ആട്ടോർ റോഡ് ബി എം ആൻഡ് ബി സി ചെയ്‌തു നവീകരിക്കുന്ന പ്രവൃത്തിയുടെ ഭാഗമായി പാൽ സൊസൈറ്റിക്കു സമീപം ഇന്ന് മുതൽ (16/05/2026) കൽവെർട്ടു പൊളിച്ചു പണിയുന്ന പ്രവൃത്തികൾ  ആരംഭിക്കുന്നതിനാൽ, പ്രവൃത്തി തീരുന്നതുവരെ ഇതുവഴിയുള്ള വാഹന ഗതാഗതം പൂർണ്ണമായും തടസ്സപ്പെടുന്നതാണെന്ന് പുഴക്കല്‍ പി.ഡബ്ല്യു.ഡി റോഡ് സെക്ഷന്‍ അസി. എഞ്ചിനീയര്‍ അറിയിച്ചു. ആട്ടോര്‍ ഭാഗത്തു നിന്നും വരുന്ന വാഹനങ്ങള്‍ മൈലാഞ്ചി റോഡ് വഴിയും മെഡിക്കല്‍ കോളേജ് ഭാഗത്തു നിന്നും വരുന്ന വാഹനങ്ങള്‍ തിരൂര്‍ വഴിയോ കുന്നത്തുപീടിക വഴിയോ പോകേണ്ടതാണ്.

ഖരമാലിന്യ പരിപാലന ചട്ടം 2026 ജില്ലയില്‍ നടപ്പിലാക്കുന്നതിന്റെ പുരോഗതി വിലയിരുത്തുന്നതിനായി ജില്ലാ കളക്ടര്‍ ശിഖാ സുരേന്ദ്രന്റെ അധ്യക്ഷതയില്‍ യോഗം ചേര്‍ന്നു. സുപ്രീംകോടതിയുടെ 2026 ഫെബ്രുവരി 19, ഏപ്രില്‍ 29, മെയ് അഞ്ച് തിയതികളിലെ ഉത്തരവുകളുടെ അടിസ്ഥാനത്തില്‍ സംസ്ഥാനത്ത് ഖരമാലിന്യ പരിപാലന ചട്ടം കര്‍ശനമായി നടപ്പിലാക്കുന്നതിന്റെ ഭാഗമായി മെയ് എട്ടിന് ചേര്‍ന്ന ഉന്നതതല യോഗ തീരുമാന പ്രകാരമാണ് ജില്ലാ കളക്ടര്‍ ജില്ലയിലെ തദ്ദേശ സ്വയംഭരണ സ്ഥാപന അധ്യക്ഷന്‍മാര്‍, സെക്രട്ടറിമാര്‍, ബന്ധപ്പെട്ട വകുപ്പ് ഉദ്യോഗസ്ഥര്‍ എന്നിവരെ ഉള്‍പ്പെടുത്തി യോഗം ചേര്‍ന്നത്.

 തൃശ്ശൂർ ജില്ലയിൽ എസ് എസ് എൽ സി പരീക്ഷയെഴുതിയ 34831 വിദ്യാർത്ഥികളിൽ 34423 പേരും തുടർ പഠനത്തിന് യോഗ്യത നേടി. ഇരിഞ്ഞാലക്കുട വിദ്യാഭ്യാസ ജില്ലയിൽ 10265 വിദ്യാർത്ഥികളും തൃശ്ശൂർ വിദ്യാഭ്യാസ ജില്ലയിൽ 9616 പേരും ചാവക്കാട് വിദ്യാഭ്യാസ ജില്ലയിൽ 14542 പേരും വിജയിച്ച് തൃശ്ശൂർ ജില്ല 98.83 വിജയശതമാനം കരസ്ഥമാക്കി.

 ജില്ലയിൽ 722 ആൺകുട്ടികളും 1620 പെൺകുട്ടികളും മുഴുവൻ വിഷയങ്ങളിലും എ പ്ലസ് നേടി.  പൊതുവിഭാഗത്തിൽ 8585 പേരും എസ് സി വിഭാഗത്തിൽ 4391 പേരും  എസ് ടി വിഭാഗത്തിൽ 139 പേരും ഒ ബി സി വിഭാഗത്തിൽ 20404 പേരും ഒ ഇ സി വിഭാഗത്തിൽ 904 പേരുമാണ് തുടർപഠനത്തിന് യോഗ്യത നേടിയത്.

കേരളത്തിൽ ഒറ്റപ്പെട്ടയിടങ്ങളിൽ ഇന്ന് (14/05/2026)  മുതൽ 18/05/2026 വരെ  ഇടിമിന്നലോടു കൂടിയ മഴയ്ക്കും മണിക്കൂറിൽ 40-50 km വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.

ജാഗ്രതാ നിർദേശങ്ങൾ

മത്സ്യത്തൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്തിട്ടുള്ള ആലപ്പുഴ, കോട്ടയം, ഇടുക്കി, പത്തനംതിട്ട ജില്ലകളിലെ മത്സ്യത്തൊഴിലാളികളുടെയും അനുബന്ധ മത്സ്യത്തൊഴിലാളികളുടെയും കുട്ടികളില്‍ നിന്ന് എസ്. എസ് എല്‍. സി അവാര്‍ഡിനായുള്ള അപേക്ഷ ക്ഷണിച്ചു.  എസ്എസ്എല്‍സി പരീക്ഷയില്‍ 10 എ പ്ലസ്, 9 എ പ്ലസ്, 8 എ പ്ലസ്  കരസ്ഥമാക്കിയ മത്സ്യത്തൊഴിലാളികളുടെ കുട്ടികള്‍ക്ക്  വിദ്യാഭ്യാസ ആനുകൂല്യത്തിന് അപേക്ഷിക്കാം.

നെടുങ്കണ്ടം സര്‍ക്കാര്‍ പോളിടെക്‌നിക്ക് കോളേജില്‍ ഇലക്ട്രോണിക്‌സ് എഞ്ചിനീയറിംഗ് വിഭാഗത്തില്‍ ലക്ചറര്‍, കമ്പ്യൂട്ടര്‍/കമ്പ്യൂട്ടര്‍ ഹാർഡ് വെയര്‍, ഇലക്ട്രോണിക്‌സ് എഞ്ചിനീയറിംഗ് വിഭാഗങ്ങളില്‍ ട്രേഡ്‌സ്മാന്‍, കമ്പ്യൂട്ടര്‍ ഹാർഡ്‌വെയര്‍ എഞ്ചിനീയറിംഗ് വിഭാഗത്തില്‍ ട്രേഡ് ഇന്‍സ്ട്രക്ടര്‍ എന്നീ തസ്തികകളിലേക്ക് ദിവസവേതന അടിസ്ഥാനത്തില്‍ നിയമനം നടത്തുന്നു. എഴുത്തു പരീക്ഷയുടെയും അഭിമുഖത്തിന്റെയും അടിസ്ഥാനത്തിലാണ് നിയമനം.

കോഴഞ്ചേരി പന്നിവേലിച്ചിറയിലുള്ള ഫിഷറീസ് കോംപ്ലക്‌സില്‍ കാര്‍പ്പ്, ഗിഫ്റ്റ് തിലോപ്പിയ ഇനം മത്സ്യക്കുഞ്ഞുങ്ങളും അലങ്കാര ഇനം മത്സ്യങ്ങളും മെയ് 20ന് രാവിലെ 11 മണി മുതല്‍ വൈകിട്ട് 4 മണി വരെ വിതരണം ചെയ്യുന്നു. മത്സ്യ കുഞ്ഞുങ്ങള്‍ക്ക് സര്‍ക്കാര്‍ നിശ്ചയിച്ച വില ഈടാക്കുന്നതാണ്. ബുക്കിംഗിനും കൂടുതല്‍ വിവരങ്ങള്‍ക്കും ഫിഷറീസ് കോംപ്ലക്‌സുമായി ബന്ധപ്പെടണം. ഫോണ്‍: 8943472882, 04682214589

നെടുങ്കണ്ടം താലൂക്ക് ആശുപത്രിയില്‍ ക്ലീനിംഗ് സ്റ്റാഫിൻ്റെ താത്കാലിക ഒഴിവിലേക്ക് നിയമനം നടത്തുന്നതിന് ജൂണ്‍ 2ന് രാവിലെ 9.30ന് നെടുങ്കണ്ടം ബ്ലോക്ക് പഞ്ചായത്ത് കോണ്‍ഫറന്‍സ് ഹാളില്‍ വാക്ക് ഇന്‍ ഇന്റര്‍വ്യു നടത്തുന്നു. 18 മുതല്‍ 50 വയസ് വരെ പ്രായമുള്ളവര്‍ക്ക് അപേക്ഷിക്കാം. യോഗ്യത: പത്താംക്ലാസ് പാസായിരിക്കണം. നൈറ്റ് ഡ്യൂട്ടി ചെയ്യാന്‍ സന്നദ്ധതയുള്ളവരായിരിക്കണം. നെടുങ്കണ്ടം ബ്ലോക്ക് പഞ്ചായത്ത് പരിധിയിലെ സ്ഥിരതാമസക്കാര്‍ക്കും ആശുപത്രികളില്‍ ശുചീകരണ ജോലികള്‍ ചെയ്ത് പരിചയമുള്ളവര്‍ക്കും മുന്‍ഗണന. ദിവസ വേതനം 500 രൂപ.

പട്ടികവര്‍ഗ വികസന വകുപ്പിന് കീഴില്‍ തൊടുപുഴ ഐറ്റിഡി പ്രൊജക്ട് ഓഫീസ്, കട്ടപ്പന, പൂമാല, പീരുമേട്, ഇടുക്കി എന്നീ ട്രൈബല്‍ എക്സ്റ്റന്‍ഷന്‍ ഓഫീസുകള്‍ എന്നിവിടങ്ങളില്‍ പ്രവര്‍ത്തിക്കുന്ന സഹായി കേന്ദ്രങ്ങളിലേക്ക് ഡാറ്റ എന്‍ട്രി ഓപ്പറേറ്ററുടെ വാക്ക് ഇന്‍ ഇന്റര്‍വ്യു നടത്തുന്നു. 

കുംഭമേളയില്‍ പങ്കെടുക്കാന്‍ പ്രയാഗ്രാജില്‍ ബുക്ക് ചെയ്ത ഹോട്ടല്‍ മുറി നിഷേധിച്ച സംഭവത്തില്‍ ഐ.ആര്‍.സി.ടി.സി.ക്കും ഓണ്‍ലൈന്‍ ബുക്കിംഗ് പോര്‍ട്ടലായ മേക്ക് മൈ ട്രിപ്പിനുമെതിരെ ജില്ലാ ഉപഭോക്തൃ കമ്മീഷന്റെ നടപടി. സേവനത്തില്‍  വീഴ്ച വരുത്തിയതിന് പരാതിക്കാര്‍ക്ക് 50,000 രൂപ നഷ്ടപരിഹാരവും 5,000 രൂപ കോടതി ചെലവും നല്‍കാന്‍ കമ്മീഷന്‍ ഉത്തരവിട്ടു. കൂടാതെ ഹോട്ടലില്‍ നിന്നും പരാതിക്കാരില്‍ നിന്ന് അധികമായി ഈടാക്കിയ 7,827 രൂപ തിരികെ നല്‍കാനും കോടതി വിധിച്ചു.