സംസ്ഥാന പിന്നാക്ക വിഭാഗ വികസന കോര്‍പ്പറേഷന്‍റെ സ്കോളര്‍ഷിപ്പ് വിതരണവും സംരംഭകത്വ പരിശീലനവും ഈ മാസം 30ന് രാവിലെ 10ന് പഴകുളം പാസ് ഓഡിറ്റോറിയത്തില്‍ നടക്കും. ചിറ്റയം ഗോപകുമാര്‍ എംഎല്‍എ ഉദ്ഘാടനം ചെയ്യും. പിന്നാക്കവിഭാഗ വികസന കോര്‍പ്പറേഷന്‍ ഡയറക്ടര്‍ എ.പി.ജയന്‍ അധ്യക്ഷത വഹിക്കും. പള്ളിക്കല്‍ ഗ്രാമപഞ്ചായത്ത് പ്രസിഡന്‍റ് ജി.പ്രസന്നകുമാരി, ഗ്രാമപഞ്ചായത്തംഗം എസ്.അഖില്‍, കോര്‍പ്പറേഷന്‍ അസിസ്റ്റന്‍റ് ജനറല്‍ മാനേജര്‍ ജി.സജിത്ത്, അസിസ്റ്റന്‍റ് മാനേജര്‍ ബി.സിനിമോള്‍ തുടങ്ങിയവര്‍ പങ്കെടുക്കും. 
    സംരംഭകത്വ പരിശീലനം എന്ന വിഷയത്തില്‍ തോമസ് സക്കറിയ ക്ലാസ് നയിക്കും.  

 ദേശീയപാത വികസിപ്പിക്കുന്നതിന്  ഭൂമി  ഏറ്റെടുക്കുന്നതിന്റെ  വില നിര്‍ണ്ണയത്തിന്റെ  വിശദ വിവരങ്ങള്‍ ലഭ്യമാക്കാന്‍ പി കരുണാകരന്‍ എം പി കാസര്‍കോട്  ജില്ല വികസനസമിതി യോഗത്തില്‍   ആവശ്യപ്പെട്ടു. 
    ദേശീയപാതയ്ക്ക് വേണ്ടി ഭൂമി വിട്ടുകൊടുക്കുന്നവര്‍ക്ക്  ന്യായമായ  വില കൊടുക്കണമെന്നാണ് സര്‍ക്കാര്‍ നയം.  എന്നാല്‍ ചിലയിടങ്ങളില്‍  വില നിര്‍ണ്ണയിക്കുമ്പോള്‍ വളരെ കുറവു വന്നിട്ടുണ്ടോയെന്ന്  പരിശോധിക്കണമെന്നും  ഇതു സംബന്ധിച്ച്  റിപ്പോര്‍ട്ട്  നല്‍കണമെന്നും  എം പി പറഞ്ഞു.

    ചക്കുളത്തുകാവ് പൊങ്കാല പ്രമാണിച്ച് തിരുവല്ല നഗരസഭ, നിരണം, കടപ്ര, കുറ്റൂര്‍, പെരിങ്ങര, നെടുമ്പ്രം ഗ്രാമപഞ്ചായത്തുകളിലും ഉത്സവം നടക്കുന്ന സ്ഥലങ്ങളിലും ഡിസംബര്‍ രണ്ടിന് വൈകിട്ട് അഞ്ച് മുതല്‍ മൂന്നിന് വൈകിട്ട് ആറ് വരെ മദ്യനിരോധനം ഏര്‍പ്പെടുത്തി ജില്ലാ കളക്ടര്‍ ഉത്തരവായി. ബിവറേജസ് ഔട്ട്ലെറ്റുകള്‍, ബിയര്‍ ആന്‍ഡ് വൈന്‍ പാര്‍ലറുകള്‍, കള്ളുഷാപ്പുകള്‍, ബാര്‍ ഹോട്ടലുകള്‍ എന്നിവ പ്രവര്‍ത്തിപ്പിക്കാന്‍ പാടില്ല. 
                                            (പിഎന്‍പി 3175/17)

  കുഴല്‍ കിണര്‍ നിര്‍മ്മിക്കുന്നതിന്  ബന്ധപ്പെട്ട തദ്ദേശസ്വയംഭരണ സ്ഥാപനങ്ങളുടെ  അനുമതി നിര്‍ബന്ധമാക്കാന്‍ ജില്ലാവികസനസമിതി യോഗം നിര്‍ദ്ദേശം നല്‍കി.  രാത്രി 10 മണിക്കുശേഷം  കുഴല്‍കിണര്‍ കുഴിക്കാന്‍ അനുവദിക്കരുത്. അനധികൃത കുഴല്‍കിണര്‍ നിര്‍മ്മാണം കര്‍ശനമായി  തടയാന്‍ ബന്ധപ്പെട്ട വകുപ്പുകള്‍ക്ക് യോഗം  നിര്‍ദ്ദേശം നല്‍കി.
    കളക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന യോഗത്തില്‍  ജില്ലാകളക്ടര്‍ ജീവന്‍ബാബു  കെ അധ്യക്ഷത വഹിച്ചു.  ഭൂജല അതോറിറ്റി ഫീസിബിലിറ്റി റിപ്പോര്‍ട്ടും ബന്ധപ്പെട്ട തദ്ദേശസ്വയംഭരണ സ്ഥാപനത്തിന്റെ  അനുമതിയുമുളള  കുഴല്‍കിണറുകള്‍ക്കുമാത്രമേ വൈദ്യുതി  കണക്ഷന്‍ അനുവദിക്കാവൂ.

കൊച്ചി: വാഴക്കുളം, പായിപ്ര കുടുംബാരോഗ്യകേന്ദ്രങ്ങളുടെ (Family Health Centre) ഉദ്ഘാടനം ഇന്ന് (നവംബര്‍ 26ന്) ആരോഗ്യമന്ത്രി കെ.കെ.ശൈലജ നിര്‍വഹിക്കും. സംസ്ഥാന സര്‍ക്കാര്‍ നടപ്പിലാക്കുന്ന ആര്‍ദ്രം മിഷന്റെ ഭാഗമായാണ് വാഴക്കുളം, പായിപ്ര പ്രാഥമികാരോഗ്യകേന്ദ്രങ്ങളെ കുടുംബാരോഗ്യകേന്ദ്രങ്ങളായി ഉയര്‍ത്തിയത്. വൈകീട്ട് മൂന്നിന് വാഴക്കുളത്തും നാലിന് പായിപ്രയിലുമാണ് ഉദ്ഘാടനം.

കൊച്ചി: തൃപ്പൂണിത്തുറ ഗവ ആയുര്‍വേദകോളേജ് ആശുപത്രി സ്വസ്ഥവൃത്തം വിഭാഗത്തില്‍ 12 മുതല്‍ 17 വയസ്സുവരെയുള്ള  കുട്ടികളില്‍ ഇടവിട്ട് വരുന്ന ശ്വാസം മുട്ടല്‍ (ആസ്തമ) പ്രതിരോധിക്കാനുള്ള സൗജന്യചികിത്സ ഗവേഷണാടിസ്ഥാനത്തില്‍ ലഭ്യമാണ്. ഫോണ്‍ 9061248497

കൊച്ചി: കുണ്ടന്നൂര്‍ ഓവര്‍ഹെഡ് ടാങ്കിലെ 500 എംഎം ഡെലിവെറി പൈപ്പില്‍ അറ്റകുറ്റപ്പണികള്‍ നടക്കുന്നതിനാല്‍ മരട് മുനിസിപ്പാലിറ്റിയുടെ കീഴിലുള്ള  ഡിവിഷനുകളില്‍  നവംബര്‍ 27-ന് ഭാഗികമായും 28-ന് മുഴുവനായും കുടിവെള്ള വിതരണം മുടങ്ങുമെന്ന് അസി. എക്‌സിക്യൂട്ടിവ് എഞ്ചിനീയര്‍ അറിയിച്ചു.

  കേരള ലളിതകലാ അക്കാദമിയുടെ ആഭിമുഖ്യത്തില്‍ സംസ്ഥാനത്തെ പൊതുവിദ്യാലയങ്ങളില്‍ ശില്‍പോദ്യാനം എന്ന  നൂതന പദ്ധതി നടപ്പാക്കുന്നതിന്റെ  ഉദ്ഘാടനം  നാളെ  (27) രാവിലെ  10 ന്  കയ്യൂര്‍ വൊക്കേഷണല്‍ ഹയര്‍സെക്കന്ററി സ്‌കൂളില്‍ സാംസ്‌കാരിക മന്ത്രി  എ കെ ബാലന്‍ നിര്‍വ്വഹിക്കും.     ദൃശ്യസംസ്‌കാരം വിപുലപ്പെടുത്തുന്നതിന്റെ  ഭാഗമായാണ്എല്ലാ ജില്ലകളിലും തെരഞ്ഞെടുക്കപ്പെട്ട പൊതുവിദ്യാലയങ്ങളില്‍  ഇത്തരം ശില്‍പ്പങ്ങള്‍ നിര്‍മ്മിക്കുന്നത്.