ആധുനിക ചികിത്സാരീതിയായാലും ആയുര്‍വേദ, ഹോമിയോ ചികിത്സാ രീതികളായാലും ആശുപത്രികള്‍ രോഗീ സൗഹൃദപരമായിരിക്കണമെന്ന് ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര്‍.  പട്ടം താണുപിളള സ്മാരക ഹോമിയോപ്പതി ആശുപത്രിയില്‍  സാന്ത്വന പരിചരണ വിഭാഗത്തിന്റെയും ജനനി കുടുംബ സംഗമത്തിന്റെയും ഉദ്ഘാടനം നിര്‍വഹിച്ച് സംസാരിക്കുകയായിരുന്നു മന്ത്രി.

കേരള നിയമസഭയുടെ സി.പി.എസ്.റ്റി നടത്തുന്ന സര്‍ട്ടിഫിക്കറ്റ് കോഴ്‌സ് ഇന്‍ പാര്‍ലമെന്ററി പ്രാക്ടീസ് ആന്റ് പ്രൊസീഡിയറുമായി ബന്ധപ്പെട്ട രണ്ടാം ഘട്ട സമ്പര്‍ക്ക ക്ലാസുകള്‍ ഡിസംബര്‍ ഒന്‍പത്, 10 തീയതികളില്‍ തിരുവനന്തപുരത്ത് നിയമസഭാ സമുച്ചയത്തിലും 16, 17 തീയതികളില്‍ കോഴിക്കോട് നടക്കാവ് ജി.വി.എച്ച്.എസ്.എസ് ഫോര്‍ ഗേള്‍സിലും നടത്തും.  വിശദ വിവരങ്ങള്‍ അടങ്ങിയ വിജ്ഞാപനം www.niyamasabha.org  ലഭ്യമാണ്.

പി.എന്‍.എക്‌സ്.5222/17

സംസ്ഥാന സര്‍ക്കാര്‍ സ്ഥാപനത്തില്‍ പട്ടികവര്‍ഗ വിഭാഗത്തിനായി സംവരണം ചെയ്ത സോയില്‍ സര്‍വേ ഓഫീസറുടെ താത്കാലിക ഒഴിവുണ്ട്. 2017 ജനുവരി ഒന്നിന് 41 വയസ് കവിയരുത്.  (നിയമാനുസൃത വയസിളവ് ലഭിക്കും).  39,000-83,000 രൂപയാണ് ശമ്പളം.  ബി.എസ്.സി-അഗ്രികള്‍ച്ചറല്‍/തത്തുല്യമാണ് യോഗ്യത.  സോയില്‍ സര്‍വെയില്‍ ജോലി ചെയ്ത പ്രവൃത്തി പരിചയം അഭിലഷണിയം.  

സംസ്ഥാന അര്‍ദ്ധ സര്‍ക്കാര്‍ സ്ഥാപനത്തില്‍ ഓപ്പണ്‍ വിഭാഗത്തില്‍ ഡെപ്യൂട്ടി ജനറല്‍ മാനേജര്‍ ( പി.ആന്റ് എ) സ്ഥിരം ഒഴിവുണ്ട്.  2017 ജനുവരി ഒന്നിന് 2017-ല്‍ 52 വയസ് കവിയരുത്.  (എസ്.സി/എസ്.റ്റി/ഒ.ബി.സി വിഭാഗങ്ങള്‍ക്ക് ഉയര്‍ന്ന പ്രായപരിധിയില്‍ നിയമാനുസൃത ഇളവ് ലഭിക്കും). 46,400-85,000 രൂപയാണ് ശമ്പളം. ഒരു അംഗീകൃത സ്ഥാപനത്തില്‍/സര്‍വകലാശാലയില്‍ നിന്നും പേഴ്‌സണല്‍ മാനേജ്‌മെന്റ്/ഇന്‍ഡസ്ട്രിയല്‍ റിലേഷന്‍സ് ആന്റ് ലേബര്‍ വെല്‍ഫെയറില്‍ നേടിയ പി.ജി ഡിഗ്രിയാണ് യോഗ്യത.  ലേബര്‍ലോ പ്രത്യേക വിഷയമായി എല്‍.എല്‍.ബി ഉള്ളവര്‍ക്ക് മുന്‍ഗണന.

ദുരന്തബാധിത മേഖലയ്ക്കായി പ്രത്യേക പാക്കേജ്

കാക്കനാട്: ഓഖി ചുഴലിക്കാറ്റും കടല്‍ക്ഷോഭവും ദുരിതം വിതച്ച കടലോര മേഖലയ്ക്ക് ആശ്വാസം പകരുന്ന സമഗ്ര സഹായ പാക്കേജ് തയാറാക്കി സര്‍ക്കാരിനു സമര്‍പ്പിക്കാന്‍ എസ്. ശര്‍മ്മ എംഎല്‍എയുടെയും ജില്ല കളക്ടര്‍ മുഹമ്മദ് വൈ സഫീറുള്ളയുടെയും നേതൃത്വത്തില്‍ കാക്കനാട് കളക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന സര്‍വകക്ഷിയോഗം തീരുമാനിച്ചു. ഡിസംബര്‍ 10,11 തീയതികളില്‍ ജില്ലയിലെത്തുന്ന മുഖ്യമന്ത്രിക്ക് പാക്കേജ് സമര്‍പ്പിക്കുമെന്ന് എംഎല്‍എ പറഞ്ഞു. 

കാക്കനാട്: ഓഖി ചുഴലിക്കാറ്റിനെ തുടര്‍ന്ന് കടലില്‍ അകപ്പെട്ട മത്സ്യത്തൊഴിലാളികളെയും മത്സ്യബന്ധന ബോട്ടുകളെയും കണ്ടെത്തുന്നതിനുള്ള ജോയിന്റ് ഓപ്പറേഷന്‍ സെന്ററിന്റെ ഭാഗമായുള്ള പ്രത്യേക രക്ഷാപ്രവര്‍ത്തന സംഘത്തിന് കൊച്ചി കേന്ദ്രീകരിച്ച് സംസ്ഥാനതല കണ്‍ട്രോള്‍ റൂം പ്രവര്‍ത്തനമാരംഭിച്ചു. ഹെല്‍പ്പ് ലൈന്‍ നമ്പര്‍: 7902200300, 7902200400, 0484 2423513. കണ്‍ട്രോള്‍ റൂമില്‍ നിന്ന് സംസ്ഥാനത്തിനകത്തും പുറത്തുമുള്ളവര്‍ക്ക് വിവരങ്ങള്‍ അറിയാം.

കാക്കനാട്: തോപ്പുംപടി ഹാര്‍ബറില്‍ രണ്ടു ബോട്ടുകള്‍ തിരിച്ചെത്തിയതായി ദുരന്ത നിവാരണ അതോറിറ്റി അറിയിച്ചു. 23 പേരാണ് ഇതിലുണ്ടായിരുന്നത്. ഇവര്‍ക്ക് പരിക്കുകളൊന്നുമുണ്ടായിരുന്നില്ല. സാധാരണ മത്സ്യബന്ധനത്തിനു ശേഷം മടങ്ങുന്ന രീതിയിലാണ് ഇവര്‍ മടങ്ങി വന്നതെന്ന് തൊഴിലാളികള്‍ പറഞ്ഞു. തമിഴ്‌നാട് സ്വദേശികളാണ് സംഘത്തിലുള്ളത്. 

    ശബരിമല തീര്‍ഥാടനം  പ്രമാണിച്ച് ഇന്ന് (7ന്) രാത്രി തുറന്നു പ്രവര്‍ത്തിക്കുന്ന മെഡിക്കല്‍ സ്റ്റോറുകള്‍:    പ്രശാന്ത് മെഡിക്കല്‍സ് പത്തനംതിട്ട, സെന്‍റ് ജോര്‍ജ് മെഡിക്കല്‍സ് കോഴഞ്ചേരി, നിരവില്‍ മെഡിക്കല്‍സ് കോന്നി, മാവേലി മെഡിക്കല്‍ സ്റ്റോര്‍, റവന്യു ടവര്‍ അടൂര്‍, ഉദയ മെഡിക്കല്‍സ് പന്തളം, കെ.റ്റി.ജോര്‍ജ് ആന്‍ഡ് സണ്‍സ് തിരുവല്ല, മാത  മെഡിക്കല്‍സ് ഇട്ടിയപ്പാറ റാന്നി. സഫ്ന മെഡിക്കല്‍സ് റാന്നി പെരിനാട്.                     (44/17)

    വിദ്യാര്‍ഥികളില്‍ പരീക്ഷാ പേടി മാറ്റുന്നതിനും പഠന നിലവാരം ഉയര്‍ത്തുന്നതിനും സഹായിക്കുന്ന കൗണ്‍സിലിംഗും മോട്ടിവേഷന്‍ ക്ലാസുകളും നല്‍കുന്നതിനായി ജില്ലാ പഞ്ചായത് ആവിഷ്കരിച്ചിട്ടുള്ള സാന്ത്വനം പദ്ധതി സ്കൂളുകളില്‍ നടപ്പാക്കുന്നതിന് സ്ഥാപനങ്ങളില്‍ നിന്നും വ്യക്തികളില്‍ നിന്നും അപേക്ഷ ക്ഷണിച്ചു. 45 സ്കൂളുകളിലാണ് പദ്ധതി നടപ്പാക്കുന്നത്. കൗണ്‍സിലിംഗും മോട്ടിവേഷന്‍ ക്ലാസുകളും നടത്താന്‍ താത്പര്യമുള്ള     വ്യക്തികളും സംഘടനകളും ഈ മാസം 18നകം വിദ്യാഭ്യാസ ഉപഡയറക്ടറുടെ കാര്യാലയം, തിരുവല്ല, പത്തനംതിട്ട 689101 എന്ന വിലാസത്തില്‍ അപേക്ഷിക്കണം. 

    സ്വാമി വിവേകാനന്ദന്‍റെ കേരളസന്ദര്‍ശനത്തിന്‍റെ 125-ാം വാര്‍ഷികാഘോഷങ്ങളുടെ ഭാഗമായി സാംസ്കാരിക വകുപ്പ് വിദ്യാര്‍ഥികള്‍ക്കായി ക്വിസ് മത്സരവും വിവേകാനന്ദ ദര്‍ശനവും കാലിക ഭാരതവും എന്ന വിഷയത്തില്‍ ഉപന്യാസ മത്സരവും നടത്തുന്നു. ഹൈസ്കൂള്‍, ഹയര്‍ സെക്കന്‍ഡറി, കോളേജ് തലത്തിലെ മത്സരവിജയികള്‍ക്കായി ഈ മാസം 16ന് രാവിലെ 10ന് പത്തനംതിട്ട കോ-ഓപ്പറേറ്റീവ് കോളേജിലാണ് മത്സരം നടക്കുക. വിജയികള്‍ക്ക് ഈ മാസം 20ന് നടക്കുന്ന പൊതുസമ്മേളനത്തില്‍ സമ്മാനം നല്‍കും.
                 (പിഎന്‍പി 3280/17)