്ലാ വെല്‍ഫെയര്‍ ഫണ്ട് ഇന്‍സ്‌പെക്ടറാഫീസില്‍ എത്തണം. കൂടുതല്‍

വിവരങ്ങള്‍ക്ക് 0471-2448451.

പി.എന്‍.എക്‌സ്.4702/17
 

കേരള കള്ള് വ്യവസായ തൊഴിലാളി ക്ഷേമനിധി ബോര്‍ഡിലെ രജിസ്റ്റര്‍ ചെയ്ത തൊഴിലാളികളുടെ മക്കള്‍ക്ക് (ആശ്രിതര്‍ അര്‍ഹരല്ല) 2017-18 അദ്ധ്യയന വര്‍ഷത്തെ സ്‌കോളര്‍ഷിപ്പിനുള്ള അപേക്ഷ നവംബര്‍ 15 വരെ നല്‍കാം.

പി.എന്‍.എക്‌സ്.4703/17
 

കെ.ജി.റ്റി.ഇ (കൊമേഴ്‌സ് ഗ്രൂപ്പ്) നവംബര്‍ 2017 പരീക്ഷയുടെ ഹാള്‍ ടിക്കറ്റ് പരീക്ഷാഭവന്‍ വെബ്‌സൈറ്റില്‍ നിന്നും ഡൗണ്‍ലോഡ് ചെയ്യാം.

പരാതികള്‍ ഉള്ളവര്‍ നവംബര്‍ ആറ് വൈകിട്ട് അഞ്ചു മണിക്ക് മുമ്പായി പരീക്ഷാഭവന്‍ എച്ച ്- 6 സെക്ഷനുമായി (ഫോണ്‍ - 9496418088) ബന്ധപ്പെട്ട് പരിഹരിക്കണം.

പി.എന്‍.എക്‌സ്.4704/17
 

കേരള സ്റ്റേറ്റ് സിനിമ ഓപ്പറേറ്റേഴ്‌സ് പരീക്ഷാ ബോര്‍ഡ് 2017-ല്‍ നടത്തുന്ന പരീക്ഷയ്ക്ക് യോഗ്യതയുള്ളവരില്‍ നിന്നും അപേക്ഷ ലഭിക്കേണ്ട അവസാന തീയതി നവംബര്‍ 15 വൈകിട്ട് അഞ്ച് മണി വരെ നീട്ടി.  

വിശദ വിവരങ്ങള്‍ക്ക് ചീഫ് ഇലക്ട്രിക്കല്‍ ഇന്‍സ്‌പെക്ടറേറ്റുമായോ, ജില്ലാ ഇലക്ട്രിക്കല്‍ ഇന്‍സ്‌പെക്ടറേറ്റുകളുമായോ ബന്ധപ്പെടണം. വകുപ്പിന്റെ വെബ്‌സൈറ്റായ www.ceikerala.gov.in - ലും ലഭ്യമാണ്. ഫോണ്‍ : 0471 2331104, 2331159

പി.എന്‍.എക്‌സ്.4705/17